番禺會所華仁小學

麟媽媽

Hello各位！
琴日去完Disneyland，辛苦到吖！
話就話係全球最細，但趕一日玩晒，
都行到屎屎吓...成個人散晒！
如果好似外國咁係2-3 day pass，
咁會玩得relax D嘛。
琴日同幾個小朋友一齊去，
4個男仔真係發癲吖！(我指亞媽們…)
亂咁走，仲愈叫愈走…好在無走失咋！
佢地真係好開心，咁都值得既，
最緊要都係D小朋友開心啫。
琴日亞仔係Disneyland都撞到同學，
我老公又撞到同學喎…佢個仔都係華仁一年班架。

felix喵喵

麟媽媽,
Walt Disney 有首歌是咁唱的呀......
"世界真細小..小..小, 小得真係妙..妙..妙"
嘩!! 原來是真"嫁".

........   ......喵喵.........

ms99

Good morning!

我咪得閒同你哋傾住，今日公司要外出公幹。 但我嚟只想託一託個版，等大家易搵啲啦。  得閒再傾。   

happy5

各位早晨!

我"琴"日已開始放棄唔做英文每日一篇啦!我同阿仔都覺得深兼版面唔有趣,想睇d字又好細隻,又無卡拉ok字(即讀到個度highlight到個度),你地呢,有無繼續呀?覺得英文每日一篇有幫助嗎?

麟媽媽

我仔有個常識專題研習，
12月交的，原來會計落大考度架(只佔兩大分)。
唉~~咪又係我地家長幫手做….
但我都唔係好知用咩形式做？！
琴日原來有個「中期匯報」，
我都唔知…個仔話輪到佢出去講…
我問佢點講？佢自己講左一大輪…
不過都講得唔錯，起碼無離題，哈哈！
佢話佢仲想講…但老師叫佢好停喇~~
留番D比其他同學講。
果然同佢老豆一模一樣-- >非常多言！

ms99

早晨! 老細未番，上嚟八一八先。

happy5：英文每日一篇無做好耐嘞。我哋一家都一致贊成放棄唔做，唔會計分嘛??!!

學校個mask話係星期一小息帶上面先交老師，唔知可唔可以小息先拎去俾亞仔呢?  因為亞仔車上啲細佬好鬼曳，我唸等唔切小息已經爛咗。

我而家先構想梗做嘜好，仔仔唔鍾意啲鬼鬼怪怪嘢，可能挖空個南瓜俾佢笠上頭算了。  

ms99

麟媽媽：

「中期匯報」?  匯報份project, 定匯報什麼??

麟仔幾叻喎，敢擔對住班學友仔大聲說話。    

麟媽媽

我琴日同個仔開玩笑，
話佢個面「圓碌碌」，
最簡單搵隻紙碟做喇！
佢好鬼認真話唔可以架！
好攪笑！

麟媽媽

ms99,

個project係有成份papers的，
咁「中期匯報」係講吓個progress囉。
老師會問吓搵到幾多資料，資料係邊度搵既？
我個仔話有同學唔識講，
有D同學有張紙寫晒但又唔識讀D字喎。
好攪笑，一定係家長寫定架喇，
不過都要記得教埋個仔讀先得架。

ms99 寫道:
麟媽媽：

「中期匯報」?  匯報份project, 定匯報什麼??

麟仔幾叻喎，敢擔對住班學友仔大聲說話。    

ms99

收到!  咁要先訓練仔仔肯面對群眾先。

麟媽媽 寫道:
ms99,

個project係有成份papers的，
咁「中期匯報」係講吓個progress囉。
老師會問吓搵到幾多資料，資料係邊度搵既？
我個仔話有同學唔識講，
有D同學有張紙寫晒但又唔識讀D字喎。
好攪笑，一定係家長寫定架喇，
不過都要記得教埋個仔讀先得架。

[quote]
ms99 寫道:
麟媽媽：

「中期匯報」?  匯報份project, 定匯報什麼??

麟仔幾叻喎，敢擔對住班學友仔大聲說話。    

[/quote]

睡公主

Happy5

please check email.

easiness

sweetsweetmom,

請問是否29/10默unit 3? 因為有家長問我, 原來家課冊係星期一寫住unit 4(Sat)默29/10, 究竟默unit 3定unit 4? 真是迷惘呀?

sweetsweetmom 寫道:
easiness,
亞仔這次欠交功課記錄, 真是無辜, 應該啞忍, 還是要向老師表達? 唯有叫亞仔以後將老師口頭吩咐的事也記在手冊上。
另外, 阿仔說老師今日問全班同学: `边個無寫手冊話今日默書?'(其实是她忘了), 有十數個同學舉手, 老師於是說:`由於有很多同学無寫手冊, 故英默延期至下星期六。'(黑板上誤寫作30/10), 好一招順水推舟!

happy5

睡公主:

唉!我今晚又係10點先收工.歸家後才check到阿仔功課齊唔齊.我send e-mail給你時是靠我先生傳話 , 然後即時在公司e-mail給你的.歸家後發覺阿仔做齊晒d功課 ,只不過是阿仔Daddy講到一舊舊,所以我send給你的e-mail才咁多問號及奇奇怪怪咁,佢真抵打啦  
謝謝你的回覆呀!!   

睡公主

happy5

其實我唔好意思，今晚我都係成十點至接亞仔返嚟，見到你個email，我仲擔心會唔會太遲覆你，你會睇唔晒仔仔啲功課，好在你仔仔夠醒目，唔駛替佢擔心。

我終於知道點解之前我老公成日同亞仔檢查完功課之後都有漏，原來佢唔識睇亞仔本手冊寫乜，一味靠估。好似今日明明有兩份英文功課（GP page 11-12 同 GE ex. 5-6)，佢居然將佢合二為一咁睇，以為只做GP page 11-12 入面既 ex. 5-6。

wlk168win

早晨各位:
請問:
到現時為止, 有邊位仔仔已經成功取得優點, 是否會在藍卡上寫明?
另外, 究竟係一次過搵老師背哂10首, 即刻有優點?
你地係咪咁呢?   Thanks!  

happy5

睡公主 寫道:
happy5

其實我唔好意思，今晚我都係成十點至接亞仔返嚟，見到你個email，我仲擔心會唔會太遲覆你，你會睇唔晒仔仔啲功課，好在你仔仔夠醒目，唔駛替佢擔心。

我終於知道點解之前我老公成日同亞仔檢查完功課之後都有漏，原來佢唔識睇亞仔本手冊寫乜，一味靠估。好似今日明明有兩份英文功課（GP page 11-12 同 GE ex. 5-6)，佢居然將佢合二為一咁睇，以為只做GP page 11-12 入面既 ex. 5-6。

睡公主:

早晨!你都好精力噃 , 2點幾都仲未訓!
你講嗰個情況 , 同我先生的問題一模一樣 , 激死我地啦!! :evil:
不過,話得說回來 , 佢地肯幫手都已經好好嫁啦! 有待佢地改善啦! 睡公主相公,繼續努力呀!!  :wink:

happy5

各位早晨:

"琴"日有朋友報料比我 , 話有頗多華仁小一小朋友在剛過去的英文測驗死得慘烈 , 得幾分同十幾分咋......好彩d小朋友又無唔開心咋.如果咁快有挫敗感就唔願番學就弊啦!不竟都係第一次啫!一齊再努力,加油!!

happy5

wlk168win 寫道:
早晨各位:
請問:
到現時為止, 有邊位仔仔已經成功取得優點, 是否會在藍卡上寫明?
另外, 究竟係一次過搵老師背哂10首, 即刻有優點?
我個仔個班, 係分開好多次全班一齊背, 或分組背, 之後, 老師在綠卡上, 係綠卡, 蓋上兩個印, 因當日只需全部人一齊背兩首就收隊 (我仲以為一次過背10首), 同通告講既唔同.
你地係咪咁呢?   Thanks!  

wlk168win:

早晨!我阿仔話佢自己主動搵老師背晒10首,已在綠咭吸滿印.藍咭我就未見過啦!佢之前上堂都有背 , 不過佢心急攞優點,於是咪自己搵老師背囉.很攪笑,Miss Lee前日比咗份2年班嘅詩阿仔背,叫佢挑戰難度喎,阿仔又好興奮想背喎,今云又開始陪阿仔一齊背啦!  

sweetsweetmom

easiness,
咪又係老師寫錯囉, Unit 4都未教, 總之明天默Unit 3生字之後個幾頁啦。

ms99

大家好!

睡公主：今日你(((( 紅 ))))) 喎，份份報紙都有你份。  今晚明珠930 你要粉墨登場，Good show !!!!   

happy5:令公子好勁喎。希望佢能夠繼續越級挑戰，為我哋小一仔爭光。    

仔仔班背唐詩係由細號碼開始分批背，上星期先輪到仔仔背咗兩首，我都有問仔仔小息可唔可以搵老師背，佢話老師唔係成日行操場，而佢哋又正係可以喺劍仔街生存，所以唯有等運到。都唔知係佢懶定真說話，不過，呢啲係輕can嘢，由佢自己決定啦，橫掂遲早實背哂10首的。