學之園vs根德園

tyty2345

rchan1 發表於 19-3-7 14:35
仲等緊一間放榜

SPk ?

pekovian

vote for KV

ggyan

ceciduck 發表於 19-3-7 17:01
LH要家長o既involvement都幾多,成日會捉D家長去開家長會,如果buy o既就會好鐘意,如果要返工就會覺得成日要 ...

其實LH就是好在全年一樣親子勞作都唔洗做，開放日果一樣只是optional 交。反而對於working mum的我覺得輕鬆，因為學校教得好入心返學又開心，返屋企完全可以係quality親子時間。

wg_ann

ceciduck 發表於 19-3-7 17:01
LH要家長o既involvement都幾多,成日會捉D家長去開家長會,如果buy o既就會好鐘意,如果要返工就會覺得成日要 ...

家長會上下學期各一次，應該唔算特別多，其他幼稚園都係咁，家長會亦係optional, 我無去過，因為WM唔想請假，你出席唔到老師會另約時間就你，其實好彈性。

wg_ann

ggyan 發表於 19-3-8 00:45
其實LH就是好在全年一樣親子勞作都唔洗做，開放日果一樣只是optional 交。反而對於working mum的我覺得輕 ...

果份open day親子勞作其實年年都會引起誤會（學校應該考慮下係咪咁安排），因為一年得一份親子勞作，好多家長都出盡洪荒之力去做（可能平時無得做技癢 ），有d係做到好誇張，結果open day擺出黎好多人（包括我）都以為好多親子功課做，但實情係一年只得一份，仲要係optional。

jsmjsm

回覆 ceciduck 的帖子

又唔係丫, 無捉去咁誇張
有茶聚有講座全部optional, 學校通知你有呢D活動, 出席與否個人決定

今年我地都有去, 因為都有用.同埋我好想知小朋友學校生活.

不過我有聽過有人好唔鐘意LH, 覺得小朋友學習唔需要咁多家長involvement, 所以佢K1轉左去KV, 就好滿意. 所以, 選校除左適唔適合小朋友, 都好睇適唔適合家長=)

chenghidi

KV 用家.自律品行成績一流.唯一缺點少家長參與的活動,但都唔駛做親子功課!

vincenthocs

chenghidi 發表於 19-3-8 12:49
KV 用家.自律品行成績一流.唯一缺點少家長參與的活動,但都唔駛做親子功課!

對於訓練小朋友獨立能力, 缺點可以是優點...

Vana

兩間學校都各有各優點，我都掙扎過兩次

大女當年有 kv am offer,  我哋住得好近學校可以行番學好吸引， 但最後放棄咗..... 去左 hkps kln tong (已經closed), 上到小一有少少後悔 , 因為k 太開心我地又完全無外補我又係懶媽， 我個女真係唔識中文字咁 但好多同學from kv 中文程度好好, 不過到小二小三又覺得冇乜大分別, 反而欣賞hkps帶俾佢愛閱讀既習慣

到二仔因為hkps close, 轉校又係 KV vs LH...又好掙扎，一間好近一間山長水遠... 最後再次同 KV 擦身而過.... 今年我仔LH畢業勒，完全冇後悔仲好感謝LH

當時揀LH主要係各方面比較平均，中英數程度都好.. 幫助培訓小朋友考小學

Vana

Vana 發表於 19-3-11 18:02
兩間學校都各有各優點，我都掙扎過兩次

大女當年有 kv am offer,  我哋住得好近學校可以行番學好吸引， 但 ...

而且覺得LH多活動開心啲, 當時唔知佢會上咩小學但普遍香港嘅小學都無咁愉快 希望佢有個開心啲嘅幼稚園生活

我個仔性格比較內斂，但係喺學之園有好多表達自己嘅機會，真係睇到佢好大成長，我一直好擔心佢考小學，但學校真係 提供咗好多資源同埋訓練畀佢哋，而且都係好關心佢哋 我個仔真係有非常大嘅轉變佢考小學嘅成績亦都令我喜出望外

同埋亦都睇到我個仔而家嘅中文程度同家姐當年有好大分別

KV 都係一間好學校， 但我自己心目中的理想學校係LH, 所以都係揀返一間適合自己嘅學校冇話邊間最好

Jkjk999

Vana 發表於 19-3-11 18:09
而且覺得LH多活動開心啲, 當時唔知佢會上咩小學但普遍香港嘅小學都無咁愉快  希望佢有個開心啲嘅幼 ...

請問可否分享讀Lh邊間分校？同埋想問下學校會有咩活動？例如 Halloween x’mas 中秋 聖誕 新年 畢業典禮 等...都會有活動嗎？多唔多出外參觀？同埋k1開始會有幾多功課? 親子活動多嗎？有冇親子旅行？茶點食咩嫁？聽聞有面試班，讀左學校個面試班 係咪都夠？唔洗再出面報？另外，有冇d咩科要外補？
唔好意思 太多問題 因為考慮緊轉唔轉校 所以想知多點 謝謝解答

Vana

Jkjk999 發表於 19-3-12 05:35
請問可否分享讀Lh邊間分校？同埋想問下學校會有咩活動？例如 Halloween x’mas 中秋 聖誕 新年 畢業典禮  ...

其實每一間學之園嘅課程同埋教育方式都係一樣， 就是跟醫生開嘅campus都會有一啲舊校教咗好多年嘅主任或者副校過去做校長....

你講嘅活動全部都有， 但真係需要家長出席嘅可能就係聖誕表演 你可以喺學校睇同埋畢業禮，其他都係小朋友自己進行

有小朋友自己外出既參觀，有親子活動，但又唔係真係話好多需要家長參與 ，比較都係k2有好多升小一嘅分享會，你可以出席亦都可以唔去

小一功課量未清楚 因為二仔k2插班，細佬而家pn.... K2  上學期我印像中係一樣至兩樣功課, k2下學期到k3而家就 三樣功課但全部都係小朋友自己可以完成

茶點好多時食蘋果香蕉 麵包 餅

Vana

Jkjk999 發表於 19-3-12 05:35
請問可否分享讀Lh邊間分校？同埋想問下學校會有咩活動？例如 Halloween x’mas 中秋 聖誕 新年 畢業典禮  ...

有小一啟迪班, 我小朋友同埋我識得大部分同學都冇出去再上面試班....  教得好好 佢哋仲會安排其他campus嘅老師來進行面試

我覺得已經好足夠，小朋友每次去到面試都自動進入狀態，我小朋友考小成績好理想，學術同面試技巧我真係全部靠學校所以好感謝學校

K2 轉校初期上左半年phonics, 之後完全無外補， 已經覺得好足夠