2005年出世或~宏福幼兒園媽咪~(PART II)歡迎新朋友加入

ElainAiolia

Dear all mami,
今日收到Miss Bonnie電話通知 ，佢有問子聰情况，同埋通知會跟隨教育署咁講，話會由即日起停課至到28/3 ，但期間除21/3 to 26/3學校會無老師外 (因此期間為學校假期) ，其餘時間都會有老師返學及接聽電話，佢話若小朋友在此段期間有任何疾病 ，均要致電學校報告，以便他們向衛署滙報。另外他們話小朋友購買o既$30-HK CD可以係下星期二去取，順便取回D鞋回家清潔 。

子聰好番好多，只係剩番少少咳，諗住星期六再睇多次醫生，睇清個病，之後順便休息2個禮拜 。

今朝返工搭車聽收音機講，果隻“布里斯本”流感係澳洲有好多人中招，其中有9個死o左 ，我唔記得係3大6小or 6大3小，所以唔好睇少呢隻菌，香港而家死果3個小童，好似其中1個就係中o左呢隻流感，所以大家小心，提高警覺 ，注意衛生。

pcdogxx,
而家幼稚園停課，救世軍果度IN是否需要改期呀？鈞渝D鼻水同咳好D未呀，趁今次假期好好休息o下 。

我問o左學校若停課最終無改 (即至到28/3)，鈞渝同翔仔要29/3返學，因為佢o地讀全日班，而我o地半日班則31/3先返學。

ElainAiolia

天藍,
你問我子聰點解2隻眼紅晒 ，係因為個人敏感得滯，所以o米紅晒o羅，而家無晒事lu  ，不過經過今次病，我發覺佢又大個仔o左，除o左食藥水唔使追9條街而係好乖咁食外，佢亦好乖又唔喊咁比我o地同佢滴眼水、用棉花棒挖鼻涕同肯比我o地同佢噴“噴霧膠布”(因佢唔小心整親)，所以我o地不停咁讚佢乖 ，另外o米要奉獻D貼紙比佢o羅 。

昊藍隻手應該好快好，唔會有疤o既，你放心la。係呢，佢D咳好番晒未呀，準時食藥快D好。

我問o左老師，佢話唔使跟校曆表，一切以教育署為準，但有任何疑問都可以打電話返學校問 。

係lu，我o地個長隆行程要取消la，遲D再plan過la  。

ElainAiolia

626mama,
你幫匡匡、鈞渝同軒軒3個一齊影果D相好正 ，又會肯企定比你影o既 。

我屋企都無小朋友 Face Mask ，但有大人o既，呢2日我印印同子聰去街市買“飠送”都有帶，印印將大人果D Face Mask條橡根綁細D比子聰帶，之後一返o黎屋企掉o左佢同即刻洗手。

你問我點解打完針會煲凉茶佢飲，D老人家教臨去健康院打針前後一星期，最好比個小朋友食多D凉茶會無咁易發燒o咼 ，不過子聰都唔得o既，但我都照比佢飲，當飲水o羅，可能因為咁疴多o左尿，所以每次都好快退燒 。

男仔飲涼茶飲得多D人話唔好，好似hongmimi話齋D人話對D精子唔好 ，子聰好細果時，我去葵芳德X買開奶茶問過果度D人，佢o地話無聽過亦唔關事 ，况且又唔係飲好大量，相信D人吹水多 。

雖然你只能upload 2段video，但已好勁la，軒軒同鈞渝雖然係影后，但都睇到佢o地好o力，平時係學校一定好留心D舞點跳呢 。

21號聯合國兒童基金攪(奇蛋復活節)兒童慈善步行賽，我唔去得，因已有約。

唔使唔好意思，電話send短訊我都係最近2個月學識，我諗住咁樣你o地會快D收到最新情况 。

ElainAiolia

hongmimi,
你個喉嚨好番未呀 ？小心身體，唔好怕嘥錢而唔去睇醫生 ，始終而家D病菌惡過你同我，希望你快D好番。

今期宿舍結果公佈o左，抽唔抽到呀  ？

子聰唔使返學不知幾咁開心 ，又可以跟印印去買“飠送”，又可以落樓下同D小朋友打波、 “Sir”滑梯，再唔係就同隔離屋個小朋友各自攞部單車係走廊同lift lobby踩 (因樓下唔比踩單車)，佢都不知幾咁enjoy呢D生活，你同佢放心都得la:;pppp: 。

winterlo,
通常我去卓思會係百佳果邊門口上去才“扌禁”，有時要等耐少少，可能老師行開行埋，所以先咁耐，我未試過無人應門，但據我所知D程度都幾深，K1已開始寫字，唔記得K2定K3已開始要默書，呢D印象係成10年前lu，因子聰表哥讀過。若諗住小朋友會上傳统小學讀，咁早train個小朋友係好事，等佢上小一時無咁辛苦 。

candyhui77 / whatever,
點呀，你o地D小朋友係屋企有無扭計 ？係o米好忙唔得閒上o黎，等你o地得閒先上o黎傾過。

ElainAiolia

pcdogxx,
你下星期二及三要去南京，嘩！呢排你出trip都出得幾密o番 ，帶多D鈞渝D野上去，慰寂你心靈 。

你真係check清楚救世軍20/3真係會如期同你interview la ，因始終要帶埋小朋友去o麻  。

你下星期係o米唔得閒去學校攞番D被、鞋及CD，若你不便，我去開攞子聰o既CD時，順便幫你攞埋，你叫渝爸得閒至落o黎攞上樓la，有需要致電我 or sent message比我呀！

ElainAiolia

Dear all mami,

以下網址比我o地呢個年紀o既小朋友用係幾好o架!
http://www.hkkids.com/download/main.htm#tag01

626mama

各位,

原來妳地個個都聽過男仔飲得涼茶多會影響生殖器官，
我都係而家至知。


天藍,

我昨天係自由廣場睇留言，而家D商人買Face Mask個個星期唔同介，可以由38-125一盒，
都唔知有冇攪錯。

我今日都要特登打電話比婆婆，叫佢唔好帶軒軒去樓下玩，買左部新單車，實帶佢落街玩，好彩叫住佢。Miss Gloria昨天都係咁講，叫D學生唔好返學，留在家中，點解望去公園，小朋友還要比平時多人。

唔知學校張CD係咪有埋今次去旅行D相呢?

Miss Gloria幾點打電話比我呀，睇返個一電話記錄在5:11PM 打比我，我估咁多班老師排隊打電話，通常Miss Gloria打電話比我地，都在5-6點左右。

係呀，如果公司而家才上去食飯，軒軒實冇得去跳床跳得咁開心。婆婆話，上星期軒軒叫佢去住酒店，婆婆問佢點解，軒軒話我想去酒店跳床呀。

626mama

pcdogxx

鈞渝鐘意睇跳水同游水，全部都同水有關，
鈞渝同匡匡好夾，一齊都鐘意游水同玩沙。

妳咁快又要飛去南京，真係能者多努。
ElainAiolia 講得岩，妳20號去面試，
真係要問清楚，日期是否不變。

626mama

我而家睇緊，都幾好喎。

原文章由 ElainAiolia 於 08-3-14 08:55 AM 發表
Dear all mami,

以下網址比我o地呢個年紀o既小朋友用係幾好o架!
http://www.hkkids.com/download/main.htm#tag01

626mama

ElainAiolia

子聰大個仔知妳地係為佢好，所以坐定定比妳地幫佢，真係低鍚，貼紙...係喎，妳上次又話影子聰的作品比我地睇。(電視櫃)。

好在妳未比錢同攪，唔係就煩喇，咁妳請了假未呀，如果請左假又冇野做，就浪費左個假期喇。

係我地大人叫佢地企埋一齊影相嫁，我叫軒軒去攬住匡匡，跟住又叫軒軒攬住鈞渝，鈞渝斜身訓係匡匡則邊好正，不過影影下三個跌左落地。軒軒仲立即爬起身走人。

昨天婆婆同公公帶軒軒去了荃灣同舅公舅婆飲茶，我今早叫佢唔好帶軒軒去街喇。
軒軒昨天下午去洗手間時，婆婆發玩軒軒大肶內則有幾撻紅左，紅的位置仲有一粒粒野，d粒粒程白色小點點，跟住同佢洗澡後，就帶佢去睇醫生，醫生冇講d咩，只係出"風"懶'"，今日朝又咩都冇晒，都唔知仲咩。昨天都順便打埋流感針。醫生話99.9%唔會發燒喎????

係呀，我全部都係影後，因為唔想企前便，擋住其他小朋友怕佢地睇唔到。

子聰放假生活好充實喎。

hongmimi,

原來今期宿舍有結果公佈喇，點呀，有冇抽中呀。

hongmimi

各位/ElainAiolia,
多謝大家關心，第一日有少少喉嚨痛我已即時睇左醫生，到今日已唔覺痛，好番好多。我唔怕嘥錢請醫生飲茶，因為我公司有得claim，最多每張單$230，連匡匡同匡爸都包。我公司無咩好，係福利唔太差(舊contract staff先係)。

妳地見我無慶高采烈咁報喜，就知今期宿舍我又「渦河」啦~

唉! hopeless~~


天藍，
匡匡老師擒日早上都打左電話俾婆婆，學校假期至31號先返學，亦叫婆婆返去攞手冊(平時逢星期五才派發)同復活節假期作業，大約10頁，擒晚匡匡已經做左其中容易d既3頁，如塗顏色、劃迷宮、圈出Easter Egg等。有幾頁要我預先準備才做，例如要找colorful既雜誌撕碎、布條等物品貼上Easter Egg圖案上。


有假期作業同公公婆婆陪，匡匡係呢個假期都唔怕悶既~

626mama

hongmimi,

我公司都有得 FULL claim，我確得這樣好好，實制D嗎。我冇限額，老公同個囝就冇份。

今期宿舍又冇份，為有等下次啦，返正都抽得幾密。
感覺上，易中過公屋。 公屋我朋友夠資格後，等左幾年都冇。

匡匡學校有假期功課。都幾好。我比軒軒玩劃迷宮完全冇反應，可以貼貼紕的，就好有興趣，塗色好以進步左，因為佢起碼知，唔好油死一個位，要油多幾個位。

原文章由 hongmimi 於 08-3-14 03:05 PM 發表
各位/ElainAiolia,
多謝大家關心，第一日有少少喉嚨痛我已即時睇左醫生，到今日已唔覺痛，好番好多。我唔怕嘥錢請醫生飲茶，因為我公司有得claim，最多每張單$230，連匡匡同匡爸都包。我公司無咩好，係福利唔太差(舊contract staff ...

626mama

天藍,EalinAiolia,hongmimi,

請收電郵。

whatever

Hi everybody,
Long time no chat lah... :)
Very busy lately. Our office will move next Monday, so we need to pack up everything and finish all the work today.
Regarding to school, I never received any phone call from the class teacher nowadays. Years ago, when my daughter was studying there, the class teacher always called to talk about her school life...

hongmimi

626mama,
宿舍難抽都唔難抽過公屋，係匡爸資歷淺、分數低所以抽唔到啫~

呵呵~ 我抽三期都未抽到，又心急，一d都唔覺佢抽得密，而得佢聽日再抽多次，哈哈! 下期公佈時間係5月尾，我地仍然會繼續抽抽抽.... 希望有奇蹟出現。

匡匡同軒軒一樣返左學油顏色有進步，不過匡匡舊時唔係死油同一個位，而係劃花呢碌晒全版紙每個角落，再油花顏色冊既簿面簿底連枱面，亂劃一通。

而家係學校油得多，都識得油番係個物件範圍，當然會出界，但已經好好多喇~

hongmimi

whatever,
妳公司下星期搬呀? 搬去邊? 我公司都搬過幾次，簡藉攞我條腰骨教飛~

班主任又會無打俾妳既? 好似pcdogxx咁，知日頭返工都夜晚先打黎! 咁怪? 咁妳有無打番去問呀?

唔洗返學，妳仔女係屋企有咩細藝呀? 工人帶佢地落公園玩之類咁?

我家少爺就一d都唔悶，因為公公婆婆照帶佢周圍去，唔洗就時間返學仲去遠d果個商場食野同行街:;pppp:

hongmimi

pcdogxx,
妳又要飛喇? 嘩! 好似仲忙過d空姐。去南京仲好遠添喎~ 真係掛C個女個阿媽喇~~

咁阿女邊個睇呀? 最衰匡匡係黃大仙咁遠，如果唔係襯放假約下鈞渝出街都好喎~

救世軍係咪照舊20號interview呢? 妳問左未呀?

妳出外一切小心~ 早去早回，祝順順利利~~

天藍

626mama,

係 Lu~~
以家d口罩加都鬼c 咁貴, 助地起價,
我之前係x寧買到小童既口罩, 但只
得番一盒比我買埋想買多盒都無貨,
我買$4x一盒30個, 藥房其他地方
我問過都無貨, 想買多盒都無~~
但個盒小童口罩我買到返去比仔仔
帶都有d鬆, 唯有係橡筋位到打個結
短少少就岩岩好。
如我有消息邊到有貨我再通知你!

pcdogxx,

鈞渝學福娃游水跳水個然勁, 可能
會做郭晶晶接斑人, 到時香港奧運
金牌靠晒你
你打去救世軍問未? 係咪都係個日
照舊In??? Good Luck!!!
你近來真係好忙成日周圍去, 去完杭州,
又去南京好犀利。

ElainAiolai,

多謝晒!你比個網址我地, 好好呀!
以家流感咁勁, 大6都爆到七彩,
下個長隆旅行都要取消, 好彩我打
算下個月尾先去, 所以都未報名,
如果唔係都唔知點算好.....
子聰對眼退無紅真係好, 昊藍
隻手d敏感都退, 但都有少少黑
黑地, 希望會無疤啦

hongmimi,

匡匡間學校都好好突然宣佈停課,
Easter都安排到工課比佢地真係
好唔使咁多日放假都唔知係屋企
做乜, 加上又流感又唔取出咁多街,
真係日日係屋企屈到悶~~
有工課做下無咁悶!
宿舍個到唔緊要啦! 再接再勵, 下次
一定有你份, 下期幾時又開始抽???

whatever,

唔緊要有時間先上來傾計留言, 工作
要緊。
你記得下星期18-20號 8:30 a.m.-
05:30p.m., 返學校VCD同鞋仔。

all,

我已send了旅行個日d相俾你地。

candyhui77,

我唔知你e-mail你可否pm比我,
我send 埋d相比你~~

原文章由 626mama 於 08-3-14 17:49 發表
天藍,EalinAiolia,hongmimi,

請收電郵。

ElainAiolia

Dear all mami,
請問有無人知邊度有小童Face Mask賣 ？因子聰戴大人Face Mask好容易遮o左對眼 ，而且唔係度度都有小童Face Mask賣。

今日我o地三個又去請醫生飲茶，因為D咳仲未搞掂 ，而子聰尋晚4:00 a.m.又發燒 ，所以o米睇清佢o羅。醫生話我o地都唔係好大件事 ，不過可能係染到另一種菌，所以要轉過晒D藥比我o地食 。佢亦有同我o地講，以往香港o既流感通常係甲型，而今次爆發o既流感係乙型，咁香港少有，所以應付乙型流感D藥自然少D，以致要睇幾次醫生才可配到o岩o既藥o羅。

626mama,
你真係好彩，公司早排上o左大6食飯，如果係近排先上，軒軒就無得去lu 。

我已請o左假，呢2個禮拜會放假，都無乜地方去，o米期待21/3去長洲同表哥表姐玩及22/3去愉景灣掘蛋 ，或者揀一日去維園睇花奔展。

等我一陣間影低個電視機櫃個勁樣，比你聽日睇 。

ElainAiolia

hongmimi,
唔使唔開心 ，下次再抽過，呢段時間唯有辛苦你o地二個頻撲D去睇匡匡 。俾心機再抽過，希望你o地下次得la 。

匡匡間學校都幾好o番，有假期功課，起碼唔使佢o地遊遊閒、無世藝。匡匡油顏色進步o左 ，証明佢間學校老師都教得唔錯，起碼無同我o地一切讀書都無損失 。

whatever,
又會咁o既，我諗你要同學校反映o下 ，就算唔經常性比電話D家長，但今次呢件事點都要同家長傾la。

你公司搬去邊呀 ？近唔近你屋企呀？

pcdogxx,
今日睇報紙大6雖然無爆發流感，但爆發禽流感 ，你要小心D o咼，記得帶定D Face Mask。hongmimi話掛C個女個阿媽，我就話唔係，係掛C渝爸就真 ，無o左另一半係身邊，總係周身唔舒服  ，我係過來人，得閒比個電話佢 或sent message比佢，佢會窩心好多o麻 ！

天藍,
祝昊藍早日康復 。

626mama /天藍,
Thanks!