你o地好,我係一名幼稚園教師,想問o下大家意見

二當家

Hei-Hei,

我就會"運"路走,但有時無路可走....我會請佢地讓路,佢地通常會放手,一放手我就唔洗捐"隔立底" ......我點都唔會捐"隔立底" ........可妨"捐褲浪"....彩..彩..彩....

貓公主

小朋友喺任何一個階段都需要好嘅老師.
所以我有朋友大學畢業,攞埋cert edu都去教小學,
唔教中學,令我好欣賞佢,真係為教書,唔係為份工.
其實我覺得幼稚園搵D學歷高D嘅老師係一件好事.

黃老師,我好欣賞妳不恥下問,問到明白為止嘅精神.
不過,呢件事中所涉及係common sense,
如果我個囝被妳教,唔好意思,我都會好擔心.

HinMa

點解唔用手呢?又可以調節高低,捐褲襠我已經唔可以接受,若果遇正M come重火滾.

slk

捐褲浪對傳統嘅中國觀念來講係一種恥辱,我自己都係中國人,咁就緊係No way啦.點解有手唔用,有其他工具(例如扶拉圈,布做嘅捐山窿)唔用,要我小朋友捐你褲浪先?相信你都未必答到呢個問題啦 :-| 如果你問我,唔好意思,我只可答你一句,我絕對會投訴 :-x

Elsamouse

大家講緊的確係common sense,Ms Wong無庸置疑係欠缺左;不過我留意到佢由頭到尾的語氣都算客氣,大家講到佢明白後,佢最後亦接受左,希望佢經一事長一智啦

另外,亦希望各位為人師表者能不斷充實自己,進修不可免,其他各方面的知識亦應不斷加強,咁樣才可以幫我地培養出優秀的小朋友

hachaiba

唉! 一個係咁做都唔應該啦, 仲要兩個都係咁。咩話?另外位老師仲要着裙, 咁佢咪要抽起條至玩得, 咁點得呀? 咁不雅, d細路女學埋佢咁點算呀! 女學生分間脚坐你哋都要教佢哋合番埋坐啦, 學校除咗學知識, 仲要學禮儀, 老師唔以身作則點教學生呀。

Miss Wong,你雖然知錯, 但你嗰句"我都會改, 或者下次由我扮"火車"囉, d小朋友就唔駛捐..." 就知你都唔知自己錯乜, 問題唔係邊個"捐", 係"捐" 嗰個方法出問題呀, 你究竟仲明唔明呀? 如果你係我個女實激死我喇

timtim-mame

順道指正一下, 中文文章中不應加"D"字, 廣東話正確寫法為"啲" 口字+的, 咪學得D所謂"教師"既一般見識，笑死人   

由 1314 於 2004-11-23 18:59:36

呢個唔係迷信/保守/思想陳舊既問題，係尊重人既問題，呢個動作係對人既侮辱，中外皆是（順道指正一下，係胯下之辱」，唔係「跨」）咪學得D所謂"教師"既一般見識，笑死人  

slk

Ms. Wong
我想補充返,因頭先剩係睇咗你個問題,所以我就咁答,之後先有時間睇返每位家長俾你嘅意見.睇到你哋嘅對答,我真係好忟 :evil:
首先,你問我哋意見,點解咁多人否決你嘅做法,你都死話自己無問題呢?固執,自我,只會令人討厭,既然你講話係問意見,人哋俾咗你,你就接受,反思及更改啦.
你話小朋友唔覺得有問題,佢哋點會識分輕重呢?識就唔洗有你啦.你仲話佢哋enjoy 曾經有單新聞,有個色魔,佢攪啲小朋友,仲拍哋,警方睇返啲帶都話啲小朋友以為玩緊,仲好開心.)咁你話有冇問題呀 小朋友有好高嘅想像力,只要你形容得好,就算用其他代替,佢哋都會覺得係.我都有教過幼稚園,我同佢哋做早操,前面都無蘋果樹,我都係自己形容,然後大家一齊摘,小朋友依然好開心.唔通我真係要搵棵樹咩??唔好再辨護自己做法無問題.亦唔好話自己捐都無問題.更加咪問我哋點先可以令投訴你個家長原諒你,你一早肯接受人意見,就唔洗問啦. :-x

叮叮噹噹

黃老師, 老實講, 睇你既對答, 我唔覺得你係明Lor, 唉...今時今日既老師真令人擔心,一d sense 都冇 :cry:

1314

timtim-mame 寫道:
順道指正一下, 中文文章中不應加"D"字, 廣東話正確寫法為"啲" 口字+的, 咪學得D所謂"教師"既一般見識，笑死人   

多謝你指正，因本人打唔到呢個字，惟有用"D"字代替，或者下次用"o的"， :  :  :  :

馬桶爸爸

這樣做會教壞細老，我記得我堂妹小時很喜歡看爉筆小生，很喜歡學小生ｄ動作，她經常打開別人的衣服，"涓"個頭入人個肚到，令人十分懢介．

tt2001

slk 寫道:
.......曾經有單新聞,有個色魔,佢攪啲小朋友,仲拍哋,警方睇返啲帶都話啲小朋友以為玩緊,仲好開心......

亞Miss Wong一定話有分別！最起碼，性侵犯係惡意，唱遊係善意先la！

不過，如果"善意"係建根於無知及愚蠢，仲係老師，真係好有問題！一個十歲八歲細路咁同小朋友玩都係無知，不過仲有得原諒，仲有得教丫麻！咁大個人，理應有返咁上下生活體驗、常識架la，仲會咁玩己經荒謬，講一大論至話明小小，理解力極有問題，點可以教書？(況且吾信佢真係明，只是我們給了少許壓力而己！)

你學生可能今日吾識，將來大個記起呢個"好"老師曾經要佢咁"玩"，估下會點？

我個人立場，小朋友在合理情況下，可以受罰，但在任何情況下，都不能受辱。

cherly

Ms.wong 由始至終既表現無可否認真係好 ~ 差勁！ 希望佢真係明白及衷心改過啦！

babyhowie

如果下次冇俾家長睇到，咁會玩咩？

我以前都教過幼稚園，我地成日都要開會，
傾下教法、教具等，基本上每位老師都用同一套方法。
唔知亞Miss Wong有冇係開會時提出玩"捐"褲襠？
校長同其實老師又是否同意，並取得共識？
請問係呢次事件當中，校長點處理？

個陣我個同事罰個小朋友入廁所都俾校長訓話！
校長時時教導我地，身為老師，
都要有老師o既形象，
唔應該將自己唔好o既情緒帶返學校，
即使係附近住，落街都唔可以踢對拖鞋。

雖然事間都差唔多十年，
但係校長所講o既守則我仲記得！
我都仲希望有機會再次投身教育界架！

gracewong1107

各位你o地好, 我昨晚諗起你o地咁多家長o既意見, 令我好唔安樂, 我覺得好內疚, 我真係冇心要侮辱佢地, 從來都冇呢個心態, 我一直對o的小朋友都好有愛心, 今次我真係冇心, 請你o地原諒我, 今朝都已經見過校長, 我話如果校長要求我停職, 我會接受, 結果校長話要睇o下下午家長o既反應先...其實,我想講返清楚一o的,今次我同另一個老師咁做, 果位老師講返, 係佢睇過一本參考書, 有個遊戲係類似咁的, 所以果位老師就同我相量而決定..而我事前唔知道果位老師係參考過參考書的, 我今日先知道...唔..我唔係話推卸責任, 我而家真係知道我係錯o左,我會承擔返..

後來放學見到果兩三位家長, 佢o地已經好激動咁鬧我..我不停道歉同解釋, 佢o地都唔接受, 我真係錯...結果唯有不斷點頭..大約十分鐘到..佢o地話接受道歉都可以, 個條件就係要我好似果日咁..要做返同樣動作, 捐返果位家長, 佢o地話先會覺得心服同下返啖氣, 當咩事都冇發生過, 佢o地話俾一日時間我諗o下...其實...今日我完全理解佢o地...我都想補救..而校長亦話想息事寧人, 佢都話俾o的時間我考慮…

唔...其實我覺得你o地都覺得我今次係咎由自取, 不過我真係想你o地知道, 我係想改過的..我真係好想果位家長之後會原諒我...

不過, 我都好多謝你o地o既意見, 令我可以及時改過...

紫菜

唔係瑪,
要你捐番佢地個(庫浪)???
我有冇睇錯???     

zoeyiu

今次真係要gracewong1107明白乜野叫跨下之辱，為人師表，真係一定要慎言慎行﹗

rebeccalols

gracewong1107 寫道:
佢o地話接受道歉都可以, 個條件就係要我好似果日咁..要做返同樣動作, 捐返果位家長, 佢o地話先會覺得心服同下返啖氣, 當咩事都冇發生過, 佢o地話俾一日時間我諗o下...其實...今日我完全理解佢o地...我都想補救..而校長亦話想息事寧人, 佢都話俾o的時間我考慮…

咁又好似過份左喎!
但 Miss Wong 你係咪唔會介意哩?