我很累....

袓安

大家加油～～～

loy211

有媽咪個女有好幾間小學在手,一定定d,不過我的情況是暫時一間都無,
你話驚唔驚.

lydia

現在時間尚早，所有學校的interviews都未完。只要有得in，就有機會。

就算被拒絕，也不要放棄。可以選出三數間好的扣門，平均1-2個月就寄出扣門信，順道可以update 吓學校小朋友近況，有新的cert就attach埋，絕對是打誠意牌。我們媽媽可以做的，也不過如此。

補充：當年我有數間小學揸手，只是最終的結果。不是一夜之間發生的，我也经遏數月的煎熬，但其間仍心存希望，面對一切。直至我失敗於大抽獎... ...的確很失意。最後當做到問心無愧時，就然接受其他安慰獎。

阿西

原帖由 lydia 於 08-10-10 15:08 發表
各位媽咪，最近我也為二女張羅明年升小一的事，希望可以分享我的经驗。

記得三年前為大女到處撲，直資、私校乜都報，漁翁撤網，最後做了十多個 profiles (差不多全部一樣，影印的)，只要校風好、純的、正派的、出名的、傳统的、活 ...

咁你囡囡最後派左邊間﹖其實我都有兩間楂手，但果時未派yw，我又心思思大抽獎，所以都無去交留位費。其餘我就咩都無考，而家就只有等政府，我都唔知自己有冇做錯決定﹖

lydia

阿西
校名不講la。但是油尖旺區我list 中的第７志願。唉！

阿西

原帖由 lydia 於 08-10-10 16:07 發表
阿西
校名不講la。但是油尖旺區我list 中的第７志願。唉！

咁間學校適唔適合囡囡呀﹖最緊要佢返學返得開心。你做左咁多，如果最終去左#7，真係有d心酸。

係呢，油尖旺，唔知你覺得協下點呢﹖我揀左佢做自行收生。自行階段我揀左，甲一乙一都會係佢，但呢間學校既commet都幾兩極化，好果d就話好，唔好果d就話好差。好苦惱！

BabyLincoln

Agreed!!! 囝囝有實力的話讀邊間都會有出色!

Don't worry too much! Add Oil!

原帖由 hannah616 於 08-10-10 11:28 發表

我覺得自己就黎癲!!!
由6月開始到依家,
成日都為囝囝小一入選校忙,
當時大住肚的我真覺得對BB唔住,
上個月BB出了世,
我仲忙!!又要喂人奶又要跟囝囝功課,
得閒又整理小一IN及交信的時間,
真人都癲!!
我老公又係唔多 ...

baldheadcat

原帖由 jjbaby0307 於 08-10-9 14:54 發表
其實係咪通常都係啲媽咪緊張, 啲 daddy 好似冇我地咁顛??  我每次同老公講學校, 佢寧願睇股票..

我吾知弟個daddy點，我呢排就真無緊張到不得了，特別係英華衰左之后難免失落，前幾日發夢都掛住interview。聽日in 優才，之前同老婆溫書預備，自問能言善辯講得兩咀的我講到一舊一舊。激死！　我都係仲有三間要in，　我有個同事報左十幾間，真係好利害！　我自問冇本事，小Ｄ心血都死！

[ 本帖最後由 baldheadcat 於 08-10-11 07:53 編輯 ]

雪瑩媽咪

我囡囡出年先會考小一，
但係我估我都算係緊張大師既一份子．．．
所以，今年已經開始睇緊人地做既profolio,
同埋計畫緊點整~~~

以前真係唔明點解要報咁多間幼稚園 / 小學~
到自己個囡要做既時候...
終於都明喇~~~

希望各位都有心儀既學校取錄你地既小朋友啦！

BBMHM

我都好累! 我只apply 4間, 怕比太大pressure 小朋友, 但自己嘅朋友就話要7-8間, 因此自己有点concern. 但老公掂都認為由天注定. in 完第一間見佢好似好開心就以為會ok, 但到現在仍未有結果, 都覺得無希望, 但到in 第2間, 仲失敗, 開始左一半就話老師好兇喊哂出來, 掂都唔肯再in, 又冇一個機會, 自己都喊左兩日, 又唔感同佢講太多怕比壓力佢, 唯有自己成擔, 今日又in another one; 同朋友傾後, 自己仲去求神, 真唔知會有乜嘢結果, 但個人真係好辛苦, 晚晚見到佢開開心心, 但自已心內都唔知掂幫助佢好! 好想今個月快D渡過 亞仔努力呀!

MENDELMON

原先都以為自己可以放鬆唔緊張, 但呢 2 個月殺到埋身真係好辛苦 ! 英華個結果其實預左唔得..... 但難免有點失落, 其後的 3-4 間都唔敢期望, 唯有當取經驗 ! 大家加油 ^_^

YTMami

ta_ta,
我情況同您一樣,出年要同囡囡考小一, 亦有去過幾間學校的簡介會及open day,咁早就搜集資料,其實是俾多些時間自己調節心態及作好心理準備,希望到時自己的情緒無咁緊張,因為我相信自己的情緒及心態會直接影響小朋友的表現,我只希望出年我真是可以一個平常心和囡囡一起去應付她出生後第一個挑戰,無論結果是怎樣,都可安然接受。希望各位家長都能放鬆點，畢竟考小一是一個持久戰，不要太早便泄氣呀！要相信小朋友是有無限個可能性的，有些時候大人為小朋友安排的路，對小朋友來說不是唯一的路，讓小朋友踏出他們自己無限個可能性吧!

BBR

唔好咁緊張,我同個女講問佢"想唔想做大姐姐,佢話想,我話你K3已經係大姐姐,所以如果再叻D就要讀小學,我地要去買書包,文具.......,但係之前你要去小學答老師一D問題,你答得好就可以上小學,不過唔識答都唔緊要,你同老師講老師對唔住我唔識就得,無所謂"咁佢每次都好開心去interview,當佢表現好時我會讚佢好叻,有時難免有小小唔好,咁我就同佢講下次你可以點點點,同埋我都抱住考唔到心態,所以interview完我都無咩野,米當見識下

原帖由 BBMHM 於 08-10-11 10:24 發表
我都好累! 我只apply 4間, 怕比太大pressure 小朋友, 但自己嘅朋友就話要7-8間, 因此自己有点concern. 但老公掂都認為由天注定. in 完第一間見佢好似好開心就以為會ok, 但到現在仍未有結果, 都覺得無希望, 但到in 第 ...

YongXin

考私校/直资面試個遊戲规则呢，就梗係有某0的小朋友永遠着数0的，结果好多間都收；亦都有更多人係陪跑既。我女係陪跑0個隻，所以當年都無0羊點考私校/直资，我亦無覺得自己個女差過人，性格係被動慢熱，唔代表小朋友唔聰明醒目。

仲有自行派位同统一派位丫嘛，呢0的機制年年都好多人鬧，但係同時亦都係我呢種人既福音。

况且今日玩赢好多個面試既小朋友， 出年開學都只可以讀一間學校，即是話到出年暑假，又有位會放出来；派完位抽完獎，又執一輪位，到時心急call人讀唔讀既係學校添呀。

長期作戰，努力啦！

ernie

我都係好累,日日掛住個信箱。

baldheadcat

今日同呀仔in優才，總算大步檻過，希望跟住Ｄinterview都順順利利啦

BB豆

其實真係好辛苦架...由報名拎表格再整份profile再親自交表仲要排埋隊添再加等IN既時間,同埋陪埋去IN成半日聽埋個簡介會後再等結果...人都傻喇    ....如果唔洗番工就OK啫 ,唉...而家仲係行左一半路咋...仲要撐多一個月呀...唔老至其呀,,,天下母親真辛苦喇..   

原帖由 jjbaby0307 於 08-10-9 12:09 發表
日日滿腦子 interview, interview, 等結果, 緊張, 瞓唔到, 失望..., 覺得好累, 成日叫人平常心, 係咪真係咁容易????

BBHin

已經差不多一年無上BabyKingdom。記得舊年因為個仔要報小一而自己就一向十吓十吓セ都唔識,經朋友介紹就上BabyKingdom參考吓。自己嘅經驗係冇期望,得失就冇セ計較,咁就冇セ壓力反而有驚喜。見到BK咁多媽咪好大壓力只係想講希望大家放鬆,好多嘢不在我們手中掌握就樂觀面對,千祈唔好俾咁大壓力自己做咗本份就算。一度門閂咗會有另一度門打開。前面仲有漫長道路去伴着小朋友成長,希望大家開開心心。

[ 本帖最後由 BBHin 於 08-10-12 04:14 編輯 ]

loy211

今個星期in兩間,而家真係有殺錯無放過,有間私校在 真係會定d,希望仔仔生生性性,畢竟只有幾歲.
他已經告訴我:又要去小學呀!!!
我人都顛