面試後,大家分享下啦!

chingko

hi!

尋日已去田家炳交留位費,因為聖心太多人考,唔知自己小朋友機會大唔大,面試都要分幾日,很定好多人爭,可能我自己o係聖心畢業,自然對呢間家校有信心,雖然我冇讀聖心小學,但我都派左去沙田官小.

所以聖心都係首選.  

ccdccl

chingbobo

其實你所講的全都是我心底話, 我今日in完聖心, 都係唔知佢有咩好, 可能真係羊群心理掛, 學校其實給予我地的新生家長一個簡介會或小冊子, 介紹學校的教學方法, 另外學校好似冇冷氣, 老師好似好多野都唔知, 問佢今年雜費大約幾多倒又話唔知, 校車幾錢又話要問校車部, 完來k1係冇phonics學架, 佢話咁細個係唔會明, 所以唔教, 問佢幾時有結果, 又話未定, 叫我預2-3星期, 我in左3間都有確實日期話比我知架, 可能佢太多人報掛, 其實你地知唔知今日係咪最後一日面試呢
chingbobo你係咪住係馬鞍山?我今日去左崇真會美善聽簡介會, 我覺得唔錯, 你有冇聽過呢間幼稚園?

tiffany_wong23

我同你一樣都係知註冊費規定550, 咁係咪有問題呀
你知唔知聖心課室係咪冇冷氣?如果收左我, 我又放棄左, 第二年報返係咪唔得?

蔚晴

你有冇收到馬鞍山靈糧的信呀?

tiffany_wong23

ccdccl ：

聖心幼稚園係有冷氣架！
聖心小學就冇冷氣！
半年雜費大約記得好似千五左右！
(連書薄、茶點、生日會、冷氣等)

我住瀝源校車好似$270！
我有朋友住愉翠苑附近校車$380！
k1係冇phonics學其實唔出奇，
因為26個字母都未完全認識晒！

好似星期日都仲有人面試！

ccdccl

tiffany_wong23

多謝你的資料, 咁校車去馬鞍山係咪要約500
因為我今日面試, 見到天花板開左的吊扇, 又好熱, 所以我以為佢冇冷氣, 老師話每月學費1400, 又係咪呢?

tiffany_wong23

ccdccl ：

如果收左你，你又放棄左，第二年再報返！
我估佢多數唔會收你！
因為聖心好串架！(唔憂冇人讀)
好似k3時報小學甘，
如果你在第一輪自己報學校時唔係報聖心的話，
佢會在統一派位時睇返你是否之前都係報聖心先會收你！
因為我朋友話老師甘講！
上年聖心在第一輪收90個學生！
今年我唔知道在第一輪收幾多個學生！

tiffany_wong23

ccdccl ：

$1480 X 10個月！

CathyDannyBB

ccdccl
我今日都去聖心in,真係唔知佢有咩好,d miss 好 young,好似剛出呢教書,一d學校資料都唔講,又唔問我有 mug問,佢收我都未必讀  

ccdccl

CathyDannyBB

我都有同感呀, 佢地唔係太識講野咁, 咁點教書同點衡量收邊的小朋友, 唔通又係大抽奬?會唔會太多人面試, 佢唔夠人, 所以搵的新人來in呀, 可能佢真係唔憂冇人讀掛

蔚晴

我今日去聖心in左都幾好笑,一開始個老師就問我有咩想問,其實我都唔知要問咩?可能我無知啦!如果聽你地咁講,好彩我冇問,因為可能問左等於冇問. 個老師問我會讀上午or下午,我答只會讀上午,如下午就唔考慮,其實都打定輸數,我地唔係教徒又冇屋企人o係聖心畢業,而且仲咁多人爭喎!

chingbobo,
我收到靈糧堂的信不過我唔會去,因為都係下午班.

ccdccl

蔚晴

咁你會讀邊間呀!
我同你一樣都唔係教徒又冇屋企人o係聖心畢業
靈糧收左我個女讀上午班, 但我都未必報讀

tiffany_wong23

ccdccl、蔚晴：

其實唔駛甘灰喎？
我幾個朋友佢地全部都唔係教徒又冇屋企人在聖心畢業都入到啦！
雖然我老公讀過，但都唔係一定入硬！
因為都唔收我姑拉個仔啦！

ccdccl

eemother

我面試當日我都有問佢有冇普通話教, 佢話k1會教普通話, 唱普通話歌, 但你問果個老師就話冇, 咁即係每個老師答的都唔同啦, 所以我覺得好多老師好新, 連學校的課程係點都唔係好清楚

堯堯豬媽

點解佢地要成日請過的老師呢?

小寶媽

我最後都係去左田家炳註冊(下午班),
而11/11吳多泰打過電話問我點解無去註冊....我話好似太遠啦..佢話唔怕校車係自己學校的,加上教職員照顧無問題...又問我報左哪間.....到時想讀有問題可以再聯終返佢地!
那位應該係主任,態度非常友善.
這個電話後我真的完全覺得這間學校的先生好nice
(有些後悔無去吳多泰註冊添)

另外奶奶話如果14/11田家炳通知無位轉上午班就報定埋樓下東華三院馬陳景霞上午班先...
但我想想下那不如去吳多泰啦!
所以想問下去左吳多泰註冊的媽咪,有無住係大圍架?
知唔知大圍返學校車要幾錢?同埋車程幾耐?

ccdccl

小寶媽

聽你咁講, 我都覺得吳多泰幾好, 除時都歡迎你返去, 你知唔知tiffany_wong話, 聖心如果收左你唔去, 第時再去都唔會收返, 我都有唸過吳多泰, 我住馬鞍山的, 冇車直到, 我媽話如果小朋友有病去接佢都好遠, 如果近的我一定揀吳多泰

蔚晴

ccdccl,
我首選聖心第二吳多泰,對我黎講邊間都要搭校車,無所謂啦!其實就算聖心都冇車到喎!聖心收左你地都要搭校車啦,若果你地覺得吳多泰比較好,點解唔考慮呀!講真如果小朋友有病俾我飛的都要啦!

PIGPIGMA

小寶媽

hi 我之前問過先生 吳多泰有4條路線 如果博康到學校車費係

hk$400 至於大圍我肯定有車經, 因為佢地連由塘都有1條區外線  

CathyDannyBB

我都係  

堯堯豬媽
點解年年都請過,咁D小朋友未唔適應  

堯堯豬媽 寫道:
小寶媽,
我都揀左吳多泰

chingbobo

ccdccl
我唔係住MAN ON SHAN, 我住愉翠苑!我星期六去左吳多泰交留位費, 個主任好好人, 佢同我講解左佢學校教學方法, 好有善! 佢話佢地教學主要係令小朋友開心學習, 唔想佢地咁細個讀書就有壓力, 佢地冇默書, 冇測驗考試,佢話每2星期話有份報告比家長知仔女學習情況, 有外籍老師但唔係主要教學, 係主要同小朋友玩唱歌講故事從而令小朋友接觸到其他語言!
吳多泰12月會邀請留左位D家長去參加佢地聖誕聯觀會到時可以再參觀, 佢話第2輪註冊係出年4-5月喎!
有冇人知聖心又係點O既呢?我覺吳多泰老師真係好好,但有小小擔心小朋友開開心心渡過幼稚園而到小一時會好難適應!