香港自行派位制度非常unfair !

kkhon

好難有制度係可以滿足所有人，只能喺吾公平當中做到最公平吧！
其实必收生只有教職員子女/有在校兄姐，為方便照顧，並冇不妥。

至於舊生有回饋母校作出貢獻，而教徒亦会為教会出力多加5分也未嘗不可。但就算比其他人多5分都係要抽。
睇开d，做好自己就是。

星星的後裔

chiliwu 發表於 17-9-8 11:15
回覆 Penipony 的帖子

每年9月初必定會出現這類帖...

上年有人話去告，最後呢

kkhon

星星的後裔 發表於 17-9-9 17:16
上年有人話去告，最後呢

吓！告制度？

星星的後裔

teddy210ay 發表於 17-9-8 11:55
我覺得政府统一派位制是合理公平的！但只是學位已有差不多一半去了自行！
...

上年有人在這裡大鬧大抽獎不公平，因為他可能被派到他沒有選的學校。可見公平在不同人心中有不同的理解。

MrsSunshine

其實為什麼沒有人說 直資學校收70%有關係人士不公平？？

4eyesDad

RunningPig 發表於 17-9-9 15:32
你對歐美的制度有咩認識? 我以前住美國，美國的公立小學剩收附近幾條街住的學生，結果好學校附近的屋超貴 ...

香港的小一入學制度可以幫到社會中下階層嗎？似乎不可以，因為根據最近二十年的＂堅尼係數＂（Gini coefficient ratio)，香港是全球160多個地方中，大慨排名尾十，而且逐漸變壞。即是說，近20年來，香港人收入的＂貧富不均＂的情況，愈來愈壞，比美國及任何發達的地方差得遠。

4eyesDad

Wongleungyuen 發表於 17-9-9 16:21
無錯！美國正正係咁。任何一個制度都無絕對公平，香港已算較好了。

不能以偏概全，不如嘗試這樣去思考：如果香港小一入學制度＂咁好＂（例如比美國或英國或澳洲或加拿大的好），為何這麼多在那些國家的聰明人，不走來香港抄襲小一入學制度？

講到美國，我欣賞他們的頂級私校，例如Phillips Academy Andover, 公開表示不會以家庭收入為收生標準，申請者成績好，不論家庭狀況如何，學校會全力支援，去年有17%學生完全不用交學費及住宿費，全校48%學生獲得財務支援，真是令人感動!

在香港，黃竹坑某男女小學聲稱每年有10個小一學位給＂低收入家庭＂，但是我出盡九牛二虎之力，也找不到關於真正有此類家庭受惠的任何數字。

在九龍佐敦市區某私立女小學，小一申請者，需要提供住址證明文件，我識個住淺水灣豪宅的朋友，他的女兒正是這間女小學學生，以我了解這朋友的性格，他提供住址證明文件時，他可能將不用按揭的＂地契＂影一份給這間學校。Any question?

17-9-9 21:43 上傳

下載附件 (1.85 MB)

murako

hohoho888 發表於 17-9-8 11:28
有D學校已經執左, 我果間就係囉...

我同我老公間小學都殺佐校啦！(emoji)(emoji)(emoji)點解要有這個分？又唔係人人都有的。

RunningPig

4eyesDad 發表於 17-9-9 21:05
香港的小一入學制度可以幫到社會中下階層嗎？似乎不可以，因為根據最近二十年的＂堅尼係數＂（Gini coeffi ...

香港的貧富懸殊嚴重，原因有很多，不能因此證明升小的制度不公平。我有多名朋友就讀區域名津小，他們説現在小學的學生有很多來自公屋。這種情況是美國不能想像的。

RunningPig

4eyesDad 發表於 17-9-9 21:43
不能以偏概全，不如嘗試這樣去思考：如果香港小一入學制度＂咁好＂（例如比美國或英國或澳洲或加拿大的好 ...

你想由公立説到私立，我也可以跟你説説。我有朋友正正是拿你所説的奬學金，到全美第一私校 Phillips Exter 就讀。跟據他所説，不拿奬學金的，全部都是來自億萬富豪的家庭，比香港的直資名校更貴族，而拿全獎學金的所受的歧視你是不能想像的。
當然美國也有一些以才收生的特別公立學校，譬如 Brooklyn Tech，但這些只是很少數，而且只有中學，没有小學。
我相信一定有國家的制度更好，但美國絶對不是其一。

1998Ruby1998

回覆 murako 的帖子

我父母中學小學都殺曬，我都係冇分靠抽獎。但係我覺得父母舊生 10 分唔算唔公平。就好似我依家做補習教返自己母校小朋友，我知道母校要求大概係點，上學期下學期大概教咩，完全有把握教到個小朋友同埋幫佢地預習。如果將來我有小朋友而且又幸運入得返母校，要確保小朋友跟得上唔係一件難事。

MrBeast

4eyesDad 發表於 17-9-9 21:43
不能以偏概全，不如嘗試這樣去思考：如果香港小一入學制度＂咁好＂（例如比美國或英國或澳洲或加拿大的好 ...

旺角某男神校收某鮮魚行學生比埋獎學金，但人地唔領情。known secret美國某ivy league u 有些位是可用＄買到，more questions

MrBeast

RunningPig 發表於 17-9-9 22:47
香港的貧富懸殊嚴重，原因有很多 ...

這個一定同土地供應問題有關la

Soundervolt

MrBeast 發表於 17-9-9 23:24
旺角某男神校收某鮮魚行學生比埋獎學金，但人地唔領情。known secret美國某ivy league u 有些位是可用＄買 ...

呢個唔係秘密，唔係點解咁多super rich嘅後代入到超級學府(尤其美國)，早排某super rich因為捐錢買學位傾唔掂數要搞到打官司。https://www.kstudy.com.tw/TopNews/NewsContent.aspx?type=8&no=11790

Soundervolt

4eyesDad 發表於 17-9-9 21:43
不能以偏概全，不如嘗試這樣去思考：如果香港小一入學制度＂咁好＂（例如比美國或英國或澳洲或加拿大的好 ...

講講下津校派位，又轉咗台講直資?私校就更加唔使講啦，講到明係“私”校，要自負盈虧， 斗零都冇收政府資助，學校點收人，收乜嘢人，就算100%收哂自己親朋戚友，都有佢自由。反而直資收得公帑，收生方法就值得檢討一下。

edutm

美國同加拿大中小學都係“就近入學”。只要你個地址, 係學校cover既校區, 就係必收。如果太多人搬入名校區咁點算？咁地區政府會係學校加臨時課室, 加學位, 總之一定唔會跨區。仲要每年申報地址, 是但一年地址轉左, 學校會即刻安排學生轉校。
制度看來簡單, 但無能力搬去好校網區的家庭, 佢地會覺得公平嗎？

MrBeast

香港彈丸之地，交通四通八達，外國地大脈博，又點可以相比呢

simonwan

小一升學制度系公共政策，關全香港人事，點解唔可以討論？點解要話人輸打贏要？仲要話制度系甘，接受佢啦！想辦法玩好呢個游戲，唔好投訴。
身爲公民，而且系家長，討論下呢個關乎子女前途的制度都唔得？

甘政府所有現行政策都唔好討論，接受佢就得啦！否則你一定是社會失敗者，或者輸打贏要。
MPF 甘揾笨，大家打工仔唔好討論；大陸人可以落黎生仔唔好討論，繼續比佢地身份證；香港人生仔無床位唔好討論，應該自己想辦法玩好呢個游戲。。。。。。。

事實上，無論升小制度，升中制度，都有好多可討論的地方。
樓主一開 post 講就比人指責或冷言冷語，唔怪得 EK 越來越少人發言、分享。

simonwan

kkhon 發表於 17-9-9 17:18
吓！告制度？

2000年 升中男女隊分開派位制度比平機會告，仲打贏埋。

告制度有嘜出奇？

simonwan

宗教分、校友分、地區派位全部都有值得討論之處。
唔講公唔公平，衹講政策效果。

樓主提出一點說校友分令窮學生更難上名校。呢一樣我系同意的。
二、三十年前畢業的名校生，大部分而家都是中產或中產以上 （唔好講特別例子，政策討論唔系研究物理定律，一個特例推翻所有野），而事實上而家制度有校友個 5 分同無系差好遠。

對於大部分名校，有校友分加宗教分已經好大機會入；衹有有校友分唔一定入，但系有得抽；無關係分的，自行就一定無機會。

好，你話可以大抽獎，傳統名校大多位于豪宅區，九龍塘、中西區、灣仔、銅鑼灣有幾多公屋？唔講假地址，有錢有辦法的，租多間或買多間話甘易。

香港貧富懸殊惡化得甘犀利，當然有好多原因。但系教育制度肯定系其中之一。