怎麼辦..?

hobby

回復 lillymarie 的帖子

謝謝你,

因為老公仍然不太明白, 不過, 他也需要時間去消化去理解

其實囡囡的焦慮都唔係咁standard, 或者算是最basic那種罷

佢要找的東西真的是過了位了, 昨晚找bb玩具, 今早找牙膠, 牙膠佢好細已經冇用, 冇見過, 我真係唔知點解佢仲會記得

學校老師, 家人都開始累了 ... 還好在這裡可以有人分享

lillymarie

hobby 發表於 13-3-15 09:56
回復 lillymarie 的帖子

謝謝你,

我想起細囝細個時，亦曾經要我幫佢做一些無可能做到的事。當時，我只係不停咁重覆佢講既野，“你好想要XX” “你想媽媽幫你整”。如是者重覆咗好多次，我最後先話，“Sorry呀，媽媽做唔到呀！” 佢當時好嬲係度哭。咁我由得佢哭，自己去做自己野，唔再理佢。因為我即使再安慰佢都無用，唯有讓他喊下。記憶中，佢都係喊一陣就接受了呢個現實。
聽妳囡囡情況，似乎佢一直唔能夠放低，而且要完一樣又到第二樣。所以都係去睇睇專家好些。

LeeCC

阿仔仲誇張，早個排成曰要揾一頂BB帽,話上面有隻熊仔好靚,個頂帽2歲前去街戴過,跟住冇戴過,送咗俾人,我們差點已忘記這頂帽

hobby

回復 LeeCC 的帖子

即是同阿囡一樣, 要找2年幾前的東西, 阿囡要找牙膠又要找bb時的吊飾, 但阿囡控制唔到自己, 希望明天見完醫生快啲有下一步跟進

HahaB

hobby 發表於 13-3-15 15:00
回復 LeeCC 的帖子

即是同阿囡一樣, 要找2年幾前的東西, 阿囡要找牙膠又要找bb時的吊飾, 但阿囡控制唔到自 ...

我女女之前都係咁架喎, 成日要搵野, 我返左工, 佢都打電話來問我D野在那..
知道自己對鞋唔岩著, 又擔心我送俾人...
總之成日搵埋D無厘頭野....一諗起就要搵...搵唔到會好唔安落,
直情係超失落....甚至喊...
佢又係鐘意坐向度, 諗諗下野就喊...喊完又講對唔住,
又或者有時係歇斯底里地喊..好似好慘咁....
果陣我同老公都無哂辦法, 日日同佢角力, 鬧又唔係, TUM又唔係..我地都快崩潰!
不過後來帶佢睇左精神科醫生,
雖然無開藥, 只係轉介俾心理輔導,,
但個醫生講過, 唔可以就佢, 要將所有事淡化佢,
將佢好在意的事, 淡化佢,
要STOP佢, 因為愈幫佢去搵, 愈去理佢, 佢會愈惡化~~
(事實都係咁..)

之後睇心理輔導, 即係個遊戲治療,
個心理醫生教了一些方法, 佢話對住呢類小朋友, 一定要先認同,
認同佢既感受, 呢一部份要較落重本去做..
以你個CASE為例, 當阿女要搵某件東西時,我地就應該要同佢講:
"我都好掛住果件東西呀, 我記得你好細個時用過架,
若果我係你, 我一定好想搵番佢出來, 得閒玩下,
我會好想知件東西而家點, 因為我曾經好鐘意架嘛.
唔知果件東西而家過得點呢.....我諗諗下, 知道可能見唔番佢, 就好想喊啦..
你係咪都同媽媽一樣, 有咁既諗法, 好掛住果件東西?"
(要用自己的角度, 講一系列女女的感受, 由大人口中去幫小朋友講出佢地的感受)'

通常你站在佢角度認同完一大輪,
佢會唔覺意咁俾你知道, 佢的內心感受,
THEN, 當佢覺得你完全明白佢之後, 才開始同佢講:
"雖然好掛住件東西, 好想見番佢, 但係我地慢慢長大左,
有些東西已經唔岩用, 我地就要學習放手,
雖然我都好掛住, 覺得果件東西好可愛/好好用,
但係, 媽媽都要同你一齊學習, 學下點去處理D舊玩具"

THEN, 再去搵個解決目標,
例如: "不如咁啦, 我地下次要掉一些舊玩具,或者將唔岩用的送俾其他人時,
我地一齊幫果件東西影張相,咁第日我地好掛住佢時,
咪可以拿張相出來回味下囉"  (類似既答案)

以上的方法, 係我女個心理治療師教我地的,
在我個CASE來說, 非常有效~
雖然阿女都間中仍會歇斯底里一下,
但至少, 我地FEEL到佢心底裏多了一份安心,
覺得我地明白佢, 知道佢的大吵大鬧, 唔係唔聽話,
而係真係好傷心, 好難過...
個心理治療師仲話, 其實同小朋友相處, 與一般人同人相處一樣,
若果你唔開心時, 同朋友/老公講,
佢講一大堆建議俾你, 叫你下次唔好咁, 下次應該點點點時...
其實...自己係未必聽得入耳, 甚至覺得"你都唔明!",
但若朋友/老公什麼建議都無俾你, 只係認同你, 講一D類似以下既說:
"若果我係你, 我諗我仲難過, 你己經好叻架啦! 處理得唔錯架啦"..
咁...自己條氣真係會舒服哂....
個心理治療師話, 大人同小朋友一樣,
尤其小朋友, 唔開心, 唔係想人說教,
唔係想聽建議, 而係想人明白自己...
當父母明白左自己, THEN再去建議佢, 佢會受落好多~~

我唔知道以上的方法幫唔幫到大家,
但我自己真係超有效!
當然, 除左呢樣野之外,
個心理治療師仲因應我女女情況, 教左我地好多不同的方法~
有機會, 而我又好得閒時, 我再同大家分享...
太長篇~~ 打到手軟, HAHA~
希望幫到大家啦~~

hobby

回復 HahaB 的帖子

真是感動, 係ek 有很多同路人及關心我及囡囡的人, 不過我個囡的case又好似有少少唔同

我個囡就唔會講對唔住, 平日要佢say sorry難過登天, 呢樣已經教到我哋死死吓, 但相他情況都算一樣,

諗起咩就要找咩, 不停地找, 不過找到a又到b ... 所以, 冇可能滿足到佢, 家庭醫生教的都相類似, 不過tum的, 用同理心的技巧已起不了作用, 讓她哭到飽, 深呼吸等等的東西囡囡都懂, 讓我分享一吓部分內容:

睇咗最少20分鐘，醫生問囡囡有邊度唔舒服，佢指住個肚，跟住答「我發痺氣」，即是佢完全知道自己做咩，而醫生都直接講清楚，讓她知道以後用一方法是沒用，[但今晚佢已出新招，唔講咁多以前，講將來（死未）]，醫生話可再看心理學家，但未必找到主因，最重要是學處理, 亦可在心理學家知道怎麼跟她相處, 及如果處理

醫生話佢以3歲來說應對太叻，太聰明，仲話可能諗吓check check 佢，亦提過現在的學校可能滿足唔到佢, 所以學校都放肆

但總算放心一點，醫生就覺得不是焦慮，是她睇穿晒身邊的人包括學校老師，所以咁樣做去引人注意,
其實，我一早預咗佢下學期開始唔聽話，但冇諗過咁激

這2日她繼續出新招, 話要買bb時的口水肩, 擺明玩嘢, 跟住講數, 買唔到呢樣就要replacement, 總之, 我同佢講好, 呢個星期唔喊就買2本書, 喊就買1本書(用來換她找不到的物品), 我又諗, 我哋同醫生講的嘢, 佢應該明白得7788, 如果唔係 ... 唔識咁做, 但真的冇佢符

hobby

從網上看了一些資料:


完美主義

同是資優人士常見的精神問題之一。留意D. E. Hamachek的論文便可發現關於完美主義的特定行動可分為六種[21] 。

情緒上抑鬱（並非慢性憂鬱症）

受到「應該這樣做」的心情苛責

羞恥與罪惡感

為保面子的行動

膽怯且拖拖拉拉

自卑感

與孤立問題一樣，完美主義是女性比男性更易出現的問題。

資優的孩童以自己的精神年齡（自己的思考程度）作為標準，本來就與身體年齡不相稱了，再加上完美主義就更為痛苦了。儘管能夠理解，卻因人生經驗不足，難以執行與精神年齡同級別的行動而飲恨。此外，尚未達到自己能力極限的資優因為任何事情都能做好而缺乏失敗的機會，因而助長了完美主義。

不均衡

資優孩子的成長往往並非同步。肉體追不上精神的成長速度，經常能觀察到認知、感情等機能中不同部分間的非均衡發展。嬰幼兒期認知發展的非均衡裡，最為人所知的是阿爾伯特·愛因斯坦。他直至三歲仍未能說話，其後卻流暢地說話，完全地追回落後的進度。關於此點，腦神經的研究者Steven Pinker認為，以愛因斯坦為代表的、語言能力發展遲緩的資優者成人後做出很大成就這一事實，並不意味著「他們的成就與年幼時的語言發展遲緩無關」、「雖有缺憾終有所成」、「語言發展遲緩是一種智力殘疾」什麼的，而是天才的才能與言語發展遲緩的共存是他們發展上的本來形態。[22]。

資優除了精神與身體、部分的感覺器官與其他部分發展的不同步、擅長的領域與不擅長的領域之外，OE強的領域與弱的領域亦表現了其不均衡。無論什麼人的發展都是不均衡的，但因為資優擅長的部分與OE的反應比一般人要強，故此不平衡的部分差距也非常大。在「發展不均衡」這一點上有共通之處的資優，每人的不同之處亦甚多，需要為每個個人度身訂造一個適合他們的教育環境與學習計劃。

hobby

這2天返學都想哭, 基本上都忍得住, 流咗少少眼淚, 昨晚出奇地聽話(跟之前2星期比較), 對眼sharp返晒
奶奶話老師說她整天都開心, 仲送貼紙+朱古力, 難怪醫生話佢唔係情緒有問題, 希望可以keep 住, 最少放假前唔會再發難

LeeCC

琴曰去健康院見醫生,話佢認知語言無問題，但有D焦慮的情況去專科做評估，未知要排幾耐

hobby

回復 LeeCC 的帖子

要排到幾時先有得睇?

我下個月先返去見姑娘 ... 我估有排等

LeeCC

我打去問過,話阿仔係舊檔案，唔使重新排(阿仔係早產B,BB時係個度評估同訓練）

hobby

明天總於都去見姑娘了,希望找到出路啦

今日,又收到老師電話, 講咗好耐 ... 總之,囡囡都仲日日喊

題外話: 連班主任都發現佢記性異常地好, 認知, 理解都一流, 原來在校, 她做堂課總來不用老師協助, 老師更讚, 要排卡, 佢完全排啱晒, 但班中好多同學都要協助; 老師為測試, 之前問過佢鐘唔鐘意返學, 囡囡答"鐘意"; 今日問, 你會唔會唔鐘意返學, 阿囡答, 我唔係唔鐘意返, 我好鐘意返xx幼稚園

其實對我來說, 阿囡應該一早已做得到, 唔覺得特別, 但原來在平凡中又有一點不平凡

我己經唔敢同老師講, 阿囡識9+1=10 (呢樣冇特別), 但佢會問點解係1,0 佢其實想問, 點解10得一個音(十), 但數目字有2個位; 之前放假帶佢買玩具, 件玩具$10, 我問俾$20找幾多, 佢答到$10; 之後幾日, 我同佢坐車仔(入錢嗰啲)$5一次, 同佢講你今日坐咗2次, 佢就答, 坐2次買到一隻超人公仔, 佢好似有數學concept, 但到文字表達就有問題出現, 而我到依家都未諗到點答佢10係10

hobby

其實佢越聰明, 我越驚, 因為我好像越來越唔識得教佢, 唔明白佢諗緊咩嘢, 啱啱呢個星期又有人問我, 你個囡好醒, 有冇找算check check 佢, 唉, 唔知阿囡跟人講過咩 ... 而我當然都沒有跟最親以外的人說過囡囡啲嘢la, 我真係怕人哋覺得我晒命 ... 奶奶主要只知囡囡情緒出問題, 所以呢1個月, 不停俾佢話我搞到阿囡有問題, 我自己都好大壓力, 哭過幾次

LeeCC

今早去下葵涌見姑娘同填問卷

姑娘話佢有D焦慮

lillymarie

LeeCC 發表於 13-4-10 21:44
今早去下葵涌見姑娘同填問卷

姑娘話佢有D焦慮

有否說幾時可見醫生／心理學家？

lillymarie

hobby 發表於 13-4-10 15:57
其實佢越聰明, 我越驚, 因為我好像越來越唔識得教佢, 唔明白佢諗緊咩嘢, 啱啱呢個星期又有人問我, 你個囡好 ...

希望妳找到方法幫妳囡囡。

hobby

我就排期5尾返健康院見醫生

LeeCC

咁耐?我同姑娘講,一個星期可見健康院醫生

hobby

回復 LeeCC 的帖子

冇晒期 ... 每本話最快5月11, 原來冇位 .... 排吓排吓, 要5月22, 仲有問卷俾老師填

LeeCC

你嗰間健康院都好旺喎