仔仔最新近況:
番左 I 位大約個多星期,朝朝不肯起床,每每到學校門口後一直喊住講「番屋企」,要老師花時間平復情緒,校長及老師建議頭兩星期只上2小時等小朋友適應,再慢慢調節時間,目標是下午4:00放學,老師報告話仔仔叫名有回應,眼神都OK,但不太理會同學
等左八個月第一次到CAC評估,由高級兒科醫生同一位助理醫生接見,測驗範圍包括拋波(OK)、上落樓梯(OK)、跳(唔識)、形狀拼圖(由淺到深大約做左五款)(OK)、疊積木(明明識但唔肯做,只排列)、分大小(唔識)、分長短(唔識)、推車比醫生(唔做)、拉動一塊布拎較遠物件(OK)、拿筆畫圈及其他圖形(只亂畫)、幫公仔梳頭餵食(OK)、指公仔五官(OK)、從五件物品中口頭叫小朋友拎指定一樣(OK)、拎約十件物件圖片叫小朋友講出(7成OK),給醫生報告日常情況如玩車輪、自轉、開關櫃門等,傾談期間告訴醫生正在戒口,已驗食物敏感報告等,但醫生嚴重反對戒口及生物療法,話無根據。最後評估結果:認知能力(智齡)及大肌肉能力正常,言語理解及表達能力慢半年,小肌肉能力亦慢半年,附加「自閉症徵狀」五隻字,建議 I 位,轉介兒科及精神科,政府下次服務為:2018年入學前評估(期間再無跟進)
近期自理及言語有些微進步,想出街會走去拎鞋同講「街街」,肯自己孭書包,回家後會自己講「除鞋」「除襪」同時自己除。但去商場時見到電視或廣告就會企定定睇唔肯走,經過汽水機、扭蛋機呢類機器好鍾意撳,叫極唔走,好頭痛