CKY vs LS

jtw_ki

其實兩間各有各好，學習模式唔一樣，考試形式亦唔同，好難比較。睇得出樓主已經揀定LS，講再多cky嘅好你亦唔會聽入耳，倒不如樓主一心一意諗下點樣說服老公讀LS，除咗小朋友自己意願之外，媽媽嘅意願重要過爸爸意願，因為第時多數係你跟功課而唔係你老公

lambeanmama

HappyBabyJump 發表於 20-6-11 08:29
估計你係一位爸爸，我老公也是這樣想⋯⋯但我哋返學係為咗學習「過程」還是達到「目標」!?萬一得到「過程 ...

選擇CKY常給人一種「要冒險」的感覺；身邊有朋友會用錢、名氣、升學出路去給予不少意見。當自己手上還有其他非常不錯，甚至在好多人眼人是「更好」的選擇是，這一種「真的需要俾咁多錢去冒險嗎？」的感覺常常在心中出現的。這是非常正常。大部份家長也是傳統學習出身，熟悉學習模式，也覺得讀傳統學校會懂得幫助孩子。我自己也有這個想法。不過，在討論選校期間，外子說了兩個想法/要求，然後叫我做最後決定。1. 不要為分數為排名家嘈屋閉；這不是學校的問題，是家長自身性格問題；要知道孩子不是自己的化身，家長從小名列前茅, 不代表兒子會有同樣表現。要緊記長路漫漫，不要因為幾分上落或排名先後而傷了和氣。
2. 12年後大家都是想安安樂樂見到兒子升學的(出國與否視乎個別家庭考慮)，假如手上VS中的學校升學結果分別不大，你要諗清楚點解要行傳統或IB類學校。是自己喜歡? 易教易跟? 還是小朋友更適合? 用小朋友角度出發。

LS 同CKY都是很好的學校。我相信為了各種理由，選LS的人會較多；其實讀兩間學校都要付出，都要跟學習；不過是你選擇想跟的是那一類功課罷了。我在選校時，比較喜歡睇學校的「平均成續」；我不會ASSUME自己兒子是頂尖人才或最差個批。同意其他版友所講，考得入CKY，也真的不會是完全佛系家長，我覺得你小朋友讀邊間都會跟到的。而如果是一個AVERAGE的小朋友，在LS的結果，和在CKY12年的學業、成續、和朋輩的分別是甚麼。你自己可心裡有數。

AGAIN, 兩間都是好學校，恭喜你有咁幸福的煩惱。兩者的分別，不存在優劣；而每一間學校也一定有不只一類的小朋友。

HappyBabyJump

jtw_ki 發表於 20-6-11 09:11
其實兩間各有各好，學習模式唔一樣，考試形式亦唔同，好難比較。睇得出樓主已經揀定LS，講再多cky嘅好你亦 ...

培育孩子成長，不是單單靠父或母去栽培，係需要父母一起去做，才能將整件事情事半功倍。如果我自己一人意願，套用去整家庭上，這太自私及不理智的決定了。

我明白兩間學校各有各好，才令我們十分煩腦，因決定了，很難回頭呢⋯⋯所以我自己也要好好想清楚。

02413124

突然想分享一下曾聽過有華人父母的地方就有補習社既出現
連我一直覺得國際學校會好D,上年同朋友傾開先話全班大部份人都有補,仲要英文都補,更有專補個別國際學校
所以說到底,課餘時間,補唔補,迫唔迫,學幾多野,都係父母決定,學校只佔一個因素.我亦有聽過有名小家長,6年冇補習,課餘遊山玩水,睇書 (小朋友本身做野都快手,所以有同學話好多功課,但佢可以係食飯前做完) 當然亦要睇小朋友性格.又聽過有小朋友完美主義,作篇文可以搞成晚,咁就算讀國際學校亦可以冇咩時間睇書

poonseelai

02413124 發表於 20-6-11 09:55
突然想分享一下曾聽過有華人父母的地方就有補習社既出現
連我一直覺得國際學校會好D,上年同朋友傾 ...

如你有留意，國際學校每年ib滿分學生多數係亞洲人，亞洲人考試係叻D，可能同父母有關

mcl203

HappyBabyJump 發表於 20-6-11 09:47
培育孩子成長，不是單單靠父或母去栽培，係需要父母一起去做，才能將整件事情事半功倍。如果我自己一人意願 ...

個人身邊嘅體會，兩個學制都容許回頭，視乎小朋友嘅性格和態度。只係，若由IB轉返入本地學制，除非自己有個別專長，係唔易可以入返你想入嘅本地學制小或中學～～～

mcl203

poonseelai 發表於 20-6-11 10:01
如你有留意，國際學校每年ib滿分學生多數係亞洲人，亞洲人考試係叻D，可能同父母有關
...

就算係某啲國家，成績好嘅小學，門口釘上嘅獎項都係刻上華人名字，就算係英語國家，不少華人都有補英數，中文都當然會去中文班～～～

02413124

回覆 poonseelai 的帖子

知道,剛有朋友小朋友IB滿分,都知道有補習

poonseelai

02413124 發表於 20-6-11 10:05
回覆 poonseelai 的帖子

知道,剛有朋友小朋友IB滿分,都知道有補習

我識人 ibdp 6科補4科，我細嘅去年畢業，已經係小數無補習嘅，越低年級越多人補

lskstephen

回覆 02413124 的帖子

拉遠D講, 整個東亞區都一樣

02413124

回覆 lskstephen 的帖子

其實係全世界都一樣多倫多多左好多補習社
所以美國先有人提出修憲ACA5

kimlam953

02413124 發表於 20-6-11 09:55
突然想分享一下曾聽過有華人父母的地方就有補習社既出現
連我一直覺得國際學校會好D,上年同朋友傾 ...

題外話，我朋友有次好驚訝話佢外國朋友都要補公文同英文，咁我話我知我外國嘅親戚都係有補，但佢地學校一星期先得一日有功課喎

小曳人

如果攞住IB成績申請美國大學，部份大學已有policy，亞洲成績，要減分！因為亞洲人太鍾意補習，能力其實同分數不太一樣
如果無記錯，要減2-3分
要留意返，但我唔清楚其他國家有無類似做法
以上資料係海外升學顧問提供

章太郎

HappyBabyJump 發表於 20-6-11 09:47
培育孩子成長，不是單單靠父或母去栽培，係需要父母一起去做，才能將整件事情事半功倍。如果我自己一人意願 ...

jtw_ki

HappyBabyJump 發表於 20-6-11 09:47
培育孩子成長，不是單單靠父或母去栽培，係需要父母一起去做，才能將整件事情事半功倍。如果我自己一人意願 ...

但你地兩個意願唔同，總有一個要妥協，咁就唯有由主力教功課考試果個話事。因為如果你唔認同而又揀佢，你將來教小朋友做功課會好痛苦，cky同LS嘅功課真係好唔一樣，而你最初係需要輔導小朋友去完成

Kafather

HappyBabyJump 發表於 20-6-11 08:29
估計你係一位爸爸，我老公也是這樣想⋯⋯但我哋返學係為咗學習「過程」還是達到「目標」!?萬一得到「過程 ...

讀得呢兩間學校我相信正常都好難讀唔到大學。
反而好重要就係父母一定要有 共識，對我哋嚟講讀大學唔係真正嘅目標, 真正嘅目標係你呢十幾年想培養出怎樣的小朋友， 塑造佢對將來喺社會點樣有一定貢獻。 有冇讀過大學喺呢個年代並不最重要嘅話題， 因為你有心就一定會讀到， 反而小朋友嘅成長過程 點樣思考， 面對逆境點樣處理， 呢啲先係最重要。 每間學校都各有長短， 家長心態決定一切。
正如之前所講 如果唔係concern 價錢,  
投資出來回報呢個先係價值
點解轉校, 因為想突破和挑戰，當然小朋友成績都ok，好彩插班又收， 如果佢繼續傳統走落去，相信呢種模式讀中學大學一定冇問題， 亦都好多父母都係咁樣經歷過， 大家都已經好清楚條路點樣行。
既然係咁， 點解唔嘗試一條出路令小朋友嘅視野廣闊多少， 學一種新嘅模式教學， 其實已經好好彩， 因為我哋唔係白老鼠，  已經有十幾屆畢業生證明係work， 所以我哋都好放心俾佢轉

Osiana

小曳人 發表於 20-6-11 10:40
如果攞住IB成績申請美國大學，部份大學已有policy，亞洲成績，要減分！因為亞洲人太鍾意補習，能力其實同分 ...

好似哈佛，MIT，都講咗唔會只睇成績，仲要加入課外活動，領導才能等scoial skills 去評核申請人，唔係讀死書高分就可以入到。


畢竟，外國係一個著重創意，自主，獨立思念的教育制度。

Lycy

妳應該唔只係考咗cky，但妳冇take 其他直資小學，都係一心一意抽獎，抽到仲點解要煩呢？其實小朋友辛唔辛苦係好睇家長點安排時間。如果要小朋友10項全能，讀cky都可以好辛苦。其實喇沙小學是津校，學生冇揀過，相比其他直私都係揀啲叻嘅小朋友，家長又谷成績要小朋友排級頭再考抽班或呈分已經舒服好多。除非妳對小朋友要求好高，讀LS應該唔會好辛苦。其次，傳統名校都唔係要小朋友死讀書，反而係鼓勵小朋友作多方面發展，唔鐘意也可以唔參加。

nemrak

LS是靠運抽到，CKY是靠孩子及家長能力考入。學校選了你們，證明你們合適。想想廿年後社會會需要甚麼mindset的人才，你自然會決定到

wcyjessica

首先要明白，2間真係好唔同既學校，

CKY在課程編排上，沒有課本，引入圖書教學校本課程。一至五年級小學階段不用教科書，而是搜羅各地的優質圖書自編教材，藉此鞏固學生的雙語基礎，做到書不離手的效果。六至八年級（初中階段）則讓學生探究各種學科的奧秘，除了一般熟悉科目外，亦開辦Design Technology，Food and Nutrition，Textile等學科，還設有戲劇科，讓學生在談吐和儀表上更有自信
（網上資料）。

可以看得出入得CKY, 小朋友個書包打開連課本都無，得d一份份既project同幾本圖書。是完全嶄新既教學方式。家長不是用操練去跟貼進度，而是和小朋友一起搵資料，一起去探討學習。（但不代表家長不用跟，第3 round 面試學校亦說明家長是要完全明白學校理念先好入讀，亦會考一考家長是否真的明白學校理念。）

現實係有2班不同既父母，有些喜歡傳統有範圍跟進學習進度，有考試測驗排名看到小朋友能力，感覺對孩子知識成長安全感較大。
有些喜愛自主學習，放手給小朋友探索，在活動探索中，激發孩子自動學習，終生受用。

2間學校其實都進可攻，退可守。傳統轉入國際前，要狂補英文先可以去面試（除非你對國際學校無要求，有很多國際學校比錢都入得）。同樣地，CKY轉番出傳統，最少要操一操小五小六既練習吧，否則很難過到面試（除非你對傳統學校無要求，是旦一間村校聽到CKY個名都一定有興趣吧。）

2間學校完全2種思維模式，根本不能比較。

如果只用金錢，名氣，轉校機會去決定小孩子未來12年的方向，就未免太過兒戲了。認真想想家庭/孩子的性情，生活習慣是那一種學習模式比較合適吧。