旺角基督教服務處雋匯幼兒學校

fionkwok

各位媽咪,

今日放學見到張貼咗9月15日係幫手係學校整月餅既義工, 我同lioxi已經報咗名啦! 你地有冇興趣參加呀? 分兩段時間, 一係2:30pm-3:30pm, 另一時段係 3:45pm-4:30pm, 我已經報咗後個段啦! 希望到時見到你地啦!

evawinhk

Hi fionkwok,
小朋友帶咗d買既燈籠返去, 是用來分享的, 不是用來交的. 好似,遲d學校都會叫大家帶一隻返去, 在學校內"色"燈玩嫁.

fionkwok 寫道:
zimba,

循道 ---我自己都覺得唔錯架! 最重要係有中學可以升呀! 唔使係升中既時候又煩多次! 我叫朋友問過人, 佢就話ok喎!

waiwaichu2003,

今日仲未見我地做d燈籠掛出來喎 ? 不過, 我見到有d小朋友係帶咗d買既, 唔係自己做既燈籠返去, mud 咁都得既咩?

zimba

waiwaichu2003,
尺租$13-14又真係貴咗d, 我見個度d成交都係~$11-13/尺.

fionkwok

good morning 呀!!!

evawinhk,
OIC. 真係唔好意思啦! 我誤會咗以為可以咁tim!
係呢! 咁你做咗個燈籠未呀? 尋日接放學, 我見"d"班好多人都交咗啦! 但其他班就好似少d囖! "D" 班果d燈籠都做得好靘喎! 你地果d呢?

zimba

早晨, fionkwok,

d燈籠真係做得好好!你女女隻魚, waiwaichun2003仔仔隻火車, 仲有10396女女隻青蛙真係好考心思呀! 昨日接放時趕得jai, 我就未睇到twins同埋lioxi既燈籠, 今日留意下先.

我地仲未做呀

waiwaichu2003

zimba,
咁可能我個fd要求高la,因為有d業主會番新過間屋先租出去,咁相對個尺租就會貴d架la!
係la,你有冇問過"駿發"around個尺租呀?我都好有興趣知道,你問左可唔可以話埋比我知呀? thx!

fionkwok,
其實我都好想去幫手整餅,但個時間唔上唔落,如請半日假,之前又唔知去邊度好,係la,老師有冇講到係咪係"D"班幫手ga? 仲有,唔知可唔可以同時joint晒2組ga呢?
仲有仲有,尋日我係阿囝個書包仔度搵唔到日誌提及個張"心意咭"同張歌紙"笑呵呵",我想問你囡囡有冇收到呀?

twins,
d中秋節食物老師話會遲d係門口度張貼個list小朋友買d乜,唔知我地需要買d乜呢,希望唔係"碌柚"la,好c重ga嘛!

lioxi,
點解你囝囝尋日冇返學既,冇事嘛?

waiwaichu2003

早呀,早呀!

zimba,
多謝你報料,哎呀!比你講度好想睇tim,怎麼辦呀?
點解你囝囝仲未做呀?我都係係屋企搵d玩具紙盒做咋!
快d,快d,加油努力!
快d,快d,加油努力!

lioxi

早晨各位,好耐冇上嚟傾下計啦!

waiwaichu2003,

我仔仔冇事,只係<媽媽寶寶>揾我仔仔影相,我老公話難得又有記念價值,所以咪請假一日囉!
話時話,你有冇睇尋日既日誌呀?我仔仔明明冇返學,但日誌竟然出現佢個名喎! 真係好廢解     

twins:

你點呀?好返Ｄ未呀?

zimba

我昨日有少少唔開心.
1. 放學時老師叫我帶diaper俾仔仔, 但我發現原來姐姐跟本就無用到書包裏面既片! 咁即係姐姐睇唔到書包裏有片, 結果無同仔仔換片午睡, 咁啱仔仔又瞓唔着. :cry:
2. 我又見到仔仔掛住係屏風既la位望我, 無跟住姐姐行, 姐姐就好大力咁拖咗佢一下. 雖然自己對個仔都唔係斯文, 但係見到人地咁對佢, 都有d心痛.
不過, 我諗將個仔放係學校度就控制唔到咁多, 就當俾佢適應下社會lor.
我老公今朝就唔放心即刻走, 企係門口度睇下兩個仔係學校點.
個細仔好在有哥哥係度, 唔係真係會好lost.
原來d小朋友咁早返到去, 未入得課室住, 佢地會留係圖書室先. 今日咁啱哥哥個班排隊換鞋入課室la, 而D班就未. 咁細佬跟哥哥去換鞋時, 就俾姐姐帶返去大机肉室, 示意佢入返去圖書室, 咁就走咗. 細仔企係度, 見無人理佢, 又返去搵哥哥
哥哥好無奈咁被欽點咗, 要陪細佬返圖書室.   我地都好無奈咁係玻璃窗度陪佢睇住d同學入課室玩玩具. 後來終於等到方老師來, 佢先彈下彈下咁追返佢既同學.

waiwaichu2003

lioxi,

唔係呱,咁搞笑!可能老師認錯左la~
恭喜,恭喜,我之前都話你囝囝有陽光既笑容gala,証明我都幾有眼光呢!-->成機讚下自己先!
咁又真係好有紀念價值架,咁之後係咪會送番本比你地作紀念呀?

fionkwok

waiwaichu2003,

張 "心意紙" 好似係星期五至派俾我地, 但係張歌紙我都冇喎! 今日你會唔會自己揍放學呀? 如果係你咪可以睇到d燈籠囖! 真係幾靘架! 呀! 你成日去7仔買野架? 咁多米奇公仔既盒既? 另外, 仲未有中秋節要帶食物既list貼出來呀! 下星期五至要帶, 我諗冇咁快知啦!

zimba

lioxi ,
係唔係做封面呀? 幾時出呀?

fionkwok

zimba,

我之前都有問過老師點解冇同阿女用片架? 佢話如果我冇寫明就唔會幫小朋友著, 佢仲問我咁使唔使著返, 我就話如果佢地都覺得ok就唔好著啦! 你有冇事先同佢地講話細仔要著片呢?
另外, 你都係8:30am到返到學校, 果時mud未有老師係度咩? 咁係圖書館冇人睇住d小朋友既咩? 如果係咁, 第日都唔好咁早帶阿女返學至得, 如果唔係佢一陣攪攪鎮整親咪冇人知囖! 仲有, 我都見過有d老師係好遲返喎! 係咪有d會返早d, 有d會返遲d咁架? 我仲以為係8:00am已經有老師係度睇住架!
你今日係咪約咗大仔既老師係學校傾升學問題呀? 放咗學至傾定點呀?

zimba

fionkwok,

我同老師講咗要同仔仔包片瞓架. 因為唔包片的話, 佢地會每小時帶佢地去一次厠所. 我想仔仔瞓多d.
我都以為學校8:00am返到去會有得玩玩具, 但係原來全部去圖書館先, 大班同學8:30am先開始入課室, 細嗰D就唔知la. 搵日我都係留低睇下佢地會點安排.
本來約咗今日放學, 點知老師唔得, 遲d再約.

fionkwok

zimba,

我都記得佢地講過係會同小朋友去廁所架! 但就冇諗過去完d小朋友會唔會訓得返囖! 如果著咗片可以訓耐d當然好d啦!
如果係咁, 不如下次唔好咁早俾佢地入學校啦! 有佢地係學校出面坐吓等到有老師返來至入去, 起碼自己都可以睇到d小朋友嗎! 不過, 我覺得最好都係問吓學校, 佢地係咪咁安排先得! 應該反映一吓! 如果只係得幾個姐姐睇住, 又邊夠人手呀?

zimba

fionkwok,

可能今日比較唔好彩, 其實圖書館有老師既, 但係咁啱行開咗, 姐姐又好忙. 門口個老師唔知點解唔理佢. 咁就制造咗個機會俾哥哥去照顧弟弟la. 哈哈!

講起著唔著片, 如果已經介咗就唔使諗啦. 但係我個仔未得, 有一次濕到成身都係, 連頭髮都有尿味! 個隻豬仔!

lioxi

waiwaichu2003,zimba,

佢梗係唔係做封面啦!只不過裹面有個topic係講親子遊戲,我地只係扮下一齊玩遊戲,可能見唔係好到個正面,有好多張相都係低頭嘅!! :
而且我仔仔都唔係咁合作,又唔笑,又唔昂高Ｄ個頭,最激氣就係個姐姐叫佢玩Ｄshaving cream,初時都肯用一隻手指沾下,後來叫佢成隻手掂落去,扮好enjoy,佢就唔肯玩,話怕dirty喎!!
佢地送左一本<健康新知>,<皇帝的新衣>,一隻vcd,同荷花ＶｉＰ card,出咗書又會寄返一本俾我,都唔錯呀!!!

waiwaichu2003

lioxi,
咁都算鑄幾多禮物呀,最正就係荷花vip咭!

zimba,
唔....
片片個度我曾經都試過好似你小b咁,賴尿賴到全部衫褲及床單濕晒,個次我幾驚乾唔切床單呀,好彩用抽濕機搞掂咋,之後,我發覺每日帶去d片片會唔見左,我估可能試過一次賴濕,老師記得同佢著返片片至瞓la,其實,如果老師肯幫你小b介瞓覺片咪仲好,雖然初期會每小時叫醒佢一次,但我諗過左一段時間都ok既話,佢地會延遲番d先叫醒小朋友呱!
至於你話早返到去d小朋友走來走去唔夠人睇,我都有d驚喎,你不如睇多幾日睇下點先la,如果只係間中1次2次咁就算la,如果日日都係咁就要同校長溝通一下la,小朋友既安全係好緊要ga嘛!

evawinhk

Hello fionkwok,
我星期一交o左o刺! 係花呢嫁! 橙色花瓣嫁. Sorry! 我呢排冇接女返學放學,所以唔清楚多唔多作品交o左.

fionkwok 寫道:
good morning 呀!!!

evawinhk,
OIC. 真係唔好意思啦! 我誤會咗以為可以咁tim!
係呢! 咁你做咗個燈籠未呀? 尋日接放學, 我見"d"班好多人都交咗啦! 但其他班就好似少d囖! "D" 班果d燈籠都做得好靘喎! 你地果d呢?

waiwaichu2003

fionkwok,

你知唔知"3:45-4:30"個組d義工滿額未呀?