九月入讀蘇淅幼稚園

JC

wongnysw,
唔駛客氣啦，恭喜哂，又安樂哂

bbdou

wongnysw,

我個仔都係全日班喎，係K2W，唔知係咪同你個女同班呢？

wongnysw 寫道:
謝謝.
昨日我見到巴斯光年、蜘蛛俠、蝙蝠俠、消防員, 仲有好多小仙女、花仙子.
朋友送左南瓜衫、公主裙比我女女, 不過我女女只係穿普通便服, 因為全日班會午睡, 著卡通衫會比較唔方便.

wongnysw

bbdou,
係呀, 我女女係k2w, 佢叫黃諾宜, 坐在黃組, 老師書枱前面, 眼大大、冬菇頭就係佢. 你仔仔叫咩名?
wongnysw

bbdou

wongnysw,

我仔仔叫做黃璟熙呀，紅組，坐係對到正門口的第一個，我係自己湊佢返學同埋每日中午都會去學校睇個仔食飯架，等我留意吓你個女先，有乜野特別上來話你知。

wongnysw 寫道:
bbdou,
係呀, 我女女係k2w, 佢叫黃諾宜, 坐在黃組, 老師書枱前面, 眼大大、冬菇頭就係佢. 你仔仔叫咩名?
wongnysw

wongnysw

bbdou,
你好呀. 我都係每朝帶女女返學, 大約8:40am 左右入課室, 之後我就返工. 你係咪全職媽咪? 所以可以lunch time 到學校陪仔仔食飯? 好羨慕........
我都想可以多d時間見個小朋友, 我放工差不多7:00pm 回家, 然後食飯, 陪對仔女玩, 有時會要女女寫字、溫書, 要等對仔女上床後, 我再做o下自己野, 晚晚超過十二點先瞓.
我有奶奶、工人幫我湊細路, 不過奶奶年紀大、有d野工人又跟唔足, 好多野都想自己跟, 有時d小朋友扭計要媽咪, 咁就一定要媽咪喇.  
我成日叫老公勤力d, 自己又做o下投資咁, 希望可以唔使返工, 全力照顧小朋友就好啦.
wongnysw

bbdou

wongnysw,

我都要返工架，不過返1點放9點，所以可以睇到佢食飯囉。我都想可以唔駛返工，全力湊個仔，奈何唔做野家庭開支維持唔到，所以都好無奈。我宜家都有買吓基金，同埋自己發展緊一D生意，希望可以賺到d錢，幫補吓。

bbdou

各位蘇浙小朋友的家長，近排我個仔嗰班前後有成4個小朋友感染咗手足口病毒，大家要多D留意小朋友個咀入面有冇好似生飛滋咁，同埋手手腳腳有冇一粒粒，如果有就要快D帶佢去睇醫生啦。我問過阿嬸，佢話已經日日都用漂白水抹課室同洗玩具，應該都好乾淨架啦，不過小朋友有時打噴嚏同咳唔記掩住個口，就有機會散播病菌架啦。

JC

bbdou,
唔該哂，我都要留意下至得。手足口病既飛滋好痛架.

SIUBO117

今日去了睇囝囝唱歌表演.每班表演２隻詩歌,１隻歌曲,全由那２本學校書抽出來.有Ｋ２&Ｋ３,我班係第二隊,所以好快走得.都幾多家長參加吓,但冇上年５月打功夫逼.

bbdou

我都有去睇呀，D小朋友真係好可愛，我個仔嗰班唱第二首歌時有一part係要兩個小朋友抱抱的，但係唔知點解有小朋友單丁一個，咁我個仔同佢個partner就抱埋嗰個小朋友三個一齊抱抱呀。

wongnysw

呢排天氣乍暖還寒, 小朋友大人都容易病. 亞女就發燒、咳同流鼻水, 星期二至四都沒有返學, 今日就返學校開生日會. 可能無返三日學, 養懶左, 我亞女今朝仲扮野話唔舒服, 於是由爸爸出馬叫佢起身換衫返學.
另外細仔都病, 卒之我就因為日頭要返工, 夜晚擔心又要照顧佢地無覺好瞓又病埋, "一門三傑".
祝大人細路都身體健康!!!!!

SIUBO117

你地今年打了感冒針未呀!上年囝囝打左好似成年都幾好.今年睇開的兒科醫生未有針返.上兩星期先病完.

bbdou

唔怪得呢幾日食飯都唔見你個女啦，諾宜好返未呀？我今日見到好似都仲有小朋友冇返學呀，宜家我晚晚同朝朝都叫個仔張開個口俾我睇吓有冇生飛滋，同睇吓佢手手腳腳有冇起粒粒，真係好鬼驚！

wongnysw 寫道:
呢排天氣乍暖還寒, 小朋友大人都容易病. 亞女就發燒、咳同流鼻水, 星期二至四都沒有返學, 今日就返學校開生日會. 可能無返三日學, 養懶左, 我亞女今朝仲扮野話唔舒服, 於是由爸爸出馬叫佢起身換衫返學.
另外細仔都病, 卒之我就因為日頭要返工, 夜晚擔心又要照顧佢地無覺好瞓又病埋, "一門三傑".
祝大人細路都身體健康!!!!!

JC

今朝聽吳主任講有兩個表演朗誦的小朋友本來病唔返學，但都返來表演。另我仔果班今日都有兩個無返學，而我個仔今朝都睇完E生至返學，佢話開生日會點都要返喎.

祝各位病人都快D好返，精精神神。

iamchowchow

蘇浙的媽媽們你們好

我個女會係出9月入讀蘇浙k1. 見你地之前話佢地既課程大約如下, 但我有d問題:

K1
小朋友巳開始油顔色, 連線

K2
開始有寫字功課(中英), 下學期好似開始默中文單字

K3
開始默成句中文, 英文默單字, 下學期用Longman Express 1A

請問K2默中文係咪要寫成個字? 定係比字既一部分, 然後完成果個字?

咁K3係咪淨係用Longman Express本教科書? 會唔會用埋其它作業?評估係用乜野方式? 會唔會測驗考試?

仲有, 英文堂係咪外籍老師教?

好多問題, 請指教.   

JC

iamchowchow,
K1
小朋友巳開始油顔色, 連線 -- 對

K2
開始有寫字功課(中英), 下學期好似開始默中文單字 -- 對

K3
開始默成句中文, 英文默單字, 下學期用Longman Express 1A
中文默成句，英文默單字,  開學初期未用的，但而家老師話已教緊

請問K2默中文係咪要寫成個字? 定係比字既一部分, 然後完成果個字?
要學生自己完成整個字,無提示

咁K3係咪淨係用Longman Express本教科書? 會唔會用埋其它作業?評估係用乜野方式? 會唔會測驗考試?
唔係的，還有其他書，即而家用開的出版社的書。評估一年有三次 = 測驗 / 考試

仲有, 英文堂係咪外籍老師教? –係

不過又唔需要太緊張，小朋友好叻的，老師教左佢地會識，但到默書/評估時點都要溫習。家長及小朋友都要努力，加油呀.

bbdou

JC,

請問K2評估係點樣架？會唔會叫小朋友寫返學寫過的字呀？因為我個仔係細仔，寫字唔係好好，有D擔心。