09/10 K1家長

stephanielum

彤彤爸唔駛出trip咁就好啦, 起碼容易就d嘛!

咁3月13定20號你地邊日會得閒去BBQ呀! 你地商量完話我知啦!

原帖由 noelyip 於 10-3-4 11:15 發表
好呀！妳同澄澄媽有節目記得通知埋我呀！

彤彤爸爸宜家唔駛出trip啦！所以時間方面會容易D就！

[ 本帖最後由 stephanielum 於 10-3-4 14:41 編輯 ]

stephanielum

哈哈, 上次家長日佢不知幾怕我地係林老師面前講佢係屋企d霸王野呀! 話唔比daddy講野喎!!

原來你都係雙面人嚟既

原帖由 noelyip 於 10-3-4 11:11 發表
哈哈！原來迦迦咁醒目，對住唔同既人有唔同既一面，咁佢係老師心目中緊係好乖定好聽話定啦！其實咁都幾好嫁，最少學校方面唔會知道佢係小霸王一名嘛！

其實我自己都係雙子座嫁！嘻嘻....   



...

stephanielum

我都唔知迦迦返playgroup聽唔聽得明架, 不過見佢鍾意返去玩, 咪比佢玩下先囉, 等佢習慣對多d外國人, 同佢地溝通下先, 遲下大d再比佢返第二d英文班.

我個係印傭嚟架, 所以係屋企都無用英文溝通架! 澄澄個就係菲傭, 不過唔知佢係咪用英文同澄澄講呢! 不過又聽人講話唔好以為小朋友同菲傭用英文溝通好, 話咁樣學到唔正口音仲幣喎!  我唔知邊個啱呢

原帖由 noelyip 於 10-3-4 11:22 發表
彤彤只係番左一次playgroup啫，不過我見佢都幾開心，又有做手工同唱遊部份，而佢最弱就係聽故事部份，可能因為佢聽唔明所以唔多集中精神，希望慢慢會有進步啦！

係喎！妳同澄澄媽係未都用緊菲傭嫁？係未咁對小朋友學英文會有幫助呢？ ...

noelyip

我無迦迦咁醒目可以做雙面人，我做”大面人”就得！

迦迦唔俾爸爸係林老師面前講野？咁莫非爸爸講說話比較中肯？　迦迦驚俾人督佢背脊？

原帖由 stephanielum 於 10-3-4 14:45 發表
哈哈, 上次家長日佢不知幾怕我地係林老師面前講佢係屋企d霸王野呀! 話唔比daddy講野喎!!

原來你都係雙面人嚟既

noelyip

口音正唔正好難講既！我地同佢講都會唔正啦！始終英文都唔係我地母語，我見彤彤宜家講廣東話有時都好有印尼feel，但係都無辦法，姐姐一日對住佢廿幾小時，我地放工見到佢地得果幾個鐘，通常我地聽得多咩就會講咩多，所以除非移民又或者讀國際學校，而父母既英文程度又好好啫，否則我諗都幾有困難....

原帖由 stephanielum 於 10-3-4 14:55 發表
我都唔知迦迦返playgroup聽唔聽得明架, 不過見佢鍾意返去玩, 咪比佢玩下先囉, 等佢習慣對多d外國人, 同佢地溝通下先, 遲下大d再比佢返第二d英文班.

我個係印傭嚟架, 所以係屋企都無用英文溝通架! 澄澄個就係菲傭,  ...

noelyip

迦迦同澄澄唔係報讀左個英文班咩？我係網上認識到有些媽咪既小朋友，可以同對方以簡單英文溝通，我覺得佢地好勁呀？迦迦同澄澄同以嗎？

noelyip

下學期開始功課要第二日即刻交，想問吓各位家長，要貼圖片未唔多夠時間去揾囉？因為我好怕要係屋企上網印野，而且質素又麻麻，想問吓妳地會點？

stephanielum

迦迦現在咪同澄澄一齊返英文班囉, 不過都唔知佢地學成點既, 而且覺得好唔實在咁. 所以或者遲下會返d正統既英文班, 有聽,讀,講,寫個類, 想個底子打好d嘛!

我有時間中都用簡單英文問佢野, 有時佢又識答我yes/no, 不過唔知佢真係明唔明??

原帖由 noelyip 於 10-3-4 15:39 發表
迦迦同澄澄唔係報讀左個英文班咩？我係網上認識到有些媽咪既小朋友，可以同對方以簡單英文溝通，我覺得佢地好勁呀？迦迦同澄澄同以嗎？

stephanielum

我好少上網找資料, 通常都係雜誌都找出來的.

原帖由 noelyip 於 10-3-4 16:59 發表
下學期開始功課要第二日即刻交，想問吓各位家長，要貼圖片未唔多夠時間去揾囉？因為我好怕要係屋企上網印野，而且質素又麻麻，想問吓妳地會點？ ...

noelyip

早晨呀！

我尋日番去同彤彤爸爸商量過，原來彤彤個PLAY GROUP最尾一堂係三月廿號（星期六），四月彤彤個六歲既表姊會由美國番黎，所以三四月都應該唔得閒住，妳同澄澄佢地去玩住先啦！不過下次記得叫埋我呀！

noelyip

係雜誌度揾資料？  可惜我通常都只係會買美容同飲食既雜誌睇，裡面好似無咩可以剪咁既！

原帖由 stephanielum 於 10-3-4 17:28 發表
我好少上網找資料, 通常都係雜誌都找出來的.

noelyip

尋晚晚飯之後，大家準備一齊食雪糕，彤彤突然叫我地食野之前先要祈禱先，（搞到我都唔係幾好意思，有D慚愧添 ）點知佢原來以天主經帶領我地祈禱，當時真係開心同感動到我地飛起，估唔到佢地咁細個都已經可以全篇天主經背誦，果然不負我地刻意揾天主教學校就讀....

stephanielum

你星期六個playgroup 上到幾點呀? 我地星期六都要上ballet同普通話, 所以就算去都唔會咁早去, 大約都要五點先出發架, 不過唔得唔緊要啦, 下次再約過你啦!  

原帖由 noelyip 於 10-3-5 09:41 發表
早晨呀！

我尋日番去同彤彤爸爸商量過，原來彤彤個PLAY GROUP最尾一堂係三月廿號（星期六），四月彤彤個六歲既表姊會由美國番黎，所以三四月都應該唔得閒住，妳同澄澄佢地去玩住先啦！不過下次記得叫埋我呀！ ...

stephanielum

我都係找d忽週, 飲食雜誌咋, 有時咪找下迦迦個d兒童雜誌囉, 因為用雜誌找資料迦迦可以嘗試下找唔找到自己啱心水既題材, 同埋可以訓練下佢地小肌肉嘛! 當然佢用嚟剪個d都係唔多up-date既雜誌啦!

原帖由 noelyip 於 10-3-5 09:58 發表
係雜誌度揾資料？  可惜我通常都只係會買美容同飲食既雜誌睇，裡面好似無咩可以剪咁既！

stephanielum

係呀, 迦迦前排都成日係屋企背天主經, 第一次聽到佢成段讀哂出嚟我個時都好感動, 個心好sweet呀! 估唔到學校係咁短既時間令佢地對天主有咁多認識喎, 反而我自己都只係當聖經係故事咁睇, 講開都有少少慚愧添!  

原帖由 noelyip 於 10-3-5 11:51 發表
尋晚晚飯之後，大家準備一齊食雪糕，彤彤突然叫我地食野之前先要祈禱先，（搞到我都唔係幾好意思，有D慚愧添 ）點知佢原來以天主經帶領我地祈禱，當時真係開心同感動到我地飛起，估唔到佢地咁細個都已經可以全篇天主 ...

noelyip

彤彤星期六個play group本來下午五點三就放學，但上星期六可能因為上午要去沙田，之後下午又要上堂，夜晚又要出去食飯，結果搞到無時間午睡，導致佢半夜發惡夢勁喊～！  認真失敗！ 所以我宜家都唔多夠胆安排咁多節目俾佢！佢既午睡習慣搞到我地出街好麻煩....唔知幾時至可以全日唔駛瞓呢？！   

唔知迦迦會唔會咁既呢？彤彤之前讀N 1既時候，老師都有同我提過，佢話彤彤既性格係對自己好有要求，做事好緊張，一驚完成唔到既事就會喊或唔夠胆做，所以宜家好多時每逢星期日晚佢就會問我地明日駛唔駛番學，表現得好緊張好有壓力咁，而且，每每到番學前又要去洗手間大大，夜晚同未出門口前叫佢去佢又話無喎！真係好無奈....

原帖由 stephanielum 於 10-3-5 12:08 發表
你星期六個playgroup 上到幾點呀? 我地星期六都要上ballet同普通話, 所以就算去都唔會咁早去, 大約都要五點先出發架, 不過唔得唔緊要啦, 下次再約過你啦!  

...

noelyip

我都知道其實學校要佢地搜集圖片既目的，都係想佢地自己係生活環境中揾到相關圖片既，但可能我地無買兒童雜誌啦，所以好似好難揾到咁，唯有我揾到之後俾佢自己貼咋！

原帖由 stephanielum 於 10-3-5 12:14 發表
我都係找d忽週, 飲食雜誌咋, 有時咪找下迦迦個d兒童雜誌囉, 因為用雜誌找資料迦迦可以嘗試下找唔找到自己啱心水既題材, 同埋可以訓練下佢地小肌肉嘛! 當然佢用嚟剪個d都係唔多up-date既雜誌啦!



...

josesinmicki

我屋企個姐姐係菲傭,我覺得兩者有好有唔好,印傭就會聽話D.但係就無菲傭咁醒,而菲傭就會同小朋友講英文,但係又會比面色你睇,所以都好難講邊個好.不過菲傭就真係會對小朋友D英文有幫助,起碼小朋友唔會抗拒英文,同埋平時都會識講D簡單字句,現在澄澄已經可以同姐姐用英文溝通,當然係一D簡單的句字啦.
做乜咁問呀,彤彤媽想換工人呀?

原帖由 noelyip 於 10-3-4 11:22 發表
彤彤只係番左一次playgroup啫，不過我見佢都幾開心，又有做手工同唱遊部份，而佢最弱就係聽故事部份，可能因為佢聽唔明所以唔多集中精神，希望慢慢會有進步啦！

係喎！妳同澄澄媽係未都用緊菲傭嫁？係未咁對小朋友學英文會有幫助呢？ ...

[ 本帖最後由 josesinmicki 於 10-3-6 08:41 編輯 ]

stephanielum

迦迦又無咁既情況出現喎, 不過唔可以一概而論, 都要睇小朋友既性格. 我估彤彤應該係對自己要求高, 所以有d野無信心做好就怕同抗拒, 你要比多d鼓勵說話佢, 同佢講唔識做, 做錯或做唔啱唔緊要架, 下次再做過囉, 下次就會知點做同做得好啦! 有時我見迦迦對有d新野好抗拒, 我都係咁同迦迦講, 等佢增加多d自信心, 就會有勇氣嘗試, 肯接受多d新事物囉.

習慣午睡對要出街既時候又真係好煩, 因為迦迦無依樣問題, 所以我都唔識點教你潻, 不過睇過d育兒書講話小朋友去到四歲左右, 午睡既睡眠時間可以減少, 甚至會去到無. 所有可能係彤彤慣咗自己既生理時鐘, 去到個時間就會午睡啫, 你可以嘗試減少午睡既時間, 如兩個鐘減少至一個半鐘, 適應了又由個半鐘減到去一個鐘, 一路慢慢減少, 睇下依個方法得唔得.

原帖由 noelyip 於 10-3-5 15:25 發表
彤彤星期六個play group本來下午五點三就放學，但上星期六可能因為上午要去沙田，之後下午又要上堂，夜晚又要出去食飯，結果搞到無時間午睡，導致佢半夜發惡夢勁喊～！  認真失敗！ 所以我宜家都唔多夠胆安排咁多 ...

stephanielum

我都係訂咗荷花個d育兒書而有兒童雜誌送咋, 我見荷花都有過咗期既兒童雜誌買, 十蚊有幾本, 細細本最合適小朋友睇, 部份學校要既圖片都可以係度找到, 你睇下啱唔啱!


你可以

原帖由 noelyip 於 10-3-5 15:29 發表
我都知道其實學校要佢地搜集圖片既目的，都係想佢地自己係生活環境中揾到相關圖片既，但可能我地無買兒童雜誌啦，所以好似好難揾到咁，唯有我揾到之後俾佢自己貼咋！


...