從前我希望/要求仔女點樣,依家仔女咁樣!唉!要接受好大落差

MASAYA

小時了了 發表於 14-8-21 09:31
上星期新出現一個落差 ------ 9歲升小四的阿女生平第一次出聲講 "粗口"(X你老X) 罵奶奶 (事原小女與奶奶爭 ...

問下佢講完粗口有咩感覺，會唔會舒服左？心情好左？件事解決左？(唔好質問既語氣，一定有反彈)
我覺得每個人都有學壞既機會，細個學壞，壞極有個譜，同埋會易d學返好，變返好就冇咁易再壞返，因為諗通左，反而成左年先開始學壞最弊，好難返轉頭

p.s. 有d人覺得講粗口冇乜大不了，但我覺得細個講粗口唔理，大個就唔止講粗口

annie40

回覆 小時了了 的帖子

上星期新出現一個落差 ------ 9歲升小四的阿女生平第一次出聲講 "粗口"(X你老X) 罵奶奶 (事原小女與奶奶爭睇電視, 老人家打她, 她就用"粗口"回敬" 老人家). 呢個落差.... 唉!
****     ****     ****
拿拿临今次我要帮你个女嘞!  九岁的孩子最痛恨父母处事不公平, 千期不要期望佢奉旨的让细佬妹, 奉命的让老人家,他们的世界处于非黑即白区, 唔会理解如何运用灰色地带,  佢講 "粗口"当然系唔岩, 但有人出手打人, 是无理在先, 据理力争, 简直好有potential 当'大状', 妈妈无理由只系责骂一个, 另一个就无呢事干啊!

要骂就一起骂, 顺手打烂部電視机.......睇下边个够我恶死...........此乃幻想部分, 我真的无甘勇!

请拉埋女女入房, 话比佢知嫲嫲读书少,唔识上网,唔识打机, 生活苦闷, 无呢嗜好, 電視节目好落后, 留番比D六十岁以上阿毛睇就差不多, 重要话自己要睇少D, 否则太老饼了..........等阿女觉得你有道理, 然后讲番一小时大道理, 临尾话
Cotton On 的笔袋, 和notebook 很漂亮, 又得意, 不如亲住减价, 开学前去選番一些都好播!!!!

始终是一家人, 大事化小, 请你老公劝慰老人家, 切记要:　动口不动手: 孩子, 不能随便'打'. 不然把電視机送走好了，天下太平!

dontaskme

我仔應該差不多把圖書館有關屎尿屁的中文書都看過了

hadwinboy

原帖由 小時了了 於 14-08-21 發表
本帖最後由 小時了了 於 14-8-21 09:32 編輯

上星期新出現一個落差 ------ 9歲升小四的阿女生平第一次出 ...

為何會"爭"? 誰開電視先? 是否有人霸住長看呢? 可教她們要輪流看. 講粗口是果，那麼因呢? 也要先解決. 另外，除了教不要講粗口，也要教禮讓、相讓及敬老. 這些也很重要啊.

MrBeast

MASAYA 發表於 14-8-21 10:37
問下佢講完粗口有咩感覺，會唔會舒服左？心情好左？件事解決左？(唔好質問既語氣，一定有反彈)
我覺得每個 ...

比你引到出lei tim.  粗口都係語言的一部份，在下愚見是應要識和點用，唔係第時出來做野點適應。
與其朋背間學到，倒不如自己以輕鬆方法討論一下，most importantly, 什麼時候不應用粗口。

MASAYA

MrBeast 發表於 14-8-21 19:15
比你引到出lei tim.  粗口都係語言的一部份，在下愚見是應要識和點用，唔係第時出來做野點適應。
與其朋背 ...

係呀，所以問下佢講完粗口有乜感覺，理解下小朋友既心理先。同意粗口係語言一部份，有d人話係語氣助詞，咁係對打擊系語言有幫助既，但好少情況下可以幫助表達，同埋好多時聽到人講左八句粗口都講唔到重點，又諗唔到點講落去，結果都係繼續講粗口，小巴上常見，但如果講到黃霑咁既境界另計啦

Mini-mummy

期望：
照顧及保護到身邊每一個人

現實：
仲喺我照顧緊佢

annie40

間唔中會比人激到系心𥚃要講粗口，講完真系好舒服。zzzzzz粗日可以是感歎詞。完全沒有表達的必要。

nillnill

黃霑係大人，而且係能文能不文，識得控制。大人當然唔可以教小朋友講粗口，亦要控制唔係小朋友面前講。呢個身教，唔係教什麼道德尊重，而係教小朋友自制，適當身份做適當事講適當話。小朋友長大後識講粗口抽煙召妓賭錢，呢個係靠佢自己取捨自制，而唔應該大人身教，否則多個成龍。大家寧願自己個仔叻過黃霑抑或似成龍？

小時了了

MASAYA 發表於 14-8-21 10:37
問下佢講完粗口有咩感覺，會唔會舒服左？心情好左？件事解決左？(唔好質問既語氣，一定有反彈)
我覺得每個 ...

講粗口只係果，之後耐心地同阿女傾，一層一層咁問落去，事實原來是咁的：



所以講粗口 > 因為奶奶打小女 > 因為小女與奶奶爭睇電視 > 因為放暑假不用返學要係奶奶家發呆 (平時返學沒有這衝突）> 最後發現根本原因是 - 小女講因為佢好悶，無野玩，又無人同佢玩，又無電腦玩，只有睇電視"打發時間" （因為報社區中心的暑期活動於上星期完晒所以活動）



當我了解 "因為小女好悶，無野玩，又無人同佢玩，只有睇電視打發時間" 呢個情況，當晚同C6傾&同C6講，如果我自己湊，我會同小女去圖書館，游水，打波，去公園玩等，絕對不會發生依家小女講粗口的惡行。但，我倆深感有 "寄人離下"，老爺奶奶咁老都幫手湊孫，我地真係無可能要求兩老人家上山下海咁陪阿女好充實咁過暑假的啊！唔上山下海，要老人家係圖書發呆一個鐘？兩個鐘？呆等呆坐呆陪？呢個唔係老人家的職責，係父母職責啊！我地無得要求老人家的啊！（雖然問心我真係好想）同理心我倆會明白小女暑假在家的苦悶，亦體諒老爺奶奶的勞苦！



之後一日，聽女講佢煩咗奶奶好耐想去游水，最後奶奶肯帶佢去, 兩老少一齊游水過咗好愉快又充實嘅一日。"講粗口"無機會講了。



係呢件上，我自己好真實學一樣野，同小朋友傾，真係要好有耐性唔好有預設立場／想法／道理，要一層一層去問，了解事情核心問題，咁衝突會減少好多，親子關係才會長久及良好。


我都係努力學習中！

MASAYA

小時了了 發表於 14-8-24 19:11
講粗口只係果，之後耐心地同阿女傾，一層一層咁問落去，事實原來是咁的：

我覺得你做得好好
禁止好容易講出口, 但冇了解原因係解決唔到問題, 最壞情況係在你面前做得好乖, 但冇管束下就唔會自律, 仲衰過係你面前講粗口

小時了了

MASAYA 發表於 14-8-24 22:11
我覺得你做得好好
禁止好容易講出口, 但冇了解原因係解決唔到問題, 最壞情況係在你面前做得好乖, 但 ...

上星期係晴報睇到以下的文章, 個人覺得好好, 同大家分享一下. 正如您所講, 我唔希望小女係我面前同背後嘅品格及行為會有天與地的表現落差.

孩子是不需要管的 - 鄧明儀
20/08/2014

人生總是充滿諷刺的！柯震東與房祖名在北京涉毒被捕，前者兩年前為台灣拍禁毒宣傳片「我不吸毒」，後者父親成龍更是中國禁毒宣傳形象大使，把「拒絕毒品誘惑」說得擲地有聲，更曾揚言：「小房子（房祖名）要是聽話我就不用管了，他要是走了歪路，我必定報警抓他坐牢！」網民立即拿他的金句「中國人是需要管的」改圖揶揄為「孩子是需要管的」。

兩個本來前途無可限量的大男孩，卻為全中國人做了「養不教，父母之過」最諷刺的示範。

柯震東曾在訪問時坦言，家人對他採取「無所謂、放縱」的教育方式，養成他放蕩不羈、口不擇言的個性，「她（媽媽）只管我的錢，其他都不管我，不坐牢就行。」另一邊廂的房祖名卻恰恰相反，自小在超級巨星父母的「壓力」光環下長大，成龍是事事要管、打多讚少的傳統嚴父，甚至經常在傳媒面前數落兒子，說兒子不如他勤奮、努力，「反正覺得他甚麼都不如我好。」

在管與不管之間，父母從來都難以拿捏得準！曾聽過一位兒童心理學博士談他的教育心得：「孩子是天地的，不需要特別去管太多。12歲前孩子是父母的，12歲以後父母再也管不動了。」他說，孩子就是兩夫妻的鏡子，子女表現好與壞其實來自父母的身教。

在中國教育來說，柯爸是太過放任不管；在西方教育來說，成龍是管過多了。畢竟，真正優秀的好孩子，不是管出來的，是教育出來的。

http://www.skypost.com.hk/column/鄧明儀/007010001005/%E5%AD%A9%E5%AD%90%E6%98%AF%E4%B8%8D%E9%9C%80%E8%A6%81%E7%AE%A1%E7%9A%84/150890

little_yolky

hkpapa852 發表於 14-8-15 18:15
唔好以為8，9唔重要，如果父母都唔尊敬愛護親友，咁你咁叫佢地尊尊愛護親友？ ...

我唔係話唔重要, 係覺得唔認為小小朋友覺得重要。小小朋友都自我中心, 唔會想到他人, 父母只要尊重他們就夠了。所以, 8, 9係重要, 但唔會如文中所說的小小朋友會覺得重要。

Mat_Dad

從前我老婆十月懷胎時, 我兩夫婦希望BB出世有手有腳健健康康.
依家阿仔有手有腳健健康康, 感謝主!

小時了了

http://hk.apple.nextmedia.com/su ... 23/18841144?top=12h

千金難買少年窮 - 陳惜姿

房祖名現年三十二歲，廿八歲時獲父親成龍送一個北京豪宅「Naga上院」單位作生日禮物。這個單位，正是他今天和朋友吸毒的地方。


成龍廿八歲時又在做什麼？

他已拍了《新精武門》、《蛇形刁手》和《醉拳》，成為當時得令的武打明星。

若成龍從小有個富爸爸照顧，凡事不勞而獲，飯來張口，生日時獲豪宅作禮物，他還會有後來的成就嗎？富爸爸捨得讓他為拍戲弄得遍體鱗傷嗎？他還會是名滿中外的成龍嗎？

有個富爸爸，是福還是禍？做名人之後不容易，做中國名人之後更難。外國富豪會把財富捐出來，不為子女留一個仙，中國人不會。中國人喜歡為下一代籌謀，以為把最好的留給子女，最後是害了他們。子女從小要風得風，要雨得雨，這些白白得到的財富和享受，對年輕人是一種蠶食，一種毒害。

千金難買少年窮，是我們經歷過的道理。今天的一切，都憑自己雙手賺來，是我們引以為傲的成績。不為子女留什麼，我認為是應當的。


我常提醒自己，不要令子女過得太好，因不知他們將來家境如何。年少時享受慣了，將來未必會有這種生活。有一個年輕同事跟我說過一句話，令我印象深刻，她說：「我這一代的痛苦，是從小被培養出一種品味和要求，是我憑現在的收入負擔不起的。」

轉載自蘋果日報

rean_chau

kerkermui 發表於 14-8-20 13:37
我覺得我對兩個小朋友嘅期望不停咁改變緊 (微調中)因為生佢兩個時，我身體一路都有問題，所以，佢地平安已 ...

點解覺得培養音樂係一生既禮物?  除非佢好有天份同興趣, 如果單靠聰明其實係唔會成為興趣, 只會當一個學科向你交差.
其實唔需要一定要佢學彈學唱學吹先叫做興趣 其實教佢學識欣賞音樂都唔錯丫.

kerkermui

rean_chau 發表於 14-8-26 13:55
點解覺得培養音樂係一生既禮物?  除非佢好有天份同興趣, 如果單靠聰明其實係唔會成為興趣, 只會當一個學科 ...

我先生細個係被迫學音樂嘅，但最近佢又攞起佢個小提琴，又再跟老師學佢一路都好鍾意音樂，只係唔鍾意被迫

我地明白，有時作為家長，點都要俾d壓力先會去練習，而練習本身未必會好有趣
但到成功之後，就會變得有趣

我地希望從學習樂器當中，佢學懂音樂，從而懂得欣賞音樂

marble2004

回覆 小時了了 的帖子

千金難買少年窮 - agreed!  Thinking back of the good old days, we were so poor but then we trained to be tough - be able to face all the difficulties and challenges.  I bet the kids, teenages or even those 20's or early 30's won't be able to handle.

little_yolky

rean_chau 發表於 14-8-26 13:55
點解覺得培養音樂係一生既禮物?  除非佢好有天份同興趣, 如果單靠聰明其實係唔會成為興趣, 只會當一個學科 ...

係「培養音樂」係一生既禮物, 唔需要迫佢學習「樂器」。有無天份都好, 每一個人天生都應該喜歡音樂的, 他們會找到自己的音樂。如果小朋友無天份, 我哋就唔好迫佢哋做李雲迪同郎朗, 只需要「欣賞」音樂, 音樂除咗係升中呈分要X2既學科之外, 仲係一種減壓的好方法。

好似我囡囡, 學校一定要學一種樂器, 咁我咪俾佢學琴囉, 依家升小二, 都仲係一級程度, 樂器只係俾佢學校考試交差既嘢, 佢自己本身好鐘意唱歌, 所以就參加詩歌班同學粵曲。所以「培養音樂」就係教佢學識欣賞音樂, 同你既觀點無出入的。