比華利幼兒園.

hktt

HI IRON,

唔洗咁多野啦，茶餐廳都好多岩小朋友食的東西嫁，費事又要另加油錢，咁客氣做乜!

littleeva

ＩＲＯＮ

ＴＫＳ．　我唔係ＥＱ　高．　都係多得您地安慰．係真嫁．

我老公話自己教唔到，等老師教下，講下．會收效大Ｄ．

而我都係覺得是自己責任．　

ＩＲＯＮ　講真．．．．自己教一定好過對住工人．

今早在電話中有同老公提出，想唔做．自己湊番．但是換來
空氣中的ｘ默．

我覺得性格是由細開始建立．我只怕仲壞他．

　

hktt

LITTLEEVA,

有時我自己教唔倒囡囡，我都會打比何主任話佢知，等佢幫我教吓，因為佢地有佢地教小朋友的一套方法，而且小朋友已建立了信任老師。

littleeva

HKTT

我怕老師覺得我煩.


都係囡仔會聽話易教d.

頭先同仔仔傾tel, 傾完後我問他今早是否激嬲媽咪 佢立即收我線 :-x

平時佢係唔會主動收線, 就算唔覺意收了. 都會再打一次給我.係都要講完bye bye 才收.

hktt

LITTLEEVA,

都唔一定的，囝 OR 囡 都係人，我覺得佢地真係長大了，起碼佢地開始會有卑氣。

囝囝應該唔識咩係收線，佢可能知自己今朝唔岩，但又未識分錯與對，唔識得點向你表達，咪為有唔聽電話law，只係 cup 錯線姐，原諒囝囝啦。

有時囡囡做錯事，又唔肯講對唔住，都係我氹返佢先咋，氹完之後先同佢講道理，佢先肯講對唔住，但佢都係唔知有咩叫錯，佢未識分嗎!

littleeva

hktt

多謝您!
真係少d耐性都唔得. 我感覺仔仔開始被仲壞.
我想幫他轉返全日.  您點睇?

hktt

LITTLEEVA,

全日呀!我都有諗過比囡囡返全日，因 E+ 呢個工人，湊到囡囡很多病，唔知點解!囡囡已返學好幾個月啦，應有一定的抵抗力，但都係成日病!

但全日要成 $3300好貴!!!

littleeva

讀全日可apply 資助. 冇收入limit

hktt

HI LITTLEEVA,

資助?詳細係點嫁?

littleeva

HKTT

我問過何主任. 她的意見當然讀全日好d
(賣花讚花香)

不過有一點是好有point
就係: 她話如果工人姐姐自理都不可以control 到仔仔. 遲d 如果引導仔仔自己做功課.

何主任話幼稚園會有功課做. 小朋友是應該由細培養自己主動做功課. 否則將來小學會好難教.

這點very good. 我forecast 到工人不能夠 引導仔仔做功課. 我又唔想將來晚晚要勞氣, 而且也不想仔仔要依賴我.
所以都係老師教好d.

我會和老公discuss, 可能下月 返全日.

hktt

今日去唔倒簽證呀!因忘了帶囡囡的 passport (真係記性)!

我諗要下星期先去申請啦!你呢幾時會去簽證呢?

littleeva

HI HKTT

整定您要等埋我才簽visa ^^

我老公bno 明天有.

我下星期任何一天都可以去.

hktt

HI LITTLEEVA,

真係整定啦，我同事聽日會去簽左先。

咁暫定星期二下就呀，一唔一齊食LUNCH?不過我可能只會請兩個鍾頭假咋，A/L 所餘無幾啦!重要去取證呢!又要請假!

hktt

你咁快決定比囝囝返全日呀?

IRON

hi littleeva & hktt,

我地返黎啦, 好體會到上次妳老公話"俾人打左一野"既感受, 妳地仲行左澳門咁多地方......呵呵呵, 我地兩公婆都散晒, 同妳地分享如下:

*酒店提升左去豪華房, 全海景&幾大, 仔仔入到去好開心, 仲四圍搞野.
*落沙灘叫老公行快幾步將硬幣埋入沙度, 我同仔仔用鏟搵出黎, 佢好開心.(有只vcd"小咪咪生日會"入邊有做, 佢次次睇都好興奮)
*加300蚊食酒店自助餐, 大人就好抵(150/一個), 但仔仔就樣樣都唔岩食, 我樣樣都有俾佢試下架. ~_~
*玩到好倦仔仔10點就訓著, 我同老公都鬆一口氣; 到12點突然坐起身, 眼唔開口就講"唔返學, 唔返學......", 真係咁驚返學??!!
*到4點幾又坐起身, 今次大鑊開眼四圍望, 又想講野......老公同我相視一刻都覺得仔仔會大喊.......我要返屋企......點知佢出聲話"all尿尿", all完出黎飲水後又眼光光四圍望, 搞左成半粒鐘又再訓返, 唉......一額汗.
*今日自助早餐仔仔又唔岩食, 卒之返黎食左工人煮既一大碗飯, 之後先肯大大(尋晚點都唔肯但已放晒屁).

***總結: 如果去旅行仔仔食野係一大問題, 而且生地方又唔肯大大, 好彩尋日我已叫工人煮定一樽飯羅埋去, 又係果度買3支鮮奶, 卒之都係食自己d飯&飲奶.

老公話要諗下點解決食既問題, 或者而家開始多d同佢出去食飯, 因以前次次都係仔仔係屋企食左先出去我地再食or帶一樽飯送出去食.

littleeva

IRON

玩得好開心. 下星期比D相睇下.

至於食的問題 慢慢就會解決到. 我地初初出門都好似您咁.

試過去黃金  都係工人COOK  RICE 比仔仔食.

而家仔仔大了. 食多左出面野. OK 啦.

不過大便真係冇咁好. 一次半次由他吧.

上次去MACAU 我地冇帶飯比仔食LU. 跟我地食大人野.
不過都有買包包比佢食. 因為集體出外. 食飯時間不能只就我仔仔.  我怕他會肚饑. 所以都有比定包包佢食.

食飯時D朋友都會就我仔. 會叫一樣野適合他食.
(粉/ 炒飯/意粉...)

食都OK LA.  當然食得少過在家.

係呢 ? 您如何和仔仔沖涼. (我仔唔肯沖花曬 ) 老公 抱住他沖. 都幾煩.

  

littleeva

與您們分享 :

今早與工人爭論為何不清理雪櫃 (因見到很多過期食物)
工人回應 我冇話比佢知什麼 要, 什麼不要.
我話您唔問我........


在爭論中仔仔 突然間在我和工人中間. 他舉起小手 向我們說 : <我講先>
我話OK. 您可以講. (果時已是 8:30分. 仔要返學, 我也要返工)

仔仔講: "我要大便"

諗起他的傻瞼到而家我都會內心笑一笑.

我和工人的對話就此中斷了.

我就急急腳出門返工

IRON

hi littleeva,

咁快俾仔仔返全日?? 妳個工人真係咁唔掂?? 我個人就覺得咁細個返3粒鐘已好足夠, 返成日好似好"慘"咁.......老公都話子軒好叻仔又獨立, 見到妳又會痴妳多d嗲下妳幾好丫. 或者我敏感d啦, 以前我接仔仔放學(因我一定排第一), 我抱住仔仔再望返佢張台我見到子軒個表情好似好羨慕/好渴望佢媽咪都可以黎接佢放學, 果一刻我知道幾獨立既小朋友都一樣希望多d痴住媽咪, 希望我講左出黎妳唔會難過, 因為我覺得子軒係一個外剛內柔既孩子.

littleeva

HI IRON


我點會唔知.不過.....

我好明白個個小朋友都會喜歡媽媽接放學. 之前開學時我都有耐唔耐接下
佢見到我, 對眼會發光嫁

我問過何主任, 可以試下返. 唔得可以轉返半DAY

我而家諗緊佢鐘意跟姐姐 / MISS LAU

仔仔都幾鐘意何主任 & MISS LAU .

IRON

hi littleeva,

講起沖涼又係一額汗, 入到房見到有浴缸但無花灑頭, 因只供浸浴; 另一企缸有花灑頭但又唔係活動既, 企定係度照頭淋, 我硬住頭皮一試, 點知佢好鐘意仲唔捨得出黎, 老公又係外邊同佢玩捉捉(企缸玻璃門).