"官塘基督教服務處幼兒園" 集中營 !!!

dleelm

今個星期由爸爸帶楹楹返學, 我見唔到你地添, 今日楹楹開始響學校午睡, 1:30pm放學. 爸爸聽老師講佢訓得好短時間, 不過明天會加長至2:30pm先放學. 咁大家的小朋友又進展成點呀??  

tungwai

dleelm
因呢個星期我是工人帶個仔返學, 所以好多野我都唔知添, 咁請問是否今日開始睡覺呀, 我都未帶床舖返學校添 , 咁今日唔係放 12:30 咩, 點解會 1:30 放學

芸迪

dleelm: 恆恆停滯不前 始終都唔肯俾老師幫佢除/著褲, 我離開學校咁耐, 就完全無去過廁所 又唔飲水, 又唔食飯, 一到食飯時間就喊 (我估佢一到食飯就諗起我 ) 到我接佢放學, 佢一見到我, 就好委屈咁喊 :cry:

楹楹好叻女, 咁快可以試訓覺, 你咪安樂哂囉

dleelm

tungwai,
老師會依小朋友適應能力安排時間. 可能亞女ok, 所以比佢早d試下訓埋覺.

芸迪,
咁樣真係好煩喎!!  試下話比恆恆知大個仔, 好叨ga, 明天媽咪要返工,無得陪啦, 除了媽咪,老師都可以幫恆恆除/著褲仔同食飯.  

其實楹楹響學校表現ok, 不過返屋企就好紐計, 好易喊, 夜晚又訓得唔好, 可能佢唔識表達情緒.

芸迪

dleelm: 你講既我全部講哂, 佢係屋企都應承我會俾老師幫. 佢仲可以係我引導之下講返要點做點做, but實際係佢仲未過到自己果關

今日都同主任傾過, 決定由得佢係學校衰一次 (賴尿), 希望之後會好d啦.

聽日開始恆恆會坐校車返學, 返到去(約8:45) 就直接入課室, 放學先由嫲嫲接. 或者我唔係度, 佢無得依賴會好d

峰仔媽咪

文迪，永謙媽咪 :
我仔仔叫慶峰呀 !!! 都算大隻b啦，陸軍裝頭，現在每晚都7點放學，我都好趕架，由葵涌返到官塘剛剛好時間，所以一到6:00就要收工，遲左少少走，返到官塘要跑上去。

kamanchan

嘩!要跑上五層樓喎!
請問現在學費幾多錢?
觀塘聯合醫院都有一間基督教服務處幼兒園, 呢間學費一樣嗎?
現在主任及副主任姓什麼?

永謙媽咪

峰仔媽咪，
你係咪住官塘翠屏南村，我今日放工搭小巴果時，見到一對男女帶住一個陸軍裝頭，肥肥地的小朋友，冇穿校服，但有背住書包．

tungwai

dleelm
昨日下午老師打電話比我, 話今日比維維試下在學校睡覺, 佢話維維在學校都算 ok, 不過就唔肯食飯, 你個女就好叻啦, 咁快可以在學校睡覺, 咁佢 目訓 唔 目訓到呀

芸迪
你囝囝真攪笑, 從呢一件事離睇, 你個仔都重視你的每一句說話喎, 另外, 你咁好呀, 今日已經可以坐褓姆車啦, 因我都問過褓姆車叔叔, 佢就話 9 月先坐, 因 8 月得我個仔一個坐, 咁佢就話唔會開嫁啦, 不過唔知你個仔今日坐掂唔掂呢

芸迪

tungwai: 恆恆由第一日返學開始就坐校車, 我陪咗佢兩日, 第三日開始就自己坐, 我就自行去學校等佢.  基本上, 佢坐校車已經無問題, 雖然今個星期一, 二上車就喊, 但好快收聲 (保姆話), 今日就無喊.

之前, 恆恆落咗車, 都係自己跟保姆上五樓, 我就係後面跟住 (唔俾佢發現), 到咗學校門口先出現接返佢, 兩母子"牛"到9:30上堂. 但今日開始, 8:45到學校, 就直接入課室玩同食早餐.

我今日都帶咗被舖返學校, 老師都話可以俾佢試下 (我估聽日先試), 因為每日到咗放學時間, 都明顯見到佢好眼訓喎 .

係呢, 子維d傷風好返d未? 我見佢禽日打咗兩個大"乞次"

文迪

峰仔媽咪

真係好趕，我都係6:00pm收工，不過返Quarry Bay，都算近。

你今日有冇一齊去油塘室內遊樂場呀！我冇join，吾知囝囝玩得開吾開心呢？

峰仔媽咪 寫道:
文迪，永謙媽咪 :
我仔仔叫慶峰呀 !!! 都算大隻b啦，陸軍裝頭，現在每晚都7點放學，我都好趕架，由葵涌返到官塘剛剛好時間，所以一到6:00就要收工，遲左少少走，返到官塘要跑上去。

峰仔媽咪

文迪 :
可能仔仔係新生，所以，舊生既活動都未正左開始join，好似游水堂都未比仔仔開始。
返左個幾星期學，大至上都無大問題，除左真係無電梯(因為條樓梯好熱又無風扇呢)，校服都比較谷身，所以，我都係返到學校先幫仔仔穿上身。

tungwai

芸迪
維維唔係傷風呀, 佢應該係鼻敏感呀, 佢對風扇及冷氣都唔係好受得嫁, 所以好容易打 "乞次" , 重要兩行鼻涕好勁添, 真係辛苦老師及嬸嬸啦, 每日至小抹幾次

文迪

峰仔媽咪，

原來係咁。我囝囝都係著住件底衫先，返到學校先著校服，背脊個條手巾濕晒，又要幫佢換。

我囝囝好瘦，點樣先可以好似你囝囝咁大隻。

芸迪

tungwai: OIC. 照睇最辛苦既係子維本身

芸迪

我啱啱打咗俾老師問下Jaykan今日返學既情況.

果然如我所料, 佢今日係天台玩時......賴尿  老師話佢無驚無喊, 但就知羞  後尾老師帶佢落去換褲, 換褲前又肯同老師去廁所, 雖然無得痾, 但終於肯俾老師同佢除/著褲, 安樂哂  

仲有, 佢又肯飲水, 白飯仲差不多食哂成碗添   

我好開心, 老師大讚佢今日表現好好, 情緒又好穩定, 聽日會試係學校zzz.

果然無我係度會好d  

tungwai

芸迪
呀, 恆恆今日好叻仔喎, 另外, 亞維維今日在學校睡覺, 咁頭先師生打電話比我, 話佢肯 目訓 呀, 咁我都放心D, 因昨晚我已經係咁同佢講話明天會在學校睡覺, 又拿 D '被' 比佢睇, 可能佢有心理預備啦, 或者係都試下呀

芸迪

tungwai: 講真, 同老師傾完真係好開心, 因為佢終於都闖破咗個大關口.

維維好叻播, 第一日留係學校zzz就有咁好成績. 希望恆恆聽日都順順利利啦.

我禽晚都專登俾張被佢com下, 又釘咗我最鐘意既卡通手巾仔係被度, 俾哂心理準備佢, but都要睇佢聽日既狀態.

dleelm

芸迪,
真鄧你開心   恆恆確係大個仔, 知道無你陪就會試下比老師照顧,  其實恆恆有自己的個性同自我價值又咁堅持, 實在係一個優點.

係呢, 各位媽咪有無參加學齡前保健計劃呀??

芸迪

dleelm: 我都想參加, but未填表.