聖母幼稚園同學會

joychu

Hi 各位聖母家長..
我女女09入讀聖母幼稚園la
想問下各位家長:
有無普通華話班?
1日有無1堂英文上?
英文程度好唔好?
many ｍａｎｙ thankx!
因太少途徑可以知

lola2008

如果單計教普通話，幼兒班無，要等到低班及高班才有，但幼兒班有教普通話兒歌，阿二依家經常有唱，但走音，我指是咬字不清果種走音，你講的英文堂，係咪指教英文課本書，如果係，咁一定有，但應該唔係日日有，另外幼兒班有英文歌書，係教好大路的兒歌，for example, "London Bridge is falling down", "twinkle twinkle little star" etc...至於phonics 都有，都係要等到高班D才教，至於程度你話深唔深，我都好難講，幼兒班應該唔深，但高班因要銜接小學，我就唔覺得淺，因為大囡的同學中，都有D係教咗都唔多識嘅。

原帖由 joychu 於 09-3-19 00:45 發表
Hi 各位聖母家長..
我女女09入讀聖母幼稚園la
想問下各位家長:
有無普通華話班?
1日有無1堂英文上?
英文程度好唔好?
many ｍａｎｙ thankx!
因太少途徑可以知

...

[ 本帖最後由 lola2008 於 09-3-19 14:17 編輯 ]

pyma

lola2008 & chole媽媽,

尋日觀課,真係幾大開眼界,可以睇到囡囡點上堂,點同苛其他小朋友相處。估唔到亞囡真係好多咀,未開始上堂時仲同lola2008既囡囡不停講，不過不停講既係我囡囡而唔係lola2008既囡囡。好在亞囡上課時都叫做有聽書，仲有比反應老師添，呢點我覺得好安慰，因為佢唔似我，識同想都唔去表達，就好似lola2008問點解我唔去參觀學校，咪因為見無人想去，所以自己咪唔去囉，不過，我之前都行過，所以都知知地既。

亞囡話我地走左之後，lola2008既囡囡喊，佢仲話佢係'喊喊'　（昨日上聖經課時老師講果個)　真係比佢激死，有口話人無口話自己，仲話再喊，老師叫佢下次出操場喊，都唔知真定假。

尋日本想同lola2008再傾下，不過，當我去完洗手間出來時，大家已離開了，下次見面一定要再傾下。其實你地既囡囡都好乖好得意。

pyma

joychu

原帖由 lola2008 於 09-3-19 14:15 發表
如果單計教普通話，幼兒班無，要等到低班及高班才有，但幼兒班有教普通話兒歌，阿二依家經常有唱，但走音，我指是咬字不清果種走音，你講的英文堂，係咪指教英文課本書，如果係，咁一定有，但應該唔係日日有，另外幼兒班有英文歌書，係教好大路 ...

Thanks for reply

lola2008

哎呀！咁你應該係未去厠所前哎我等埋你嗎！後來我同高班嘅一位家長去咗食嘢，係呢！果段唔湯唔水嘅時間你去咗邊？我去接阿女放學時好似見唔到你噃。

原帖由 pyma 於 09-3-19 14:20 發表
lola2008 & chole媽媽,

尋日觀課,真係幾大開眼界,可以睇到囡囡點上堂,點同苛其他小朋友相處。估唔到亞囡真係好多咀,未開始上堂時仲同lola2008既囡囡不停講，不過不停講既係我囡囡而唔係lola2008既囡囡。好在亞囡上課 ...

pyma

原帖由 lola2008 於 09-3-19 21:21 發表
哎呀！咁你應該係未去厠所前哎我等埋你嗎！後來我同高班嘅一位家長去咗食嘢，係呢！果段唔湯唔水嘅時間你去咗邊？我去接阿女放學時好似見唔到你噃。

...

唔緊要啦,其實我無諗過轉過頭就唔哂大家,我之後去左商場逛左陣,返來接放學時又見到你已經接左二個囡囡過緊馬路lu。

之後有機會，我都會盡量去參與學校既活動，認識多些家長同埋囡囡既學校生活。我先生前一二個星期突然好感觸咁話，'而家既細佬，真正開心既時間唔多，到４，５歲又要學呢d又要學果d, 呢幾年真係要好好比亞囡享受下，到小學．．．．(省略數十字)'

可能佢見亞囡表哥由朝忙到晚，想同亞囡玩一陣都無咩時間所以咁講啦，佢表哥而家先小一咋。攪到我都唔敢比野亞囡學添。

pyma

pyma

lola2008 & chole媽媽

你地明日去旅行，玩得開心d呀，返來再話我知好無玩啦。

pyma

kcpak

原帖由 chole媽媽 於 09-3-18 15:43 發表
今日好開心,事原"我擒晚跌倒,阿囡返學竟然會同郭老師講,老師就教佢返到屋企同媽咪揼骨",阿囡返到屋企又真係記得,真係令到我好開心.

另外,阿囡今日返到屋企,唱左首國語歌比我聽,但我都唔知佢唱咩?就係知佢係唱關於貓 ...

chole媽媽:
甜晒.....跌倒都抵返啦~
我囡都成日唱呢首*貓*....我囡只唱一句,唔知首歌係咪得一句呢?

kcpak

原帖由 lola2008 於 09-3-18 23:48 發表
嘩！你囡囡好體貼，係咪都覺得生囡幾好，阿囝可能就冇咁體貼、咁sweet 啦。

果首歌係咪兒歌書有嘅呢？但我囡囡冇唱過喎，頭先問佢係咪教咗首新的普通話兒歌，佢話唔識，等我明天有空再問吓。

...

lola2008:
你講得無錯,我仔依家5歲已經好唔細心(之前佢都會有關心我既時候)
反而囡囡依家愈來愈識關心人

kcpak

原帖由 pyma 於 09-3-19 14:20 發表
lola2008 & chole媽媽,

尋日觀課,真係幾大開眼界,可以睇到囡囡點上堂,點同苛其他小朋友相處。估唔到亞囡真係好多咀,未開始上堂時仲同lola2008既囡囡不停講，不過不停講既係我囡囡而唔係lola2008既囡囡。好在亞囡上課 ...

之前我囡同我講學校有lift,我仲話見唔到,個日終於參觀到...我真係好鍾意觀課呢個安排,真係可以了解佢地係學校既情況,傾計都有話題

lola2008

我囡囡簡直係日唱夜唱“我愛我的小貓，小貓怎樣叫？喵喵喵，喵喵喵，小貓這樣叫，「喵！」！”。

仲有隻“麻雀歌”，同埋“春天”，阿囡都係日唱夜唱。

原帖由 kcpak 於 09-3-24 09:38 發表

chole媽媽:
甜晒.....跌倒都抵返啦~
我囡都成日唱呢首*貓*....我囡只唱一句,唔知首歌係咪得一句呢?

pyma

今朝好大雨,你地送小朋友返學時有無濕哂呀。

pyma

原帖由 kcpak 於 09-3-24 09:41 發表

lola2008:
你講得無錯,我仔依家5歲已經好唔細心(之前佢都會有關心我既時候)
反而囡囡依家愈來愈識關心人

囡囡係唔同既,又細心,雖然我得個囡,佢都好男仔頭,但同表哥比,真係細心好多,表弟塊面生左粒倉,我隻腳果損左(我條褲遮住在)，佢都留意度，仲問我咩事，痛唔痛，囡囡既呢d關心，真係令人心甜。

pyma

原帖由 lola2008 於 09-3-24 11:02 發表
我囡囡簡直係日唱夜唱“我愛我的小貓，小貓怎樣叫？喵喵喵，喵喵喵，小貓這樣叫，「喵！」！”。

仲有隻“麻雀歌”，同埋“春天”，阿囡都係日唱夜唱。


...

我囡都係唱呢幾首，仲成日扮貓叫，狗叫，兔仔跳。

lola2008

今朝「黃雨」返學，真係好狼狽，兩個囡囡有着雨褸，但對腳都係濕晒，我冇買boot 比佢哋，因為奄boot 擺係屋企太「掗詐」，本來諗住等雨細D先至帶佢哋返學，但大囡一見咁大雨即刻好雀躍，係咁嘈住“行喇、行喇”，佢咁嘈一嘈，令我諗番童年時，我都好鐘意大雨返學果D情景，咁咪還佢想玩水嘅心願囉，結果兩腳濕晒。

lola2008

講開唱歌，我都係觀課果日先知原來佢哋排隊去廁所(在等用厠所時)，會係厠所門口唱歌，呢樣嘢好搞笑。

原帖由 pyma 於 09-3-24 11:24 發表


我囡都係唱呢幾首，仲成日扮貓叫，狗叫，兔仔跳。

pyma

lola2008,

你係咪要準備接囡囡放學呀，好羨慕。

亞囡今朝問我點解你囡囡可以成日媽咪接放學，但佢就無，我話我要返工接唔度，佢就叫我唔好返工，叫daddy返就得，聽到有d心酸。

lola2008

pyma, 聽到你囡囡咁講，我個心都有D酸，其實咁細嘅小朋友冇咩要求，淨係希望父母可以倍伴自己多D，我都好珍惜同囡囡相處嘅時間，雖然我有工人，但絕少叫工人接送返學放學，因為有時想同老師了解吓阿女喺學校的情形，又喜歡拖住囡囡手仔慢慢行，沿路有傾有講，我希望這些溫馨場面，好似儲錢咁，一點一滴累積，將來她們有自己世界時，無論開心，特別係唔開心時，都會同我這個母親傾訴。

原帖由 pyma 於 09-3-24 11:43 發表
lola2008,

你係咪要準備接囡囡放學呀，好羨慕。

亞囡今朝問我點解你囡囡可以成日媽咪接放學，但佢就無，我話我要返工接唔度，佢就叫我唔好返工，叫daddy返就得，聽到有d心酸。 ...

lola2008

chole媽媽，果日親子旅行，你囡囡玩得開唔開心，你哋摘咗幾多strawberries，我哋只係摘得少少，而且都係細細粒，俾完錢後仲即刻食咗，都幾甜，到下晝睇完魔術表演後，我哋去咗玩划船、同埋撈金魚，總括來講兩個囡囡都玩得幾開心，只係表演魔術時場地簡陋D，同埋厠所污糟D，但我唔記得要買魔術道具俾阿囡玩。

pyma

原帖由 lola2008 於 09-3-24 13:10 發表
pyma, 聽到你囡囡咁講，我個心都有D酸，其實咁細嘅小朋友冇咩要求，淨係希望父母可以倍伴自己多D，我都好珍惜同囡囡相處嘅時間，雖然我有工人，但絕少叫工人接送返學放學，因為有時想同老師了解吓阿女喺學校的情形，又喜歡拖住囡囡手 ...

其實我都好想自己揍，奈何唔做真係唔得，不過，我都好珍惜同囡囡既時間，好似雖然我要讀書考試，但every night,　我都一定係比哂d時間亞囡先，同佢玩，睇書，bed time story,　陪佢訓覺，無論幾忙，我都一定放低手上既野陪佢先，我都明佢而家既年紀，最想係要媽媽可以陪佢一同成長，所以我好珍惜，特別係我會晚晚同佢傾下心事先訓，因我覺得雖然我唔可以成日照顧囡囡，但如果我願意聽囡囡講野，day day　發生既事，到囡囡大在都會肯同我傾談，而同囡囡既關係可以keep　住好close咁，有時真係好羨慕你地全職既媽媽。