旺角基督教服務處雋匯幼兒學校

10396

好耐無上BK,UPDATE下D情況先
FIONKWOK
我個女早排比人咬左一下,應該唔係您個小朋友,因為老師話係個男同學咬佢,剛剛是早您個女咬人一天,我估可能係見到其他小朋友咬人所以學左,我第一時間問老師佢有無反咬人地,好彩無渣.

ZIMBA
我個燈籠真係諗左好耐至諗到,仲搞左成晚,老公放工見到即刻話估我謮書時都無甘好心機(講真,我謮書時真係要整燈籠,但好似都係叫其他同學幫我整,個陣真係無心機整嫁)    另外,我個女介左片,係老師幫手既,老師話午睡時會叫醒佢地去尿尿,原先我都怕會搞醒佢地,後來諗諗下佢地經驗多過我,我應該信佢地既做法,而家除左食飯整污穢外,都唔使換衫,更加唔使用片TIM,慳番好多

LIOXI
您就好喇,可以上雜誌,點解佢地可以搵到您既?

waiwaichu2003

GOOD MORNING!!!!

waiwaichu2003

Twins,
點呀,今日好d未? 好d就上黎傾下la?
我今朝送囝囝返學時,已順便簽埋名參加"整餅義工團",今朝睇到3:45-4:30個組剩番1個位咋,你有冇時間呀?一齊參加la,之前d時間我諗住約埋阿fionkwok,lioxi,zimba,...等一齊傾下計先去學校"整餅",你都參加la!

10396,
你有冇報到呀? 係就一齊la!
係la,咁你囡囡終於做左個咩燈籠呀?

fionkwok,lioxi & zimba,
你地覺得點呀,個日早小小出黎去飲杯野,諸事八卦下先去,ok嗎?

仲有呀,原來個日夜晚咁啱係"聯合家長日",嘩,節目都好豐富呀,唔知你地終於有冇參加呢?

fionkwok

waiwaichu2003,

早晨呀! 講樣開心野俾你聽呀! 我地今朝幾個已經去咗飲茶啦! 都係剛返到屋企咋! 係咪有d羨慕我地呢?    
如果你都參加整餅團, 我地可以約埋一齊食晏都得啦! 多d時間喎!

10396, ckk, twins,
你地得唔得呀 ?

zimba

waiwaichu2003,
我都有興趣一起tea, 但嗰日我可能有事, 遲d confirm.

twins,
我見到你地個燈籠啦, 做得好精緻呀! 個d火形花紋係唔係續個剪架. 你地真係好俾心機喎.

waiwaichu2003

咦,點解今朝咁耐都冇人入黎傾計既,你地去左邊度呀?

fionkwok,
今朝我見到你囡囡條魚係我囝囝架火車隔離,嘩,你老公整得好靚喎,條魚係咪自己上色架,遠睇有d似"海底奇兵"既mo仔,好得意,因為太多同相隔好遠,所以其他d睇唔真呀,我初頭都搵唔到ga,好在啱啱可琪老師返到話比我知咋,如果唔係就真係有排搵la!

zimba,
我今朝睇阿囝入去後,就由姐姐幫手換鞋,然後就帶入課室,當時主任已係入面照顧緊幾個小朋友,個過程就咁睇都幾ok架,不過當時係8:25到,比較少人返,如果多人,就唔知la,你今日帶大小b返去,個過程仲有冇之前咁呀?

lioxi,
係la,點解會有得影相既,係咪係街度被星探發掘ga?

fionkwok

waiwaichu2003,

我地返咗來好耐啦! 你咁慢架!   
條"魚魚"係daddy用d紙袋剪出來架! 阿女只係負責貼貼紙同所d公仔上條魚度咋!

另外, 我想問吓大家, d老師係咪日日都唔同時間返學校既呢? 我見過有老師, 係我送完阿女走啦! 佢地先返去既? 有時又撞到d一齊返架喎! 有冇人答到我呢個問題呢? waiwaichu呀! 我一有野問就好掛住yenchan啦! 唔知佢點呢? 好耐都冇佢消息啦! 最衰啦! 我地一早問咗佢仔仔個名, 而家就找到啦! 又死腦定! 而家失散咗啦! 點搵返佢呀?

zimba

fionkwok,
d 老師有返早同返遲架, 好似羅老師今日返早, 就放早d, 可以約我傾仔仔d野la

waiwaichu2003,
今早好好多, 不過今日我地遲過8:30am先到.

waiwaichu2003

fionkwok,

唔好話我慢la,你都知我要一路打字,一路做其他野gala,所以打完一段需時比較耐!
oic,咁個紙袋真係好靘喎!
唉,我諗yenchan可能去左月球度渡假,希望佢係中秋節會搭嫦娥個舊雲返番黎la!(講笑咋!)

唔!我諗老師d返工時間係shift架,輪住返早咁la,收工都一樣,輪住收晏law,你諗下,冇理由全部老師都係返8:00am放8:00pm架嘛,好辛苦啫,我地單對單對咁多個鐘都唔得la,何妨佢地1:1x,早兩個星期前,可琪老師試過晚上8:00打比我傾阿囝d學校情形,我都打個"突",嘩咁夜都未收工好辛苦啫!係唔係?

Twins

Goodafternoon ALL~


Waiwaichu, fionkwok
點解你都可以參加到”整餅義工團”既?
咁咪要請假law? 我請唔到假喎, 你就好啦,
可以一齊玩.

擒晚可琪老師打電話比我呀, 佢問我做mud唔
去"聯合家長日", 仲話要同校長解釋tim.
真係好似唔去唔得咁喎.

Zimba,
Heheheeee…..比你昅到我個燈籠tim, 係咪好老套呢?
果d火形花紋係一個個咁剪出o黍架, 不過唔會好side
時間既. 咁你又整左咩燈籠呀?

lioxi,
你係咪寄信去參加影封面個D呀? 幾時會出版呀?
通知聲等我地去買返本ma.

fionkwok

Twins,
只要係學校門口報名就得架啦! 你試吓請唔請到假啦! 請半日囖! 因為尋日校長話, 如果參加果d義工, 係可以可返自己既小朋友做架! 如果家長冇參加果d, 就只可以同老師一齊做! 試吓請假啦! 如果請到既, 我放學幫你寫埋你個名落去呀!
係呀! 佢之前已經講到好似唔去唔得咁! 所以都要去一次啦! 咁你諗住點呀? 因為"整餅"係同"家長會"係同一日來架! 睇吓安排到嗎?

fionkwok

waiwaichu2003,
我估都係咁啦! 如果要全程返12個鐘真係好辛苦架!     呱! 可琪老師成8:00pm都仲打俾你呀? 真係好夜啦! 唉! 做呢一行,真係要好有愛心至得, 如果唔係連拍拖既時間都冇呀!!!

waiwaichu2003

Twins,

你返黎la,真好....
我本來唔打算去ga,諗住儲多d假年尾先用,但聽講如果家長去既話就會安排同番自己既小朋友一齊整缾,我唔想阿囝見到其他d小朋友有屋企人陪,佢就只係同老師一齊整缾,唔想佢失望,所以唯有請半日假law!點解你唔可以請假呀,冇晒假嗱,定係公司有人放緊,你唔放得呀....唔好意思,我真係好想你都去,到時我地可以帶埋相機影張大合照,不過如果真係唔得,不如睇下你姐姐去唔去到la,我諗有你地陪,你囡囡會好開心架,big surprise嘛!

Twins

fionkwok,
你知唔知點解我請唔到假呢.......係因為我已經請左明天同
後天假期, 所以再請埋下星期四實比人炸形啦.
不過"家長會"果日我應該會去, 你等唔等埋我先?

擒日可琪老師都成8點幾打比我呀, 我仲問佢你咁夜都未
放工, 真係辛苦你law. 佢話有d野做所以先至遲走, 我估
平時應該冇咁夜既.

fionkwok

twins,
oic, 咁你明日係咪自己揍囡囡返學呀? "家長會"既回條仲未交返學校咩? 一齊去啦! 實等你既! 等到天荒地老都得你, 咁得未?
    

waiwaichu2003

吓,咁阿fion係你本人定係同你老公一齊去呀?

fionkwok

waiwaichu2003,
你講邊樣先? "整餅" 我就想叫埋老公去, 可以幫我地影相呀! 但係尋日問校長, 佢就話要睇吓有冇位囖! 而"家長會" 就只會係我出席啦! 老公係屋企揍女, 我地呢d太太團來架嗎? 仲有, 我老公同你老公一樣, 一係就聽野得返一半, 一係就加鹽加醋, 去來做mud? 講真, 同埋佢又唔識你地, 費事佢悶啦!

waiwaichu2003

fionkwok,
聽你咁講,我剛剛同我老公講我自己去"家長會"la,哈哈,咁我地個晚可以一齊wet啦,哈哈,諗起就好興奮la!咁個日你會係屋企食完飯先定係點呀?around幾點出發呀?

twins,
oic,明白la,咁快d問下你姐姐得唔得la,係就快d報名la,有分2組架.我地係joint3:45to4:30個組呀!

fionkwok

waiwaichu2003,
果晚要係屋企煮好飯食完先出得門口呀? 我唔食阿女都要食啦! 唔好指意我老公整呀? 佢唔掂架? 7:30pm開始, 我諗around6:30要出門口啦! 我呢度有架巴士可以去到聯合醫院附近既! 到時再約時間啦!  

waiwaichu2003

點呀各位,你地諗住轉唔轉早一組呀?