香港創價幼稚園

囡囡媽

Pulmma 及各位創價媽咪,

我這個問題媽媽又黎了! 昨天出席完家長日，正如Kelvinmama所講一樣作為媽媽的我已經有壓力了。17本課本全部唔使帶回學校，只留在家溫習，請問是否學校一向的做法呢? 如果父母都要返工，只有晚上見到小朋友幫她溫習，又怕唔怕佢追唔上呢? 另外，學校叫買多套的VCD及CD又是否有需要全部買齊呢? 我擔心的不是金錢，而係有大多數的父母都要上班，回家幫小朋友備課外，唔知仲有無時間聽或看CD及VCD，真係唔知如何安排時間了，懇請Pulmma及其他媽媽能給些意見給我呢?
    

Imysze

各位媽咪您們好!

我仔仔是上午班第三組.
昨天我9:45am 到達學校, 12:30pm 離開.
很開心, 見到校長/老師/校工個個都很熱情.
可惜, 未有機會認識各位家長.
我都覺得最好不要帶小朋友出席, 很難同時照顧
小朋友又聽老師演講. 學校是建議最好不要帶小朋友
出席, 但若已帶來, 也不會拒人於門外, 始終學校
是明白家長的難處, 會諒解家長.
我也帶了仔仔來到學校, 一來想他加深對學校的印象,
二來我不想留他在家里, 每當放假, 我想所有時間都
在他身邊, 如果不是, 我會有一種很深的內疚感.
昨天仔仔在學校里, 除了中段幾次說要去洗手間之外,
其餘時間都ok! 其實他不是急去洗手間, 只是覺得
洗手間很得意. 很干淨. 學校都很周到, 有水派發.

我應該幾時幫仔仔預習書本? 哪些先?

健康表是否要去看兒科醫生, 再要求他填?



請多多賜教.

IMYSZE

Pulmma

學校會有一套半個小朋友咁高的jumbo book, k1時是唔駛帶書返學的, 不過k2開始就要帶!

cd & vcd 其實你們每晚播比小朋友聽, 不用刻意叫佢地明白, 等佢地聽熟d 英文發音, 弟時學phonic 發音會容易些, 好有效!

k1 不用刻意温習or 備課了!!! 和你的小朋友玩下, 每天問下佢係學校玩了什麼? 學校應該有本 "開心小兒歌"的書 (我3年都有) 和小朋友讀下就ok, 我記得我個囡k1時, 不懂字, 看見個頁的圖片就懂念晒成首兒歌出來!

例1:
學校裡, 朋友多
同遊戲, 同唱歌
天天上學笑呵呵

例2:
拍拍手, 點點頭
大家手拉手
做個好朋友

hahaha k1 的我還記得呀!!!!!

liwoodma

heidimum

都唔錯, 我細妹個仔, 讀得幾好, 佢好鍾意間學校

mariachn

IMYSZE,
健康表，我請看我仔仔的醫生幫我填寫！

其實我大仔今年在價幼畢業啦！在這三年裹，我沒有刻意地要他溫習，強迫他做什麼，什麼．是他自己知道學校明天會有中文or英文記憶遊戲（ｋ３時），他要求我考他！我都是很輕鬆跟他溫習下，考下他明不明白，有時叫他舉例，說說笑笑，他便明白了！我一點也沒有壓力！我對他銜接小一，是充滿信心的，他自己說我長大了，要升級，不能好像安徒生爺爺１０歲先讀小學！

現在到細仔，如果話要有壓力和擔心！我重擔心過妳地啦！我細仔２６個英文字母都未認清楚晒！但我都未擔心過！開心的學前教育好重要！比佢玩啦！佢一定會懂的！我相信小朋友在創幼是學習方法去學習！腦仔是懂得轉的！我們的小朋友巳不再是填鴨了！

願共勉之！！！！！

KelvinMaMa

mariachn,

好在有你同Pulmma提點我們, 現在都放心啦.!

Imysze

mariachn,

如沒有家庭醫生, 是否要隨意找一位兒科醫生填?
費用跟看醫生收費一樣嗎?
因仔仔沒有固定看一位醫生.

提到教小朋友, 我真的很慚愧!!!
我仔仔現時也不太認得英文字母, 可能我沒有恆心及發時間去教仔仔認識26個英文字母.

白天9:00 - 17:30 PM, 我要工作, 只得夜晚才可陪住仔仔, 但夜晚20:00PM 一回到自己家又要做家務, 加上我慢手慢假,其實已剩下很少時間, 有時又喜歡看電視節目, 花在仔仔身上的時間更加少.

有時我會告訴自己, 要多些照顧仔仔, 多些和他玩玩.
沒有什麼重要過仔仔, 可是, 一回到家, 又按捺不住,
又要做家務, 我就是這樣一個喜歡干淨的人, 好像是家居
清潔還重要過仔仔. 我覺得自己好像是有潔癖, 但未至於要看醫生吧! 我說要改變自己, 但不知是否因性格關係, 感覺很難改, 故不停地在內疚卻又重複事件!!!

我是沒有請工人, 因仔仔白天交由爺爺,奶奶, 姑媽照顧. 放工後去奶奶家中吃完飯再接回仔仔, 都沒需要請工人.

我先生都會幫我做家務, 只是我看不過眼, 覺得他整得不好, 又要自己做才覺整潔.

仔仔其實經常說 "媽咪, 你不要入廚房, 陪我玩2分鐘!"
令我覺得萬分慚愧.

其實我十分喜歡和仔仔在一起, 只是我不能不工作. 工作真的已佔去我大部份時間及精力, 不過怎說都是我自己不懂分配時間, 應該一切以仔仔為先, 對嗎?

您們能給我一個意見嗎?

我需要別人來鬧一鬧.

IMYSZE

mariachn

Kelvinmama,

不用客氣，大家分享下！會有凝聚力！加油呀！

IMYSZE
妳可找一位有妳仔仔病歷記錄的醫生便可！最多當一次普通門診收費！

妳可安排仔仔的作息提早一點，妳陪完他sleep再做家務！妳可陪他看圖書，說說生活的軼事，慢慢地他便學習到鈴聽和專注，如果太tried就不要勉強，以免破壞氣氛和心情！但可以的話，陪談天說地一番，再告訴他妳要做家務，kiss佢叫他早點睡！如果他不是早睡的，妳可找他一起幫手清潔！我大仔２歲多時，家中沒有傭工，他都有幫手清潔玩具和掃地！可能是玩玩下，但一起做呀嗎，他會好開心，幫媽媽手！

不用擔心和內疚，試下就地取材！

放工啦！下次再說！

liwoodma

Imysze 寫道:
mariachn,

我仔仔其實經常說 "媽咪, 你不要入廚房, 陪我玩2分鐘!"
令我覺得萬分慚愧.

IMYSZE

其實每晚抽少少時間同仔仔相聚就好了, 10分鐘都好, 儘量抽時間, 唔駛慚愧的.....

liwoodma

    

lyannwong

IMYSZE,

      你千祈唔好感到慚愧、內疚，由而家開始努力，從新分配時間，抽多D時間陪下仔仔，我相信無野重要得過親子。

         以前，我因為工作關係成曰要出Trip，經常不在香港，導致錯失左好多我仔仔成長重要時刻、片段，更因此成曰唔跟我，相對返你IMYSZE，我比你內疚更多倍。雖然我好享受我的工作，但係為左我仔仔，最後我都放棄我的工作。而家須然我都要出Trip，但係如果我在港的時候，我就甚麼都唔做，全部時間比哂個仔，我仲會親自下廚煮我仔仔喜歡食既野，有D咩野都留番等佢訓左先做，我足足用左差不多半年時間先可以令佢跟番我。而家我同佢感情好好，我可以為左我個仔放棄我既理想，從新再適應我既新工作、時間，因為IMYSZE你講得對，"應該一切以仔仔為先"，有好多事情錯過左就無得返轉頭，我唔可以再錯失任何重要時刻，更要珍惜我倆一起時間，因為過多三、五、七年後佢有佢自己朋友、生活圈子，你想佢再叫你陪佢玩都幾難，就襯佢而家仲細，未懂事、未獨立，好好珍惜呢個時候健立佢對你既感情及信任，因為直接影響曰後你倆關係！

lyannwong

liwoodma

Good Morning....

Imysze

Lyannwong, Liwoodma, Mariachn,

多謝您們的寶貴意見!!!
我會時時銘記在心, 重新調整時間, 增加親子時間.
以眾之見, 鞭撻自己.

今天早上見到有一個新聞 : 有一位10歲獨子學風帆時
發生意外失掉生命, 內心真的十分傷感, 萬分難過!!!
雖然我不認識他們, 但做為媽媽, 那種莫名傷痛即湧上
心頭, 感覺人生很無奈, 很多事不是自己可以控制得到, 人其實很脆弱, 面對死亡更是一絲反抗力氣都沒有.
最痛苦就是他的父母, 什麼都不能補償了, 剎時不知如何承受失去愛子之痛? 任何人都不能預知自己有多少時間可以陪伴親人, 所以人人都應該珍惜今天所擁有, 盡量豁達些, 樂觀些, 及時行樂(真心快樂之樂)!


IMYSZE

mariachn

好同意lyannwong的寶貴意見！ 我們一起為我們的小王子，小公主努力吧！ 唔好話一定要做什麼偉人，起碼不要做社會的負累！

好好珍惜和小朋友相處的日子！當小朋友明白父母對他的愛，他也會有一股推動力！做好Ｄ，俾心機等．．．．

liwoodma

   講得好.....

囡囡媽

首先好多謝Pulmma & Mariachn的回應，令我減少好多壓力，亦知道應該如何再善用晚上的時間。謝謝先!

IMYSZE, 其實我的情況同你都差不多，晚上做完家務及同囡囡沖涼之後已經是上床的時間，不過因為是我陪佢上床睡覺，所以我會用睡覺前15分鐘同佢講故事，入睡前1-2分鐘同佢傾下計，問下佢今天在學校開唔開心呀! 點解開心呀! 發生物野事呀! 雖然每次佢的答案都是差不多，不過起碼佢肯講下囉! 你都由今天開始啦!

其實我個囡2歲前是跟奶奶的，開口埋口都係奶奶或姑媽，對我這個媽媽都係好生疏呀! 當佢一到2歲我就接左佢返黎住，送佢去幼兒園接觸多D小朋友，晚上自己趕佢接返屋企(就算辛苦D都要)，日子有功，而家佢就算在家只有我及老公，有物野事佢都要找媽媽的(雖然係煩D!)。在奶奶家訓醒都要喊媽媽呢!

由現在開始安排多D時間給他啦! 好快有回報的。

liwoodma

我而家晚上都係好少時間陪仔仔, 因為返工開ot, 成9點才返到去, 食飯啦.....同佢現一陣佢又要睡lu.....唯有儘量啦...

Imysze

囡囡媽,

多謝妳的回應.

原來我仔仔和妳囡囡是同一班, 希望多些交流.
我都有同感, 有時仔仔什麼都要找媽咪時是會
有感到煩躁的時候, 但反過來有時又有一種
滿足感. 多辛苦一些, 多付出一些也是值得的.

另外一個問題, 現時我仔仔只得32磅及98cm
身高, 會否較輕磅? 他好像不太容易吸收營養.
他的飲食習慣是這樣 :

早上 8:00 起床 -

8:00........8安士奶
10:00......一杯果汁
12:00......午餐 (一細碗飯+魚+菜+湯水)
                或一大碗粥

下午 1:30 - 16:00pm 午睡

16:00pm......6安士奶
17:30pm......一粒蒸蛋 (隔天一次)

晚上 -

19:00pm......(一細碗飯+魚+菜+湯水)
20:30pm......一份小生果
22:00pm......8安士奶

22:30-23:00 入睡


依這樣生活/飲食習慣, 妳們覺得ok嗎, 需要加以
調整嗎?

他現時經常問幾時可以返學校, 他說很想快些返學.
幾乎晚晚他都要背著書包來玩, 說要上學去.

IMYSZE

龍馬媽媽

很久沒有上來回應了, 很多謝各位媽咪之前回應, 另外我想回應Imysze, 我囝囝已K3, 都係只得32磅及98cm(同你囝囝一樣), 所以好多人都當囝囝讀K1, 不過跟開的兒科醫生話健康就OK, 我想你不用太擔心, 當然我都好想知有無肥仔妙方

其實我囡囡都係得25磅86cm, 創價家長會當天我都覺得我囡囡係全班最矮, 最近我試緊pulmma介紹的生魚煲鮮奶, 囡囡好似肥左dd, 囝囝就無進展, 如果各媽咪有好介紹, 記住通知我, 謝!