中二學生不懂讀小學的生字

囝囝爸

Eviepa:  

如以金庸人物武功比論語文學習, 我真不識如何比較. 不過你的長期閱讀可使語文有成, 可用覺遠日久讀經担水, 不知不覺學到高強武功, 可印證得到.  謝遜要義子無忌在冰火島強記武經口訣, 也可視為填鴨教育.

語文不振是否市場失效, 我想是吧.  但教育制度和語文教育應負上責任, 大部分家長都是被牽著鼻子走.  教育制度, 課程和教學方法應有很大改善空間.

你說坐井觀天的例子, 我不能以週遭例子印證.  因我認識的都受傳統教育, 祇有一個小學生是讀你囡囡接近相同理念學校, 但我覺得這學校已加強語文操練. 我和其他親友也少比較子女學業語文成績程度, 因覺是敏感問題, 會引起不快.

我從不抹殺閱讀效能, 看你能否做到.  去到圖書館或書店, 青少年人少見, 中年還佔大多數.  閱讀風氣如此, 可能你又覺得是成年人推動不力. 每天閱讀半小時, 看似簡單, 持之以恆實不容易. 不少中學早上都有閱讀課, 已非一朝一夕, 每天約半個鐘或以上, 每月要交閱讀報告, 中學生吸收理解力更佳, 但你覺中學畢業時他們語文程度如何.

你的每天閱讀半小時想法, 我前也想過, 我覺囝囝課外半小時Kumon Reading Program有效, 想是不是可以引入學校當正規課. 每天每個學生祇讀做半小時, 但一想到每週個別要導師跟進半小時, 一班四十人, 不是要英語老師每週跟進二十小時. 也是行不通.  但如跟你的想法更簡單, 如小學祇需撥半小時課時作英語閱讀, 不是升中時個個有能力讀英中, 也可省回不少家長課外子女的語文學習投資.

csy_ma

原文章由 eviepa 於 08-1-9 21:34 發表
回應妳的文章時，女兒剛好坐在身邊，看到妳這句「最後第3點的寫作技巧, 對不起, 我真的覺得閱讀無甚幫助」，她衝口而出：「梗係唔係啦！」不過當我要求她代我 ...

Eviepa：

您女兒的降龍十八掌，最重要因為傳自有獨立思考、敢特立獨行既佢阿爸洪七公真傳，日日一對一塑形，身裁想唔fit都幾難．否則，就好似穆念慈傳d皮毛俾少年楊過咁，真係要睇佢造化．

我侄仔就係一例．佢係一個循規蹈矩既小朋友，父母上班忙，未必有時間同鼓勵佢表達意見，因此，就算佢睇咗好多次金庸，都練就唔到好武功．語感係有，文采欠奉．老公打了個譬如，謂藉廣泛閱讀而練就既文通句暢，不過是一種工具，情況同識中文打字差唔多，當人人都曉，就一點不希奇 ．

何況，語文好唔等於公開考試成績好，仲要識得答題技巧．老公以佢自己為例：佢第一次考ALevel，中文得F16，唔到一年重考，佢根本就冇響中文上面花過乜力，只係換咗個阿sir，教既答題法唔同，就攞返B6．此所以，d補習天王咁值價，d父母又會對補充練習趨之若鶩．

我自從得您指點後，都開始放生阿囡，由佢睇響班上同同學交換既《老夫子》，亦都肯買俾佢．行書局，仲開始留意吓瓊瑤、亦舒響邊度，諗住適時介紹．但好多書局已搵唔到瓊瑤，多的是其他知名或不知名既作者．果d，以前有出版社送書俾我時，我睇過一本李敏既，果時衝動咗d，花個把鐘睇完後，嬲到打電話俾出版社位人姐，叫佢唔好再寄d咁既書黎浪費我d時間 ，結果搞僵咗關係 ．假如將來我任由自己個囡響書店揀埋d咁既書，佢就算勤練武功，都分分鐘只有江南七怪咁既水準．

所以之前都同您分享過，廣泛閱讀，都有質既問題．自己初中階段，因為父母全然放任，一日閒閒地睇三本小說，瓊瑤嚴沁岑海倫伊達俊人金庸古龍梁羽生獨孤紅臥龍生倪匡（魏力），只要響圖書館借到，二三線作家都殺．之後又刻意搵中外名著黎睇，但同我d初中已偷《楚辭》，視《莊子》為消閒書既內地朋友相比，都會幾自卑．
今日既情況都係一樣，當內地流行于丹講論語，易中天話三國，甚至熱賣20歲前已寫書置富既韓寒、郭敬明，同時不缺金庸古龍亦舒李碧華甚至素黑同日本漫畫時，咁我地又可以俾自己既仔女睇乜，令佢將來同內地小朋友交流時，冇我當時有既自卑感？

好彩，就算我囡既第一語言係中文，佢鍾意睇既VCD同玩既網站，至今都係以英文為主．我畢業後有次同一個有幫手翻譯哈金小說既師兄聊天，佢問我近排睇乜，我答佢都係睇d外國翻譯野，佢就話：咁就啱勒，睇中國野好難進步，我而家都好少睇（但佢除咗翻譯唔賺錢文學作品外，響香港多以詩人身份出現為主 ）！所以見到wisekid2007幾自豪咁話自己囝囝英文比中文好好多，都真係冇野講．我諗馬友友都係英文好過中文，但冇損佢溝通中西文化既願景．．．

我從來唔覺得多做重做句子之類既愚練習可以學好中文（因為好中文應該句式簡單，活用動詞而唔係多用形容詞），但多閱讀，亦只有在得其法既情況下，先可以收其效．wisekid2007分享既提高英文水平心法，大概亦同時適合於中文 ．

csy_ma

原文章由 ChiChiPaPa 於 08-1-9 21:49 發表


http://www.mdnkids.com/family_edition/detail.asp?sn=158

「狹義」的閱讀指的是「對文字的閱讀活動」；「廣義」的閱讀，則包括欣賞影片，觀察人、事、物，個人的所見所聞。父母與孩子一起讀書，行有餘力，也可一起出遊、看 ...

ChiChiPaPa：

謝分享！但做呢d野都需要閒暇，亦係填鴨制度下既香港學生，同過分緊張子女學業既家長最奢侈、最缺時間做既野

csy_ma

原文章由 wunma 於 08-1-10 10:14 發表

將要會考的兒子, 對作文最沒信心, (對我來說他已寫得不錯), 話內容要有深層意義才高分. 到底, 是否時下的學生寫作能力差, 才要在課程裏加上指定的寫作模式, 來教學生寫作呢?

wunma：

我侄仔今年中四，佢地父母暑假至話個災情俾我地聽，叫我地幫吓佢．結果，老公參考咗成日做閱卷員既舊時同學意見，救急既方法，都係要套用乜乜物技巧．仲叫侄仔避開抒情文，專攻議論文．佢當年就係因為個阿Sir勁buy抒情，搞到升大覆沒．

背定d古今中外經典格言，兼用正反問手法寫議論文，就算觀點唔標青，都應該有分加．作文呢家野，有時真係要同輩互相激發，假如佢冇留意同一個題目，同學仔點玩法，都幾難開思路．

不過單純玩技巧，可以參考陶才子．文章既野，一下筆，就其內容既切入點，高下已立見．但我曾見過才子改自己寫得太快失準既文章，加咗d比喻，又真係可以睇黎好好多（佢每日具名匿名寫單多野，內容未必精到，但佢套技巧真係ok省鏡，可以話係玩技巧既示範）（但係佢既技巧，都係來自不是想當然既比喻，呢個其實都算係內容）．

考試係計point同攞印象分既，我地教侄仔，最緊要諗個同人唔同既開頭，就好似賣廣告咁，slogan或者頭段好重要．另外，叫佢平日睇書或者課文，每段underline10個字以內既main point，全日以50-100字概括，行之以恆既話，就較容易明白何謂point，閱讀理解點捉point，亦可用於作文．

學校教寫作模式，就等於老公教侄仔既江湖救急法一樣，係專攻考試．因為思想冇得教，睇網上流傳既內地狀元升中考試既示範，不由驚歎佢地既底子，比好多香港專欄作者都好，咁既底子學校點教？惟有俾棵樹佢地扶吓，令作文唔好失分太多

其實最緊要令阿囝有信心，俾心機諗個好既開頭，慢慢可能就會掌握到．我試過幫任教於大專院校既前老細改佢學生既作業（間學府在港排名都幾高），基本上，大一生文通句暢之餘，仲知道自己講緊乜野，識少少部署，已經好標青．我仲發現，寫得好既學生，錯別字都係普通話既同音字，推測佢地當中有唔少母語未必係廣東話．

csy_ma

原文章由 囝囝爸 於 08-1-10 02:56 發表
Eviepa:  

語文不振是否市場失效, 我想是吧.  但教育制度和語文教育應負上責任, 大部分家長都是被牽著鼻子走.  教育制度, 課程和教學方法應有很大改善空間.
...

可能最需要改善既係考試制度－－好似Eviepa囡囡間學校咁，理念係好，但假如冇Eviepa咁既非常父親響囡囡後面無限支持，家長都未必有信心可以死硬唔俾小朋友做填鴨．

我學校有某班就由於學生質素普通夠高，全班排名最低者都不過接近全級中游，老師給予家課偏少，搞到家長幾乎要集體抗議咁滯．

又好似囝囝爸您咁，應該都好明白母語教學有利孩子吸收，咪一樣唔敢俾小朋友去享受學習樂趣，咪就係怕公開考試落馬？

而家教統局同家長咁既風頭火勢，除咗小眾供有錢人家就讀、家裡有大量財/時間back up既學校，邊間學校敢唔填d小朋友？

csy_ma

原文章由 wunma 於 08-1-10 12:48 發表
好高興有妳和我分享考試心得, 離題唯有講句唔好意思.

妳講的方法, 我個曳仔應已聽不少, 不過都會比佢看一看.

曳仔和同班同學大都專攻議論文, 老師話他們有論點兼辯才好, 弊在說話用詞語調過狠, 叫他們不要看太多生 ...

wunma：

自從有位自紐約返黎既憤怒中青做咗黎生既助理（好耐之前既事，憤怒中青都走咗好耐）後，生果報既頭版，尤其係標題就愈黎愈似評論．不過，持平黎講，佢既文字真係算做唔錯，可能係只談風月既老總請返黎既把關人功底了得所致．好似有次介紹哈仔結局咁，文字概括俐落，足成範文．（不過，其副刊，就算係文化版，都可以供人玩捉錯別字遊戲－唉！）

考試，係用黎過關攞分既，唔係要黎show文采既．我都幾贊成寫《棋王》既鍾阿城睇文觀點，看似無聲勝有聲．佢有篇同施叔青既對談（http://www.douban.com/group/topic/2387383/要睇到幾後評當代作家既一段），講沈從文既寫作技巧，就係貌似冇技巧，仲舉咗《邊城》個開頭做例．假如您個仔肯睇，可以請佢睇吓．中文既文采，其實在於字與字之間既節奏，同動詞的活用．我以前睇文，寫到中文系show文采咁既抒情議論文，幾乎必投籃（巴金係讀書果陣時，我地攞黎做sentimental既反面教材黎玩既）．

學咗寫作技巧咁耐，最有印象既，係海明威談寫作心得時引述佢以前做過間報館既寫作守則（收錄咗響《冰山理論－－諾貝爾獲獎者談心得》，唔係好記得個書名，有次我特登問朋友借返黎，諗住得閒抄錄同同校家長分享，不過而家搵唔到），當中有好多要刪既規條，都係年輕人好易過界變浮跨既．
就算好功利咁對付考試，學抒情文寫法亦無甚好處，只能作為一個效顰階段．

至於語調過狠，本身並無不妥，魯迅都話文章要偏，四平八穩不如不寫．不過唔可以用黎考試試閱卷員既界線．．．

[ 本文章最後由 csy_ma 於 08-1-10 13:44 編輯 ]

囝囝爸

看到各位說法, 得益不少.

Wisekid2007 對語文學習方法, 是正確的.  時間心力花費不少, 也要好的指導帶領, 才有成效. 還有在沒有語境下看外語書, 冇印證或個中方法, 效益不大.  也印證了我前文對 papa_pop 的回應. 我說:「閱讀不祇細水長流, 除較花時間外, 選材、合度、吸收進度等也不易控制, 不為興趣, 作為語文學習, 非一般能力家長學生可容易做到.」 學校礙於學生參差程度, 時間和能力難做得到.  家長在課餘功課溫習後, 時間, 選材和能力也未必可能.  名校水準均勻, 學生主動, 很多傳統名校在校都可做到, 加上家庭較強支援, 更添增進. 但弱校弱學生佔大數, 也是在現教育制度下被離棄疏忽一群, 不解下課餘功課已做到披星戴月, 頭昏腦脹, 還怎進行這優質閱讀計劃, 何況還要追二文二語.  基本教育問題不解決, 任何理想徒然.

也同意 csy_ma 前所說, 現今青少年人, 看劣書還較多, 對語文學習來說, 徙浪費時間.  對我來說, 金庸小說對語文增益不多, 反而二月河帝皇系列更好. 更好的有中國四大奇書, 各章回小說, 三十年代魯迅兄弟等等.  英文小說也一樣, Harry Potter 系列, 對語文得益不大.  近代英語小說情節出色, 引人入勝. 但說到優美文筆, 還是古典的好.  但好書的都多不是青少年喜歡飲果杯茶.  我囝囝對英文閱讀還聽我意見, 但中文閱讀選擇, 有很大改善空間.  但年青人自主, 多閱讀總是好, 養性怡情, 也不要執著語文修養進度為前題.

csy_ma

原文章由 囝囝爸 於 08-1-9 14:04 發表
papa_pop:

其實語文或學習好的人, 最主要原因是有一種拼勁.  勁的來源或是一種鬥心, 成功感, 應用目標, 興趣或排末席.  有了這種勁, 任何方法都可達至成功.  真實個案我亦見不少. 我以前一位老師是背英文字典學好英 ...

囝囝爸：

其實我（或者可能仲有Eviepa）同您既觀點最相異之處，就係學好某項技能，您認為最需要的是拼勁，而非興趣，而我則持反調．

如我先前所論，好文章，語文技巧只是末節，最重要還看觀點和角度（所謂”期待讀者”既眼界有幾高，亦都幾重要，此所以，我會荒廢正業上黎泡同您地交流，因為愉快同有野學有所激發 ）．
所以，閱讀可令語文水準提高，只是bonus．閱讀（縱只係漫畫）暫時還是吸收他人思想，拓展眼界既最簡便省時既渠道，因此會考慮吸收d乜養料既問題．
（我向來認為漫畫，尤其係日漫，就好似明清時代既小說咁，總有一天可登”正統”之堂．不過咁既觀點，內地作者朋友都唔係好buy，仲唔俾我送漫畫俾佢地既囝囡"荼毒"佢地，好彩香港尚有共鳴者 )

我猜，假如囝囝爸既寶貝囝囝對音樂／舞蹈／畫畫／體育／玩電腦遊戲好有興趣，想響果行發展，您可能也不會願見？因為咁既偏離正軌，興趣亦不可用來吃飯的．

我既觀點，正好相反，認為只有在興趣同職業／學習配合下，先有可能攀到行業／學習既頂峰（指探索而非地位）．如Eviepa既比例，假如做一樣野，做黎做去，都去唔到top果33%之列，倒是頗為無味，如何相伴半生？

假如要做倒top，好多時，響85-90分之間攞多d分，要出多兩倍力，如要再攞多5分，分分鐘要出多好幾倍（至於95-100分之間，則純屬天意），假如冇興趣相隨，都真係要無比既意志力  

響囝囝爸誤以為我常遭柴米之憂時，我亦曾深自反省，以興趣為主導既學習趨向，係唔係會禍延後代？好彩，答案尚算正面．因為人生，除咗穩固職業之外尚有許多留白，就個人而言，工作多半維繫倒自己既興趣（文字包裝於我，有d似玩砌積木遊戲），所以就有興趣多出一些正常工作人未必會出既力，多想／多玩一步，生活也有趣一點．

其實我地既觀點相異，不過因為人與人係唔同既，冇話邊個啱邊個唔啱．我猜，您肯定唔會係九種型格中既4號仔，而我係，如此罷了 ．

eviepa

囝囝爸：

語文不振是否市場失效, 我想是吧.  但教育制度和語文教育應負上責任, 大部分家長都是被牽著鼻子走.  教育制度, 課程和教學方法應有很大改善空間.

我一向認為閱讀就是解決語文低落的最佳方法，從這假定出發，只要說服大部分家長以閱讀為本，問題便迎刃而解——所以我認為，關鍵不是為制度，而是家長教育。

你說坐井觀天的例子, 我不能以週遭例子印證.  因我認識的都受傳統教育, 祇有一個小學生是讀你囡囡接近相同理念學校, 但我覺得這學校已加強語文操練. 我和其他親友也少比較子女學業語文成績程度, 因覺是敏感問題, 會引起不快.

如果程度相差不遠，的確很難比拼，但若程度差距甚遠，那麼，和親朋戚友閒談子女瑣事時，很容易便知道結果，比如說，有朋友抱怨：「中一D書好深呀，佢要查字典查餐死先至睇得明」，對比之下，小女雖不才，但五年級時已大致可在不需字典的幫助下看懂中一的英文教科書，閱讀能力的差距，可見一斑。只要多留意，很多環節都可以從蛛絲馬跡中找到答案。

我從不抹殺閱讀效能, 看你能否做到.  去到圖書館或書店, 青少年人少見, 中年還佔大多數.  閱讀風氣如此, 可能你又覺得是成年人推動不力. 每天閱讀半小時, 看似簡單, 持之以恆實不容易. 不少中學早上都有閱讀課, 已非一朝一夕, 每天約半個鐘或以上, 每月要交閱讀報告, 中學生吸收理解力更佳, 但你覺中學畢業時他們語文程度如何.

你的每天閱讀半小時想法, 我前也想過, 我覺囝囝課外半小時Kumon Reading Program有效, 想是不是可以引入學校當正規課. 每天每個學生祇讀做半小時, 但一想到每週個別要導師跟進半小時, 一班四十人, 不是要英語老師每週跟進二十小時. 也是行不通.  但如跟你的想法更簡單, 如小學祇需撥半小時課時作英語閱讀, 不是升中時個個有能力讀英中, 也可省回不少家長課外子女的語文學習投資.

我認為，英語閱讀是不能在學校課堂中實行的，我女兒的學校就是一個活生生例子，她每星期都有一節英語閱讀課，她很喜歡這一堂，因為不是借一本淺易的picture book，花三分鐘敷衍過去，就是根本全然不看，只管和同學閒談。做練習有工作紙可以檢查，可以衡量質素，學生不敢太離譜。但在閱讀課有沒有真正看書，額頭沒有鑿著字，很難搞。所以，看書這個重任還只能夠交給家長了。

仍是那句老話，只要不看重短期成績，抱著寧可功課做得馬虎，閱讀也要切實執行，那麼，每天半小時的英文閱讀，一定能把時間抽出來。

另外，有一個常見的答案：「佢好懶，叫過佢睇英文書，佢唔肯睇呀！無曬佢符。」不過，同時間，這些家長都很有辦法和恆心地每天要孩子做很多的補充練習、默生字。

要實行每天半小時英語閱讀不難，只要將這當作是first priority就必能達到。

eviepa

eviepa

原文章由 csy_ma 於 08-1-10 12:23 發表

我侄仔今年中四，佢地父母暑假至話個災情俾我地聽，叫我地幫吓佢．結果，老公參考咗成日做閱卷員既舊時同學意見，救急既方法，都係要套用乜乜物技巧．仲叫侄仔避開抒情文，專攻議論文．佢當年就係因為個阿Sir勁buy抒情，搞到升 ...

csy_ma,

哦！原來佢讀中四！

我的理論：大量閱讀可保證是top 33%只限於小學，中學的玩法大有不同。

eviepa

囝囝爸

//響囝囝爸誤以為我常遭柴米之憂時，我亦曾深自反省，以興趣為主導既學習趨向，係唔係會禍延後代？好彩，答案尚算正面．因為人生，除咗穩固職業之外尚有許多留白，就個人而言，工作多半維繫倒自己既興趣（文字包裝於我，有d似玩砌積木遊戲），所以就有興趣多出一些正常工作人未必會出既力，多想／多玩一步，生活也有趣一點.//


csy_ma:

我未有誤會你有柴米之憂, 祇不過引論你的說法, 不過令你深自反省, 我深感抱歉.  剛才也自我反省一輪, 以醒吾身.

妳過往一篇論母語好壞的文章其中說：
「我講返自己既切身例子：我係中中出身，考唔到大學，後來返內地大學讀中文系，到而家英文都好差，所以可以選擇既工種好少．但我唔會後悔讀中中….後來出黎做野後再上大學，因為讀既係感興趣既野，成績ok，有獎學金攞．如果唔係遇啱學運，可能會做研究生咁讀上去，但後來，我都有響本地學府掛單做RA，之前因工作關係同好多有名既學者接觸，都唔會好自卑．」

我其後一篇文章其中說：
「…因為社會雖然相對富裕, 但貧富懸殊, 不少人仍活在貧窮線下, 憂柴憂米.  在這些社會上, 能者愈富, 弱者愈貧, 所以大家要競爭向上爬, 脫離險境..  當然並不是所有家長望子女將來成龍成鳳, 但也不希望子女像 csy_ma 前所說因英語不佳, 就業時工種較少, 有危牆之險, 柴米之憂.  在國內外開放下, 我們子女將來工作上會面對不少外地人競爭.」

你上文提及同好多學者接觸, 其他文中也有提及妳的工作地位. 我怎為認為你有柴米之憂.  祇不過引用妳的說法, 選擇工種少, 在經濟不景, 人浮於事時, 家長們會担心子女有柴米之憂.

不過我想也印證了我的看法. 我雖閱讀不少, 語文表達仍然不佳.  閱讀不求甚解, 對學習語文無大效益.

妳其他的論點涉獵甚廣, 我都好有興趣和妳討論, 容後再談.

eviepa

原文章由 csy_ma 於 08-1-10 18:33 發表


所以，閱讀可令語文水準提高，只是bonus．閱讀（縱只係漫畫）暫時還是吸收他人思想，拓展眼界既最簡便省時既渠道，因此會考慮吸收d乜養料既問題．
（我向來認為漫畫，尤其係日漫，就好似明清時代既小說咁，總有一天可登”正統”之堂．不過咁既觀點，內地作者朋友都唔係好buy，仲唔俾我送漫畫俾佢地既囝囡"荼毒"佢地，好彩香港尚有共鳴者 )

記得讀中二時，我非常敬愛的中文老師舉了一個不良書籍的例子：射鵰英雄傳。當時，武俠小說是一種不能登大雅之堂的書籍，但時至今天，聽說以研究金庸小說為博士題目的大不乏人。

漫畫，我也相信正在走這「論雅俗共賞」的道路，一如詞、戲曲、小說等，由只有俗人欣賞，漸漸雅化為雅人、俗人共同欣賞。

不要看輕漫畫，我和我弟弟的閱讀興趣，都是由漫畫伸延出來的，對我們的讀書表現，扮演著重要的角色。

csy_ma

原文章由 囝囝爸 於 08-1-10 22:23 發表
不過我想也印證了我的看法. 我雖閱讀不少, 語文表達仍然不佳.  閱讀不求甚解, 對學習語文無大效益.

囝囝爸：

您以上說法過謙了！自己少響公海游，初時睇您既言論，涉獵很廣，仲以為您係某些智囊團成員，甚或帶點主導輿論既成分添．後來追蹤Eviepa既蹤跡，先知道您原來可能從事金融業，難怪曾有轉行融線既朋友講過，行經濟線既受訪者精英匯集，個腦係行快d （之前佢走政治線，老公係總級人馬）．

上黎，其實係發覺漏咗少少回應：響以前工作機構既作者中，我都係最鍾意二月河既文字．呢位老人家仲好謙厚，有次其所屬作協傳真機病咗，稿件傳得不清，佢不嫌其煩逐行填番，認真更可愛．

其實，中台兩地名氣大既作者，縱狂如李敖，對住我地d小薯仔，都客氣有禮．偏是香港既才子們，先至玩性格．我試過跟咗某才子既稿年幾，每次總留言留下電話以便對話，但佢總係好”對口”咁覆返老總，叫老總傳話就算．後來肯開始對話，係我地邀請佢演講．弊機構向來不肯出錢，佢應承咗，轉頭同我依哦話泊車都要錢．結果我請示老總後，擬送套表面值近千既當代名家簽名版俾佢，問佢想要哪一批作家（因為有兩套），結果佢話通殺（果時佢仲未係咁紅）．

老公後來都話佢其實buy才子果套，因為就算號稱自己係非牟利機構，但搞講座推廣，話晒都係商業活動．我可能之前有唔好既感覺，所以感覺都唔係咁好（同場，佢肯俾佢做拍擋既女作者又過於謙厚，堅持縱講座收取象微式既留位費，佢都唔去講，因為覺得自己未夠班．咁既對比，真係搞得我一頭煙，不過我至今對果位女作者既文章同人，都懷有特殊既好感）．

另有位做咗官既才子，肯接受另一機構前同事既採訪，但係由始至終都係背對同事，對住部電腦講野

－－香港d名才子係咁既質素，令我做香港人都有d汗顏

另外，我都打算搵個對既時候，同囡囡講吓元曲同明清筆記小說（呢個就係位內地同學底子好過我既地方），因為睇一本頂得住睇金庸十本（金庸係好在構思，唔係文字）．

ChiChiPaPa

原文章由 eviepa 於 08-1-10 21:46 發表
囝囝爸：

…
我認為，英語閱讀是不能在學校課堂中實行的，我女兒的學校就是一個活生生例子，她每星期都有一節英語閱讀課，她很喜歡這一堂，因為不是借一本淺易的picture book，花三分鐘敷衍過去，就是根本全然不看，只管和同學閒談。做練習有工作紙可以檢查，可以衡量質素，學生不敢太離譜。但在閱讀課有沒有真正看書，額頭沒有鑿著字，很難搞。所以，看書這個重任還只能夠交給家長了。 ...

我不認同這一點。

以增進英語能力為目的的閱讀，必然是學校推動遠較家長推動有效，因為:

(1)學校有專門人才，受過訓練，對各種 learning theory 有所認識，遠較沒有理論基礎和實踐經驗的家長，能更有效推動帶目的的閱讀計劃；

(2)只有同學之間的日常談論，形成濃厚的閱讀氣氛，才能真正推動英語閱讀，而靠個別家長不可能在同學之間形成閱讀氣氛；

(3)如果學校的功課量不合理，學生根本不會有空餘時間去閱讀；

(4)只有學校可以有效地把課外閱讀、寫作和英語教學內容緊扣在一起，讓學生把所讀的，運用到寫作上，並向寫作較好的同學學習。

如果學校推動不成功，只是學校的方法出了問題。

[ 本文章最後由 ChiChiPaPa 於 08-1-10 23:55 編輯 ]

csy_ma

原文章由 eviepa 於 08-1-10 22:44 發表
漫畫，我也相信正在走這「論雅俗共賞」的道路，一 ...

又多個同道嘞

囝囝爸

Eviepa:

原來要語文好, 一定要在家中進行才有效.  怪不得教育制度對語文高低冇影響.  也怪不得某些名校選取學生時, 以有高學歷全職父母為先.  也怪不得台灣上補習班之盛也對語文提升無助, 應留待家長在家以閱讀改進, 才是正道.

你的學好語文要有這麼多硬準則, 相信家長容易照這框框進行, 香港學生語文應有救.  不過與我對教育的想法：要因人而異, 因人而教, 以時制宜, 大相逕庭.  大家的想法相信已說得清楚, 結論祇有待整體事實結果印證.

不說理論, 說回現實.  我大部分親友屬中產, 有一定教育程度, 也重視子女學業.  如前說, 大部分讀傳統學校, 大部分上英女名校, 少部分讀中文中學.  以英文中學來說, 女孩子們英文程度我想應比我讀英中兒子為佳.  英文不用補習, 因這些英中女校 讀好學校果套應已足夠, 課外會因應時間增潤. 亦少聽見說英語深, 不明白書本.  但會說有時功課多.  中一補數有一個, 我識讀英中的大都開心快樂自信.  親朋反而對中中子女費心, 可能恨鐵不成鋼心態.

我囝囝上中學後情況你應清楚.  全部自理, 我祇今次期中試第一次和他試前溫習某些術科.  雙方皆有收穫.  我也對囝囝的弱點清楚.  弱點不關語文理解, 未識完全掌握學習重點.  但年多來所知亦有少部分同學英語較弱, 但不知他們對術科理解有沒有影響.  學生英語書寫較弱, 作答時就算識也會詞不達意.  我囝囝年來多作答書寫下, 已非困難, 可漸漸進步.  中文科部分學生覺深, 包括我囝囝在內, 但以中二來說, 已合我滿意標準.

我自己意見, 閱讀理解歷來是香港學生強項, 小學時學校家長也費心不少.  術科課本英語解說用詞多淺白, 對大部分英中生理解不是問題, 要學要理解祇各科專有名詞(部分書本有中文譯名)和其知識理解, 如老師解說清楚, 不用查字典, 也不是小學閱讀可學到.  以我囝囝為例, 他記性強, 各科專有名詞都能記到讀到理解, 少部分不明白也得能老師或我幫助解決.  他成績中上, 課外活動玩樂和學習時間相等, 年多來也輕鬆快樂自信. 相信其他同學都可以. 英中生每年留班不多, 約二三個(經囝囝更正, 約五六個).  會考時大都各科合格, 也有三至五成考到優良.  家長可作指標.

[ 本文章最後由 囝囝爸 於 08-1-11 01:28 編輯 ]