第一次呈分最重要?

carmenlook

sunnymama2 發表於 19-10-22 10:03
我都係咁理解。

姨甥呈一分數係band 3 生，所以唔會考直私或自行。只係希望有運入到band 2 尾學校，但家 ...

咁本身你家姐兩母子都懶，老師咁講就順勢唔理，你試吓話俾佢知，三次係平均比例的，如果佢兩母子唔聽都冇辦法，估計佢一向成績係最差嗰啲，可能覺得自己都應該追唔上所以懶得追

sunnymama2

subb 發表於 19-10-23 09:32
的確, 有d小學去到呈分仍然是B3 range
是跟本無可能追到去B1, EVEN追回B2都難, 除非是邊緣人
大家都在呈分 ...

你有道理，我家姐的確係不負責任。

姨甥仔和侄女都讀小六，佢地係同一間幼稚園畢業，想當年大家學術程度都係差。姨甥仔運氣好，抽區內入熱門，侄女就入寶校。

不過“塞翁失馬焉知非福”，寶校程度淺，老師校長關愛足，老師比好多機會侄女，侄女讀得舒服又開心，有好強歸屬感。雖然係寶校，但呈一屬Band 1生。

姨甥仔待遇大不同，一開始學校程度就深，要求高，年年都要討論留班問題，但因為留班係留俾有得救的學生，所以姨甥仔年年升班。

姨甥仔初小時我就和家姐提議轉校，可惜因為“名校”光環，覺得冇理由由名校轉寶校，所以姨甥仔繼續沉淪。

輪到家姐細仔和我仔同年，有建議佢揀間淺少少的學校，有提議過侄女的寶校。當然又係名校光環問題，細仔以必收生入左阿哥間學校。一個惡夢唔夠，又再黎多個惡夢，細佬比阿哥問題更大。

有點离題，但想抒發吓揀合適學校的重要性。

sunnymama2

B.B.BaBa 發表於 19-10-23 09:53
某版友原文直接指出了 "呈一呈二都應不是重要"，其實沒有 "不止是呈一呈二重要" 的意思。
他說的 "做到最 ...

我冇所謂，亦不斷在ek 吸收資訊，update 自己。嗰位會員只係好心提出學習態度而已，可能离少少題，但我好多時討論都會离題啦，我自己剛剛的回覆都离題

subb

如果咁情況, 可能已經是b3尾的一群 !
真係好難追, 倒不如找一間校風好的b2尾及b3中學吧 !

入到去啱程度, 讀得有信心d, 可能又唔同呢　！

點都好, 心態好重要, 努力加油去溫習, 起碼有盡力,
就算輸都要輸得好好睇睇 !

carmenlook

sunnymama2 發表於 19-10-23 10:09
你有道理，我家姐的確係不負責任。

姨甥仔和侄女都讀小六，佢地係同一間幼稚園畢業，想當年大家學術程度 ...

我完全明白你，因為我兩個妹啲仔女都係咁，幸運入到九龍塘熱門小學，但由一年級開始已經跟唔上，一早我都勸佢好好跟進或者考慮轉校，死都唔聽，話學校有差不多一半人都派到B1 ，我當時都同佢解釋你要喺嗰個範圍先至得，跟住細女都入埋去，又係全級考包尾嗰啲，前兩年大仔入咗間B3，明年到細女估計都係B3，呈一過咗係B3，叫佢俾心機追，又係話學校話冇得追由得佢，對升中遊戲唔清唔楚，根本佢自己都冇心去理，旁人點着緊都冇用，我另外有個妹又係差唔多，我都冇眼睇，有啲家長就係咁，你同佢講都冇用，自己唔上心，而家資訊發達要了解唔難，根本自己冇去了解，人哋幫唔到咁多

kirstyau

sunnymama2 發表於 19-10-23 10:09
你有道理，我家姐的確係不負責任。

姨甥仔和侄女都讀小六，佢地係同一間幼稚園畢業，想當年大家學術程度 ...

父母唔跟係不負責任，但讀書都靠自己，讀書多少都講書緣，如果本身能力問題，盡力考好呈分試，搵間校風好吧。

sunnymama2

carmenlook 發表於 19-10-23 10:24
我完全明白你，因為我兩個妹啲仔女都係咁，幸運入到九龍塘熱門小學，但由一年級開始已經跟唔上，一早我都 ...

我地真係一樣呀!

我提議姨甥仔轉校，家姐的家人（姐夫和99）都以為我唔抵得佢個仔入“名校”（1/3 band 1)。

到家姐細仔和仔升小一，我阿媽同家姐99講我仔入“名校”，佢99同我阿媽講，名校唔係個個都讀得掂

其實作為家人，只係出於好心比意見，但佢地就太多陰謀論

好彩我和阿哥friend, 阿哥都會聽我講吓，問吓我意見。

sunnymama2

kirstyau 發表於 19-10-23 10:35
父母唔跟係不負責任，但讀書都靠自己，讀書多少都講書緣，如果本身能力問題，盡力考好呈分試，搵間校風好 ...

冇錯，老師有講過姨甥仔太純，希望揾到間校風好的band 3 中學。。。。但邊間band 3 校風好呢

naicha

原來大家都係咁
我兩個阿哥都係, D仔女同一間幼稚園畢業, 年紀又差不多
幾個都入到名校, 二哥二嫂識教, 仔女成績好好
大哥大嫂當仔女入咗名校就自動會好成績, 完全唔理
結果咪小四英文唔合格, 係我睇唔過眼担心呈分
幫佢睇實D仔女成績, 好彩佢地又肯放手
對仔女無比父母管慣, 初時真係花咗好多心思等佢地乖D讀書
先由邊緣人拉返上去, 搞番掂升中

sunnymama2

IloveJJ 發表於 19-10-23 10:54
我哋中西區聖士提反堂中學ok架！好多係未開竅既男仔嚟。你姨甥係邊區？
...

學校係九龍區，屋企係觀塘區。

sunnymama2

IloveJJ 發表於 19-10-23 10:52
係架！呢啲係老生常談，但無乜人真係信。
啲人話香港教育制度幾谷，咁多功課測驗課外活動，無時間休息同玩 ...

本帖最後由 sunnymama2 於 19-10-23 11:06 編輯

你係一個好好例子啦!

你兩個小朋友都屬於叻，不過幾叻都好，都會有唔同的學習態度和模式。

我其實覺得家姐佢地都幾 自私ga! 諗住名校乜都好，佢有冇諗過小朋友的感受?日日番學上堂唔識，俾老師鬧，放學對住成堆功課又多又唔識做。點解佢地唔可以從小朋友角度出發?

細仔又係，程度唔啱就係唔啱，你知我仔讀咩學校啦，佢間學校的卷，默書仲深過我仔呀! 點搞呀?

所以我原先覺得學校老師不負責任係我錯，佢地從來唔會伴讀，諗諗吓係我家姐佢地先係最人渣。

kirstyau

naicha 發表於 19-10-23 10:47
原來大家都係咁
我兩個阿哥都係, D仔女同一間幼稚園畢業, 年紀又差不多
幾個都入到名校, 二哥二嫂識教, 仔 ...

好彩有個甘錫佢地姨仔， 你知啦幫人教仔女從來吃力不討好

好似叫我睇住姨甥女做功課，自己個D就話鬧得者，人地既始終唔會。 好彩姨甥女見我鬧表姐，知道阿姨好惡 都會聽少少

naicha

回覆 kirstyau 的帖子

小朋友的成績, 好彩的自動自覺 (少數)。大多數各種奇難雜症, 大人真係要好好心機引導先得
我教那兩件, 家姐小聰明但巨懶唔專心反叛, 要好好心機氹同鼓勵, 又要比D新意唔悶教佢
細佬就怕罵, 簡單D, 督實佢就得, 但唔理的兩個都成績麻麻, 理的其實可以上囉

升中都係我理, 所以咪勁上EK睇吓而家點玩法
因為家姐唔適合傳統催谷, 那時都係幫佢搵D比較活動型的中學
搵啱先最重要, 就算抽到1A都讀唔上盞墊底, 嘥咗個細路發揮唔到仲冇埋自信
每個家長都唔容易真係

little_yolky

sunnymama2 發表於 19-10-23 10:09
你有道理，我家姐的確係不負責任。

姨甥仔和侄女都讀小六，佢地係同一間幼稚園畢業，想當年大家學術程度 ...

唔好意思又離題一下，叫你姪女選學校小心D，因為唔知學校有幾寶，有D寶校級5已經可以係B2，寶校學生選校不宜過度進取。而且你都話課程比較淺，入太高band學校怕跟得辛苦。