考完呈一傾到呈三

妹妹頭

回覆 giveupaguy 的帖子

考完呈三, 老師會比一個總banding (計晒呈一, 二, 三), 跟據依個banding 就可以去排大抽獎, 一定夠時間比banding你, 放心

我都係月尾至考呈三, 13/4會見家長比banding我地, 月尾再見家長排位/交表, 中途會比模擬排位比學校批改

chanwendy

b3410 發表於 18-3-15 09:46
唔俾具體呈分試名次點解啊？學校唔係都應該希望同學準確知道位置，派到/考到心儀學校？
派位成 ...

我地學校都冇實際名次架, 我地由小一開始就冇名次, 有啲班主任會主動講係頭三分一, 有啲就你問先透露少少, 有啲係問極都唔肯講.  呈分試後, 老師會派一張紙仔, 話你知大約位置, 將全級分5組, 每20%一組.  呈一時班主任就好好, 畫個圈好細, 你真係估到自己在嗰 20% 裡面的頭中尾, 但今年轉咗班主任, 佢畫個圈就係20% 咁大, 如果係TOP 21-40% 就好難估到底係BAND 1 定2.

bb鼠

chanwendy 發表於 18-3-15 10:11
我地學校都冇實際名次架, 我地由小一開始就冇名次, 有啲班主任會主動講係頭三分一, 有啲就你問先透露少少,  ...

我地會講1-10，11-20，30內，40內咁
志於你報乜學校唔會問亦無建議

妹妹頭

回覆 bb鼠 的帖子

我地比較好, 老師個別同家長傾, 呈分名次會講10名內, 咁我同阿女會多口問, 前唔前過8名呀? 老師會答, 前過, 或者唔前過, 咁我地又可以再問, 問多2問, 老師至會講, 唔好再問, 但到時都知道係幾多名

至於自行選校, 預先已交比學校邊2間, 到家長會時, 老師會say ok or not.  可以進取dd.... 老師都叫阿女選2間再進取d, 可選b1a (因阿女選2間都係b1b), 但阿女堅持, 老師就同阿女講, 派到依2間你唔會後悔就ok.

b3410

IloveJJ 發表於 18-3-15 10:06
我哋每次考試都有具體名次，無嗰個係呈一呈二調整後名次。學校話調整既過程複雜，俾個名次你都唔明，而且 ...

咁有年級排名都好，加埋banding，都可以幫到。

b3410

chanwendy 發表於 18-3-15 10:11
我地學校都冇實際名次架, 我地由小一開始就冇名次, 有啲班主任會主動講係頭三分一, 有啲就你問先透露少少,  ...

真係唔明點解唔肯俾。教育局規定唔可以俾嗎？

bb鼠

IloveJJ 發表於 18-3-15 10:22
嘩，靠害咩？估唔到B1定B2，點揀學校呀？
我覺得邊緣最危險，我都好驚阿仔失手跌去邊緣。
...

我地都估唔到名次實制唔知！上年幾多人入咩b1中學唔知？最多人入邊間？咪聯繫囉⋯⋯我女考呢個位置上年入到乜？年年唔同㗎！年年家長心儀都唔同
我諗無乜人難估過我

bb鼠

妹妹頭 發表於 18-3-15 10:24
回覆 bb鼠 的帖子

我地比較好, 老師個別同家長傾, 呈分名次會講10名內, 咁我同阿女會多口問, 前唔前過8名 ...

我問咗幾次先講，又係話唔好再問啦，唔可以講，淨係話呈三努力d啦

bb鼠

b3410 發表於 18-3-15 10:31
真係唔明點解唔肯俾。教育局規定唔可以俾嗎？

我直頭開學擧手問，呈分主仼覆我話如果自行學校要，填表寫小學會親自回覆
我唔明俾人知道考第幾仲難過中六合彩咁

chanwendy

IloveJJ 發表於 18-3-15 10:22
嘩，靠害咩？估唔到B1定B2，點揀學校呀？
我覺得邊緣最危險，我都好驚阿仔失手跌去邊緣。
...

咁家長日時有傾, 會問你想選咩學校, 老師會答你合唔合適.
老師都會答你大約BANDING, 但係係估得好保守的, 有同學仔呈二後係21-40%, 老師都答佢係BAND 1尾.
我女的情況, 我覺得老師就估得超保守, 我女呈一老師畫比我係大約62-63%, 今年轉咗班主任, 11 月家長會時仲未呈二, 老師叫我當2C-3A, 我都即時問佢點解估得咁保守, 我睇返我地過去咁多年, BAND 1 大約38%, 而BAND 3 人數大約都只係20%, 62-63% 我認為已經係2B, 極其量咪2B-2C, 點都唔洗估到去3A啩. 到呈二後我女上返41-60%, 老師話我穩BAND 2, 但我自己就當穩2B, 或者2A尾至2B 咁睇.  


我自己有做自己學校的數據, 所以會知老師係保守派, 咁就唔係大問題, 咪自己調節, 調返去一個自己覺得合適的尺度囉.  反而係自己冇做功課或者唔識睇數據就有可能過份保守喇.

反而我而家係有點後悔當日冇報到自行囉, 就係因為老師話我已有唔錯的OFFER, 唔好搞自行喇, 加上我覺得佢唔認為我女有機會叩門成功, 叫我安心等開學.  早知當日照報自行一, 留返個面試紀錄, 如果真係去叩門都有個底吖.

b3410

bb鼠 發表於 18-3-15 10:34
我地都估唔到名次實制唔知！上年幾多人入咩b1中學唔知？最多人入邊間？咪聯繫囉⋯⋯我女考呢個位 ...

學校真係想畢業生自己撞彩咁去揀學校
其實真係唔明，升中支援做的好，同學派位靚麗，學校都好。win-win 都唔肯。

chanwendy

bb鼠 發表於 18-3-15 10:34
我地都估唔到名次實制唔知！上年幾多人入咩b1中學唔知？最多人入邊間？咪聯繫囉⋯⋯我女考呢個位 ...

咁我地學校每年校報都有詳細列名同學去邊幾間中學, 入每間學校的人數.  咁可以自己做到數據, 大約咩%可以入到咩學校.  不過我地學校人數實在太少, 大部份同學仔都係自己一個上中學的.

bb鼠

b3410 發表於 18-3-15 10:44
學校真係想畢業生自己撞彩咁去揀學校
其實真係唔明，升中支援做的好，同學派位靚麗，學校都好。win ...

佢真係乜都無問過我地自行會揀乜
可能官校就是咁

bb鼠

chanwendy 發表於 18-3-15 10:47
咁我地學校每年校報都有詳細列名同學去邊幾間中學, 入每間學校的人數.  咁可以自己做到數據, 大約咩%可以入 ...

我地話哂全級都有100人，唔好話幾多人入邊間，係連派咗入邊間都無不過唔洗佢講都知得4間，但如果有數字咁我地可以估計下考第幾先算b1吖