有過來人可給我一些意見嗎？

clkam

aidan08 發表於 25-4-1 23:56
同意。其實我都贊成樓主轉校，唔係因為覺得英基唔好，而係樓主本身理念同英基好唔同，無謂一路讀一路不滿 ...

對你說法我非常有同感，雖然不是同你同一間ESF學校，但小朋友來到高小已感受到你所說的ESF培養小朋友做法，低小著重是非學術方面的，去到高小，會見到明顯轉變，無論課程教學上內容，對小朋友要求等都有所改變，我相信高小是一個階段等佢哋由低小開心舒適漸進到過渡到去初中。

小學一直都沒鼓勵競爭，高小開始的活動比賽只要小孩有心參加也不難入選，至放SEN小孩的學習需要，我相信學校有配套但不會影響班中的小朋友的學習，高小我眼見大班學習程度不會因SEN而教慢教淺，反而程度好的少數，老師也會另開小組或小班去配合，令他們有新挑戰。

我覺得IBPYP都真係考驗家長耐性，給小朋友時間同空間，如入小已有很大學術期望其實可諗返當初選IB的原因，再平衡想要的是什麼。可能是當初不了解已選了IB。

「路路」

sabsab122 發表於 25-4-3 07:47
謝謝分享。請問什麼是IA, EE?
請問IB 鬥財力的意思，是鬥補習嗎？

IA: internal assessment 一般佔科目評分20%。EE:Extended essay 同TOK theory of knowledge present 加埋就係最後3分，6科7 加呢3分就係IB狀元45分

又唔可以咁講，補習只係其中之一，當你小朋友慢慢讀上去就會越有體會，可能十年後你再睇返就會明我講咩，越到後面會越明顯，家庭背景優越嘅，小朋友接觸世界嘅機會同眼界都已經好大差距，諗嘢同思維超前同齡好多

poonseelai

「路路」 發表於 25-4-3 10:52
IA: internal assessment 一般佔科目評分20%。EE:Extended essay 同TOK theory of knowledge present 加埋 ...

我孩子ibdp畢業已幾年, 當時知道低年級已開始有補習風氣, 是否要補習真係睇父母如何睇教育和孩子目標, 又唔係個個要45分或者入醫

我唔知你講視野指那方面, ib 目標係孩子做world citizen, 如果父母自孩子少時候一起多留意身邊, 香港和世界新聞, 所需資源又唔係好多。當然, 有資源有機會去世界各地親身體驗, 得着也唔同, 無, 亦不是end of the world

「路路」

poonseelai 發表於 25-4-3 12:33
本帖最後由 poonseelai 於 25-4-3 12:36 編輯

我孩子ibdp畢業已幾年, 當時知道低年級已開始有補習風氣, ...

係丫，因為IB真係由小讀上去範圍係好空泛，亦都可以話無範圍，你問小朋友學咗啲咩？佢腦入面可以係吸收左好多野，但點展示比家長？呢樣係普遍接受傳統教育制度遺留下來嘅不安，於是父母們就圍爐：死啦，我個仔/女好似咩都唔識咁嘅。結果大家覺得唔好執輸，你補我又補，由細補到大，我好記得最開初嘅學生都係Y11/12，之後先補埋IGCSE，然之後而家Y1家長收咗offer之後已經問定想幫仔女補定習，我直情同佢哋講，真係唔需要補，亦都無嘢好補，比小朋友玩下、享受下童年，真係好擔心咪打好英文基礎已經好夠，其他係呢個時段補都係多餘但聽完一樣繼續問有咩時間得⋯
就係世界公民呢個視野，佢哋CAS會同我分享去咗非洲幫落後地方嘅人一齊起屋，去咗唔記得邊度整咗個水井，有啲就去跨國企業入面做義工，搞環保活動，我唔係IB出身都覺得好有意義同埋呢啲經歷，一般人都想像唔到，LS仲背緊公式準備考試，IS已經擁抱緊世界觀，唔係話無家境、無背景就唔適合讀IB，只係純粹分享個人感受而已

aidan08

「路路」 發表於 25-4-2 20:02
點解我會話DSE狀元>IB狀元，因為我好了解IB玩法，IB學生只要財力雄厚已經佔咗上風，大把IA、EE可以搵我哋呢

呢個討論其實幾有趣，可以睇到一件事的觀點與角度嘅唔同，就有唔同的取向。

關於財力遊戲，我都認同IB係某程度上鬥資源。但係，喺香港，其實考得IB嘅都九成九係有能力提供足夠資源的家庭。咁嘅情況下，其實就無咗鬥資源的情況。學生仍然係需要好多種其他的能力，否則富豪子女就個個做狀元，亦唔會走去外國考其他試啦。好多人一直讀開IB學校，反而係因為無信心應付IB的課業而選擇其他考試入大學。至於你話，如果考IB滿分的人去考DSE 一定唔會咁好成績。其實呢個真係十分假設性的問題，我諗你應該唔會搵到一個兩種考試都試過的人。而IB狀元唔會應付到DSE，相信主要係中文。因為考IB的大多數係IS學生，而如果IB無咁繁重的其他方面如論文、報告等的應試要求，IB 狀元純靠讀書，因應DSE的課程要求去讀，其實又點會知道佢哋唔能夠攞高分？同樣地，又有誰知道如果DSE狀元要面對IB繁重的筆試外的其他考試配置，是否也能取得高分呢？


IB的難度在於全方位能力要求。IB要求學生同時應對六大學科組別+TOK+CAS+EE，而DSE可集中於4-5科。以港大醫科為例，IB生需兼顧生物HL、化學HL的實驗報告與數學AA HL的證明題，同時完成4000字EE，這種多線程壓力是DSE單一考試制度無法比擬的。你舉例的「45分轉系生」恰反映IB高分不等如專業適配性，與制度難度無關。如果你要搵經DSE入醫科而最後轉科的人，一定更多，唔係因為DSE考生能力不足，而係基數大。醫科讀唔上而要轉科的情況，其實都幾常見。

我認識一個在頂尖local 名校生，佢間學校就有IB同DSE揀，佢成績可以讀IB, 但佢就係因為唔想處理IB會計分的大量課外配置，認為讀書係佢強項而想揀DSE。所以，即使高材生，都未必覺得IB係容易應付。

你講到DSE的「不合理難」，在我看來，其實係評分設計缺陷。DSE 5**的稀缺性源於curve-fitting，刻意壓低高分比例；而IB的7分是標準參照（達到分數即給分）。若比較知識深度，IB數學AA HL的微積分要求已等同大學一年級，DSE M2仍停留在AP程度。所謂「DSE更難」只是分數通脹下的錯覺。

你假設「英文好=IB成功」，但IB的語言A文學要求分析《奧德賽》或魯迅小說，遠超DSE英文卷的文化回應題。許多本地IB生為應付Bilingual Diploma，需同時用中英雙語完成哲學EE和歷史IA，這種語言切換能力DSE從未要求。

IB滿分率在香港係高於其他地區好多，但若全球計，其實只有0.3%，遠高於DSE的1.5%。相信係因為香港唔少學校只派出精英去考IB有關。


其實兩種制度考驗不同維度的能力——DSE強調應試精準度，IB側重學術耐力與跨學科整合。

「路路」

aidan08 發表於 25-4-3 13:56
呢個討論其實幾有趣，可以睇到一件事的觀點與角度嘅唔同，就有唔同的取向。

關於財力遊戲，我都認同IB係 ...

財力雄厚想表達嘅意思係佔有優勢，唔係話你有錢就做到狀元，係你有錢你可以搵外援幫手，IB有course work 想fail都唔容易，然後Paper方面，點解會有人話補習有用？因為我哋熟悉晒重點，會考咩、點攞分，學生係用錢黎buy time；IB最後呢2年，時間表可以話係充實地忙，學生們有時間自己sort out 就梗係唔需要補習都得，不過事實就係好難。至於我話 DSE狀元>IB狀元，我有比較過啲Science Papers，其他文科或者由主觀評審就唔講（無model answer）， 我自己睇完都覺得難，係純屬問題程度深淺嘅難，唔係拉curve嘅問題，當然你可以話佢地啲題目就係要出到咁，先分辨到優、良、尚、可、劣，但出到咁難真係無意思，所以我可以肯定答你讀Science IB嘅學生係搞唔掂DSE相應嘅卷，就算係讀緊HL都好；其他假設性當DSE狀元面對IB筆試外嘅配置，呢樣我做唔到客觀比較，只能夠主觀話佢地本身已經係精英中嘅精英呢D真係無難度，要勉強拎啲例子出黎拗就係，你可以睇下香港最高IB平均分嘅學校，都唔係行真IB而係走傳統教育模式但考IB，仲要唔係1年、2年咁，而係長期，咁算唔算夠說服力？
我原意只係好簡單比較科目對應相對科目，帶出考卷嘅程度有分別，就好似DSE有中國文學、英國文學，可能就係你想帶出Lang A考核嘅野，不過呢啲唔係必修科，唔係個個需要讀，唔似Lang A咁個個都要答。至於英文好=IB成功嘅基本條件，呢個係事實，基本上我哋睇到學生寫嘅essay 已經知道佢將來成績係3字頭定4字頭，英文水平完完全全反映晒係essay度，呃唔到人，請槍就另計啦。

最後，用數據比較下2者：







IB 每年都超過1萬人報考，24年就21806人考，Pass rate 72.7%，而40-45分有1766人







DSE就大約4－5萬人考，24年就50591人考，日校Pass rate 得45.2%，即係一考已經有一半人fail


有得揀，梗係行IB都唔好去DSE

poonseelai

「路路」 發表於 25-4-3 16:42
財力雄厚想表達嘅意思係佔有優勢，唔係話你有錢就做到狀元，係你有錢你可以搵外援幫手，IB有course work  ...

外國唔知，香港考得ib試嘅都要先符合條件，be it igcse, myp, 即係好似以前考完會考再上A level, 同dse用全部考生去比？dse年年中英文科都超過一半考生取唔到3

香港每年2,000+考ib? 接近100% pass, 扣咗香港外國合格率可能無7成

兩個不同制度，唔知點比

「路路」

poonseelai 發表於 25-4-3 17:11
本帖最後由 poonseelai 於 25-4-3 17:43 編輯

外國唔知，香港考得ib試嘅都要先符合條件，be it igcse,  ...

所謂先符合條件其實係學校把關嘅政策，好似明明IGCSE都唔關IBDP事，而且我想考IBDP，就算關都係關MYP事，點解要符合你定嘅IGCSE要求先比讀？就係因為有啲學校知道連IGCSE都搞唔掂，讀上去都可以預期，到時候只會拉低平均分，倒不如勸退你。我成日講篩選、篩選，可能好哽耳，但係事實黎，每日都發生緊，當出現全民IB嘅時間，你可以想像香港就唔會再係接近100% pass，到時又一樣流行分band 1、2、3 IB學校。

poonseelai

「路路」 發表於 25-4-3 18:30
所謂先符合條件其實係學校把關嘅政策，好似明明IGCSE都唔關IBDP事，而且我想考IBDP，就算關都係關MYP事，點 ...

唔係好明你個logic, ibo 有3個programmes, 無規定要行哂, 香港有ib through train, pyp +igsce+ibdp, 小學校本+igcse/myp+ibdp, 為何學校不可用igcse?

香港全ib應該無可能, 外國會有部分公立學校考ibdp, 不如問下香港點解唔得？

又或者香港應否要有btec or ib certificate / career programs 比不同能力孩子去選擇？

「路路」

poonseelai 發表於 25-4-3 18:41
唔係好明你個logic, ibo 有3個programmes, 無規定要行哂, 香港有ib through train, pyp +igsce+ibdp, 小學 ...

無，我覺得IB如果拆到咁玩，唔係由PYP上MYP到最後IBDP，仲係唔係IB？定只係有名無實？只需要2年時間做到IB宗旨嘅全人發展，咁真係好完美。當全民IB就會將我上面提及嘅「優勢」越放越大，到時就會出現更加「不公平」，肯定又會有人出嚟嘈…

poonseelai

「路路」 發表於 25-4-3 20:56
無，我覺得IB如果拆到咁玩，唔係由PYP上MYP到最後IBDP，仲係唔係IB？定只係有名無實？只需要2年時間做到IB ...

國際學校未採用ibdp前, 難道就無世界公民之類的概念？有學校不是ib school但會用ib模式, 難道又唔可以培養到世界公民意識？相信每間最後考ibdp嘅學校也會有其安排, 至於直資如何安排, 可能你清楚過我

ibo 的 student profile其實係common sense, 並非什麼商業秘密

或者你可先了解下ib課程發展過程

為何要強調全民ib? 根本唔會發生

RainyRice

「路路」 發表於 25-4-3 20:56
無，我覺得IB如果拆到咁玩，唔係由PYP上MYP到最後IBDP，仲係唔係IB？定只係有名無實？只需要2年時間做到IB ...

IB其實以前是沒有MYP PYP 的，我認為IB的精髓不是在MYP PYP，之前都有前輩講過。
“Although the IB was officially founded in 1968, it was not until May 1971 that the first full IB Diploma Programme candidates sat their exams.”
“The second programme introduced by the International Baccalaureate® (IB), the Middle Years Programme (MYP) was adopted by the IB in 1994.” “The Middle Years Programme (MYP), which is for ages 11-16, was established in 1994, and the Primary Years Programme (PYP), for children ages 3-12, in 1997.”

「路路」

poonseelai 發表於 25-4-3 22:20
本帖最後由 poonseelai 於 25-4-3 23:12 編輯

國際學校未採用ibdp前, 難道就無世界公民之類的概念？有 ...

咁我真係唔知，細個嘅時候無讀過國際學校，要靠大家分享，世界公民呢個概念我係接觸IB之後先有，香港人講最現實，你問我考試會考啲咩我就答到你強調全民IB?只係想帶出學生屋企背景對讀IB有實質影響。

RainyRice

sabsab122 發表於 25-4-3 07:44
請問你當初讀ESF 擔心的是什麼呢？我又覺得ESF 除了non selective 以外，其他方面都很好，尤其是develop so ...

當時問在讀的媽媽朋友，他們不清楚學校教學情況，不知道學校在教什麼，學校沒有課本，朋友覺得老師和家長的溝通不足夠，小學已經有很多網上功課。加上自己當時對IB課程不熟悉，想小朋友學繁體中文，以及中文教學水平的考慮，都是當時顧慮之處。

現在回看，覺得媽媽朋友的「不清楚」某程度上是個人選擇，其實家長亦有很多渠道可以去了解學校在教什麼題目、孩子的學習情況等等，EK很多前輩的分享都令我更了解ESF及IB。只要家長能夠花多些時間去了解孩子學習進度以及和學校溝通，是可以清楚了解學校的教學的，我覺得之前自己是過慮了。
之後自己都有在學校網站、IB網站去研究什麼是PYP 、MYP 、IBDP、trans-disciplinary theme learning，亦都覺得UOE非常吸引。
至於中文方面，朋友說ESF的中文教學可能由於近年多了本地及內地人入讀，所以改變了很多，但簡體字及中文程度要求每個人的考慮點不同，所以可以略過。

「路路」

RainyRice 發表於 25-4-3 23:02
IB其實以前是沒有MYP PYP 的，我認為IB的精髓不是在MYP PYP，之前都有前輩講過。
“Although the IB was o ...

多謝你同樓上嘅資訊，解開我一路嘅疑惑，我而家先知原來IB發展係由上而下，唔係由下而上一級級砌上去，因為之前成日聽一條龍IB學校賣點就係佢哋有PYP MYP ， 可以比其他非IB一條龍學校更好培育小朋友同適應將來IBDP，但我望完完全唔覺，PYP MYP 2者接駁OK，但當MYP上到IBDP係無相應嘅支援，唔似PYP上MYP銜接得好，打個譬如就好似由夏天直接變咗冬天，中間無咗秋天去比你適應，而家大概知點解會咁奇怪加強左我對PYP MYP無需要嘅睇法，謝謝！

sabsab122

「路路」 發表於 25-4-4 01:15
多謝你同樓上嘅資訊，解開我一路嘅疑惑，我而家先知原來IB發展係由上而下，唔係由下而上一級級砌上去，因為 ...

請教為何會覺得MYP 銜接DP 做得麻麻哋？爭咗啲乜嘢？咁邊一個學制銜接DP 好D?
British curriculum 的IGCSE?
定，其實任何學制銜接DP 都差唔多？


謝謝。

aidan08

sabsab122 發表於 25-4-4 04:23
請教為何會覺得MYP 銜接DP 做得麻麻哋？爭咗啲乜嘢？咁邊一個學制銜接DP 好D?
British curriculum 的IGCSE ...

以我大仔經驗來說，我覺得反而係由ESF 小學上中學時，即Year 7時是比較吃力，轉變較大，需要適應。但MYP過程慢慢上到Year 9, 其實學校都做得唔錯，已經prepare 好學生去應付來緊嘅IGCSE。 我覺得由MYP去IBDP 中間有個IGCSE係好好的過渡，比學生適應考公開試的壓力，畢竟佢哋真係由細到大都唔擅長考試，好多考試技巧都唔識，IGCSE係好好嘅訓練。我唔清楚好似RC咁無IGCSE的過渡直去IB，學生適應上會點。我自己覺得有IGCSE係好好的安排。

poonseelai

aidan08 發表於 25-4-4 08:07
以我大仔經驗來說，我覺得反而係由ESF 小學上中學時，即Year 7時是比較吃力，轉變較大，需要適應。但MYP過 ...

多年前ibo比較過gcse and myp上dp, gcse公開試經驗係一個優勢, myp有 optional e-assessment, 好似isf有參與

poonseelai

「路路」 發表於 25-4-4 01:15
多謝你同樓上嘅資訊，解開我一路嘅疑惑，我而家先知原來IB發展係由上而下，唔係由下而上一級級砌上去，因為 ...

myp and dp 一個分別係assessment criteria, myp有4部分, knowledge 佔25%, 如果一個學生knowledge 弱D, 其他部分取高分, 總分一樣ok, 去到dp就唔同, 8成以上係knowledge, 咁個學生就會辛苦d

我孩子的myp老師有提醒家長, 睇myp成績也要留意這點

香港myp上dp嘅學校包括rc, vsa, isf, cis, cdnis, 成績都ok吖

poonseelai

sabsab122 發表於 25-4-4 04:23
請教為何會覺得MYP 銜接DP 做得麻麻哋？爭咗啲乜嘢？咁邊一個學制銜接DP 好D?
British curriculum 的IGCSE ...

每個學制銜接dp也有强弱之處