網絡社工處理親子關係問題

annie40

阿仔好可爱,做事精明(精打细算也应该归结为精明的一种), 恭喜你!

原帖由 samuel89 於 11-10-20 15:46 發表


阿仔做人真系好'军真'+ 精打细算......我都系比較'军真'既性格, 但就同精打细算無緣啦.....但阿仔就真系發揮到"淋漓盡致", 所以用「孤寒」形容佢,d親友都冇人反對, 甚至認同 ...

ALAL

他很胖,我昨晚叫他吃少D飯,早上就可吃早餐,點知今早吃完話
好'劑',想嘔! 無乎!
下一步要試下你個方法拉!

原帖由 社工小丙 於 11-10-20 11:00 發表
皮膚敏感最嚴重有咩後果?
我唔清楚阿仔的情況, 但係我估最多咪睇下西醫, 佢唔怕的話, 就讓他自己撞一次板啦, 不過事前提醒他如果真係因為學校亂食野而要睇醫生, 診金起零用度扣囉~_~"
唔知得唔得架, 你自己點睇? ...

vickycheung36

社工先生,

你好, 我想問小女現五年班, 做功課超慢, 她無論多功課/小功課每天都做到11:00有時都末能完成要我5:30 叫她起身做. 星期五她要放假回來不做功課, 星期六全日要出KLN無做, 星期日又做至11:00 日復日,月復月, 年復年, 根本沒時間溫書默書都沒時間溫, 成績當然冇進步. 我已想了很多方法送小禮品/罵又跟她說如果你早些完成可去街...都試過. 每次做功課她都拖, 容易做的難的都拖. 有什麼方法? 是否心理問題:(

vickycheung36

第一, 一入小一我發現她做功課做得很慢已做了評估, 結果是沒問題.  普通小朋友一個.
第二, 她一做功課我便會關電視我相信沒有東西會影響她.
第三, 拖長來做真的一些好處都沒有, 沒時間看電視/玩/玩電腦仲看見一個黑口黑人面的人
第四, 她喜歡玩電腦, 我亦試過如果在10:00前完成功課會給她30分鐘玩, 但末試過成功:evil:

samuel89

原帖由 vickycheung36 於 11-10-25 14:00 發表
第一, 一入小一我發現她做功課做得很慢已做了評估, 結果是沒問題.  普通小朋友一個.
第二, 她一做功課我便會關電視我相信沒有東西會影響她.
第三, 拖長來做真的一些好處都沒有, 沒時間看電視/玩/玩電腦仲看見一個黑 ...

我估她愈做得慢, 你愈來愈"勞氣",愈來愈多"花樣"俾她"嘆", 她自然就愈來愈"enjoy".......

vickycheung36

不是...那麼變態

samuel89

原帖由 vickycheung36 於 11-10-25 14:58 發表
不是...那麼變態

不是變態......系自然反應而已......個loop系你陪她不斷甘循環,自然大家都跳唔出.....

vickycheung36

那你覺得要用什麼態度?

samuel89

社工小丙都話:
請媽咪細心諗下阿女其實係因為甚麼「原因」而做得慢, 一定有的, 未找到而已......

我覺得要先用平心靜氣態度.......最重要系做唔晒功課個天唔會跌落來架.....試下先等她試下做唔晒功課點去面對老帥.....

csy_ma

原帖由 samuel89 於 11-10-25 14:37 發表


我估她愈做得慢, 你愈來愈"勞氣",愈來愈多"花樣"俾她"嘆", 她自然就愈來愈"enjoy".......mouth:" />

我真係試過咁既case，不過唔係我個女，而係同我女一齊玩＂百子格＂練習既其中一位小朋友。

呢兩年，每逢長假，我都會找幾位小朋友同我囡一齊預習中英文，做百子格，玩兩分鐘演講遊戲、互評，看卡通或閒書，吃茶點……然後看所餘時間才落乒乓球室或公園或沙灘真玩。其中有一位小朋友，鬥快做＂百子格＂時總比人慢，最快果個做六七分鐘，之後既做十多分鐘，到佢，同一批數會做廿多分鐘 結果，全世界等佢做完，佢似乎完全唔介意人地望住佢，做錯咗，仲好"他條"咁慢慢用塗改液塗，等乾，完全睇唔出佢參與緊鬥快比賽（果樣真如Samuel所說，表情仲好enjoy，一d都唔驚我對噴出火既眼倔實佢)。

我試過鬧，鬧得最厲害果次，佢跟住做快咗好多，第二名，雖然都錯咗十幾題，但時間快咗成倍。不過，鬧既有效時間好短，人地個女，我又唔想面目咁猙獰……

亦試過改簡單既數俾佢做，佢竟然好似示威咁同佢隔籬講：嗱，唔好做咁快，咪可以做淺D囉，慶得我 結果都係要俾佢返統一既題目，但係同佢講，假如佢今日做既速度同準確度差過昨日（百子格向來係最少兩星期內做同一批數，同昨日之我鬥快同鬥準），那明天就不用來了 。結果，佢似乎冇刻意做得咁慢，每日都快咗或者準咗。

所以，搞清楚動機好重要。

csy_ma

原帖由 vickycheung36 於 11-10-25 14:00 發表
第一, 一入小一我發現她做功課做得很慢已做了評估, 結果是沒問題.  普通小朋友一個.
第二, 她一做功課我便會關電視我相信沒有東西會影響她.
第三, 拖長來做真的一些好處都沒有, 沒時間看電視/玩/玩電腦仲看見一個黑 ...

Vicky:

我囡都係小一時做功課做得很慢，好多時，入房看她時，只見佢在游魂，不是玩文具，就是目光呆滯，加上小一既抄寫功課對佢地黎講幾吃力（我囡仲因為鍾意個老師，特別俾心機寫，結果又係寫得特別慢 ），真係會做到好夜

果時開始上BK搵料想轉校，亦同時試咗：每一份功課都有規定時限：一般係30分鐘，假如佢30分鐘內完成一份功課，那原定做該份功課既時間，就俾佢休息或自由活動（但唔可以開電視），咁佢有時真係會做得快咗。

仲有要留意佢有冇用心做功課。我囡經過如地獄般既小一適應期，做功課方面係愈有改善，但佢碰着喜歡既老師，係會特別用心做功課既。例如做中文筆記，要寫主旨，段意同做三句句子咁，佢既作句分分鐘過百字，由作句變作段，自然做得慢，但又唔可以打擊佢既心機

不過，呢個情況，愈高年級就愈有改善。我為咗唔打擊佢做功課既積極性，從來唔會俾佢做額外既補充或者叫佢溫書，結果，佢反而肯響學校既轉堂或者雨天小休時趕做功課。（反而響臨近測考，我同佢講，做完功課要溫吓書勒，佢響學校做既功課量即刻會少咗 ）
奇怪的是，小朋友在學校做功課時又真係好似做快 D？ 但係，佢響屋企做時真係會慢，有時我嬲得滯，會到一個時間就會收野唔俾佢做，要佢瞓。佢會喊晒 ，之後亦會趕快完成（我睇書，其實最好唔好心軟，同食飯一樣，過咗時就冇，收拾書包睡，等學校老師對付佢）（但係最好先同老師溝通一下）。

小朋友若晚晚都過十點瞓，再晨早就返學（我囡大概七時左右要出門，六點九左右就要起床），放學返黎屋企，其實都好攰，要集中精神唔係咁易。假如可以，試吓俾佢瞌一陣（時間長短好睇小朋友既需要同精神狀態）再做，可能效率會高D。做功課前同佢傾，叫佢預計一下每份功課大概需要既時間，做快咗有鼓勵，咁可能都多D改善既動力。

我囡學校每星期有兩日補課，其餘一至日都有課外活動（全部係佢選擇要保留既，我地既協議係：如佢成績保持於八十分以上，就可以繼續，否則要選擇捨棄），都好辛苦 所以有時佢上完活動，已很累，佢會提出讓佢先睡，翌日凌晨再起床做功課。我因為看過發明＂百子格＂既教育家話佢都有個玩田徑既學生都係咁，運動過後早睡，再早起做，更具效果，所以都俾囡囡咁做。唔知點解，佢晨早起床做功課時，可能因為精神狀態較好，又有時限，所以做得較快，好少係做唔切既。不過對於雙職媽咪來說，咁做似乎太辛苦了？

以我既經驗，假如一旦周日夜瞓，跟着的整個星期既學習都會比較辛苦。睡眠，對一個小學生可能係好重要既，您試下搵次讓佢瞓得好好之後做功課，睇吓會唔會效率好D？

csy_ma

原帖由 awah112 於 11-10-20 12:08 發表
靜思語

http://163.20.67.193/wang/wang34.htm

看Awah分享既靜思語想起：
小孩子，其實是聽人讚佢時，果個人講既話最入腦。

曾分享過有位舊同事，係落學校去幫D社工都搞唔掂既小朋友既，佢講，佢既魔法棒好簡單：一見到小朋友稍有改善，就即時讚 佢仲係蹲低身，同小朋友眼對眼先讚（雖然以我地睇黎，果位小朋友既行為真係唔讚得落）。

有個case，係家長夫婦帶埋小朋友黎尋求協助，導師需要同家長單獨談，請小朋友響出面同我地玩。玩釣魚機，俾佢贏咗幾次，驚佢睇得出我地明讓佢，所以贏返次，點知佢即刻收晒我地既魚竿，然後嘭聲衝咗入面談房。家長同導師都請佢出返去，我地又同佢玩第樣，結果佢又唔耐煩，再衝入去，如是者續兩次。導師出黎，就係蹲低身要小朋友望住佢，先讚：我認為你今日抵讚，因為你第二次衝入黎前有敲門，我認為你今日抵讚，因為你衝入之前逗留響出面既時間愈黎愈長……


我知道，家長總係會挑出囝囡既毛病，好多人都同我講，我對阿囡較對其他人惡好多。對最親近既人，總係容易忽略咗佢既好處，而聚焦響佢既缺點度……諗返上述既例子，都係決定聽朝搵D野黎讚返阿囡先

csy_ma

回覆 25# shevachevy 的文章


我一放工會馬上做晚餐.(我沒有工人) 補習班完會問老師進度. 吃晚飯後會和她一起做功課. 早上送她上學, (我家往大埔在九龍上學)在路上我會跟她說最近進步了很多. 再努力會有好成績. 就算考不到好中學都唔緊要, 我們都要做好些.這樣算不算努力? 這樣算唔緊張嗎? 我覺得我就是太緊張, 令她太依賴補習, 我亦太依賴補習,但我真是教不到. 才問一下各家長意見. 我仲想講我們只是普通的家庭, 但在補習方面開支亦不少.

再睇返您講既時間表，妳個女要上完補習班、食完飯先做功課？咁都做得晒就唔算慢喎？

佢會唔會係好期待您同佢一齊做功課果段時間，所以之前故意拖延呢？

假如成績都冇咩改善，真係考慮吓好多網友既意見：停咗補習班佢。當然，停之前要同囡囡溝通，大家一齊搵出個原因，假如佢唔想上，就要佢答應某D野，再順勢停咗佢？

會唔會考慮唔好做晚餐，吃些簡單的食物，令到您自己身心唔好咁疲累，省吓些精力同家人聊聊天？

小朋友既野，假如自己肯發力，外力幫忙先至有用。
囡囡之前有兩個同級朋友成績都唔係咁好，佢父母會不斷同佢地講數，去補習社唔得，停，去爺爺嫲嫲度，做功課既進度都冇改善，停……要不斷嘗試唔同既方法。其中有個男孩子，係去咗一間好有心既補習社，導師會響成班小朋友前讚佢，慢慢培養到自信，成績就見改善（但首先都係要個小朋友肯受教至得，因為個導師都話，都有其他小朋友無法改善既）；另一位小朋友，要求唔去咁多補習社，情願在家做佢她話呀邊邊個同學都做咗既數學補充，結果，佢攞咗次一百分 自信返咗黎，就更積極咗去做。

假如成績唔好，我贊成要搵佢最有信心果科入手，先谷起果科，建立咗小朋友既自信同上進心，再作補底。

我囡都係咁 佢自小英文最好，反而最肯上英文既課餘活動，如朗誦同作文，我想叫停佢都唔肯。成績稍遜既數學，我點游說佢都唔肯再進補，偏偏好多時，數學反而係多做就得既 至於佢最弱果科中文……我只係在考試前同佢一齊做吓補充就算了，所以仍然唔係咁好

您囡囡其實已經好聽話，肯上咁多補習。不過，有時真係唔係多上就得既，要佢首先肯自己去吸收先至得。先停咗其他，上攻科對佢黎講最鍾意，亦最易上手既科目，等佢有滿足感先？

小學D野其實唔難，小朋友有心做既話，可能可以好快咁改善，好似我之前講果兩位男孩子咁，佢父母話本來佢地成績係band3既，因為大個咗識諗，會自發同上心去學，已升上band2，且band1在望添

可能，除咗要多同囡囡溝通外（記住係溝通，最好盡量誘佢講野，俾佢講七成以上，您講三成或以下，先叫有效溝通），而家您搵個有心有技巧，又同您個囡夾到既補習老師，是最能幫到妳既？

redkoni

原帖由 csy_ma 於 11-10-25 22:41 發表


我知道，家長總係會挑出囝囡既毛病，好多人都同我講，我對阿囡較對其他人惡好多。對最親近既人，總係容易忽略咗佢既好處，而聚焦響佢既缺點度……諗返上述既例子，都係決定聽朝搵D野黎讚返阿囡先

希望你鬧阿囡果陣的惡言, 唔係好似你揮的利筆和著墨而排山倒海湧出來的文字咁多就好喇, 否則睇怕阿囡有口難言.

csy_ma

原帖由 redkoni 於 11-10-26 00:40 發表


希望你鬧阿囡果陣的惡言, 唔係好似你揮的利筆和著墨而排山倒海湧出來的文字咁多就好喇, 否則睇怕阿囡有口難言.

Redkoni :

所以我話親子關係其實係好貼身既民主實踐場

講起呢個題目，我想湧出黎既字可能仲多 。簡單黎講，我囡好有可能係8號仔，同親近既人相處，會出現如類似朋友博文講既情況（http://enneagramhk.mysinablog.com/index.php?op=ViewArticle&articleId=1962107）。而據朋友分析，我應該係4號（本來個blog有篇好像是寫我的故事，但我遍尋不獲，可能是刪掉了？），做事較為隨心，又會有不太健康既2號傾向，所以，通常係以"爛好人"既形象存在:;pppp: 。而我囡，一個疑似8號（話疑似，因為8號好多時都係品學兼優，且較早熟。不過亦有中學才發力既例子），則是多事的管家婆。

假如她不是我囡，遇著她那樣性格的人，我大概不會選擇跟她深交－－我是那種當別人最初踏過我的容忍界線時，不會有強烈表示的人，甚至，連自己也不會有太大感覺－－人性，往往是一進一退，當人發現你的界線模糊後，便有可能真會踏進來。而我，則像鐘擺般，當意識到被踏時，通常已積累了頗多＂委屈＂的感覺，會有很強烈的反應。
某程度上，我討厭角力，所以，隨着年紀大了，就會選擇避開那些有可能會踏進我的觸雷區的人。可是卻沒可能避開女兒……惟有臨老，學習用另一種跟人相處的方法……

這真是個很難學的課題呵

vickycheung36

csy_ma,

嘩 我時時都看你的文章, 今次得到你的回覆我很開心....

samuel89

請問＂百子格＂練習是否就是縱橫交錯果d填字遊戲嗎?

我諗做得慢既小朋友好多其實系d"吹毛求疵"高要求既性格, 佢地睇做野既角度有自己既一套標準, 以做功課為例,佢地enjoy既每個字點先可以寫到自己既標準, 點先可以寫到好似畫甘, ......所以佢地根本就唔會理仲有幾多功課未做, 成績好唔好, 你同Vicky自然就愈睇愈唔順眼, 睇到夜深乾著急, 所以我話她有她enjoy, 你有你急,根本都溝通唔到

redkoni

原帖由 samuel89 於 11-10-26 11:17 發表
我諗做得慢既小朋友好多其實系d"吹毛求疵"高要求既性格

Good point !