2005年出世或~宏福幼兒園媽咪~(PART II)歡迎新朋友加入

hongmimi

ElainAiolia，
子聰今日點? 希望醫生幫妳地轉左藥，食左後好快好番。匡匡期待22/3同子聰鈞渝一齊去愉景灣掘蛋玩架~

妳要搵fit小童既口罩呀? 我買俾匡匡既係屈臣氏買，都係普通既款唔係好fit。昊藍生日會果日，我見軒軒戴果隻口罩幾好，係成個啤出黎，岩晒小童瞼型，軒軒戴左成個超人咁， 幾型仔呀!
軒軒仲同匡匡係巴士站等車時玩，一個大叫我係超人、一個大叫我係警察，笑C我同626mama。不如妳問下626mama係邊買~

講真，抽唔到宿舍真係有d唔開心 ，我地唔怕左撲右撲去睇匡匡，只係想多d時間夠佢見到佢，唯有隨緣~

hongmimi

626mama，
多謝妳隻碟，番去匡爸好心急一play黎睇，除左d相影得好好之外，仲有係個可以好似slide show既file，嘩! 我地真係好鍾意。係咪軒爸整架? thank you晒! (我係電腦白痴，係咪其實係普通野咋?) 點樣整架? 係咪有個programme整d相落佢就得? (如果係好難妳都唔洗教我，盞嘥心機時間~)

candyhui77，
傾左咁耐計，我地終於有機會見面喇~ 多謝晒妳份禮物，好岩用呀! 匡匡第日返KG要自己帶茶點返去嘛~ thank you!

嘩! 原來翔仔咁高大，睇BK翔仔張BB相咁BB，真係估唔出呀! 可能翔仔有d眼訓，希望唔會太耐我地又有機會出黎見面，到時再玩過呀~

626mama

hongmimi,

原來抽宿舍都要睇資歷深淺。咁EalinAiolia兩個都係，咪多分好多囉。

軒軒唔洗返學，而家已經係公園玩緊單車，婆婆話公園而家冇人，比軒軒玩一陣才回家喎。
軒軒同匡匡都係過著遊閒假期。

軒軒係昊蘆生日戴果隻口罩我都確得幾好，個口罩又唔貼個鼻同咀，不過長左小小，我係佢下爬位，我幫佢摺左小小就岩岩好。個口罩都幾立體，其實佢係對替再打開，唔係成個啤出黎，睇落都好以啤出來。戴左真係好以超人，所以軒軒好鐘意戴住，戴成日唔除佢都制。

個口罩係我個翻譯同事比我，佢話佢上次去日本旅行買，我同事聽到我講電話，軒軒要戴口罩反學，特登回家找出來比我給軒軒用，比左六個我，而家得五個，軒爸話，佢係大窩口吉之島$10店見過有得買喎。妳地行開去睇下。

係呀，軒軒同匡匡係巴士站等車時，匡匡話我爸爸係警察，我都係警察，軒軒就話佢係超人打怪獸，大家唔同剛位。妳上車不久，軒爸話好早喎，我地行左去青衣城行街，我話佢唔早d講，睇下妳地去唔去行下丫嗎。

一張碟，唔洗多謝啦。d碟都係出門口前才去燒，燒左三張，一張比鈞渝，一張比妳同一張比昊藍，子聰果張都燒唔切，原來子聰唔舒服沒有來。下次收集多幾張再燒比子聰先，咁趕時間佢仲整埋d花巧野呀。我都唔知喎。之前聽佢講，唔係好多相，睇下有咩野整先。我回去問下佢"slide show既file"容唔容易做，回來再話妳知。我話比軒爸知，妳地好鐘意佢整d野，一定好開心。

我都係電腦白痴，打字都打唔好，有得依懶，
更加唔動腦筋。係死懶鬼。係咪有個programme整d相落佢就得? -----我估係喇。

仲有多謝妳果本大大本又靚的書仔，我拎左返沙田，初初軒軒唔制，要放係青衣度，我都好想玩，所以拎返沙田大家一齊玩嗎。

[ 本文章最後由 626mama 於 08-3-18 15:34 編輯 ]

626mama

whatever,

妳公司下星期搬。搬去邊呀，係咪都係附近呀。TOTO個班主任又會無打俾妳，要妳主動打比佢???

626mama

candyhui77，

多謝妳份禮物呀，軒軒都好歡史迪仔嫁。
軒軒回家立即拎去比ee睇喇。

原來翔仔眼訓，唔怪得之成日都由爸爸抱住，睇下幾時大家一齊出來玩啦。

原來妳都係鐘意女多d呀。我昨天抱住bb女唔肯放手，
我帶bb去取禮物，跟住比返bb爸爸，bb爸爸順手抱返佢，
我話唔好啦，等我抱多陣先啦。軒爸話我傻傻地喎。

[ 本文章最後由 626mama 於 08-3-17 12:14 編輯 ]

626mama

天藍,

昨天軒軒同我都好開心呀，
好多大人細路都好內冇見。
由其見到晴晴妹妹好開心。

軒軒有買口罩，小童size，聽收音機"王書麒"講，佢個小朋友幾歲，戴最細size，個口罩太細，我今朝都見個小朋友戴，真係好細，面都包唔晒。好在公公買左小童size。

我收到旅行個日d相喇。

626mama

EalinAiolia,

子聰4:00 a.m.發燒 ，而家好d未，係咪已經走來走去。
21/3去長洲同表哥表姐玩及22/3去愉景灣掘蛋 ，或者揀一日去維園睇花奔展。都有三日節目。我本應21號去元朗大堂，而家都取消，復活節而家一日洞動都冇，而家想緊，24號去迪士尼，21-23冇節目。ee提意有一日一齊去"南丫島,長洲或貝澳。又話唔定日日係屋企數手指。

聰爸有妳一定好開心，妳仲識得教pcdogxx得閒比個電話佢或send message比鈞爸，我就咁聽，都會確得好開心。

626mama

ElainAiolia ,

聽人講，昨天去過長洲睇櫻花開到好燦爛!!!
仲話值得一去,但下星期就唔知"謝"未咁講。

原文章由 ElainAiolia 於 08-3-15 04:46 PM 發表
626mama,
你真係好彩，公司早排上o左大6食飯，如果係近排先上，軒軒就無得去lu 。

我已請o左假，呢2個禮拜會放假，都無乜地方去，o米期待21/3去長洲同表哥表姐玩及22/3去愉景灣掘蛋 ，或者揀一日去維園睇花奔展。

ElainAiolia

Dear all mami,
多謝大家關心 ，子聰個病又真係幾反覆同幾煩o架 ，呢二晚，都係夜晚先o黎發燒 (通常最高都係101度左右)，尋晚9:30 p.m. 開始又發燒，仲攬住聰爸一路喊 一路話好唔舒服、好辛苦咁。我o地見到佢咁，o米帶埋D藥去o左瑪嘉烈度睇醫生 (因我星期六睇醫生時問過醫生，佢話而家非常時期，政府實施o左SARS措施，如果發燒去私家醫院睇醫生，而又有需要要留院，一定要轉介返政府醫院，我o地費事到時再周圍撲，o米去o左瑪嘉烈度睇醫生o羅)，我o地都帶定o野去預備隨時要留院，係急症室分流時，姑娘知道子聰發燒、有咳及流鼻水，做完初步檢查，我o地已被帶o左入一個叫做發燒區，果度係一個獨立密封o既等侯室 ，都幾大o架 (入面有晒床、厠所、治療室及照X-Ray o既房)，入面只收有發燒症狀o既病人 ，病人大約有4-5個左右，唔係等o左好耐就到佢睇醫生，檢查完畢，醫生話佢應該係喉嚨發炎引起發燒，之後比o左D退燒藥佢食、照X-Ray及比o左盆水比佢抹身，之後又係等，到o左凌晨1:00 a.m. 左右，醫生再檢查後話子聰而家已經退o左燒，但有2個方案，一係留院治療、一係比D藥我o地返屋企食及休息 ，經我同聰爸商量後，為免留院交叉感染，所以決定攞藥返屋企食，但醫生要我o地留意若子聰食o左藥都唔退燒又或者持續5日時發燒、時退燒，就一定要返去睇醫生。其實返到屋企，凌晨4:00 a.m. 左右都有發燒，食o左退燒藥同抗生素，都有退o左D，但今朝起身又有D發燒，我都覺得好煩 ，o米打個電話比我o地個私家醫生知同埋問佢咁o既情况有無問題，佢話抗生素要食4-5次先知有無效，佢叫我留意o下，若真係無效先再去佢度睇醫生。希望佢真係快D好番 ！

ElainAiolia

另外都有件開心o野同你o地分享 ，就係子聰做o左契哥la。其實尋日朝早已知佢個契媽係屋企穿o左水同見紅入o左院，但到晏晝3:00 p.m. 都仲未有動靜，於是醫生同佢打o左支摧生針同埋無痛分娩針，到夜晚探病時間都仲未得，於是佢契爺o米返屋企等 …………….. 當我係醫院負責照顧子聰 ，聰爸就去藥房攞藥o既時候，就見到契爺飛的士到醫院 ，原來契媽一路都開唔到度數，要即刻開刀 ，所以契爺要趕去醫院，雖然子聰好辛苦話要返屋企休息 ，我o地無陪契爺等契媽出手術室，但係凌晨3:01 a.m. 收到契爺個message話母女平安 ，B女有成接近8磅咁重o忝，所以佢好開心要公告天下 。

ElainAiolia

hongmimi,
我都希望子聰可以快D好番，可以22號同你o地去愉景灣掘蛋 ！另外，尋日唔該晒你，子聰好仲意匡匡送比佢份禮物，仲話要即刻做晒D勞作 ，我只應承佢每日做一個，真係多謝匡匡 ……… o既媽o米 。

尋日我係萬X度買o左D小童 Face Mask，但盒裝已賣晒，只有獨立包裝，每個要成$1.8-HK，都幾貴 ，不過無辦法la，我買o左10個應急先 。

有關抽宿舍果度，唔好唔開心 ，下期可能仲多心水單位揀呢，要再接再勵呀 ！

626mama,
抽宿舍果度雖然係計分，但無得2個人合計，只可以邊個年資深，o米邊個申請o羅，咁機會率高D o麻 。

原來吉之島$10店有口罩買，等我得閒去睇o下先 。

多謝定軒爸燒隻碟比子聰，雖然未攞到，但聽hongmimi話到咁pro，真係好期待呀 。

嘩，你咁仲意女，有無考慮幫軒軒生個妹妹呀 ？

其實子聰病都走來走去 ，只係好辛苦o既時候先攤C或喊 ，但佢唔多瞓覺o既，難為我o地病想瞓都無得瞓 。

復活節o既節目暫時未知使唔使取消，要睇o下子聰情况而定。

長洲原來有櫻花睇我都唔知o咼 ，唔知係邊個位呢？

hongmimi

626mama,
如果公園唔係太多人都可以玩多陣，全日困係屋內真係好悶嘛~

原來唔係成個啤出黎，睇落真係好似，仲好立體好pro。原來係日本空運貨，大窩口吉之島$10店都有，好方便我地喎~

果日係巴士見匡匡有d眼訓我都心知不妙，咪係葵興地鐵站落車轉小巴，一上小巴匡匡就呼呼入睡， 好彩咋! 初時仲話係葵涌村總站落行番去，而家小巴係屋企門口落，我都唔洗抱佢咁遠路。

原來妳都唔知軒爸整左咩落張碟到，軒爸咁有心思，仲俾d意外驚喜我地，唔該幫我地叫軒軒錫啖軒爸 ，以示獎勵。妳就好啦~ 軒爸咁有情趣，羨慕C人喇~~

hongmimi

ElainAiolia,
吓! 子聰去瑪嘉烈睇急証，真係嚇C妳同聰爸~ 我聽到個心都嚇左一跳。我睇報紙都知依家政府醫院實施晒SARS措施有發燒區，妳地幾個鐘係個area到等都真係幾係~ 為左子聰健康，睇清楚好d。祝子聰超人快d打低晒d病魔~


妳講子聰契媽生bb既經歷，令我諗返係自己生匡匡時既情景。現在母女平安，bb女仲有成8磅重，真係好開心呀~


係呀! 果日見626mama抱住人地個bb女唔肯放低咁，我都想叫佢幫軒軒生個妹妹呀~


唔洗客氣~
本勞作我擺左係屋企好耐，而家俾妳地好似岩岩好，可以係假期做下。


放工咯! 再傾~

whatever

ElainAiolia,
子聰點呀？冇事罷。
祝各位小朋友健健康康，快高長大啦。
我本來想Easter 帶Toto去大陸玩，依都唔知帶唔帶好？
有人話上面冇事，又有人話好嚴重。都唔知點？





<br />
ElainAiolia,<br />
吓! 子聰去瑪嘉烈睇急証，真係嚇C妳同聰爸~ 我聽到個心都嚇左一跳。我睇報紙都知依家政府醫院實施晒SARS措施有發燒區，妳地幾個鐘係個area到等都真係幾係~ 為左子聰健康，睇清楚好d。祝子聰超人快d打低晒d病 ... [/quote]<br />

whatever

Hi all,
My office just moved from 5th floor to 6th floor at the same building in Tsuen Wan.
Regarding to the VCD, I have no idea what it is about. No body/teacher told us about this. Should I phone the school?

626mama

EalinAiolia,

子聰個病咁反覆，希望食抗生素食得4-5次完全好返晒啦。
契媽生左個契妹，真係開心。仲有成8磅重。如果係男係就...

我都有個契仔，我叫佢叫軒軒做細老或叫軒軒，唔洗叫佢做契弟。

軒爸都未燒好隻碟，唔洗多謝啦，真係唔好意思。

我真係好想生女，不過軒軒係男仔，我都冇計啦，攬下人地囡囡囉，生多個就唔好喇。

子聰病都走來走去，辛苦才喊，咁多好，立即知佢舒唔舒服嗎?軒軒病就成日走去訓係度，都唔知佢眼訓定唔舒服。軒軒星期日返婆婆度，又咳又流鼻水，我又比婆婆話喇。下午開生日會時，都事都冇嫁喎，唔通去青衣成一陣，就仲招。

長洲有櫻花睇，係北帝廟則邊呀。好以話有十幾棵樹係櫻花樹，
有得睇唔係好多日就冇晒架喎。

原文章由 ElainAiolia 於 08-3-17 05:16 PM 發表
hongmimi,
我都希望子聰可以快D好番，可以22號同你o地去愉景灣掘蛋 ！另外，尋日唔該晒你，子聰好仲意匡匡送比佢份禮物，仲話要即刻做晒D勞作 ，我只應承佢每日做一個，真係多謝匡匡 ……… o既媽o米 。
  ...

626mama

hongmimi,

好彩妳醒目轉車，抱住個訓著的小朋友行，都好大件事，又重又滑來滑去，最參係妳那天沒有人同妳轉手。

當然不是啦，軒爸係一個好悶的人，真比佢悶死人。

原文章由 hongmimi 於 08-3-17 05:50 PM 發表
626mama,
如果公園唔係太多人都可以玩多陣，全日困係屋內真係好悶嘛~

原來唔係成個啤出黎，睇落真係好似，仲好立體好pro。原來係日本空運貨，大窩口吉之島$10店都有，好方便我地喎~

果日係巴士見匡匡有d眼訓我都心知不妙，咪係 ...

626mama

whatever ,

原來妳公司係5樓般去6樓還在荃灣真係好方便。

toto班主任沒有打電話話比妳知關終vcd的事???點解咁???
我應為妳可以打電話返學校問下。

原文章由 whatever 於 08-3-17 10:21 PM 發表
Hi all,
My office just moved from 5th floor to 6th floor at the same building in Tsuen Wan.
Regarding to the VCD, I have no idea what it is about. No body/teacher told us about this. Should I phone th ...

天藍

626mama,

軒軒個日個口罩真係好得意, 原來大窩口吉x島
有個款口罩買, 等我得閒去睇下先, 但我想問大
窩口吉x島係邊個位??? 因我好少行大窩口, 荃
灣近碼頭有間吉x島我就知係邊。
係Lu~~21號大棠荔枝園個活動取消, 因係
元朗區個到係爆流感最犀利既地方, 所以改期
改5月, 有d可惜又要再等, 到時已經過摘
士多啤利既季節。
我地一家22日會入Disneyland唔知你會唔會個
日入去, 我太約下午先入去玩, 玩到夜晚, 如你到
時都會個日入去, 我入到去約埋你一齊行, 到時昊
藍又有軒軒做伴~~

ElainAiolai,

子聰今日好d未??? 聽到你講子聰既病情我都好心
痛, 入院睇醫生同要食抗生素, 但我知聰聰好堅強
一定會好快好番, 子聰加油!
恭喜子聰個契媽昨晚生個BB女, 真係好開心~~
子聰又做大哥哥, 子聰契哥!!! 子聰個契妹昨晚
零晨出世即係18號, 同昊藍同月同日生日, 真係有
緣, 要搵日介紹比昊藍識可能佢地會好投契
BB女令我想番起3年前今日生昊藍既情況, 昊
藍就係3年前今日既早上來到我身邊
祝早日康復! 身體健康!

whatever,

原來你公司搬樓下搬上樓上, 個陣我公司
係好似你咁樓下搬上樓上好慘, 慘到我 c
下c下, 雖然粗重野唔使我搬, 但好多野要
執同改, 做到我叫救命
所以好明白你以家個感受一定好多野做同
好煩~~
你都係係荃灣區返工, 我係荃灣近南豐中心
行前少少金x船酒樓前面個棟Centre返工,
唔知你呢? 如果近下次可搵你食lunch。
我都本來打算4月左右同仔仔上大陸長隆
玩, 但流感大爆發真避下先唔去住。
你取消你大6之旅你會去邊到玩???

hongmimi,

匡匡個日咁好同軒軒一齊等車, 一個要做超人,
一個要做警察真係搞笑, 兩個都係正義既朋友
犀利~~

pcdogxx / 626mama / ElainAiolai / whatever / candyhui77,


你地返學校拎碟同鞋仔未, 我今早返工前已經
拎啦! 返到公司睇埋啦! 見到仔仔係學校上課
情況好有趣, 睇睇下都想笑, 最搞笑係佢地食中
國點心, 有個好大個個茶壺(好似係紙, 但立體)
好得意, 昊藍係到食燒買同燒包好搞笑
原來學校都有一中二件食真係好~~

all,

我係第二個topic約d媽咪同小朋友5月去
"大棠荔枝園" 唔知你地有無興趣, 如有入
下面個網址報名:
http://forum.baby-kingdom.com/viewthread.php?tid=1300990&extra=page%3D1

原文章由 626mama 於 08-3-18 09:41 發表
hongmimi,

好彩妳醒目轉車，抱住個訓著的小朋友行，都好大件事，又重又滑來滑去，最參係妳那天沒有人同妳轉手。

當然不是啦，軒爸係一個好悶的人，真比佢悶死人。

...

pcdogxx

ElainAiolia,
嘩..  聽到子聰咁真係戥佢擔心.. 佢咁辛苦, 你地又幫唔到乜.. 俾我一定喊左出黎..   你同聰爸一定要加油...  希望子聰快d好返啦..

ElainAiolia / Hongmimi,
睇天氣報告話22號會落雨, 如果佢真係落或陰陰天我諗我唔會去喇.. 呢d咁既天氣"陰陰濕濕"我驚好易病..   鈞渝咁辛苦先好返唔想佢又病呀.. 所以都係睇定d先決定去唔去喇..