"啟思"的家長 (any branch) please come in.

寶寶mum

囝囝讀 - 藍田分校, 有無媽咪一樣呀?

盛盛媽咪

我係深灣軒"啟思"架... 尋日先啱啱買咗皮鞋比仔仔咋．．．　星期一就開學喇．．　好緊張呀．．　唔知道可唔可以用ｖｅｄｉｏ拍低呢　？  

ho_fish

原來間間啟思既返學日期都唔同架, 我家下至知。我囡囡今日(10-11/8)至返適應班, 即1個鐘, 12/8就全學開學, 不過我覺得暑假實在放得小了點。

我想問下各位有無人知搭校車,可唔可以淨係搭放學o個程, 價錢又如何?

slau

請問有沒有小朋友讀帝堡城"啟思", 可考慮嗎?

heiheima咪

slau,

我個仔是讀帝堡城"啟思", 都ok.
返學返得幾開心.

heiheima咪

ho_fish,

你個囡囡係唔係轉了

slau

聽聞"啟思"著重創意及啟發, 會否欠缺學術性?

Cat

Hello盛盛媽咪,
你好！我囝囝都係剛剛入讀深灣軒"啟思" 小組班，明天8月12日正式開學。你仔仔讀那一班呢？

這幾天適應日，我都有影相留念。老師都很好，好有耐性。囝囝暫時都好喜歡上學，希望正式開學後也一樣。

看着他向同學說話，又拖着住在樓下的同班同學一起回家，真的很高興呢！你有同感嗎？你仔仔適應上學嗎？

heiheima咪

slau 寫道:
聽聞"啟思"著重創意及啟發, 會否欠缺學術性?

sorry, 我唔明, 你指乜嘢學術性     

heiheima咪

各位早晨!
這個暑期叫佢都唔起身, 今日我奶奶一叫我個仔即刻起身返學. 我幾驚他放完長假唔肯返學.

HeiShun_Mum

我囝囝係深灣軒讀K1, am. 今日返學好擔心,因為囝囝返適應日"哭"....... 放學後打電話去學校問teacher.

寶寶mum

HeiShun_Mum 寫道:
我囝囝係深灣軒讀K1, am. 今日返學好擔心,因為囝囝返適應日"哭"....... 放學後打電話去學校問teacher.

我囝囝都係, 經驗媽咪教路, 話如果你吾返學, 警察叔叔回捉左媽媽爸爸, 但佢景然話捉左媽媽爸爸, 都吾願意返學.  今天起身已經話吾返學, 我氹下氹下終於到課室門口, 當然係哭緊哪! 氹佢..入左課室...放下書包, 就偷走出課室門口, 好彩剛剛操場有老師同小朋友做體操同玩吹坡坡, 佢企定定睇, 我走去問佢鍾吾鍾意玩, 答:鍾意.   夠鍾老師捉佢入課室, 話下次老師同你玩好吾好... 就跟左入去..我一講完放學再來接你...我就在課室門口聽到大哭聲, 關門後數分鍾就無了.   1.5小時後接放學, 一眼見佢雖然無哭, 但係個樣係哭完後吾開心個樣.... 老師話未算太差.. 都聽老師講..我問哭與哭間有無15分鍾停止無哭呀?  係吾得. 即想下想下又哭.  我知每個小朋友都一樣, 但有無用什麼方法更好呢?  下午放工返到屋企, 佢就同我講:媽媽我吾返學. 成日都講.  我正擔心星期一又點呀?     經驗媽咪比d意見我哪?

heiheima咪

1314,

你囡囡今日第一日返全日班, 習唔習慣???

toby^^

我係元朗啟思的家長呀!有無其他元朗的家長呀!一齊分享下呀!我幫我個女女買聖誕節同其他活動的相片都好遲都未有得派呀!想睇都無得睇呀!你地係唔係呀!

pizza

我個女報左藍田啟思, 明年一月插班讀 n1.   到e家仲未有interview.

呢道有冇明年一月插班讀 n1的bb媽媽呢?   

盛盛媽咪

蝦佬呀．．．
係呀我都係小班．．8月12日正式開學喇　！　唉．．．　我個囝喊到聲都沙埋，由上咗保姆車無幾耐就開始喊．．．真係可憐　！　跟住，　温園長仲打電話來話我知．．．　ｂｂ　喊到瞓咗，　由ｄ嬏嬏抱住．． 　．　無辦法啦，我個囝一向都好”痴”我既！　係呢．．　咁你未即係同我囝囝同班既媽咪．．　ｂｂ　係蘋果組架．．　你呢　？　等我估吓你係邊個先　？？　

寶寶mum

盛盛媽咪,
小班即是什麼班?  我囝囝係k1班, 聽你講囝囝喊到聲都沙埋... 即我囝都未算太差, 起碼當我見到佢都只係無心機, 小朋友真係可憐! 媽媽好心痛!      太家加油哪! 我囝係香蕉.

盛盛媽咪

寶寶mum,

唔好意思 我打錯字.. 其實我係想講 bb 係讀緊小組班   . 即係 N1. 來緊星期一都唔知點算, BB 仲未習慣, 把聲都未復原. 我又放完1星期假喇... 唔可以陪佢潻架.... 我好擔心呀 !! 點算呀 !!   

盛盛媽咪

Hi Cat,

你仲有無陪你個囝返學呀... 我個囝係讀小組班/蘋果組, 即係同你個囝一班. 咁你個囝又係咩組呀... 我仲有多關於湊仔既唔識架．．．以後大家多ｄ交換心得啦　！　　

heiheima咪

toby,

我個仔不是讀元朗啟思, 但k1 d 相已經派晒了, 聖誕節d 相在復活節時派發. 你真係要問問老師, 會唔會留了比你.