請問粉嶺上水區小一派位?

hinhei

李志達呢??
點睇?

朗媽

Polly,

做到成 11, 12點，我讀書時都未有咁勤力。咁你情願多功課定做 project???

朗媽

hinhei,

李志達，我無搵到咩料，不過有家長上星期去參觀，今日佢講話會揀呢間。

hinhei

唉~~~好煩!

朗媽

hinhei,

99 年出生率低，希望易d中獎啦！

By the way, 我部腦 short short 地，睇唔到 personal homepage, hin hin and hei hei 近來點呀？

hinhei

佢兩個..............都OK!

越諗越煩!!!

wenwen821

朗媽 寫道:
wenwen821,


宣道會陳朱素華紀念中學好唔好ga？

朗媽,
其實我都唔知好唔好，但聽講話麻麻喎。
下星期三我會參觀嘉福榮真，聽講話呢間放假完全無功課做，唔想小朋友辛苦喎。但又聽講校長講野好跨張，一開始就話佢地學校拿好多獎，點叻點叻....，好商業化。都唔知好定唔好，都係自己去參觀了解下先算。

hinhei

係呀!
我都係聽人講,包括幼兒園老師都係話榮真好注重獎,總之就係啲獎最重要!!!
另外佢哋係行(家校)的,所以好多Project做,全都要父母幫忙!若然唔係全職媽咪,都係唔好選呢間!因為真係需要很多時間去陪個仔女做功課!!!

好老實講,呢間學校比我印象真係唔好!若選佢都係因為佢近、基督教,同埋我知我哋呢度大部份小朋友都係會選呢間!咁第日個仔入咗去都有好多熟識的朋友仔囉!
所以我還是在考慮會不會選這校!!!

Astrid

你地要努力呀 ..... 仲有兩個月時間俾你地諗咋 ....... 如果有心儀既學校想參觀而幼稚園又無安排 ..... 自己打個電話去問下幾時 open day .....

希望以下 d 網頁可以幫到你地 !!!

北區家長教師聯會

小學概覽 23003

Jac

Hinhei
聽說曾梅千禧、五旬節于良發、勒戍生、李永達都唔錯，而神召會標榜活動教學，所以課程好似會淺d咁，但好似都係Band 1學校，而嘉福榮真係傳聞中都唔錯的，但似乎真係太多人爭喇。

hinhei

係呀!榮真,邊個唔鐘意佢又近又唔太差呢!!!
至於五旬節,我唔諗啦!因佢哋都係勁多功課同迫得啲學生好利害的!
現在我就係要諗選曾梅千禧定榮真做第一志願囉!

老實講,兩間學校我鐘意曾梅千禧多啲!
但榮真近,好方便,一落樓就到!而且會有大部份同學都係呢條村住,人強馬壯啲!hehheeeeeeeeee
加上佢係基督教學校,我想我個仔同神接近啲!!!!
可惜我未洗禮呀~~~~~~~~

所以好難決定!

朗媽

Dear all,

尋日同朗朗去o左參觀東華三院港九電器商聯會小學，位於陳融中學附近。十五週年開放日，有表現及攤位遊戲(分主題的，如音樂、科學及文學等)。我見呢間學校多數攞運動方面o既獎項，尋日o既表演就包括武術同劍擊，還有管絃樂及話劇。我見展覽場有近兩年升中派位成績，多數派陳融、李嘉誠、心諴、鄧顯及甲寅年。

響攤位遊戲度，發現好多學生的創作，有自製o既遊記、科學創作。學生都好主動，好落力，特別係女生。可惜o既係校舍好舊，禮堂同圖書館好細。

報告完畢

朗媽

Astrid,

你講得好o岩，始終自己教小朋友，單對單o既成效係大d，當然要用適當o既方法。不過上o左k2，我無陪朗朗做功課，無同佢溫書，佢反而會靜靜做功課，我行埋去，佢會叫我入房ga。上到k3，我都係盡量等佢自己做功課，最多都係同佢默書、教佢寫字。

Astrid 寫道:

唔可以靠學校去教我地既小朋友, 我地自己都要俾 d 心機 .........

朗媽

wenwen821 ,

嘉福榮真放假係完全無功課做，但佢要學生返學校參加課外活動。

我尋日至知宣道會陳朱素華紀念中學響五旬節于良發隔離。

朗媽

hinhei,

除o左注重獎項同多Project做，你對嘉福榮真還有其他不滿嗎？我想知呢間學校多唔多課外活動種類，邊種課外活動比較出色？

唔計新移民問題，我以前覺得神召會幾適合朗朗，一來佢係細仔，課程淺d，佢比較容易跟上；二來朗朗好紮紮跳，活動教學幾好；三來學校響正屋企隔離，好鬼方便。

其實當知道屋企隔離會有間小學，已經打算讀呢間，只係因為近。後來，聽人講選校要點揀點揀，至知要睇好多o野，自己先識留意其他學校。我地以前讀書，咪又係讀樓下間小學，邊有咁講究。依家除o左要睇小朋友能力，仲要睇家長點教，真係陪太子讀書，唉..............。

不過聽過過來人意見：
1. 佢話唔好成日話細仔會跟唔上，佢囡囡又係細女，初期入學係吃力d，但係佢上年上5年級，今年以優異生成績升班。佢o既心態係唔試過點知得唔得。
2. 紮紮跳o既小朋友唔一定只有活動教學才適合，讀傳統學校可以令佢地定d，加上家長引導，一樣可以順利過渡。
3. 因應上述兩點，唔好侷限選近屋企o既學校。

你仲有曦曦，要考慮清楚d喇。

Teresa

hinhei 寫道:
係呀!
我都係聽人講,包括幼兒園老師都係話榮真好注重獎,總之就係?獎最重要!!!
另外佢?係行(家校)的,所以好多Project做,全都要父母幫忙!若然唔係全職媽咪,都係唔好選呢間!因為真係需要很多時間去陪個仔女做功課!!!

好老實講,呢間學校比我印象真係唔好!若選佢都係因為佢近、基督教,同埋我知我?呢度大部份小朋友都係會選呢間!咁第日個仔入?去都有好多熟識的朋友仔囉!
所以我還是在考慮會不會選這校!!!

wenwen821

朗媽,
我都有去參觀東華三院港九電器商聯會小學呀, 唔知有無和你碰面呢? 呢間都幾好, 可惜係校舍舊d, 仲有我問過老師幾時轉全日制, 佢話學校已申請左, 但未有消息, 唔知幾時.

朗媽

wenwen821,

我 2 pm到東華三院港九電器商聯會小學，睇 2:30 pm o個場表演，4 pm左右離開ga。

wenwen821

朗媽,
我應該遲過你d啦, 去到已唔比我地上一樓, 有位童軍帶我地上二,三,四樓玩遊戲, 要等到3:30pm先睇表演, 之後5點幾先走.

hinhei

對榮真的不滿還有他們的老師,聽聞他們都只會比較專注係另的小朋友和家長常常可以出席學校的活動的同學.其他的都唔多理!

但係我同老公商量過都係會選榮真!
主要係近,同埋大部份係個度讀書的小朋友都係係呢度住,咁啲家長好多都係熟識的.
老公話始終咁可以睇緊啲個仔!起碼唔洗一個人走去一個陌生環境.因以我所知每年軒的學校都係會有數個小朋友入榮真.咁好自然會有同學陪佢一齊上!

加上我真係好想佢能繼續係學校認識"神".

仲有就係校車費,兩個仔加埋都成五百蚊架!

加上間中可以自己煮飯攞去比軒食!唔洗餐餐食學校飯盒!(聽聞榮真的伙食好唔點)

但我哋最重要個point係佢可以有朋友仔同佢一齊去面對新環境!這點好重要,因我知道軒的社交唔係咁點,有他認識的同學一起讀書會開心啲!學校有乜情報都可以好容易八到.........heheeeeeeeeeee

hinhei

朗媽

其實新移民好老實講間間學校都有,榮真也不例外!由其是現在是"幸運大抽獎",收啲學生都好雜.
我哋呢條村大把新移民,你話以佢哋知識水平,就一定係選最近個間!咁好自然就...............

所以我若係你,就會選神召會.因這間學校總括來講都係好學校.唔通真係想見到個仔晚晚做功課好似擔泥咁做到十一二點咩!呢個係真有其事架!
課程淺,其實怎樣淺都一定會跟返程度的.咁小朋友容易明啲,咁就會讀得開心啲啦!

加上又近,唔洗朝朝早要早啲起身搭校車,一來一回都浪費晒啲時間!到第日大個啲佢自己一個返學都唔洗擔心!
好話唔好聽有乜打風落雨返學放學都唔洗咁煩!