2005年出世或~宏福幼兒園媽咪~(PART II)歡迎新朋友加入

pcdogxx

626mama,
我岩岩試用sina, yahoo 既email都冇問題喎...

你用咩email唔得呀?

我睇左你d相喇..   幫鈞渝影左好多相呀..  又影得好靚喎..  唔該晒你呀.. 不過你唔使曬俾我喎, 到時你抄返個file俾我得喇..  匡匡,軒軒同鈞渝影果d相好得意.

[ 本文章最後由 pcdogxx 於 08-3-12 08:27 編輯 ]

pcdogxx

天藍,
嘩..  兩日睇醫生都成千蚊.. 真係肉赤死咯...   不過希望睇一次就好返晒啦.. 睇專科真係好貴..  如果生係塊面到真係核突死咯..  實嚇死人..

哈哈.. 可能係旅遊巴瞓左一陣义返電喇..  鈞渝都精力充沛呀..  
我都明白你果種心情..   之前昊藍同匡匡都有幾間後備去in, 我都有果種感覺, 如果佢地走晒, 得返我一個點算好呢?  
其實我都好想鈞渝同昊藍匡匡都可以做到同學仔.. 不過如果真係有得揀, 荃灣救世軍真係岩晒我心水..   不過都唔好期望過高, 我驚希望越大, 失望越大...

hongmimi

各位，
我擒晚睇醫生因有少少喉嚨發炎，問有關流感針，醫生話兩歲幾係要打兩次，隔一個月再打，打完第一支已經開始有效，咁當然要打晒兩次先100%work。大約140蚊一支，如果病緊就唔打得住。d針係要訂，因為家下太多人搶購，藥廠果邊跟本就唔夠貨，每間診所都order好耐先有，仲未必夠分。佢叫我等匡匡好番d唔洗食咳藥時再打去問，到時睇下訂要幾耐。醫生都係咁話，要搵兩支俾我已經難，我又每次side半支，真係好side。

而家個超級流感咁勁，大家大人細路都要小心注意衛生。我已叮囑婆婆要多帶匡匡洗手、唔好去人多地方、放定個口罩係書包，有需要時可幫匡匡即時戴上。

天藍

hongmimi,

昊藍昨天都有少少咳, 我都好驚馬上
帶仔仔去睇醫生, 醫生都係話以家好
缺貨要訂, 加上我地既細路細要打半
支都好困難, 我琴晚打比我一個做
護士既朋友佢同我講, 你仔仔以家未
打流感針, 再加上仔仔以家病又未好
又唔打得住, 佢話打得o黎流感季節
都過, 同加上佢話流感針最好係係十
月十一月左右打, 因比時間d針入左
體內產生抗體會好好多, 我朋友話方
間好多話一打就有抗體只不過好多時
佢地想賺錢就敢講, 我朋友都叫我記
得今年到咁上下時間(十, 十一月)要
帶仔仔打流感針, 佢話以家打功效唔
係大太, 我聽完都唔知點好? 唔打又
伯d菌勁, 唯有唔比仔仔返學住同唔
好去d咁多人密集既地方避一避先。

626mama,

你有心啦! 昊藍好番好多, 但今日
我都無比仔仔返學, 明天都未必會
返學休息下先, 因我聽工人講昨天
接仔仔放學, 學校d老師都帶上
口罩, 可能以家流感高峰期, 加上
新聞報屯門有兩個小朋友因流感而
致命, 所以學校都做足衛生仿預措
施, 所以都避一避先, 等仔仔d咳
好返再返番學。

Pcdogxx,

我都希望昊藍d皮膚敏感會快d好,
以家睇醫生乾水好好多, 但唔
知會唔會有印, 好擔心, 好彩係手
唔係係面….
鈞渝d咳好d未??? 保重身體!
我都好想昊藍同鈞渝做同學, 但都
係個句最緊要係你鍾意, 我都會支
持你, 鈞渝咁叻女一定會成功, 我
等你好消息!!!

原文章由 hongmimi 於 08-3-12 09:31 發表
各位，
我擒晚睇醫生因有少少喉嚨發炎，問有關流感針，醫生話兩歲幾係要打兩次，隔一個月再打，打完第一支已經開始有效，咁當然要打晒兩次先100%work。大約140蚊一支，如果病緊就唔打得住。d針係要訂，因為家下太多人搶購，藥廠果邊跟 ...

pcdogxx

頭先落左酒店隔離果間書城行, 果度好大, 勁多書, 成個圖書館咁, 不過今次我冇乜點買, 因為上次上網都買左好多..  反正價錢一樣, 係當當訂仲好

不過我見到有套福娃卡通片, 我見學校都有教, 所以買左, 一套V CD 人民幣42蚊9隻碟有50集, 抵到爛..   唔知鈞渝鍾唔鍾意睇呢...

係時候執野去機場喇.. 返到香港再傾..

[ 本文章最後由 pcdogxx 於 08-3-12 12:03 編輯 ]

hongmimi

pcdogxx,
妳出左trip都掛住我地上黎同我地傾計咁好~

不過我諗妳點都係掛住鈞渝多d...

大陸d書城真係好大好吸引，樣樣都咁平，真係唔買得咁多，妳訂果度都平就唔好買咁多拎餐懞啦~

妳趕住執野去機場就返黎再傾啦~ bye!

626mama

hongmimi ,

今朝婆婆去楊超發醫生度問，$200一支針，
星期六打電話去問有冇針打，一次過比兩支錢，
都係一樣，另一支一個月後打。

好以話個醫生香港果邊疹所有流感針存貨，佢係果邊拎過來‧

原文章由 hongmimi 於 08-3-12 09:31 AM 發表
各位，
我擒晚睇醫生因有少少喉嚨發炎，問有關流感針，醫生話兩歲幾係要打兩次，隔一個月再打，打完第一支已經開始有效，咁當然要打晒兩次先100%work。大約140蚊一支，如果病緊就唔打得住。d針係要訂，因為家下太多人搶購，藥廠果邊跟 ...

[ 本文章最後由 626mama 於 08-3-12 13:55 編輯 ]

626mama

pcdogxx,

嘩~~~套福娃卡通片真係好低喎。

救世軍約左20號9:30in，問下人會問D咩準備下都好。
我都好明白HONGMIMI兩邊走來走去頻頻撲撲的日子，
我都希望妳怏D可以抽到屋，大人細路都冇咁辛苦。

唔會浪費左隻碟，返正都唔係好值錢，又方便交收嗎。
我有左yahoo,netvigator,同公司個email都唔得，可能係人(即是我)的問題。

係呀，我見鈞渝成日望住我，又望鏡頭，一見佢望鏡就影佢。可以我鐘意女仔多d，可能係我望佢，佢見我望佢，又望返我啦。

我都係最鐘意佢地三個一齊影d相。而係仲係我部電腦的桌面。我同事都話鈞渝好可愛。

原文章由 pcdogxx 於 08-3-12 12:00 PM 發表
頭先落左酒店隔離果間書城行, 果度好大, 勁多書, 成個圖書館咁, 不過今次我冇乜點買, 因為上次上網都買左好多..  反正價錢一樣, 係當當訂仲好

不過我見到有套福娃卡通片, 我見學校都有教, 所以買左, 一套V CD 人民 ...

ElainAiolia

Dear all mami,
各位真係小心身體，因D菌真係太勁la。

多謝各位關心，子聰對眼好番好多 ，睇完醫生後已退o左燒，但D咳及鼻涕仲未好 ，所以已請o左今個星期病假等佢休息o下 ，或者食晒葯再睇多一次醫生，等佢睇清個底。我自己仲有D咳未好得晒，反而印印尋晚周身骨痛、又頭痛、又發燒，於是叫佢食埋醫生比佢stand by o既抗生素同即刻瞓覺，今朝起身好好多，只係剩番D咳o者。

hongmimi,
唔好意思，今朝見到你無乜同你o地傾計 ，除o左因為趕時間外，最主要原因係怕傳染D病菌比你 ，希望你唔好介意。

旅行果日，原本我o地都諗住去美心食tea，不過見子聰好病咁，所以即刻返屋企o乍，不過又睇唔出匡匡人仔細細，又會咁擦得o既 。做人阿媽真係慘，佢2仔爺去大覺瞓 ，你就得半個鐘瞓，又要起身收拾行裝、打道回府返婆婆度，希望你o地早D抽到果邊D宿舍 ，唔使咁頻撲。

流感針我唔諗住打，因已中晒招，反而早2年就有幫子聰打過（8歲前從未打過流感針係要打2針，每針半支），醫生話打o左都會中招，只不過無咁嚴重 ，再加上流感針o既類型係早一年set o左，所以就算而家打未必可對付現時果隻感冒菌。

ElainAiolia

pcdogxx,
你o地真係好精力 ，仲可以去冒險樂園玩。

莫講你朋友睇到子聰個video驚訝 ，連聰爸睇到眼都突埋 ，仲捉住子聰問佢點解咁大膽？乜唔驚o羊？子聰話唔驚仲好好玩o忝 。

winterlo,
亞女打針發燒比佢飲多D水，會快D好，子聰細個每次去健康院打針都發燒，我都會比好多水佢飲（仲會煲涼茶佢嘆o忝），聽D人講打針發燒係好事，唔知係o米呢？我就當係 ，等自己好過D。

如果你想女女讀上午班就早D攞form la，因上午班都幾搶手，如果係佢o地度番pg好似優先o忝。

天藍,
唔該晒你呀，話我知學校D特別o野 。係呢？昊藍D咳好D未呀？仲有叫佢唔好再“R”隻手，以防有疤。

子聰對眼紅晒係因為個人敏感得滯 ，所以變o左紅眼圈，而家對眼好番la。

** 唔講住 ，又要開工:;pppp: ，今晚收工先再上o黎留言。 **

626mama

各位,

今日有通告呀
明天開始小朋友返學要帶FACE MASK，
仲要另外用個袋入住兩個放在書包內備用。

我今早聽收音機話，童裝FACE MASK在屯門已經段市。有D地區都已經段市。我屋企大人SIZE就有好多，小朋友SIZE一個都冇，一陣公公去樓下睇睇有冇得買，如果冇就用主大人FACE MASK頂住擋先。

[ 本文章最後由 626mama 於 08-3-12 14:55 編輯 ]

626mama

EalinAiolia,

流感針之前我都冇想過打，不過近兩日聽收音機講，初起打左針都有D用，而且真係有D怕，打了就安心D。

原來子聰細個去健康院打針都發燒，我都有聽講，咁係好，即佢對隻有有返應。打完針都會煲涼茶佢，點解....

我細舅母話，男仔唔好飲咁多涼茶，話唔好喎，問佢咩唔好，又 E E OR OR 唔講，唔知妳地有冇人聽過呢?

[ 本文章最後由 626mama 於 08-3-12 16:23 編輯 ]

winterlo

大家好呀! 我個女打完針, 即日晚發燒, 食左3-4次退燒藥就退左了. 不過嗲左好多. 要抱住先訓到呀..

我係在職媽媽黎架, 所以阿女禮拜六打針, 跟住發燒, 所以我都有d病, so ..禮拜一請左一day病假囉... 又要揍女, 又要返工, 真係好辛苦架.....


同你地分享一下丫, 前幾day, 我去問下宏福附近的幼兒園 N1 及 pg 的課程資料, 去到(青怡)卓思, 打算按門鈴, 點知無人認門, 在樓上按過, 無人應, 在地下(打開左門), 按門鈴, 又無人應門, 都唔知係唔係唔夠人手呢??

天藍

all mama,

昨晚10點幾港府宣佈由今日起,
幼稚園及小學開始停課兩個星期,
大家留意~~

原文章由 626mama 於 08-3-12 16:07 發表
EalinAiolia,

流感針之前我都冇想過打，不過近兩日聽收音機講，初起打左針都有D用，而且真係有D怕，打了就安心D。

原來子聰細個去健康院打針都發燒，我都有聽講，咁係好，即佢對隻有有返應。打完針都會煲涼茶佢，點解....

我細舅 ...

626mama

天藍,whatever,

唔該晒兩位呀，我收到妳地的   息，
我昨天出了街，都唔知，傻下傻下。

我今日聽收音機講，好多學校門口有過百個飯盒。真係浪費，唔知有冇人會安排門口的飯盒送去有需要的地方呢?

[ 本文章最後由 626mama 於 08-3-13 09:40 編輯 ]

626mama

winterlo,

小朋友病係嗲D，抱多D佢，比多些安全感佢。

在職媽媽係辛苦D，晚上湊小朋友，一早又要返工，湊小朋友真係要花好多時間同精神，我地大家一齊加油努力。

下卓思按門鈴無人認門，不如妳打電話去，應該唔會唔聽電話，總好過白行一轉。卓思好以情度深D。

原文章由 winterlo 於 08-3-12 04:36 PM 發表
大家好呀! 我個女打完針, 即日晚發燒, 食左3-4次退燒藥就退左了. 不過嗲左好多. 要抱住先訓到呀..

我係在職媽媽黎架, 所以阿女禮拜六打針, 跟住發燒, 所以我都有d病, so ..禮拜一請左一day病假囉... 又要揍女, 又 ...

hongmimi

天藍，
擒晚我本來無開電視，唔該晒妳既短訊通知~~

whatever，
妳真係連send短訊都「爽」過人既~~

hongmimi

winterlo，
bb打完針係嗲d，咁細個俾佢盡情嗲啦 ~

俾多d機會妳地抱住佢嘛~
妳都係在職媽媽呀! 雖然身兼兩職辛苦d， 但收入好d可以買多d好既野俾囡囡，放工番屋企見佢咁得意可愛，咩工作煩惱都無晒，都值得呀~

當年我都有in卓思，我in時去過一次、婆婆之前帶囝囝去參觀過兩次，都無妳講既情況喎~ 不過照我所知，卓思會將細b安排晒去下午班(唔知而家有無變)，妳bb而家6個月，妳要有心理準備，如果係細b極可能只收下午。

hongmimi

626mama，
聽左各位意見，加上衛生署都話高峰期2-3個星期，我都唔打算而家帶匡匡打流感針。

d人話男仔飲太多涼茶唔好，係怕某d藥材影響男仔生殖器官發展 ，例如bb時熱氣會飲開奶茶，裡面既薏米就話會有影響，所以叫男仔唔好飲咁多。不過可能要份量好多先有影響，適量既就無問題。

hongmimi

ElainAiolia，
擒日朝聽妳話印印都開始有事，我都鄧妳煩惱~~  

傻啦! 大家都咁鬼趕，匡爸上course差d遲到添呀，邊有時間傾計啫!
妳唔洗怕傳染病菌俾我地，因為已經有病菌霸左我地喉嚨攪緊鬼，我地仲同緊病菌打仗，好在其他野未發。


妳地大家都要努力加油，子聰唔洗返學係屋企多d休息，快d好番，唔好令媽咪膽心。