九龍禮賢幼稚園K3家長請進！

朱古力

penpen,

你知唔知幼勇班唔洗自備表演服飾，由學校供應，咁需唔需要帶一套衫返學校用黎表演完著呀！

penpen

朱古力,
通告有寫,表演衫學校會提供,妳要響10號(記得明天係10/6喇)前用膠袋裝好套便服, 袋上寫名, 交番學校俾老師到時表演完同佢換!
表演時著白襪, 咩色波鞋都冇問題, 因為昨天問了李老師, 佢話到時會有芭蕾舞鞋俾佢哋著!!
妳囝囝有冇跳俾妳睇呀! 我妹豬日日都有跳俾我睇, 好得意呀! 到時成班小朋友一齊跳一定仲可愛!!   

babyhin

各位禮賢家長:

我有四張周年校慶飛  （$50　）行數都幾前　（中間位）

有興趣請ＰＭ我

朱古力

penpen,

我知道通告有寫，但我見學校有衫供應，到果日囝囝穿運動服去，表演時換衫，表演完時可以穿回運動服， 點解要帶多一套呀！
所以諗住問聲你confirm一下嗎？
我今日都帶左套衫比老師，唔該晒！

penpen

朱古力,
上午綵排至10:45, 跟住家長接走, 我諗老師應該會俾埋套表演衫我哋, 咁我哋要同佢換咗,13:45到會場, 應該佢哋表演完老師會響後台幫佢哋換番衫, 跟住中場休息我哋去番後門接佢地

朱古力

penpen,

哦！唔該晒你．

lhaha

我好唔開心都是因為買不到好的位置, 真的冇想過咁快就賣晒$80, 咁難得自己的小孩有幸參加演出, 但我就冇一早去買飛, 唉..................     

lhaha

請問有冇家長會有$80飛想出讓呀?

penpen

lhaha,
我諗呢個機會都幾渺茫, 不過我聽過有個媽咪講, 早幾年又係響文化中心搞, 佢都遲左買飛, 變咗坐樓上添! 但係都睇得幾清楚喎!!  

chichi

我有6張$50樓上第一行正中位置Ticket. (Number : I 100-105)可出讓, Please PM me if interested.

May see here for the seating plan:

http://www.lcsd.gov.hk/CE/CulturalService/HKCC/chinese/facilities/concerthall/images/concert_hall_seating_plan_b.gif

lhaha

我有幾張係HH76-85嘅, 不是在樓上

但唔知樓上前排清楚定E+ HH76-85 清楚呢? 有沒有人可以講比我知呀?

因為chichi有樓上前排呀! 仲有我想問是否真的不可以拍攝?   

lhaha

很想早些上嚟傾吓計, 但個仔又未訓,攪到好夜上嚟又冇晒人....唉.............. 我個仔第一年係禮賢讀，所以好多事我都朦查查, 請各位家長以後多些指教,謝謝!

我想問怎檥可以放相上嚟分亨呀，麻煩指教一下!!!

penpen

lhaha,
座位方面是否清楚不能確實答你, 我未去過果個場地, 只不過聽另一位曾去過的家長提過, 其實學校不是每年校慶也去文化中心搞的, 幾年先一次,今年45週年, 所以同小學一齊搞, 到咗出年, 又會響番禮拜堂果度搞, 到時每位小朋友都會有份演出, 黃園長說到時真的不可以拍攝, 是文化中心不批准, 但會提供一個地方給學校拍攝, 到時應該會出番vcd !!
係呢?! 你小朋友讀邊班架?? 我個讀幼勇班架!!  
若果你想放相, 放大頭相會易d, 祇要你log in咗之後入去觀看帳號, 再按上傳我的大頭照upload上去便可, 但要留意番size 係150x150喎!  

朱古力

bosze,

好耐無見你喇!如果你同浩然講兩個位就會叫做(15)壹拾伍,(25)貳拾伍,(35)

penpen

bosze,
咁耐唔見妳, 真係有d掛住妳呀! 囝囝真係好學, 個問題問得幾好丫~    朱古力個說法都不錯呀!!  
妳買咗校慶飛未呀~    到時見!!  

bb55

各位

我想請問如果升上禮賢會小學學費要多少 $$$   

thanks

fat-ping

黃園長另謀高就了！可惜！
祝她新工作，前程萬里！

GGI

黃園長做

penpen

bb55,
現在小學學費好似係二仟幾!!

GGI,
黃園長會做到8月底, 會由林主任接任, 我相信應該不會大地震, 因為大家都係打份工同埋鍾意小朋友既人!!

littleeva

PEN PEN

昨晚看到通知. 都覺得好可惜.  祝黃園長在新的工作剛位更進一步.

昨晚睡前跟仔仔講黃園長要離開學校.
佢問黃園長是否 把聲好似小朋友果個 ......  帶眼鏡...
我話係呀.  佢即時低泣 流眼淚. 我話黃園長都冇教您....又冇上堂....
點知佢話唔捨得黃園長走, 他話: "放學時黃園長會同我地一齊, 敬拜天父時間又有黃園長, 佢把聲好好聽, 好似小朋友咁..... 嗚嗚嗚    "

我為了想他唔哭. 想他快d 睡, 惟有講. 唔使哭. 我地第日去探黃園長. 他才慢慢收了眼淚. 進入夢鄉


下次都係唔敢在睡前講d 唔開心事..