旺角基督教服務處雋匯幼兒學校

waiwaichu2003

Good morning to every mom or dad!!!

zimba

Good morning!

waiwaichu2003,
你仔仔今日點呀? 係唔係你送返學呀?

fionkwok

morning la   

今日你地又會咁早既?

waiwaichu2003,
今日見到你家姐送仔仔返學喎!  點解唔係你自己送既? 你家姐住得好近你架? 一朝早過來幫你接仔仔返學? 咪好辛苦囖?

zimba,
你係咪約咗老師今日傾吓大仔揀小學既問題呀? 有咩消息通知聲呀! 等我地學吓野先都好呀!  thanks!

zimba

早晨, fionkwok,
今朝好多野做阿! 間屋好dirty.
約咗老師聽日呀. 我地而家諗緊循道, 唔知會唔會好多功課, 驚阿仔應付唔到.

waiwaichu2003

fionkwok,

今日本來係我自己送阿囝返學既,但尋晚見佢個身好熱,有d"想"發燒咁(耳探:37度),驚佢今日返唔到學,於是咪叫左我家姐黎睇住佢囉,點知今朝耳探又ok喎,嘻嘻..所以今朝咪順便送埋佢返學law!
不過,今晚都book左同佢睇醫生,lee幾日見佢夜晚有好多鼻涕聲係入面流唔到出黎,同埋"勁"捽眼,總之唔係好掂,都係睇醫生穩陣d!
今朝返到去,你有冇見到我地做d燈籠呀,唔知掛上去後個樣係點ga呢?

zimba, twins & 10395,
你地同阿b做左個咩燈籠呀,一齊分享下!!!

fionkwok

zimba,

循道 ---我自己都覺得唔錯架! 最重要係有中學可以升呀! 唔使係升中既時候又煩多次! 我叫朋友問過人, 佢就話ok喎!

waiwaichu2003,

今日仲未見我地做d燈籠掛出來喎 ? 不過, 我見到有d小朋友係帶咗d買既, 唔係自己做既燈籠返去, mud 咁都得既咩?

waiwaichu2003

fionkwok,

唔係十幾號至帶自己買果個燈籠返去咩? 咁都得!
仲有呀,我今日順便交埋"公益金便服日"d捐款la,你交左未?
仲有仲有,你知唔知幾時先派"書包"比我地呀?
呀,係la,點解lee幾日唔見左lioxi上黎既,你朝早仲有冇同佢食早餐呀?

twins,
抖左成個星期,今日見點呀,仲使唔使食藥呀?

zimba,
你而家仲係港島個邊住,你有冇問過老師最遲要幾時報新地址比佢呀?
"油尖"區d學校真係唔夠fion熟識,但如你想報"shamshuipo"區個d我都仲可以大家一齊研究下既,你而家有冇d心水學校?

fionkwok

waiwaichu2003,
我今日都交咗 "公益金便服日"既捐款啦! 記得咪交咗先囖!
我都唔知幾時至有書包派喎! 我估學校等改好曬咗名至印上去, 可能要遲d都未定啦!
今日lioxi個仔仔冇返學呀! 所以都冇同佢食早餐, 可能遲少少會返來架啦!
係啦! 你住果區係屬於 "深水涉" 區咩? 你係 net "38" 定 "40"呀? 我奶奶既地址係屬於 net "40"喎! 有咩好介紹呀? 大家分享吓呀!
    
仲有, 唔知twins係咪呢幾日要埋數, 所以上唔到來呢? 冇理由病咁多日架?

twins,
得閒就上來探吓我地啦!

zimba

waiwaichu2003,

第一輪自行收生不分校網, 第二輪就最遲明年一月前改地址. 我諗住自行收生時用20分報循道, 如果唔得先再決定住邊. 我地原本諗住搬去美孚, 貪個度d租金平, 去屯門都快. 要係油尖旺搵地方租就頭痛好多.

Twins

waiwaichu2003,
今日終於精神比較好, 而家仲食緊藥, 不過就冇跟足o黍食,
費事食到wing下wing下.
今日已經交埋個燈籠啦, 我地用左個精品紙盒, 生日會既帽,
同埋報紙上印左d"中秋節"既字樣, 咁就做成一個環保燈籠,
咁你又用左咩材料整呀?
仲有學校咪話要我地帶d食品返去既? 而家應該係要點分配
呀? 同埋係咪要買多個街外燈籠返學校玩架?
另外你去唔去個講座呀?

fionkwok

zimba,

但係我妹係舊年同佢個女報小學既時候, 係第一輪"自行收生"時已經改咗地址喎! 點解呢? 一定要問清楚呀! 攪錯就麻煩啦!
仲有, 點解你有 "20"分既? 唔係適學年齡及長子只係得 "15"分咩? 仲有d咩分可以計架?
係啦! 你租屋既budget係幾多呀? 會唔會考慮 "駿發花園"呢? 雖然我唔係住果度, 但去過好幾次, 果度都幾清淨喎! 又有街市都算放便架! 另外, 可以問吓 "富榮花園" 睇吓有冇d 暗盤, 會平好多架!

Twins

fionkwok,
我真係病到瘟左呀, 所以擒日早上起完身煮野食比囡囡又
再去訓到下午六點幾, 成個星期冇覺好訓, 半夜又勁咳,
早上又要起身返工, 所以完全冇精神上網.

我擒日都比左$家姐交"公益金便服日"啦, 我都驚自己唔
記得交.

我想問你點知自己係屬邊區架? 因我都想知呀.

Twins

fionkwok,
我想問"駿發花園"老唔老架? 會係幾$租架?

我估zimba係校友 or 有信仰先至會有20分.

zimba

fionkwok,
鄧校長話一月前改地址都得. 我地仲有宗教分, 今年未取消, 咁加埋就有20分. 我地諗住租屋8-9千咋, 我遲d都要睇下d盤, 等我留意下你講個d地方先.

zimba

Twins,
睇呢個網趾啦, 有哂資料.
http://embhsc.hkedcity.net/primary/

fionkwok

twins,

"駿發花園" 實際既樓齡我就唔係幾清楚, 但係睇個外形都ok架! 同埋, 講真,呢區d樓, 一係就去到"港景峰"果d級數, 一係就單幢式既, 有屋苑形式既就真係少d啦! 因為我自己都係住係單幢式樓, 其實真係麻麻地, 所以我個人覺得"駿發"都係一個唔錯既choice囖! 幾錢租我又冇睇過喎! 你可以去地產d網睇吓!

你可能pm俾我住係邊度, 再話你知你係邊個net! 因為我有本"小學選校指南"!

fionkwok

zimba,

係咪遲d會取消"宗教分"架? 我係第2個post到都見到佢地咁講既? 因為阿女第日揀學校只係得 "15"分, 其實真係好難爭!

zimba

fionkwok 寫道:
zimba,

係咪遲d會取消"宗教分"架? 我係第2個post到都見到佢地咁講既? 因為阿女第日揀學校只係得 "15"分, 其實真係好難爭!

只聞樓梯响, 不見人下來.

fionkwok

zimba,

咁我而家謂有希望到阿女揀小學時已經取消咗呢"5"分宗教分, 同埋到時唔好咁多人爭啦!
仲有冇諗住報其他 "私小"做 spare呀?
我諗"駿發"d租盤唔使1萬呱? 你可能留意吓啦!

waiwaichu2003

twins,

見你上番黎傾計就好la!
不過見你病仲要起身煮野食比囡囡就真係"凳"你辛苦,叫你老公幫手整嘛,唔舒服就抖多dla!
個家長日,我老公自薦做代表,不過我覺得佢去左等於冇去!

zimba,
美孚d租金都唔平ga,我上星期撞到個fd,佢啱啱賣左間屋諗住租返lee區,佢話租個9xx幾呎既單位要成$11000-13000,都幾貴下!不過交通真係好方便,四通八面!