一呂現家長 / potential 家長會

Homama2004

我也覺冇損失.> 我都有同感. 妹妹上星期看了半本第二集哈利波特英文版,因這星期考琴試,我唔再比佢睇,點都要練下琴呀!<可能更有用

我大囡昨天考樂器(成績要呈分)拿了24分(25分滿分)    我當然有讚佢.佢話有位好同學拿了滿分,原來彈7級歌仔還要好好聽,咁當然拿滿分啦 !! 佢有24分我已十分滿意...

我聽囡囡講,學校今年係參加了啟思語文新天地的每日一篇.遲些會有戶口資料比佢哋.英文每日一篇佢哋OK啦!都會主動上網做,但就話那些E storybook來來去去都係那些,只是轉了問題,我便同佢哋講同一本書唔同時間睇都會有不同的感受,轉了問題便可以令你從不同的角度看事情.要學嘢呀! (我老公笑話我都"得"啦,咁都可以講一番道理... )
英文每日一篇頭十名係有獎學金,但我無迫佢哋做啲高難度,因我相信可能好多係父母做的.....你哋明啦!!

我工作的地方在9月尾有得打流感針$80@(去年$60),但我驚佢哋打完針有反應會病(要考呈分試呀!),所以會拖到下期才去打.去年因禽流感問題,所以全香港人都爭住打...

Alice,謝謝你的書呀!請問有沒有6BCD的作業呢??      

candytl

homama,

我幾忠意今年改版后的啟思中文教科書, 文章及問题係深咗啲, 但俾學生好多啟發性及思考空間. 我都好期待每日一篇改用啟思.

你收唔收到我潯日的email?

Homama2004

Candy,

我幾忠意今年改版后的啟思中文教科書, 文章及問题係深咗啲, 但俾學生好多啟發性及思考空間
>同意呀!上星期六我爹哋生日,吃晚飯時同表妹傾計(佢囡囡讀德望小二),原來德望&MCS也轉用這套中文書. 我送了一本"阿濃說故事100"比佢囡囡,我囡囡介紹幾個佢哋認為最有趣的故事比佢看,佢看得準準有味! 這本書可以是我兩個囡囡看的第一本"字"書.

candytl

homama,

唔該你. 等我行開商務去睇下.
恭喜你大囡樂器取高分 , 佢吹單簧管定係彈鋼琴, 還是兩樣都有?

Homama2004

佢吹單簧管定係彈鋼琴
>高分的原因可能係老師手鬆都唔定.  
佢係彈琴.理由係因為不用拿樂器回校,個書包已重到死....都同意的.家姐下個月考4級,便選了其中一首來考試.我想家姐考鋼琴應無驚無險,因都考過5級單簧管.妹妹就 我驚過佢.始終沒有學鋼琴啲口試係差啲...

上了六年級,家姐好似大個女咗.昨天返學見佢書包有琴譜及一份影印本,問佢才知佢要考琴試,係佢自己用家的scanner印,因老師話呈分試要加埋張琴譜.我都又讚佢叻女識自動自覺!
便立刻報料比一起學普通話的同學仔(不同班)的媽咪聽,佢哋兩個媽咪又真係唔知音樂呈分試已到.希望各人都拿到好分數...   

candytl

Homama,

你囡囡oral係咪都係小提琴老師教的? 我有時係我女鋼琴老師過度, 見到佢同學真他樂器的學生為考英皇試上oral堂. 如果你囡囡oral唔樂觀, 可以主力放在歌曲上, 争取係歌上攞高些分.
我唔知小提琴同鋼琴oral有冇唔同, 我女話佢考時考官彈一首歌, 問咗歌曲時期, 首歌有乜特點, 首歌有乜變化(如速度由快變慢), 仲有sight singing, 即係俾幾節”豆是”, 要即時唱出. 我女oral失分第二多(唔記得幾分, 僅比及格多2分), 第一失分多係sight reading(差1分先及格), 喱part最令我趺眼鏡, 因教佢兩個老師都話佢sight singing不錯的, 哈哈, 喱part竟然肥佬.

Homama2004

暑假時,比過何司能編寫考ABRSM五級口試的書及CD佢哋做,家姐通常5題錯1題,錯的係佢未學過,時期/特點/變化多會答對.而妹妹可以5題錯4題!!問你驚味...

經家姐琴老師夾了4堂+oral訓練後好似好啲咁啦....希望佢合格啦!!

alicetong

Homama,
講開同事比我0既書就搞笑...其實大早我已經問如果佢唔要就將d書留比我,於是佢執晒所有6下書本作業比我,我已經囉左返屋企0個隻....誰知過2/3日,佢打電話0黎話我隔離座媽咪想要,(其實佢個仔都係6年級,舊課本比左人之餘仲要囉多一套比其他人...??) :tongue: 同事又話橫掂你個仔四年級,人地六年級用急d...我當堂啞晒...第一,書本已經比左我？仲要我落大堂交比人...第二就算人地問佢,佢已經比左我...無理由再開口問我囉...對嗎？哈哈哈...唉！
呢幾本係佢之後搬屋執比我0既..我都要留左排先敢比妳？原本我都諗住將d舊課本pass晒比妳架....真係唔好意思？幫妳唔到添......
( 我再試下幫妳問問其他人啦....)

Homama2004

Alice,  不要緊. 只係有時囡囡作業不懂做時可以有個參考而己. 謝謝你!!

claudiaho

Homama
"阿濃說故事100"
>>呢本真係一本好好睇

Homama2004

claudiaho
"阿濃說故事100"
>簡直係香港作者中的其中經典書.任何年齡都有共鳴.其中千金的故事,小朋友初睇只領會為何女兒叫千金.但大小小便知是作者諷刺中國重男輕女和一孩政策下的結果...所以我知那個小朋友未看過,生日/聖誕時便一定選這書為禮物.

>你講那份虎報出的goodies真是好好! 沒有長長艱深的句子,寫的又是小朋友喜愛的題目,上星期那份其中一則講原來石斑魚大大下會轉姓別,幾得意! 我大囡班主要佢哋全班一定訂閱,很合理...好似10幾圓一年/半年(唔記得囉!)一餐午飯價錢都不用,大囡要每星期都選一則做閱後感.好覺得這份報紙比英文每日一篇更好...   

唔知係唔係我古老呢! 我比較喜歡看實物報紙多過電子報,但唔環保....   

candytl

claudiaho, homama,

"你講那份虎報出的goodies真是好好!">>>>我潯晚睇咗, 非常之好    , 用"平, 靚, 正"來形容一點也不過. 程度適中, 趣味性高. 小朋友不會抗拒去睇.

大囡要每星期都選一則做閱後感.>>>>學校要求定係你要求

例如上星期有講 『keroro』, 今個星期就講『sesame street』, >>>>上星期已派? 我女潯日先攞第1份
今晚問下先.

alicetong

Homama,claudiaho,Candy
我好忙呀...上0黎透透氣...

Homama,
唔好客氣..以我地要返工有限時間0既媽咪...幫助很大..
或者我會問到d答案都唔定....希望有好消息通知妳呀？

〝虎報出的goodies〞..我見仔仔都派左兩份..等我要返去留意下先？

candytl

claudiaho,

阿女過兩個星期就要考琴試, 不過佢都好似仲未得, 尢其是Scale, 背極都好似唔係太熟>>>>Scale係要彈得多先會熟, 仲有時間, 试下要你囡囡先抽1/3來加強練習, 背到先至彈第 2 part, 背到第 2 part再彈第 3 part. 你又可以抽查下佢.
我記得我女初初又係記唔到, 我讀Ａ佢彈B, 我唔識架, 我要佢講手指位我聽, 我至知佢有冇錯.

Homama2004

candy
學校要求定係你要求 >係班主任要求呀!   

我細囡昨晚要我同佢背常識書(係一字不漏咁背)    我問佢點解要背,原來佢常識小測時只拿了19/24,老師話19.5或以上就不用背,其餘要背書比佢聽到滿意才可以拿回小測的試卷...讀了五年小學我從未見過佢咁認真&緊張,佢話因為這位實在一位難得的老師,願意小測比佢哋做小測,佢哋作句這位老師又會很有心機打一張佳句共賞派給各同學貼在中文筆記上.不要辜負佢咁好心機的教導!     而這次成績不好原因都係忘了溫書,見佢咁勤力當然盡力幫佢記課文.

alicetong

Homama,claudiaho,Candy

月尾考試,請問大家開始幫小朋友溫書未呀？...

上左4年級,每日閒閒地7/8樣功課..星期五甚至乎10幾樣..習作都無時間做..中,英文默書都唔少野...??

有無咩溫習方式交流同提供下呢？....有咩需要必做架.

1.中文...隔離班比左d課文問題話要考
2.英文...看似無咩野溫,( worksheet,grammar)
3.數學...多做同通..無計？
4.常識...背熟課文內容,寫生字,溫作業(抽問題問他)
5.聖經...熟讀金句,背熟課文寫生字(抽問題問他)

我現在每晚叫佢讀一次課文..希望逐次睇熟..星期六,日溫下書,但好似不知從何入手咁...第一次測考亦未知老師出題方法？

alicetong

係囉..漸高班時當課文內容越0黎越多...就好難話全部背晒？
要做到親子兩全其美..真不容易？現在小孩子讀書真比我們以前吃力...特別我個仔較心野?兩母子有時好似角力咁...

Homama2004

Alice
1.中文...隔離班比左d課文問題話要考
> 同上次講一樣,唔知今年會改了教科書會否改考試形式.如有不供詞填充都係用解釋/填充形式來默書.一舉兩得

2.英文...看似無咩野溫,( worksheet,grammar)
> 都要等派回來的考試範圍才安排,看大約出甚麼主題來溫

3.數學...多做同通..無計？  
> 聽同事講,她囡囡在星加坡國際讀P5,老師教數學係要佢哋畫圖來解題.我試用這方法來教囡好似work.你可以試試.

4.常識...背熟課文內容,寫生字,溫作業(抽問題問他)
5.聖經...熟讀金句,背熟課文寫生字(抽問題問他)
> 我都係咁同佢哋溫...

到五六年級還有音樂(要考演奏樂器+唱音+聽音+樂理,各佔25%)+美勞(作品要在3-4堂內在學校完成,4班老師都會評分後再出一個平均分)要呈分.各位努力....

alicetong

大家早晨！

中秋節快樂..
今晚妳地有咩節目呀？
(我有得放早個半鐘,妳地呢？....)

我會等仔仔游完水去家姐度食晚飯慶中秋玩燈籠....

candytl

Homama,

常識又真係好難背架渦, 背熟應付完考試, 轉過頭就全部還翻俾老師啦. 有時都好無奈. 反而經曲的古詩古文, 我就贊成背誦.

Alice,

我未開始溫書. 過埋今個星期先.
我會照舊咁做, 先温課文, 后做題目. 做錯過啲就重點温. 中英文好靠平時累積, 數學邊范弱就做邊范多啲.

我兩個囡一早plan定兩晚節目, 就係落樓下玩燈籠及瑩光棒