初中生媽媽聊天室~分享會

fatbabymother

個女依家先中一,呢個月12歲啦,其實佢以前三.四年級時好殘呀,成日默書不合格,我都被佢激死,考試都係70,80分,到五年級時佢先開始努力讀書,五,六年級時成績就保持全級12名之內(都唔係好好),畢業考中,英全班頭３名,可惜派位派得唔好,只好在中中讀,依家佢都係成日要求自己要努力.
係la,你個女唔係香港讀咁係邊度讀?

你女女五,六年級時成績就保持全級12名之內，應該是band1生，為甚麽派位派得唔好,只好在中中讀??

天倫之樂

fatbabymother 寫道:
你女女五,六年級時成績就保持全級12名之內，應該是band1生，為甚麽派位派得唔好,只好在中中讀??

佢係bang1生架,運氣唔好入唔到第一志愿英華女校,派到第五志愿中中,７月份都周圍扑校,每間英中都幾百人爭個幾個位,好難,搞得精疲力盡.依家唯有讀住先,等出年睇看下成績點再講.

Yokongi

天倫之樂,

我個女又係10月份生日呀，她過幾日就13歲，她在英國讀書的，我個女又係唔好彩派到間唔係幾好的學校，因我住這區沒有好學校，遠些的好學校就算考試成績好又要計埋區域喎，總之和香港派位差唔多啦，現在唯有叫她自已努力些讀書啦，因到考GCSE時如果成績好就可以轉間學的學校.

Yokongi

mable1124,

其實自從電腦的出現都唔知是好是壞了，有時真的要迎合自已的仔女，好似她喜歡上網，我又要學識上網，等我們有多些話題喎，搞到我現在都沉迷上網啦！每日我車完個女返學就會在家裡上網的，很多時都唔願出街的，到個女放學時，我接完她又返家裡再上網，我是大人有時都唔能夠控制到自已上網啦，更何況是細路仔呢

fatbabymother

佢係bang1生架,運氣唔好入唔到第一志愿英華女校,派到第五志愿中中,７月份都周圍扑校,每間英中都幾百人爭個幾個位,好難,搞得精疲力盡.依家唯有讀住先,等出年睇看下成績點再講.

你女女是中西區，有三間出名英中女校:英華女校、St.Clare's 、St.Stephen's，不過競爭很大，入唔到第一志愿，其他放第二第三志愿都機会很微，唯有試下F.2插班。

uncleedward

Dear 天倫之樂

I am just curious. Since there are more EMI places in your school net than the number of band 1 girls, I think you must have made some mistakes in your selection. I wonder if you can tell me what your second, third and fourth choices were. Maybe I can explain why your girl is so unlucky. This may benefit other parents in central and western district as well.

天倫之樂

hi, uncleedward & fatbabymother

唉,我就好后悔當初聽信佢老師的話,佢老師講你哋band 1生今年頭五志愿要填晒band 1的學校 ,我就頭三個填band 1,第四開始填band 2,都係諗住會有的地區優勢,點知入到第五     
不過,件事過左去了,依家后悔都無謂了,只係希望個女keep住成績,自覺,就冇行差踏錯,我就放心la

mccmom

天倫之樂,

<我個女小學係返上午校架,每朝6:15分起床,佢都好習慣,唔慣的係學校訂的飯實在好難吃,下個月可能會自己帶便當.>

我個女都話學校訂的飯好難吃,不過佢地學校無規定F.1留校食LUNCH,所以今個月比佢同d同學試吓出街食!

你個女全級考12派第五志願,其實可能除左個隨機編號後之外,電腦亦有機會出錯,我女有個男同學全級考十幾竟然派左去十幾志願,反而考五十幾嘅另一個男同學派到第一志願嘅聯繫中學,我女考43/148都係派第二志願(三個都係第一志願填自己間聯繫中學),放榜當日校長同班主任都話考十幾同考五十幾果兩個男同學係電腦出錯,重即時同教統局反映tim!都係無結果架,依家個男同學和我個女一齊叩門入讀呢間中中囉!so far都讀得好開心,下學期大部分科目轉英文,如果讀得好我都會同個女商量吓試吓F.2考其中英中(不過會同佢分析左利弊,又驚佢唔想再適應新環境).

唔使咁擔心,你個女可以由3,4年級成績唔係咁好而到小六考12真係好出色,亦證明佢自己都識諗(我個女3年級亦考150/171架,重repeat左一年tim!),雖然派位唔係咁好彩,但校風都好重要,只要唔學懷就大把機會
mccmom

mccmom

m9394pp 寫道:
mccmom,

你又係在職mama, 我呢胎第三個喇, ,預產期係16/10,
原本想追個仔, 點知呢個又係女, 無辦法la, 最緊要bb
健康及好似兩個家姐咁乖, 細女都讀緊小六, 又要揀中
學喇, 但細女可能唔揀大女o個間, 因為佢唔鍾意女校,
依家都未決定, 遲d又要煩; 我大女d中文都係差d, 佢
睇書多數都係睇英文故事or漫畫, 中文都有不過少d。
你要返工咁邊個幫你湊女呀?

Dear m9394pp

嘩16/10,隨時生得喇
係呀,我係在職mama尼架,有時老闆開會咪上嚟bk囉,喺屋企就等個女做功課先上得,費事佢又話要上,你知啦,依家d細路有樣學樣,又講公平,要以身作則先得架.
其實我揀學校時都同個女一齊揀,睇佢自己嘅意願,再話佢知邊d可以揀,男女校或女校都無所謂,最緊要佢肯讀;我其實都揀錯左,第二志願揀左間F.4,F.5都全用中文嘅,我都撲足成個星期,考左幾間中學,好彩依家呢間收左我女,佢哂當堂開心哂,希望佢可以keep住努力啦!
我女都係鍾意睇英文故事or漫畫,所以英文好過中文!依家因為入左精英班,中文科老師要求80分合格,否則即日留堂補測或補默,我女好緊張呀,上星期三小測四字成語,全班45人就有30人留堂,我女緊緊80分好險呀!!不過佢好enjoy中學生活

我好佩服你,兩個女開始大又再生第三個,係咪請工人湊呀?你都有出去做嘢架?生完重做唔做?我得一個咋,小二前由公公或婆婆輪流到我家幫手睇住,之後前後請過三菲傭,不過同個女唔夾,到小五下學期就搵個家務助理每日嚟兩個鍾,煮lunch比我女食(我女讀下午校),依家讀中學就連呢d都慳返!
得閒上嚟傾計喎 :
mccmom

m9394pp

你地講開派位, 我個女全級考第9, 都係派第3志願咋,
有個全級第六十幾, 唔知點解佢派第1志願, 仲要係
band 1英中, 我個女真係無呢d運, 小一時又係派
第3志願

mccmom,

我都係在職mama, 兩個女俾工人湊, 生完會返工,
其實我想做全職mama, 如果我唔返工就要慳d先得,
所以睇錢份上都係要做

天倫之樂

mccmom 寫道:
天倫之樂,
唔使咁擔心,你個女可以由3,4年級成績唔係咁好而到小六考12真係好出色,亦證明佢自己都識諗(我個女3年級亦考150/171架,重repeat左一年tim!),雖然派位唔係咁好彩,但校風都好重要,只要唔學懷就大把機會
mccmom

個女學校F1,F2無得出街食lunch,如果的飯難吃,只好自己準備便當.
你講得啱,只要佢唔學壞,已經是定下心了,我都係希望個女開心快樂渡過佢的中學時期
  

天倫之樂

[quote]
m9394pp 寫道:
你地講開派位, 我個女全級考第9, 都係派第3志願咋,
有個全級第六十幾, 唔知點解佢派第1志願, 仲要係
band 1英中, 我個女真係無呢d運, 小一時又係派
第3志願




我兩個女派位都係唔够運,大女就派第五志愿中中,細女前二年小一派位派到十一志愿,后尾自己搵私校讀,依家小二了.

常開心

fatbabymother
佢d習慣好好,請問咩中學呀?

fatbabymother 寫道:
以前小五和小六晚晚要跟她的功課，好多時攪到十二点(因為她是讀下午班)，週末又做補充練習，一星期七日沒有一日得閒。  現在升上英中一，反而空閒很多，一來功課少咗，二來午飯規定在校內吃飯盒，之後有空餘時間，她便和同學一起做功課，學校的勤學風氣幾好，有時在學校已经做完，不用我煩，現在她十時便睡覺。

Fan1

Hello Universe_star,

I want to know your son's school name. Can you tell me ? Thanks!!

fatbabymother

[quote]
常開心 寫道:
fatbabymother
佢d習慣好好,請問咩中學呀?[quote]

银禧中學。

universe_star

Hi Fan1,

My son is studying in Pui Kiu College.

Fan1 寫道:
Hello Universe_star,

I want to know your son's school name. Can you tell me ? Thanks!!

rclamlam

fatbabymother,
咁銀禧中學係英中定中中?
想問另一樣, 係咪宜家好既中學, 中一至中三都唔可以出街食飯, 要係學校係架? 如果間學校可以比佢地出街食飯, 係咪間學校就唔好架?

rclamlam

m9394pp 寫道:
你地講開派位, 我個女全級考第9, 都係派第3志願咋,
有個全級第六十幾, 唔知點解佢派第1志願, 仲要係
band 1英中, 我個女真係無呢d運, 小一時又係派
第3志願

mccmom,

我都係在職mama, 兩個女俾工人湊, 生完會返工,
其實我想做全職mama, 如果我唔返工就要慳d先得,
所以睇錢份上都係要做

m9394pp,
咁你個女只係隨機編號比考60名既無咁好, 所以個位同學可以考到Band 1, 但係相反, 呢位同學如隨機編號唔好, 佢就會好危險, 分分鐘派去十幾志願既學校, 到時就慘囉.

rclamlam

m9394pp.

原來你預產期16/10, 唔知你今日生左未呢, 如果生左既, 番到屋企就上來講我地知啦, 預祝你生個肥肥白白既B女, 快高長大, 聽聽話話, 聰明伶俐.

你以前係點樣同阿女溫功課呀? 我真係唔識點對住佢? 有咩方法請指教.

rclamlam

慘啦, 你地講到o的小朋友考第3, 第5, 第9, 12既都考唔到頭3志願, 我阿女上年考試全級約200人, 考八十幾, 咪即係唔駛預可以考Band 1英中?