對衡道方方N班

hobby

完全認同, 我之前都好唔鐘意

1. 地毯 - 不過我見到去年interview同今年返學好似唔同咗, 同囡囡12月1日返全日到依家touchwood 都ok, 冇請過病假; 學校仲有護士長註; 所以依家都放心, 衛生ok

2. 學校舊 - 但囡囡每一次去到學校都好開心, 或者小朋友唔係睇表面, 佢哋會feel到啲老師, ee, 好唔好, 學校俾唔俾到佢安全感

其他仍然覺得不滿:
1. indian net
2. 學校透明不足


返學之後對囡囡的改變:
1. 第一日返學搭校車喊到嘔, 但返到第8日, 完全冇再喊, 因為囡囡都好喜歡司機&ee, 佢哋真係好好, 好有愛心, 仲會請小朋友食嘢去氹佢哋

2. 我哋屋企幾乎唔講英文, 但囡囡洗完手就舉起手話"wet", 咁即係學校洗手, 唔係只得ee, 一定係老師都陪住, 仲一定講英文la

3. 依家一見到個school bag就好開心, 會自己"咩" - that means 佢好喜歡返學, enjoy her school life

4. 昨日學校派返好多之前上堂用的worksheet, colour book etc, 佢好開心咁同我分享, (e.g. 係咁講elephant, 因為佢冇尾音, 到佢打開到個頁worksheet, 先知佢講咩, haha) 佢仲話啲圖好得意添

5. 最高興係佢以前唔肯執嘢, 我哋離開6299屋企時佢居然話, "未得" 跟住執返好晒啲嘢, 仲叫我將某的物品掛好

呢啲改變, 真係讓我覺得安心, 因為之前見到啲comments都只是一般, 咁當然好過方方的學校大有所在, 但如果家長真係冇其他選擇, 都可以放心將小朋友交俾方方

giyim

原帖由 sarubuta 於 11-12-16 00:38 發表
我都有in 對衡道方方N班也有中英班whole day offer, interview 後我都幾like 方方, 但我老公就勁唔like, 話點都唔會俾囡囡係度讀書.

（只係個人感想，沒有批評之意）
老公的原因係:
1) 學校舊
2) 學校style 好old school. ...

唔知點解我聽好多人都係話唔鍾意佢校舍舊~ So Far 我同我老公又唔太覺, 可能我地對呢方面要求唔高~ :D 而且我地in左幾間klt kg, 佢地方都算幾大, 我地反而喜歡佢地方夠大, 有足夠空間俾小朋友玩~ 啟c+南hkps個d唔知點解好似好細咁~ 可能因為間得太多房~ 入到去好迫~ 不過同意你最後個論點, 因為佢好似報名就會收, 少左份虛榮感~ 感覺上好似自己小朋友差d咁~ 但係佢地作風其實算係叫做有教冇類~ 其他kg已經好少見喇~ 間間都吊高黎賣~ 不過我仲in緊其他, 如果出名個d收當然我一定會放棄方方, 但係其他例如啟c or +南(已有offer), 我都仍然會揀方方, 因為佢冇學卷之餘唔算太貴, 中英普都有得教, 課程深, 就算k1冇更好offer留響度讀應該都不過不失~ 不過我都希望佢透明度可以高d~ 因為我真係好想多d了解小朋友響學校既情況~~~

virginbaby

sarubuta講得啱...虛榮感!基本上都係呢樣野攪到明明唔係太好既KLN T 幼園都掙崩頭...就係因為位置係KLN T...真係一個心廆!

其實如果覺得佢透明度唔高..有無得同學校反影架 ?佢係咪無家校合作 /家校會之類既野?

但我上佢網睇過..見列明左小朋友咩野年紀應去到咩LEVEL...感覺間學校有啲目標同要求...比家長知道學習程度會去到邊又幾好喎....

同埋尋日坐車經過...見佢間太子道小學都幾正咁....我唸生存到咁耐..應該唔差得去邊...

又或者講...未必係大B既家長個杯茶...但可能幾適合細B...純個人意見咋~~~

virginbaby

HOBBY...我見屋企附近既K都有校服冋運動服..我又幾LIKE有分別喎..等小朋友都會知道...幾好呀...HEHEE

hobby

其實如果覺得佢透明度唔高..有無得同學校反影架 ?佢係咪無家校合作 /家校會之類既野?

--- 我覺得好難lu, 佢哋係冇家校會作, 家校會之類的嘢

但正面啲諗, 佢咁傳統, 課程又唔淺, 咁將來升傳統小學就唔怕跟唔上, 唔適應

因為(個人諗法), 如果k 係傳統, 應該上官津,私校等都不太有問題; 但倒返轉, 就應該唔係咁易la

hobby

其實我覺得如果係k1 or k2 先分會好啲, 因為佢哋仲細(pn), 著同除都難, 仲要佢哋好易唔小心, 倒瀉嘢, 咁就唔係咁方便(尤其係冬天)

virginbaby

咁都係...傳統有傳統既好...總之你小朋友係裡面讀..開心而你又睇到佢有進步，合你期望就得啦...
EEE...咁你覺得方方係教小朋友紀律..禮貎方面做得好唔好呢 ?

梅媽媽

原帖由 virginbaby 於 11-12-16 14:52 發表
咁都係...傳統有傳統既好...總之你小朋友係裡面讀..開心而你又睇到佢有進步，合你期望就得啦...
EEE...咁你覺得方方係教小朋友紀律..禮貎方面做得好唔好呢 ? ...

我仔返學兩個月,懂得回家除鞋自己攞番鞋櫃, 人地俾野佢會主動講THANK YOU ,無端端係屋企會菊恭講"多謝"飲完水,自己放番廚房. 以上都係佢返學前做唔到既.返學一定有用.

cclemon2009

我同意，我囝囝一歲時有上過五個月方方playgroup，daddy和囝囝都覺得幾好玩得enjoy，可是daddy總覺得舊和indian Net是缺點(Indian playgroup teacher），不過daddy覺得佢地反而好過迦南playgroup，佢地比較認真和有心。
我曾經都有諗過報方方，但今年年頭有朋友由港島搬到九龍住，唯獨方方pn仍有空位，而朋友意見都是just ok，冇乜活動攪，相比之前港島嗰間差少少(k1有學卷的幼稚園)，不過朋友都話方方學費平。
無錯，我都同樓主一樣，認為爭崩頭的學校冇死錯人，所以我最後冇報方方，其實現在我揀的offer學費好似仲貴過方方，但是重母語教學，都吾知自己揀得有冇錯，可能只是如樓主一樣虛榮感作怪。

hobby

我覺得囡囡係進步咗, 因為佢會主動執搭;

學校呢2個星期係禮貌週 (有張紙仔貼咗係手冊), 所以覺得學校都會好重意品德修養

colabobo

雖然透明度唔高，但唔知方方多唔多親子活動？又或者節日會唔會都有慶祝活動等？我係佢地網站都見佢地都有不同的參觀活動，其實都幾好。

hobby

回復 colabobo 的帖子

或者要高班先有, 囡囡讀k班就唔覺

hobby

多少少update la, 囡囡上個星期六係咁講"聖誕老人" (普通話), 仲唔知唱咩歌(今次應該係普通話歌, 因為一個字都聽唔明, haha)

仲有佢好似學多咗好多歌咁, 其實都係12月先返, 估唔到學到咁多新嘢, 佢唱每一隻歌都有動作, 去到唔同地方又會唱唔同的歌, 不過都係聽唔明; 食嘢識得用英文祈禱, 雖然我只係聽得明"thank you .... amen", 但囡囡真係好enjoy返學, 成日要"咩"住個書包

bearwhat

hobby 發表於 11-12-20 10:36
多少少update la, 囡囡上個星期六係咁講"聖誕老人" (普通話), 仲唔知唱咩歌(今次應該係普通話歌, 因為一個 ...

thanks多謝你報料...可以比到信心我地...方方無揀錯!!

hobby

回復 bearwhat 的帖子

不過我唔知係唔係個個老師都好嫁, haha

其實真係真係我冇諗過佢咁enjoy. 因為屋企講廣東話, 佢開始返學一定好唔慣, 但我相信有同學仔/ee同佢講廣東話, 因為我聽到佢講一啲新名/動詞

我仲懷疑普通話堂會translate into 廣東話, 因為有一次, 我話日頭冇燈飾, 囡囡跟住就答"白天冇"(in 廣東話) (我哋冇教過白天)

如果方方個homepage 多啲update, 學校/老師同家長多啲溝通, 咁一定會多好多人讀, 不過我呢啲細b就冇運行la

colabobo

回復 hobby 的帖子

多謝你的分享.......你的分享令我們信心增加不少..........希望有空多分享。

同埋, 你囡囡都好叻...........相信過多一陣, 佢講野一定會進步好快.......

其實, 小朋友放學後, 用得番學校教既野就證明學校教得好好..........小朋友好直接, 如果有老師OR EE對佢地唔好, 一定死都唔返學...........

colabobo

回復 hobby 的帖子

絕對同意, 佢地個網都幾舊, 如果可以UPDATE下, 就真係唔同哂...........

hobby

回復 hobby 的帖子

梅媽媽,

阿囡緊係開心la, 好次上個星期開始係咁唱聖誕歌, 但佢又唱唔到成隻喎, 係咁"jingle bells, jingle bells, jingle all the way" "we wish you are merry christmas ... happy new year", 其他咪要我唱埋囉, 佢唱到hey有時會踏腳, 又時又跳起, 仲拿住屋企啲沙鎚係咁搖 ... 搞到我有啲唔捨得明年轉校添

hobby

回復 colabobo 的帖子

colabobo,

謝謝, 其實囡囡一啲都唔叻, 佢啲大小肌肉, 講嘢等都慢過其他小朋友3幾個月, 仲有就係佢超細粒, 成日俾人以為佢得歲幾, 希望返方方之後會學得快啲, 追返其他小朋友就好la

nathanmami

我仔仔係0911細b，之前真係好難搵pn，只係英藝同方方俾offer，英藝感覺幾商業，所以選了感覺上傳統的方方(對衡道)am中英文班，仔仔都係12月先返。 雖然佢到左依家(放完聖誕假後)，每日返學都仲喊緊，但每晚同佢睇學校的課本，佢都好開心，平時自己玩的時候又會唱歌仔，係學校教的歌，因為我地都冇教佢唱聖誕歌，但成個聖誕節佢就成日唱jingle bell。
所以我都覺得間學校不錯。

我仔仔的班主任都唔錯，我都頭一個禮拜都成日打去問下仔仔的情況，佢都好樂意答。