有囝囡讀緊中三的家長們

virgokaren

edithedith：

唔怕失禮話你知，我姨甥女都係中意睇卡通片架，
disney channel d 校園電影又係佢至愛呀！
第日去讀書無得睇，唔知會點呢？

你朋友個囡可以留班咪算好囉！好多名校係【勸喻離校】呀陰公！
名校要保住個會考credit  rate 和高考入U rate 。

早幾日去 la Salle 結業禮，佢地今年 form six 有 over  10 個學生拔尖入U，幾勁呀！

edithedith

原來你個姨甥女都係鍾意睇卡通片架, 我個女重鍾意睇韓劇同台劇(即係青春劇集如似青蛙王子, 花樣少年....之類), 不過, 我只係間中比佢睇, 唔會比佢溫習或功課都未做完就去睇咁law.

嘩, 聽你咁講都好得人驚呀, 不過, 我估繼, 那位被勸喻離校的除了成績未達標之外, 可能操行都有點問題, 不過, 無論如何, 我也會叫我個女打醒十二分精神去讀好書, 你個姨甥女都要努要呀 :)

話時話呀, 我今年好好彩, 已買了好多本舊書, 節省了不少金錢, 除左Geo, His之外, Phy, Chem, Bio, Math都買到呀  

原文章由 virgokaren 於 07-7-14 02:54 發表
edithedith：

唔怕失禮話你知，我姨甥女都係中意睇卡通片架，
disney channel d 校園電影又係佢至愛呀！
第日去讀書無得睇，唔知會點呢？

你朋友個囡可以留班咪算好囉！好多名校係【勸喻離校】呀陰公！ ...

virgokaren

原文章由 edithedith 於 07-7-16 09:23 發表
原來你個姨甥女都係鍾意睇卡通片架, 我個女重鍾意睇韓劇同台劇(即係青春劇集如似青蛙王子, 花樣少年....之類), 不過, 我只係間中比佢睇, 唔會比佢溫習或功課都未做完就去睇咁law.

嘩, 聽你咁講都好得人驚呀, ...

你學校冇搞舊書回收咩？
我姨甥女間學校今年第一次搞，但d書轉哂出版社，得中英文書可以賣俾升F.3的同學，無咩功效！

昨天我地又去另一個澳洲學校講座，遇到一個升F.3的學生家長，聽佢講話佢囡囡讀英中，成績麻麻地，又今年至知有初中成績評核，佢學校會篩一班升F.4，所以好鬼驚，打算明年送個囡去澳洲讀書。佢仲問我好多野，我聽多左幾次講座和係Bk收料，至講到下俾佢聽，但其實邊個省、邊間學校好，我都摸索緊，我叫佢搵多幾間至決定囉！

係呢，Peth 好唔好架？
你知唔知點至知間學校好唔好？
Murdock University 係 Australia 係咪算 band 2 uni？

edithedith

其實我女間學校每年都有搞舊書回收活動架, 只係我家細小姐既大頭蝦, 又以為呀媽係有錢人唔care咁, 所以年年都係話唔記得帶d書返去賣, 好在佢都記得幾時有舊書買, 所以縱使無得扣數都唔會需要買太貴的新書. 不過星期天我返教會時, 一位教友告訴我她每年都會到觀塘的文彩書店幫佢個仔買書, 佢話d書又平又新(HK$30-40一本), 好多都幾乎無用過, 佢話原來最唔讀書的學生是在觀塘 , 所以我遲些可能會去睇下我女餘下的書在那裏有無得買.

我兩個姨甥初到澳洲時都係去左亞特蘭大讀Foundation, 讀完之後才各自考進自己心儀的University, 據我所知在澳洲有八間大學是香港普遍承認的, 但我記不起全部, 詳情都係要間Agent了, 不過你所提及的間, 印象中應該不是八大之列, 如果屬二線的話, 我覺得比較冒險, 因為如果讀左返來而香港不承認的話, 就會變得錢同時間就用左, 但無good outcome, 所以, 我認為都係以八大作首選吧.

你也可以參考這條link
http://hk.knowledge.yahoo.com/question/?qid=7007031603619

[ 本文章最後由 edithedith 於 07-7-17 10:13 編輯 ]

virgokaren

edithedith:

我讀書的年代，唔中意用舊書的，覺得本書【新】先至係屬於自己的。(好唔環保兼大富貴)
姨甥女由小學至中三都係學校訂書，唔駛奔波！
姨甥女從來無講過書費貴，我估佢意識唔到，今年無端端拿住張
書單話要成三千幾蚊，好貴呀！
geog 老師話有一批好新淨的geog舊書以三/四折出售，她立即舉手訂購。
都唔知佢真係知慳識憸，定係人云亦云了。
不過其他書都係經學校訂，有九五折。

我梗係希望姨甥女入到澳洲八大之一啦！不過，唔知佢得唔得呢？
我問果間 Murdoch，有college yr7-12 & foundation 讀，仲係大學個校園內，
不過，咁多大學生一齊，會唔會比較開放左d呢？
都係搵間中學，靜靜地好似安全d，你話係咪呢？

edithedith

都係搵間中學，靜靜地好似安全d，你話係咪呢？  可以嘗試寄宿學校, 一般在澳洲比較少, 多數人都會住home stay, 但也有少部份學校有寄宿服務的, 要細心查一查.

不過，咁多大學生一齊，會唔會比較開放左d呢？  (首先要聲明, 唔係講呢d野來嚇你:D ) 係呀, 一定會開放d架, 你知外國人係比較早熟, 而且在外國讀書係無皇管架, 所以有d唔夠定力的人會因為這種環境讀唔成書, 有些則不受環境影響, 甚至有些染上賭 "引" 或 嚴重至吸毒 . 好在我兩個姨甥都OK無受別人(壞份子)影響, 至於將會去澳洲讀書的, 希望佢都會OK啦::" />:" />

我加拿大個姪仔因為依家在港, 所以我有時見到佢都會問佢加拿大的學校情況, 佢話佢都有同學有槍, 我表示驚呀時佢又覺得無野wor, 佢話佢都有同學吸煙同吸毒, 佢話 no big deal, 咁我都提佢上到大學要更自律, 佢依家話知啦, 但唔知佢真係去到大學環境會點, 希望都安全渡過:)

所以如果你個姨甥女大一點才過去讀都係好事來的, 起馬定力會好點吧. 另外, 一般書局都會有九折或八八折優惠, 咁在校訂書咪變得好貴law 我女間學校的指定書商(晨衝圖書同埋香港圖書)都會比九折wor, 你查下先訂啦, 省得幾多得幾多呀麻

[ 本文章最後由 edithedith 於 07-7-19 09:56 編輯 ]

virgokaren

原文章由 edithedith 於 07-7-19 09:50 發表
都係搵間中學，靜靜地好似安全d，你話係咪呢？  可以嘗試寄宿學校, 一般在澳洲比較少, 多數人都會住home stay, 但也有少部份學校有寄宿服務的, 要細心查一查.
不過，咁多大學生一齊，會唔會比較開放左d呢？  ...

我地暫時都係首選：broading school，我姨甥女仲中意讀女校添！
不過，我又對d government school 有些興趣，因為學費平好多。但要研究下好唔好！

外國人係開放d，我都好古老，唔想姨甥女咁早接觸花花世界！
所以大學校園都係隱藏殺機，都係唔好咁早接觸大人的圈子。
美加太多人有鎗，毒品問題嚴重，暫時覺得澳洲好似純樸d，朋友話澳洲讀書回來的年青人乖d ，可能澳洲無野玩，屋企人話合我姨甥女，因為佢濛濛地，怕佢俾人呃！

其實如果我姨甥女明年真係去澳洲，咁d新書又好似浪費左d，唯有叫佢好好保護d書，留番來賣俾同學啦！

edithedith

住Boarding同home stay都唔錯, Boarding就要有一定的discipline, 但如果華人多的話, 華人會走在一起, 對適應英語會較慢, 住home stay(如果揀外國人的話)會學到多一點當地文化, 及英語會快點溶合, 所有各有好處.

以我所知大部份讀Gov't School的學生的背景都是比較窮的, 品流較復雜, 通常文化水平較低, 所以無論在任何國家, 讀得私校的都是較有錢一族, 但當然Budget也是非常重要的考慮因素, 所以都好難取捨, 再加上現在的對換價日日創新高, 澳元將可能上到一港元對七澳元水平, 加上學費又每年調整, 所以都好難作預算.

好像我大女為例, 當初送她往英國讀書時, 對換價是一港元對十至十一英磅, 學費只三千多磅一個學期, 我初時都供得很輕鬆, 但過了三年之後, 因為學費調整幅度大了, 英磅又不斷升, 所以已變得吃力好多了. 每年的預算開支逐年增加多十多萬, 真是嚇c我, 所以, 我個細女方面, 我已跟她說除非在港讀不上大學, 不言, 要在港完成大學後才出國讀碩士, 這樣一來她仍有機會可以接觸外國文化, 個人大些成熟些, 而且她又可以有香港及外國文憑, 但這只是我的構思, 現在都是見一步行一步, 還是看看她未來幾年的讀書情況再作打算吧.:)

原文章由 virgokaren 於 07-7-20 02:37 發表


我地暫時都係首選：broading school，我姨甥女仲中意讀女校添！
不過，我又對d government school 有些興趣，因為學費平好多。但要研究下好唔好！

外國人係開放d，我都好古老，唔想姨甥女咁早接觸花花世 ...

[ 本文章最後由 edithedith 於 07-7-20 09:45 編輯 ]

virgokaren

edithedith：
住 homestay 如果遇上喜歡青少年的人家是不錯的，要看運氣囉！
因澳洲太多提供 homestay 的家庭，好多都是為賺外快的，等同租屋，所以有些憂慮。
美國的交換生計畫的家庭就似乎好d，他們真是為接待海外生為目的。
你囡囡係香港讀名校，前途光明好多，我發現香港的中學 level 真係好大差距，
而家英中同中中，英文卷考埋同一張，中中學生會唔會成為"踐底"一群呢？
其實我贊成母語教學，因為會令學生對學科容易理解，
但母語教學不應等同英文水準要下降架！！！
係香港入到大學，梗係好啦！起碼成日都可以見到佢。
個細路去到咁遠，其實都心掛掛架！
但見到外國 d 學校，校園又大又靚，我都好想去讀，
亦希望俾姨甥女見識下，眼光擴闊d 囉！

edithedith

你的一番說話跟我前晚遇到的一個街坊所講的一模一樣(她的女兒在一間中中升讀中四), 她也一樣的說到她女兒學校的程度實在比起英中有距離, 這使得她很擔心, 因為中四與中五其實只有年半時間讀, 很怕她女兒到時不知怎樣同別人爭.  但我上年找了一個補習姐姐(她當年是替我大女補習的), 她是讀中中的, 她會考的成績都很不錯, 她英文Syl A考得A, 她替我女補習時是剛考完A-Level等緊放榜, 但最後, 她都能順利入讀理大的護理系, 所以, 中中也不一定是不夠別人爭的 :)

其實在我心目中真係無話名唔名校, 最重要都係個小朋友自己肯用功肯讀, 可能我個大女在英國學校的經歷的關係(因為她在THS有不太好的經歷再加上她個人本身對讀書沒興趣而引發的種種問題)已是我細女最好的借鏡, 所以這樣一來我可以省點力向她說教, 另一方面她也因此而提早知道如果自已做得不夠好的後果, 再加上我提點她在校一定不能胡來, 不能在校做成壞印象, 因為一旦有壞印象, 將來無論你點用心改過, 點努力都好, 大多數人仍會記著你的不是的, 那時一定就會遇到很多不公平的待遇了.

昨天在教會裏, 從一位弟兄口中知道他的女兒現在報讀了英國文化協會的英文課程, 他說這課程有助提升他女兒的英文聽力及理解力, 是互動形式來的, 個英國老師會先講一個故事(上次講了一個偵探故事), 然後會問番關於這個故事的問題, 聽落都幾吸引, 你或可試試為你姨甥女報讀這類課程, 讓她多些機會聽講英語, 我想這樣會對她的英語有幫助的, 你不防看看這個課程會否適合你姨甥女:)

原文章由 virgokaren 於 07-7-23 02:52 發表
edithedith：
住 homestay 如果遇上喜歡青少年的人家是不錯的，要看運氣囉！
因澳洲太多提供 homestay 的家庭，好多都是為賺外快的，等同租屋，所以有些憂慮。
美國的交換生計畫的家庭就似乎好d，他們真是為 ...

[ 本文章最後由 edithedith 於 07-7-23 09:54 編輯 ]

virgokaren

edithedith：
係！而家好多中中學生都一樣入到大學，成績都唔差，不過係英文水準有些距離。
但而家中中學生好多寧可選讀中文教的科目，而不轉讀英文，所以香港人的英文程度會每況愈下，英中學生和中中學生的英文程度差距會愈來愈大。
其實，我們是中國人，以中文修讀其他科目係無問題，
只不過，如果仲想做國際大都會，真係要提升一下各中中係英文科的資源了。

p.5 - p.6 時姨甥女都係英國文化協會讀過，okay 架，活動教學，不過每班人數有成廿幾人，每人都唔講得幾句，但叫做聽多d native english 囉！
後來我們找了一位姐姐每星期補英文，所以無去了。
英國文化協會我都想去讀，最衰係返工時間就唔到，所以唔敢報！
最近我報左工聯會，返左一堂就唔多想返了！

edithedith

為甚麼返了一堂工聯會的課程便不想再上堂呀 我們的大歌星張學友當年也是在工聯會學過唱歌的

上次個補習姐姐同今次我找的其中一個補習姐姐都講左同一番說話, 其中一個曾參加內地交流生, 佢話內地生的學識水平真係十分高, 只是英語比我們差, 但他們上課是十分活動及誘導性十分高, 舉例說, 他們的老師會用一把傘沾滿水, 然後握著傘(不用打開傘)左右來回旋轉, 此時傘的水會隨著物理定率轉出水柱, 水花, 他們會在課堂上深入討論傘, 水柱, 水花的關係呀, 水柱向外的方向改變呀, 地深吸力對水柱, 水花的影嚮呀.........總之就唔似我地香港咁膚淺 另一個補習姐姐就話現在的大學都傾向多收內地生, 所以本地生的收生學位也少了, 而且落得來讀的, 實際除了英文較弱之外(有些反而英語都很強, 又例如我女在英國讀書時一位來自四川的姑娘, 來到學校已是一面倒的叻, 佢連英語都完全無問題, 又是鋼琴十級高手, 全部AS Level及A-Level都最得A, 現已在牛津讀,今年會升大二, 佢表哥也是叻人, 現在在劍橋升讀大三/四 ), 內地生真的學識真是高過我們很多, 我們的只是死記硬背, 真係難為那些涂毒學生思想的補習社, 成日教人走旁門左道, 死記佢地的所謂必勝筆記, 咁香港人最叻就係讀死書, 真係好擔心下下一代. 因為下一代我們已在教, 但不是個個家長都努力教自己的小朋友, 那麼這些小朋友將來又怎會懂教下一代呢 , 他們又會只懂教佢下代去走旁門左道, 這其實是害辛了他們, 是惡性循環

很sad呀, 我今日講得, 真係唔好意思呀, 只係有感而發.

原文章由 virgokaren 於 07-7-24 01:04 發表
edithedith：
係！而家好多中中學生都一樣入到大學，成績都唔差，不過係英文水準有些距離。
但而家中中學生好多寧可選讀中文教的科目，而不轉讀英文，所以香港人的英文程度會每況愈下，英中學生和中中學生的英 ...

[ 本文章最後由 edithedith 於 07-7-24 09:58 編輯 ]

virgokaren

edithedith：

唉！那位工聯會老師仲悶過我讀中學時的老師！！！
佢依書直說，我都識說啦！好悶！
第日不如跟我姨甥女一齊去澳洲，佢讀中學，
我讀成人英語班，過下學生癮。(想下0者！要返工
搵錢無得去！)
內地學生好多英文高手呀！尤其而家上海、北京d有錢
人，個個都好重視培養子女語文、音樂....文武雙全。
我表妹係廣州外語外貿大學畢業，佢D英文不知幾好，
而家仲嫁左去西班牙，全世界三大語系：
普通話、英語、西班牙語佢都識講和寫，我話佢前途
無限囉！
香港的教育界仲係度摸索緊，都唔知幾時至真係做到
兩文三語皆精？
我都唔明，點解人地讀 ESF 可以咁輕鬆，但佢地又真
係學到野，最重要係學到中意睇書，學到自己搜集資
料，唔駛死記難背。
香港好似都係朝這個方向改革，所以而家中文科都唔駛
背範文，但又好似學英文grammar 咁學修辭，唔知係咪
真係對中文寫作有用呢？
我覺得幾深下，你又點睇？

virgokaren

剛看到的新聞，同我的想法很相似。
*******************************
史丹福語文教授：母語教學剝削中中生


文章日期：2007年7月24日


【明報專訊】本港推行母語教學9年，坊間對政策效果爭論不休。美國史丹福大學亞洲語文系教授孫朝奮形容母語教學政策是「令社會分裂的不和諧政策」。他批評母語教學拖累中文中學學生學習英語的成效，造成不公平，剝削中中生入大學的機會。
研究語言學的孫朝奮是香港人，80年代赴美任教，受匯賢智庫邀請回港，昨日舉行題為「語文計劃與香港的將來」午餐演講會。他接受本報專訪時表示，無法長期浸淫於英語環境的中中生，英語成績必跌。他指出，學童若不能入讀英文好的小學，升上英中機會就較低，因為家長趨之若鶩的英中，取錄學生僅佔全港約三成。而能升上本地大學的學生，大多來自英文中學。孫朝奮認為，學童從進入小學時，已面對升學篩選制度的不公，機會不均等。
孫朝奮直言，香港不應分中中、英中，應該發展英語、普通話雙語並重的教學。他說，既然本港九成人說中文，就應該提供完全以中文授課的大學課程及文憑，供中學階段沒有接受英語授課的學生。
學好兩文三語 小學最關鍵
至於如何提升本港學生英語，孫朝奮引用美國例子解釋，美國正推行「外語伙伴試驗計劃」，指政府揀選數所幼稚園至大學，讓學生從4歲至大學四年級接受同一系統語文訓練，成績不錯，香港可以借鑑，推動學生語文學習。他又說，12、13歲前是學語言最關鍵時刻，若本港能把握機會，就能提升學生外語能力，猶如母語般，故小學語言教學舉足輕重。
輕鬆形式代替文法教學
他建議小學提高英語課時到20%至30%，且須培訓教師及改革課程，不可再教授難明的文法，應以輕鬆自然方式教授。只要小學生英語了得，自然能增加英中數目。他又鼓勵普通話教學，建議根據學生能力，從小學開始以普通話教授不同科目，最後推展至中學全科以普通話或英語教學，「香港的兩文三語，成功與否，在於小學教育」。
對於孫朝奮批評母語教學政策，教育局發言人回應指本港教學語言政策的目標是母語教學、學好英語。當局認為，母語教學有助學生更好地掌握學科知識，鞏固學習成果，近年中中生的會考成績包括英語科都顯著進步，可見母語教學已見成效。教育局又指政府大力支援學校的英語教學，如注資語文基金8億元，並重視語文教師的水平。
明報記者 曾媚

[ 本文章最後由 virgokaren 於 07-7-25 03:37 編輯 ]

edithedith

這個孫朝奮教授真係講中好多人的心, 因為現在的教育出產了不知多少個既不能中亦不能英的所謂中學畢業生, 今天的大學畢業生也好不了多少, 英語差的比比皆是, 上星期日晚看英文台時, 剛考訪問一個未開口說話時會覺得佢係好掂的(非常後生的)男仔, 但好可惜, 佢一係唔講, 一講就 e.g. this -- is -- a -- good -- chance --to --have -- a ....... 逐個英文字咁嘔出來, 真係聽到我 c c 下, 唉, 這就是現今教育出來的 "人材"

另外一個我覺得好有問題的, 你有無發現這幾年政府好積極咁搵明星去宣傳職業英語課程呢, 點解唔係在中學時期讀好英語咩? 點解要出來做野再走去讀英文呢, 留意wor, 唔係進修, 而係去讀好職業英語呀, 大佬, 真係嚇c人 , 咁多中中點會有好多英文人出到來呢....   我從來唔信政府d數據, 究竟係咪真係有咁多英文合率呀, 點解我接觸d人d英文咁多咁差呢

雖然我細女在英中讀書, 英文尚算OK, 但我非常明白那些中中生的學生家長對自己子女前途的徬徨感, 這又正正是我幾年前送個大女去外地讀書的主因, 可幸當時我都還可支持外地讀書的學費, 但說實在的, 有好多學生都沒錢到外地讀書.

我贊成全部用普通話教學, 因為普通話所講的話全部是書面語, 好有文化, 這樣中文程度不致這麼弱, 而英文也要佔大比率去教, 不一定是要學艱深英語, 也不一定要在班房坐定定咁去學, 我認為活動教學最好, 因為我們的圖像記憶必定好過文字記憶的, 那麼, 生學便有興趣學, 圖像記憶還可以是long term memory來的, 這好像我們不費吹灰之力都記得我們小時候的事情一樣, 你認為我說對嗎

原文章由 virgokaren 於 07-7-25 03:27 發表
edithedith：

唉！那位工聯會老師仲悶過我讀中學時的老師！！！
佢依書直說，我都識說啦！好悶！
第日不如跟我姨甥女一齊去澳洲，佢讀中學，
我讀成人英語班，過下學生癮。(想下0者！要返工
搵錢無得去 ...

[ 本文章最後由 edithedith 於 07-7-25 13:27 編輯 ]

virgokaren

edithedith ：

絕對贊成加重英語教學比率啦！
我認為其他學科(除左 phy、chem、bio)用中文教是無妨，但英文根本可以單獨教，教學生寫多些好文章，說一口流利的英語和懂得欣賞英文讀本便夠他們用了，其他學科自然可以慢慢上手，中英並重。

我絕對支持活動教學，我讀書時好怕D老師木木獨獨，所以我幫姨甥女選校時，都盡量選時教學新穎的學校，不要太傳統。

普通話教學當時比母語教學好，我們廣東話另有一種文化，要來係 Bk 寫下就幾好，真正學好中文當然是普通話優勝，起碼不用翻譯成書面語。

我姨甥女有一樣優點，就是她不怕說英語，見到外國人她都夠膽對答，很多中中學生會避開說英語的機會，可能是她自小學開始一直參加由 NET 教的課外活動有關。

BK 搞左呢個教育網，打字爽左好多，之前成日 hang ，打完字又唔見哂，而家終於重見光明囉！

edithedith

virogkaren

為何我之前會有這樣一段的說話呢, 是因為我早前去到一間中中返教會, 無意中看見他們用的初中的英文作業, 好奇心下番看內容, 唉, 作業程度真係嚇人, 好像小四至小六般, 這已是一間Band 2(中間)的中文中學, 學生如果自己沒有自發力去讀好英語, 莫講話同鬼老講野呀, 理解同寫都有極大極大問題了 .

我心目中覺得學英文不用太嚴肅, 應該要多帶學生看英文話劇, 平時在校讓他們學做英文話劇, 由寫劇本開始以至講對白等等, 整個流程學生不但可以發揮自己想像力去度劇本, 而且又會學習到理解同寫作的技考, 亦可以學習到一定的文法, 另外又可以訓練學生講對白的膽量 (其實我細女的學校每個學期都會攪, 有英語劇 -- 不過有限制的, 要看完一本英文reader後再依書從新編劇 --- 和聖經的中文劇, 我真的覺得非常好 ), 你認為如何呢

另外又有一兩次我上內地按摩時, 同d按摩女傾談過, 很多都只是讀完小學或初中就沒有再讀書了, 但是她們的中文程度就非常好, 這教我肯定因為佢地講普通話所致.

我地依家好似教育家咁是但up

原文章由 virgokaren 於 07-7-27 02:17 發表
edithedith ：

絕對贊成加重英語教學比率啦！
我認為其他學科(除左 phy、chem、bio)用中文教是無妨，但英文根本可以單獨教，教學生寫多些好文章，說一口流利的英語和懂得欣賞英文讀本便夠他們用了，其他學科 ...

[ 本文章最後由 edithedith 於 07-7-27 09:43 編輯 ]

virgokaren

原文章由 edithedith 於 07-7-27 09:35 發表
virogkaren
為何我之前會有這樣一段的說話呢, 是因為我早前去到一間中中返教會, 無意中看見他們用的初中的英文作業, 好奇心下番看內容, 唉, 作業程度真係嚇人, 好像小四至小六般, 這已是一間Band 2(中間)的中 ...

BK 咁受歡迎就係因為佢俾機會我地扮下教育家，發表下謬論嘛！(我指我呀！---->有好多 BK 網友都真係好識野，唔係扮野架！)

你講d英語話劇係好多傳統名校的指定動作，我剛剛在月中至看左一個由某名男書院做的話劇，見識左名校學生的英語程度，所以至擔心姨甥女的英語，肯定有距離。

其實除左話劇，可以搞多d活動，創造下一d說英語的機會。
早一兩年，姨甥女學校同一間美國學校有一個exchange
students計劃，其實幾好架，每年都有一群美國學生來他們學校上課，會住進學生家庭一起生活，又一齊參加課外活動出去遊覽，這樣，便為學生創造了不少說英語的環境。

英語話劇、英語廣播電台、教多些英文歌、多利用NET老師舉辦些遊戲和活動.....都會讓學生容易投入和掌握英文吧！

edithedith

virgokaren

今日收到兩個女夾份送一個手袋比我, 勁開心呀

話時話呀, 我個大女因為當初正確決定, 所以今天能說得一口流利英語同普通話(佢當時個同房係四川妹), 所以在酒店工作時, 很流暢, 有時d房客會問佢係咪真係香港人, 因為佢地話佢話英語及普通話同香港人好唔同, 兩種都好native speaking咁話, 我女聽到勁開心 所以話呢, 英語同普通話係幾咁重要呢, 你最緊要叫個姨甥女好好努力讀好英語, 聽政府話讀在職英語培訓就真係好唔掂lu.  

原文章由 virgokaren 於 07-7-30 03:00 發表


BK 咁受歡迎就係因為佢俾機會我地扮下教育家，發表下謬論嘛！(我指我呀！---->有好多 BK 網友都真係好識野，唔係扮野架！)

你講d英語話劇係好多傳統名校的指定動作，我剛剛在 ...

virgokaren

原文章由 edithedith 於 07-7-30 09:51 發表
virgokaren

今日收到兩個女夾份送一個手袋比我, 勁開心呀

係咪你生日呀？
祝你生日快樂，身體健康，一年靚過一年，荷包一年漲過一年。
你d囡囡好乖啊！sweet~~sweet~~

我覺得英語和普通話係香港不單重要，而且係很好聽的語言，講得好，寫得好，終生受用。
不過，學語言都要d天份，有d人學得很快和好，有d人學極都差dd！你睇下香港幾多人鄉音不改，就知語言係要天份+努力囉！

我都好想姨甥女學好兩文三語，但漫漫長路，要靠佢自己了！

係呢！你會唔會覺得呢度升中三、四的得番我地兩個呀？