德幼生升德小問題

讀書慘慘豬

如果講公平，本身親生女升七成已經係唔公平，相對校外生，小學部對親生女嘅要求已經低好多。德幼相對其他名幼，始終係差一個層次，好多德幼上德小嘅其實追得辛苦，如果你覺得小朋友水平高，K3 應該仲有第二次機會面試，相信所以問題不大，就算真係唔收，我相信都會有其他好學校收你小朋友。

jennylady

muimui125 發表於 23-8-26 07:51
我覺得係先由小學老師揀左先，再參考幼稚園日常表現，GH幼稚園評估比分都手緊
面對6個陌生老師做show and t ...

我地德幼交表時唔需要寄成績表，應該直接向德幼取。校外生都會看成績表，所以我覺得校內成績唔會唔計分。當然show n tell 和Q and A 係主打。我女show n tell 都發生蝦碌事件，（道具問題，同講嘢無關），所以我都同幼稚園老師傾過，她話如果waiting , 會有第二次機會，小學老師都會再考慮成績表，所以成績表ok都好重要。以往第二輪interview 係10月校內舉行，今年好似同校外一齊，唔知道會否考一樣的東西。

jennylady

讀書慘慘豬 發表於 23-8-26 21:34
如果講公平，本身親生女升七成已經係唔公平，相對校外生，小學部對親生女嘅要求已經低好多。德幼相對其他名 ...

認同德幼內部interview 真係比校外簡單好多，所以第一round 收七成算係不錯。感恩啊女有offer,但如果無，我都會覺得係我自己個女有不足。（對校外生不公平就係）
第二點就唔認同喇，德幼課程唔比其他私幼簡單。我仔讀根德。我覺得大家的課程各有各好。當然讀私幼或德幼都要外補，為小學打好根基。小學真係另外一樣嘢。

利申：我仔讀根德，女讀德幼。

chanti

Goodluck2022 發表於 23-8-26 15:34
回覆 ILOVEBEAN 的帖子

看你要求吧。

專家會幫到你入ITT, BH?

認真嗎？ 入到呢2 間既家庭要靠任何何專家意見？好笑….唔通霍家d 仔女係靠專家先幫佢地入到haha

陳生陳太

讀書慘慘豬 發表於 23-8-26 21:34
如果講公平，本身親生女升七成已經係唔公平，相對校外生，小學部對親生女嘅要求已經低好多。德幼相對其他名 ...

邊間名幼咁勁，連德幼直升學生都跟唔上？

有什麼公不公平，有小學的中學，直升又唔公平嗎？

揀德幼就預左一心上徳小，為何對你們名幼有什麼不公平，你目標只是一間德小，就應該選徳幼而不是名幼。

Goodluck2022

很多考小課程

jennylady

Goodluck2022 發表於 23-8-26 23:49
很多考小課程

唔一定需要面試班的父母的陪伴和教導才是最重要
好多學校都會睇父母的付出和投入度
畢竟讀小學係六年，
唔係單單靠面試班就得。

Goodluck2022

對。 付出及投入度。

補習班、面試班等。

不能只靠學習課程。

如果是alumni itt plus bh, the chances are high.

If not, it really depends on your extra effort on education

lot888

路過。回想當年帶小朋友去德幼面试，在外面排個多小時，在校內又排個多小時，然後入到一間課室，有老師向小朋友拋波波，我以為係熱身，之後被告知面试已完，最後在不知不覺中肥佬。又在考德中時，計過成绩RO，應該首面海選冇問題，點知又收信，再一次被叮。我同亞女講佢始終同呢間學校無緣。我相信每間學校都有佢理諗，要求有某方面特質嘅學生。如果小朋友未能迎合，真係不宜死跟，家長求位信更是不需要。明白德望是一間好學校，但外面世界重大，好嘅女直或官律小學多如繁星，走吾一條路可能令你小朋友發揮得更出色，到時你回望過去，真係一笑置之。與其改变自己小朋友特質，不斷餵食貴價雞精，聚焦德中，不如找一間能令小朋友盡顯所長，讓佢快樂中成長更可取。(今年cc超女狀元好似在元朗官小畢業，感覺上不是明小學。德望女狀元就不知是否德幼，德小升）。企前小小，看看女兒，再企後小小，再看看世界。

Jean1769

Goodluck2022 發表於 23-8-26 15:34
回覆 ILOVEBEAN 的帖子

看你要求吧。

我身邊N無又入神校的叻仔叻女都有好幾個，都唔駛每個月一萬兩萬咁外補或十項全能。

反而每個月一萬兩萬面試班都上幾個的，入到神小的又好似無喎。

CamilleLily

其實香港好學校有好多，點解講到讀唔到某幾間神校就世界末日咁？而就想入名校神校，真係要十全大補再上幾個面試班再加埋咩升學顧問先入到？




抱歉，似乎離題了，但自己玩完呢個遊戲，更覺以製造恐懼搵生意不可取，最後可憐既係小朋友。

yianleen

分享一下宜家阿女升三年級, 外校生考入, 在學校算異數, 因為大部分都係德幼上。最初阿女竟然考到我地都好驚訝!
阿女因為幼稚園讀英普班, 頭兩年英文、普通話唔駛溫習都保持grade mean以上, 唯一是中文要惡補。數學都考得前

放眼兩年, 學校入面小天才多的是, 通常外校生考得前, 但不一定乖; 德幼升上來的一定乖, 但不一定叻。但老師都好溫柔包容, 好有愛心, 小朋友日日返學好開心。

事實上好多小朋友音樂、運動都好叻, 學校日日都有facebook post講, 由樂團、辯論、寫作、跳舞、球隊、田徑、劍擊、奧數贏得全港性比賽大有人在，肯定個個媽媽都用心栽培，背後人人都有成個屋企back up。

所以, 升不升到上德小, 好多時要相信學校的眼光, 佢地真係見盡無數女仔, 作為阿媽應該揀間岩的學校, 咁先對小朋友最好。

如果入到小學跟不上, 更大鑊!

catf2

yianleen 發表於 23-8-29 11:09
分享一下宜家阿女升三年級, 外校生考入, 在學校算異數, 因為大部分都係德幼上。最初阿女竟然考到我地都好驚 ...

用家, 真係講中晒我想講的

steven0212

ILOVEBEAN 發表於 23-8-25 17:04
回覆 steven0212 的帖子

我咪講咗幼稚園老師每次見家長或者日常評語可以作為參考自己小朋友能否入到德小嘅 ...

當年我囡由德幼升德小，WAITING嗰班囡囡說實在俾你勉強升上去德小都唔會讀得容易，更何況再進一步升德中,相信唔會讀得開心. （純粹個人意見）

睇左咁耐似乎你有地方唔明白。
Point 1
第一次評核內容係show and tell 而唔涉及校內評核。呢一點係經幼稚園老師確認（唔係靠自己估)
而第一論收大約6-7成學生。以你樓上呢句所說係指waiting 學生學術上比較差或跟唔上，會讀唔來。
我想反駁既係既然第一round 唔涉及校內評核，你所講既waiting 學生比唔係waiting 學生學術上較差並唔成立。
Waiting 學生第一輪有3-4 成，你覺得真係咁咩？



Point 2

另外平日幼稚園老師並沒有提及小女在學校在學術上或行為上有任何問題，而係由k2 開始每一次都係讚小女學術好好。平常幼稚園老師既評核當然應該聽，但到第二三round 過程中幼稚園老師不斷強調收生係小學部決定，當你發現其他學術冇咁好既小朋友有offer 先就會知道佢比重高既地方係在interview 上。

但我都明白學校重interview 既原因，因為咁先係最客觀，試想想，如果校外生特別係私幼，比分一定比自己德幼高，因為佢地都想學生考學校成績好D。咁到時揀邊個？ 咪係全部外校生？

平心而論，學校對德幼生已經好好，但過程中家長及小朋友都唔好受，由其是小朋友，輔導得唔好係會影響佢將來自信心。

Btn, 今年撞完都係德小上德中學生 (Sister Pauline orientation day 講的)

steven0212

jennylady 發表於 23-8-25 22:55
其實interview 同平時練習不同。要面對陌生老師和陌生同學。我啊女有講同組有人細聲到聽唔到。老師鼓勵下都 ...

呢一點就唔知了，佢話ok la 但詳細內容話唔記得左，幼稚園老師也不在現場，冇人可以問到。

steven0212

jennylady 發表於 23-8-25 23:00
平時老師一句負面野都無講？
反而我個老師有講啊女的弱項
通常講完優點後都有少少改進地方講下。

性格上當然有講例如可以再大膽D，又講少少比如話發現地佢鐘意咩D野叫你可以俾佢學下。

ILOVEBEAN

steven0212 發表於 23-8-29 16:29
當年我囡由德幼升德小，WAITING嗰班囡囡說實在俾你勉強升上去德小都唔會讀得容易，更何況再進一步升德中,相 ...

首先，我已經申明純屬個人觀點. 每人對事物都可以有唔同嘅睇法.
在德幼升上德小評核方面，我”個人” 覺得德小老師一定有參考幼稚園生的學習評估報告，另外加interview的表現來作篩選. 如果你覺得純粹係睇interview，就係睇interview. 一啲問題都冇. 小朋友係自己，我都係純粹分享我自己嘅觀感同小囡嘅個人經歷.
事實上，我哋當年只係每班寥寥數個waiting生，最後收返選擇升上的，我哋眼見一路上佢地嘅成績都普普通通，也有留班. 不過，呢啲都係我哋那一兩屆的經歷罷了.


所以你唔需要咁介懷我嘅分享. 或只係比將來家長想小朋友進入德望大家庭，作個”參考”罷了.

其實小朋友由細到大要面對無數個考試同挑戰，大人也一樣。每人嘅經歷不可能盡相同，不需要太介懷他人和自己嘅睇法一唔一樣，最緊要滿意小朋友嘅發展就可以了.

另外，小囡可能仍然好BB，所以讀咗德幼三年，一啲壓力都冇. 在德小一樣咁開心. 但競爭一定有.

hellolulululu

Deleted

陳生陳太

其實任何外來生能考入德小當然係叻女，但並非只有名幼，因為升德小應該佔大部分來自德幼生，能夠在餘下的學位取得offer，當然有咁上下實力。

讀名幼本身都相當大競爭，5，6百名學生裏當中當中梗有叻仔叻女。如果外來生來自其幼稚園最top學生去比德幼生，有差距不為奇。

jennylady

steven0212 發表於 23-8-29 16:37
性格上當然有講例如可以再大膽D，又講少少比如話發現地佢鐘意咩D野叫你可以俾佢學下。

咁即係老師已經比了意見。「可以再大膽d 」呢個係重點。
其實waiting 就一定有學校覺得不足的地方。學校唔係只睇學術。（我以前都幫啊仔in 過不少學校）學校真係由你踏入校門起就開始計分。可能學術得但表達能力唔得呢。你出去考其他學校，其實學術好未必多offer (我仔當年就係。學術好，但說話唔叻咪一樣唔得。學術好通常過到第一輪面試，之後就in 其他例如答open end question, 玩遊戲吖，個d 之後就bye bye … 唔好睇短短五至十分鐘，我之前陪zoom in…真係問左考左好多野。
我以前見過一個小朋友學術超班，但零offer …  性格都影響，反而學術好考插班就最好，插班睇成績，考小一就唔係只睇學術。