家有蠢鈍兒，係家庭教育問題?

Jane1983

IloveJJ 發表於 19-10-7 12:51
我係指學歷喎！  而家學習都難啦！有錢都留俾細路學習啦！

有學歷又有心機係最好，有學歷無心機，倒不如有心機學歷不足。

meowloo

樓主唔好介意，我認同你專家的說話，唔係你仔蠢鈍，係用唔岩方法令佢聽你講野，你盡力唔代表佢會受，佢而家只睇唔寫，成效如何？佢都唔介意，點解你咁介意？老師點睇？

sunnymama2

MNIF 發表於 19-10-6 13:39
不要看輕默書這種基礎學習。道德經有云：天下難事，必作於易，天下大事，必作於細。亦有一屋不掃，何以掃天 ...

我同意ga

如果d字都唔識寫，將來如何作文?要知道，就算諗得好好，有好多野寫，但太多字都唔識寫係會壓制想像力，限制詞彙運用。

唔係嚇大家，我個仔“你”，“點”，“些”呢d常用字都唔識寫呀!

sunnymama2

meowloo 發表於 19-10-7 14:29
樓主唔好介意，我認同你專家的說話，唔係你仔蠢鈍，係用唔岩方法令佢聽你講野，你盡力唔代表佢會受，佢而家 ...

當然唔好啦，好的就由得佢啦

佢好寫字串字好冇記性，所以做左評估睇吓係唔係學障，但評估報告又話佢記憶好，唔需要跟進 話佢冇興趣學習，係家教問題喎

其實我只想佢多d記性，寫好d字，乜家教影響咁大咩?

sunnymama2

Cheeselover 發表於 19-10-7 07:15
請問令郎除了默書外，其它科目成績如何？我認為花時間在中默上當然沒有意思，但有時又不能不顧及，因為還 ...

deleted

MrBeast

sunnymama2 發表於 19-10-7 14:57
當然唔好啦，好的就由得佢啦  

佢好寫字串字好冇記性，所以做左評估睇吓係唔係學障，但評估報告又 ...

咁你有冇問專家應該用什麼方法教？

sunnymama2

MrBeast 發表於 19-10-7 15:09
咁你有冇問專家應該用什麼方法教？

略略講吓唔好鬧要tum囉

因為呢個評估係智力評估，如果係關於家庭教育，要另外預約。

MrBeast

sunnymama2 發表於 19-10-7 15:11
本帖最後由 sunnymama2 於 19-10-7 15:14 編輯

略略講吓唔好鬧要tum囉

我意思是用什麼記憶學習方法才幫到仔仔，當然家長parenting skill 亦是重要的一〇。

雖然cp （assume 係）通常唔會offer 特別訓練方法，而這些follow up service 都是額外收費，從你所描述的我就唔會再搵佢（just personally feeling) （不過唔知佢建議的家庭教育cover 什麼）
或者你試下去一些非牟你機構如協康查詢下，睇下會不會有什麼課程/service 適合

sunnymama2

MrBeast 發表於 19-10-7 15:28
我意思是用什麼記憶學習方法才幫到仔仔，當然家長parenting skill 亦是重要的一〇。

雖然cp （assume 係 ...

冇錯，佢係cp呀，我之前根本唔識分cp/Ep.

你意思即係坊間有訓練記憶學習法的協助嗎?真係估唔到呢。

其實我一開始就係想要呢種幫助，可惜出黎的評估結果幫唔到我，仲令我好confused,好似責任在我身上，成日都怪自己係唔係唔識教。

MrBeast

sunnymama2 發表於 19-10-7 15:46
冇錯，佢係cp呀，我之前根本唔識分cp/Ep.

你意思即係坊間有訓練記憶學習法的協助嗎?真係估唔到呢。

kind of.  不過唔係三隻眼個d。通常職業治療師有一些較活動或有趣的訓練幫助小朋友，又或者用一些multi-sensory 的方法，不過你要放下身段，因為好多時去得協康都是有不同的special needs (事實上gifted 都是sen 的一種），但我小朋友不是g優，我也不肯定幫不幫到，倒査詢一下也無防，協康這類機構不會屈你的

Elenalan

sunnymama2 發表於 19-10-7 15:09
本帖最後由 sunnymama2 於 19-10-7 15:48 編輯

本帖最後由 sunnymama2 於 19-10-7 15:10 編輯

「不過又係寫錯字扣好多分，得9x分…」，你覺得9x分已經好低分? 低到要 喊 ? 扣10分以內叫「扣好多分」? 如果你真係咁諗，用以上心態去對你孩子，我覺得有問題果個係你，你去見輔導啦，否則你遲早迫C個仔

你只係重視佢失去嘅分數和獎項，覺得你仔應該乜都要最高分否則浪費你俾佢嘅天賦和老師心機，你如果真係咁諗野好恐怖囉，佢得果6、7歲咋，就已經俾個框架去鎖住佢要佢活喺你期望之下。係你浪費佢呀，唔係佢哂你時間心機你明唔明?

sunnymama2

Elenalan 發表於 19-10-7 16:16
「不過又係寫錯字扣好多分，得9x分…」，你覺得9x分已經好低分? 低到要 喊 ? 扣10分以內叫「扣好多 ...

如果你有睇前面，你會知我個仔係到而家有些好簡單的字都唔識寫呀。

至於9x分低唔低分呢，就要睇每間學校的平均分，有些學校88分就攞級三，有些學校就bottom 50%.

sunnymama2

Elenalan 發表於 19-10-7 16:16
「不過又係寫錯字扣好多分，得9x分…」，你覺得9x分已經好低分? 低到要 喊 ? 扣10分以內叫「扣好多 ...

唔係重唔重視，係有jm問我，我才答阿仔其他學科表現。

佢可以好差，又可以好好。就講佢最近的樂器試，我都係要求佢合格，我從來冇講要求佢高分，只係經過多月的努力，希望爭取好些的分數，但係考完出黎連夾琴老師都嚇親呀

你唔係我，點會明白!

Elenalan

sunnymama2 發表於 19-10-7 16:24
如果你有睇前面，你會知我個仔係到而家有些好簡單的字都唔識寫呀。

至於9x分低唔低分呢，就要睇每間學校 ...

你仔讀龍校，個名次upper定lower 50%真係咁重要? 你唔係用個排名來應付派位，如果一間學校90分以上都會將學生評為成績差，要孩子承受呢種壓力，我會義無反顧幫個仔轉校。究竟係學校覺得9x分差定係家長覺得排名差? 個排名真係咁重要? 係你揀呢間學校嘅原因?

sunnymama2

Elenalan 發表於 19-10-7 16:32
你仔讀龍校，個名次upper定lower 50%真係咁重要? 你唔係用個排名來應付派位，如果一間學校90分以上都會將 ...

唔好執着幾多分，係網友問阿仔其他表現才回應。

讀龍校係少d壓力，但我着重的係基礎，佢基礎打得唔好，只會越來越辛苦。尤其係中英文，係要時間浸的。

或者你睇唔到我之前講，佢係連“你”，“點”，“些”，“沒”等等的常用字都唔識寫，小二生，你會覺得因為佢係龍校生所以都覺得正常，唔駛擔心?

Elenalan

sunnymama2 發表於 19-10-7 16:38
本帖最後由 sunnymama2 於 19-10-7 16:44 編輯

唔好執着幾多分，係網友問阿仔其他表現才回應。

咁你應該要提醒自己唔好再喺孩子面前講佢分數/名次高低 (甚至同自己講諗都唔好諗呢方面)，因為你重點係想幫佢打好基礎，包括改善佢認字弱項。我絕對同意你帶孩子去check拎2nd opinion, 睇下讀寫方面是否有障礙。如果再check完都話冇問題，我會選擇小學階段培養佢大量閱讀，唔好計較佢分數 (除非學校俾壓力)，每個細路都唔同，可能佢要比其他人多幾年先適應到默寫字呢樣野呢。有人話閱讀成效慢，但我覺得係長線而有效，只係家長要有耐性。如果重視中文，亦留意閱讀方面唔好重英輕中。

meowloo

你CP嘅家教意思係咩？我覺得你小朋友應該係有主見、受軟唔受硬果類，要慢慢教，唔好影响親子關係

資優唔一定績優，睇佢地自己想focus响邊度；唔好用學業成績去衡量佢的能力

Elenalan

關於成日寫錯字，我有一個改善方法好work，不過只係針對一d「記性超好」嘅人，因為記性好嘅人要改善寫錯筆劃其實仲難，原因係佢地慣性記憶太強，用一般方法例如拆字記部件都未必work, 嚴重到可以重複錯十幾廿次都改唔到 (我女情況係咁、我細個都係咁)。

方法就係練寫倒字(上下方向倒轉，即係我寫俾對面嘅人睇)和倒影字 (模擬係照鏡見到個字嘅樣，呢個係advanced level)。我介紹左呢個方法俾呀女，將佢成日錯嘅字咁樣倒寫，佢就好易記到個正寫亦唔會再寫錯，而且覺得好好玩。

我唔係專家，只係試過覺得work。