直資Offers選擇建議 - SPCS vs HKUGAC

iris898989

我都分享少少.

阿囡今年在SPCS讀緊S3, 學校剛出通告問學生選學制意向(會否選DSE), 阿囡原先一心一意選IAL, 但她S5的師姐分享, 如果選IAL, S4會忙應付IGCSE, 但如果選DSE, S4相對輕鬆好多, 至於S5 & S6就大家都忙啦.

至於壓力問題, 我倒覺得不是來自學校, 而是來自學生自己(或者父母), 如果小朋友選SPCC/DGS, 而佢覺得考到中遊已收貨(或者父母收貨), 咁可能唔會好大壓力, 但如果小朋友要KEEP住做前列生, 咁就算讀SPCS也可能會好大壓力. 阿囡有些同學當年都是1月份優先取錄, 但經歷S1, S2考試, 發現成績只是中遊, 都覺得不是味兒,因為小學時是名列前茅

princesscupcake

EK-PaPa 發表於 26-3-11 08:38
很難斷定入那一間困難，不過小女每次面試完都會同我哋傾吓感受，所以我可以分享一下呢兩三個月嘅申請體驗 ...

Co-ed 唔會辛苦過 SPCS，除非你要繼續考到級頭。

邀請你哋去面試，梗係去啦，全港最優秀嘅男女校，讓你囡試吓機會難得啊。

bettyay

princesscupcake 發表於 26-3-11 11:11
Co-ed 唔會辛苦過 SPCS，除非你要繼續考到級頭。

邀請你哋去面試，梗係去啦，全港最優秀嘅男女校，讓你囡 ...

同意！應該見埋再決定
不過據知SPCC都有拖友啊！要知SPCS 同樣有人拍拖的，所以最後都係要自己家庭再好好商量最終去看！我見係家長似乎想SPCS ，阿女則1516

B.B.BaBa

princesscupcake 發表於 26-3-11 11:11
Co-ed 唔會辛苦過 SPCS，除非你要繼續考到級頭。

邀請你哋去面試，梗係去啦，全港最優秀嘅男女校，讓你囡 ...

級頭的都唔辛苦，根本就係天才級

tpmon

EK-PaPa 發表於 26-3-11 08:38
很難斷定入那一間困難，不過小女每次面試完都會同我哋傾吓感受，所以我可以分享一下呢兩三個月嘅申請體驗 ...

SPCC  的面試應該要去。獲得SPCC offer，9x%人都會要。

princesscupcake

傳統學校相對嚴肅啲規限多啲，校規都一定緊過新派學校，港同比老師及學生自由度應該會大啲，各有家長支持。

你囡咁叻，讓佢自己感受最良好嗰間就讀嗰間啦，相信去邊一間都會讀得好成功，如之後發覺唔適合都可以轉，又唔係話一定要鎖實6年嘅。

我都有一個疑問，好多成績好好嘅名校生都要出去外補，係咪出邊補習社啲老師後生啲教嘅方式令學生易理解啲呢？

kirstyau

EK-PaPa 發表於 26-3-11 09:10
kirstyau，很多謝你的回覆，你的資料和意見是我們這刻最需要的。
想請教你一點問題，我知道中三要讀IGCSE ...

正如前面師姐家長講，近年取消埋中一中二第一次考試，當年阿妹係有，功課學業已經唔係我介入嘅層面，咩都係佢哋自己內聯網先知，佢唔講唔會知，女算係deadline Fighter所以可以好閒又可以好忙，眼見好多project同presentation做

cxyu841216

EK-PaPa 發表於 26-3-11 08:38
很難斷定入那一間困難，不過小女每次面試完都會同我哋傾吓感受，所以我可以分享一下呢兩三個月嘅申請體驗 ...

請問你們點該唔考慮去協恩？

EK-PaPa

fion_fan119 發表於 26-3-11 09:53
回覆 EK-PaPa 的帖子

已pm你

Thanks!

EK-PaPa

B.B.BaBa 發表於 26-3-11 10:41
提提你及你女兒，副校在 INTERVIEW 之後，已經唔會記得你女兒係邊個，亦唔記得自己曾經講過什麼。
...

Thx! 完全明白，我們就是見到女兒3rd in完之後，有點太過心花怒放，才擔心她會在一時衝動之下做決定。

EK-PaPa

iris898989 發表於 26-3-11 10:44
我都分享少少. 阿囡今年在SPCS讀緊S3, 學校剛出通告問學生選學制意向(會否選DSE), 阿囡原先一心一意選IAL,  ...

Thx!

謝謝你的分享。完全同意壓力是來自對學習的要求，我們留意到女兒因為做慣咗級頭幾位，對自己有一定要求，所以才擔心她在中學會對自己要求太大，令她有太多壓力。

EK-PaPa

bettyay 發表於 26-3-11 11:13
同意！應該見埋再決定
不過據知SPCC都有拖友啊！要知SPCS 同樣有人拍拖的，所以最後都係要自己家庭再好好 ...

我們現時的矛盾是：

讀DSE的話，兩間都好，會讓她選擇一間自己覺得會讀得最開心的學校。

但女兒又真是對IAL好有興趣，所以選擇SPCS似乎會穩陣啲，合理啲。

EK-PaPa

princesscupcake 發表於 26-3-11 12:17
傳統學校相對嚴肅啲規限多啲，校規都一定緊過新派學校，港同比老師及學生自由度應該會大啲，各有家長支持。 ...

Thx!

我們也和女兒解釋如果自己肯努力，那一間學校都可以讀得成功，而未來轉校也是一個option。

至於補習老師，不知道其他孩子如何，但阿女就真的是較為喜歡後生一點的老師。

EK-PaPa

kirstyau 發表於 26-3-11 14:40
本帖最後由 kirstyau 於 26-3-11 14:40 編輯

正如前面師姐家長講，近年取消埋中一中二第一次考試，當年 ...

再一次謝謝你的分享！原來近年已取消了部份初中考試，阿女聽到一定覺得吸引。

EK-PaPa

cxyu841216 發表於 26-3-11 15:19
請問你們點該唔考慮去協恩？

HY是一間好學校，只不過對我哋嚟講，入到其中一間四大女直或其他一線直資就已經覺得很好了，所以就揀咗最近嗰間，而且SPCS嘅IAL課程和成績都做得很好。

EK-PaPa

回覆 EK-PaPa 的帖子

多謝各位的寶貴分享！

請問有HKUGAC的家長可以分享一下體驗和心得嗎？

猴子爸

EK-PaPa 發表於 26-3-11 15:36
我們現時的矛盾是：

讀DSE的話，兩間都好，會讓她選擇一間自己覺得會讀得最開心的學校。

"讀DSE的話，兩間都好"

这个嘛。。。


我以为你是一心读iAL？

bettyay

EK-PaPa 發表於 26-3-11 15:36
我們現時的矛盾是：

讀DSE的話，兩間都好，會讓她選擇一間自己覺得會讀得最開心的學校。

「最開心」係一個抽象字眼，因為要同一個人去過2間中學入讀，才可能比較到何謂最，否則永遠唔會知邊一個選擇是最啱，事實也冇最啱的。要知旁人如何分享都係他人感受，她的感受不等於你亦一樣。
用家只能分享佢哋入讀後認識到新朋友，適應冇問題，活動多姿多彩！通常都係開開心心的，所以邊間都一樣！

2校文化！教育理念其實頗不同，可以考慮下希望女兒成為哪模樣的年輕人，或是方向之一


PS 有關老師年齡問題，SPCS近年都多年青老師，如果成班同學老師都便服，有可能係分唔到邊個係先係老師！大家都想老師年輕有活力，但又想佢哋資深教得好

adriantai

B.B.BaBa 發表於 26-3-11 10:41
提提你及你女兒，副校在 INTERVIEW 之後，已經唔會記得你女兒係邊個，亦唔記得自己曾經講過什麼。
...

點會唔記得台詞㗎

princesscupcake

adriantai 發表於 26-3-11 17:26
點會唔記得台詞㗎

唔係對所有考生都咁講

樓主囡囡一定係好優秀，所以有咁好成績。

老師一句鼓勵說話，影響力大過家長。