直資 - 李宗德

Charlotte_Hung

CKC,

其實，我都很認同"求學不是求分數"，只要小朋友吸收到知識，考試就算唔高分都不是太大問題。
但你有所不知，我唔係過份緊張個囝囝的學業成績，而係佢真的勁唔掂，每次默書就算温到"好熟"，派默書簿時，總是錯很多字；做功課時就算比個字佢照抄，都會變咗另一個字；中文詞語功課無一次能"起好簿頭"，每次都要放學打電話問人；手冊經常抄唔齊家課，怎至有時無抄......
所以，唯有預先收料，計劃一下怎樣替他温習，以免科科唔合格！

Charlotte_Hung

各位舊生媽咪,

可否分享一下小一各科考試的模式，除了中、英、數、科學、常識外，還有那些科目需要考試？
考試時，老師會否讀題目？
考試時，上課是全日\半日？

希望各位報料！   

WW

李宗德o既家長去左邊呀? 點解呢排唔見晒人o既.

今日我囡囡冇圈生字返黎, 唔知點算好呀.

另外, 想問下跟住呢幾日咁凍, 唔知可唔可以著體育衫褲返學呀?

eto

WW 寫道:

李宗德o既家長去左邊呀? 點解呢排唔見晒人o既.

今日我囡囡冇圈生字返黎, 唔知點算好呀.

另外, 想問下跟住呢幾日咁凍, 唔知可唔可以著體育衫褲返學呀?

[size=small]WW,近日天氣寒冬,個個都去做蛇王.     
校服方面,睇睇以下通告.
通告[size=small]
校服方面:我見過有人穿粉紅長羽絨回校.其他不同顏色都有.我覺得學校對服方面不是執得太嚴謹.希望幫到你啦!!!     

eto

Charlotte_Hung 寫道:
各位舊生媽咪,

可否分享一下小一各科考試的模式，除了中、英、數、科學、常識外，還有那些科目需要考試？
考試時，老師會否讀題目？
考試時，上課是全日\半日？

希望各位報料！   

[size=small]囝囝說老師不會讀題目,考試時間:應該比半日還會早放學.

CKC

ww,

剛上網, 唔知現在才給生字你, 會唔會太遲呢? 因小兒已

1) 明天
2) 開始
3) 洗澡
4) 睡覺
5) 刷牙
6) 做功課

CKC

請問各小一家長, 有無發覺你們的寶貝們已開始識得緊張自己的默書呢? 因小兒睡覺前, 居然

WW

CKC,

妳囝囝係咪都係讀 1C 班呀, 我昨晚冇再入黎睇喇, 所以睇唔到妳回應呀.  不過叫左囡囡一返到學校就問同學仔借薄睇下要寫咩詞語, 然後快快手寫返.  今次俾個教訓佢, 等佢知道上堂一定要留心, 功課一定要做好.

我囡囡就冇妳囝囝咁勤力喇, 佢對默書都唔緊張, 我每次都係一知道要默書就開始同佢溫, 一日溫少少咁.  我都好希望囡囡可以好似妳囝囝咁主動去溫習, 我就唔駛咁勞氣喇.


eto,

我知道低過 12 度可以著去街褸返學, 不過唔知係咪可以改著體育衫褲, 老公成日話怕個女著裙返學對腳會凍.

CKC

WW,

小兒都是1C班, 如果我個仔寫唔到字頭回家, 我都唔會幫佢, 費事佢依賴我幫手, 下次亦唔會緊張自己的責任, 所以我非常支持你的做法!

我個仔一向都是臨急抱佛腳果隻, 所以想早d 同佢溫定都唔得, 佢真係唔會’騷’我呀, 次次都係最尾一日先讀, 但係每次都係在好疲累之下溫書, 所以他昨晚的表現好明顯唔同, 所以我就想知係唔係老師教佢, 抑或係受其他小朋友影響, 你知啦, 讀書風氣好的話係會大家互相影響架, 起碼我都唔使日日做嫦娥媽媽丫


近日唔見高年級的媽媽們入黎吹下水, 係唔係好多功課及課程開始好深呀?

WW

CKC,

原來我地囝囡係同班.  有時功課上有咩可以大家交流下啦.

CKC

WW,
Pls check PM!

CKC

Hi .......calling.........

BrianMami, joejoelam, 小媽咪, Kingswood.............................   

你地去左邊.....到.....呀?????

無左你地發下言, 好悶呀!!!!!!!!!

    

WW

派左考試範圍喇, 點溫習好呀, 唔該俾 d 意見啦.

CKC

我又唔見有考試範圍喎, 唔知係咪漏左
之前BrianMami講過老師會同佢地溫, 所以我都係靠晒老師們幫手, 自己就唔會俾壓力佢, 睇下佢平時究竟學到幾多野!

小B媽咪

over! over!

唔好意思!呢掛公司比較忙,好小機會蛇上來!

加上小B早兩個星期上適體球l堂時,傷了右邊大腿"交",又要去睇跌打,又要去睇西醫, 又要照X-ray!哎........

小B讀E班,反而佢話老師無同佢哋温習.可能班班唔同啦!因為有次試過唔同佢温,係就全軍覆沒啦!

至於考試 - 如果老師唔讀題目,小B定會跑第尾囉!因為毎次功課一有文字題,佢己經話唔識做,由其是常識!今次真係頭痛!

CKC - 至於你冇考試範圍, 我可以Fax比你又或都email個scanned copy 比你.睇睇係邊樣方便!

WW -  我諗假期會叫佢毎日讀一課課文同埋有關o既工作紙/作業啦!你呢?

WW

CKC,

考試範圍係同埋兩份通告一齊派 GA.

CKC

小B媽咪, 我已請學校FAX了給我, 唔該晒你! 我最驚係教中文同常識, 因為就算係識答, 又驚佢唔記得點樣寫, 而漢語拼音都應該幾難, 不過都係睇佢肯唔肯溫啦, 我個仔係迫唔到既, 要佢自發肯讀先得
  

小B媽咪

CKC - 唔洗客氣. 正所謂船到橋頭自然直.既然你囝囝嗰班做到自動温習o既氣氛,都係一件好好o既事。

自己都做過細路,有好多嘢都係喺考試時自動失憶!只要佢識讀啲字,我己經好心滿意足了!

CKC

小兒話今日數學堂有試測, 20分鐘做100題數, 佢話有4人做得到, 其他小朋友做唔切, 唔知係咪試下d 小朋友學到幾多, 及需要跟那些學生補底呢?

小B媽咪

吓!咪十二秒做一條題目?!小B又無同我題過喎?!

希望考試唔會係咁就得囉!

星期四學校開派對,你哋準備咩小食比佢哋帶返學校呢?