關於學鋼琴價錢

kcarol

ming2

ming2 寫道:
我個日問個古箏學生佢老師有冇教佢一d方法去記interval,佢話冇,只係叫佢地死背major 2nd = 1 tone, minor 2nd = 1/2 tone…etc…我聽完就想起你所講…”做數””死背”…真係可憐呀…

我就係見過唔少呢d學生, 所以我先好doubt 可以2堂教晒成個syllabus 既可能性, 最怕做完數, 數手指搵semitone, 連手指都數錯

  
ha..h.a.以前拍拖個時,我老公咪就係知道晒我大約搵幾錢lor…不過我講明佢0既即係我0既,我0既亦都係我0既….he..he…一早就同佢洗晒腦啦…ha..ha..所以佢宜家都唔理我搵幾多架啦…因為都唔關佢事0既…he..he..

我果個都係甘架, 我都係同佢係甘洗腦, 佢問我, 我都係答佢"關你乜事?" 佢問我d學生有無加過學費, 我就問番佢幾時有雙糧  

唉…講到學生乖唔乖呢樣野我就真係慘啦…都唔知宜家d學生點諗0既?!個個學琴都唔想練琴,我上星期六就一早九點幾開始”炳”d學生,連續幾個都要”炳”,到左下午又要上樂理課,又講一大輪野…終於到夜晚我開始聲沙,星期日仲失埋聲添…原本星期一已經有番聲,好少少架啦..點知星期二同阿囡佢地去disneyland玩完之後,原本好少少0既聲又唔見左…尋日上堂,勉強都仲講到野,不過第一個學生黎到,都未開始上堂我已經冇氣對住佢…因為一入黎個阿媽就同個囡講”放鬆d彈啦…miss唔鬧你架啦…”..跟住又對我講”佢話你成日鬧佢..所以唔想彈喎…”..我聽完個心火都黎埋,我心諗你唔諗下自己點解會俾人鬧！?..於是我答佢”好呀..我唔鬧你…我今日都冇氣鬧啦..”..跟住上堂時個靚妹(6yrs)彈番上堂話要覆0既歌..唉…之前叫佢改0既野,完全一d都冇改過,又唔數拍子,我只好用我緊餘0既少少聲線叫佢再彈過同埋開聲數拍子俾我聽…如是者彈左幾次,我問佢要返屋企再練定係再彈,佢話返屋企練,跟住我又聽下一隻歌….照舊..所有問題都係冇改…我冇氣話佢啦..淨係用筆係佢本書度圈住d錯野,上次錯完今次又錯就用紅筆圈….直到落堂我都唔鬧佢…因為鬧佢都係冇用0既…都係慳番啖氣好過…佢阿媽一黎接佢,佢就同阿媽講”我頭痛呀…”..我話”今日已經冇鬧你啦喎?!...仲頭痛??”(佢次次上堂俾我鬧完,一定會話頭痛架…佢阿媽都知)…”上次就唔練琴,俾我鬧時就賴daddy 鬧你,嘈住你練琴,之後又輪到賴細佬同媽咪…宜家就賴埋我…你唔諗下點解自己會俾人鬧…你唔鐘意我教,你可以問下隔離房個miss教唔教你架,你可以轉架…我冇所謂…”跟住我轉頭同佢阿媽講”上星期所有問題,今日一樣都冇改到俾我呀…我今日冇鬧佢呀..淨係用筆圈晒佢有問題0既地方出黎,d問題寫晒係本筆記度”…佢阿媽見d我圈住d rest,佢問阿囡知唔知個附號係咩,個囡就玩野話唔知…你話係咪想死呀…佢表弟(6yrs)同佢差唔多時間跟我學,個表弟每星期最多都係有一首歌要repeat,而佢就最多都只係pass一首歌,你話死唔死,都唔知佢學黎做乜…晒錢晒時間呀…我宜家真係睇下佢幾時開始唔學架咋…

有得去disney玩甘開心?!!? 好似依家有真雪玩, 不過要再俾多$180先得, 我果時同我姪女去, 佢得2歲半, 一入去就要同minnie 影相, 影完相跟住話要走, 俾佢吹脹!

你個學生好"pair"喎, 真係黎上堂, 叫做係為"見你一面"甘, 佢係唔係唔鍾意d歌呀?? 還是真係唔鍾意彈?!!

我都係咁話…有家長陪練琴係好好多架…可惜上面我所提0既靚妹阿媽係唔理我0既 忠告…所以個囡咪冇心機練習lor….

呢d就浪費左個女啦, 如果個女有天份既, 甘就仲浪費

kcarol

ming2

莫講話數手指啦...連對住個keyboard數都一樣會錯架....

你係唔係講緊我一個學生呀?!?!??! 我問佢份譜有幾多個音, 明明得4粒, 唔知點解, 佢話份譜得3粒, 次次就彈少一粒音俾我

係呀...Tuesday我d堂易改嘛..加上撞0岩阿囡同老公都放假,咁咪去lor...點知原來個日係開放以來最多人去0既一日,乜都要排一大輪,所以阿囡冇同卡通人物影相呀...老公尋日同我講話不如一月再去過喎...?!..十二月係有飄雪睇/玩lor..不過冇另外收錢喎...你講果個係咪ocean park架...?!

唔駛咩!??! 我有朋友最近話去, 佢好似check 到有個真雪樂園, 不過要去玩就要再加錢, 莫非佢係去ocean park, 唔係去disney!?!
你揀左日吉日, 所以多d人, 哈哈, 我果次去係就我姪女閒日放假, 貪平日少人, 不過佢行得好慢, 結果都係行唔晒成個disneyland

唉...跟本個學生就係想個阿媽陪佢練琴咋嘛....以前佢未買琴時係琴行練,個阿媽就一定會陪坐/練,雖然成日都會聽到佢阿媽係琴房度炳佢話佢彈錯野,唔數拍子咁,但係都叫做有陪呀...覆琴時都仲好d架...買完琴之後個阿媽就完全唔陪佢,佢咪開始"pair" lor...我有同佢阿媽講架...不過佢阿媽總係多多解釋,一時又話怕佢依賴,一時又話冇時間...總之就係一句唔陪啦...咁我都冇辦法啦...我已經盡晒我可以做0既野去幫佢架啦....個表弟個阿媽就好合作呀..所以宜家表弟快佢成級架...

甘... 甘... 甘叫佢阿媽俾張相佢, 次次練琴就放張相係譜架啦!!見相如見人!!      

kcarol

ming2

ha..ha..呢個世界真係咩學生都有架...我有個八級0既學生佢係五音不全架...一d interval like major 2nd or minor 2nd 個d,永遠都聽唔到分別架...佢可以聽到係一樣架..死未?!

之前有個小朋友, 大概9歲左右, 佢係我一個學生既同學, 佢媽咪帶佢黎去我幫佢練aural, 又係一個陰影... 聽唔出d音高左定係低左, 我已經係彈2個音, interval大過一個octave俾佢比教, 佢學violin既, 我初頭諗佢聽interval 應該幾好, 點知都係死症

ha..ha..我老公話如果disneyland有annual pass賣,佢實買喎...真係得閒就同阿囡去一轉咁話呀...

disneyland 最正係叉燒burger, 我姪女果次自己一個人食左半個飽, 唔駛勞氣叫佢食架, 自動自覺食到乾乾淨淨既, 有時間可以成日同到小朋友去既話, annual pass 就幾抵

唉...冇用架...我話要加埋個錄音/影機就差唔多...因為要錄低d鼓勵性0既說話去"tum"佢練琴架嘛?!...你話係咪?!

有次好好好好笑既, 話說我中學時有一次個COMPUTER SIR 請假, 於是, 佢真係之前用錄影機拍低晒成堂要教既野, 再加多2個特別鏡頭, 第一個係"你班死野, 唔好掛住傾計, 留心睇電視", 第二個鏡頭係"你地依家拿拿聲跟我做一次, 乖乖地啦", 我諗你果個家長都需要甘做

AndyRain

Kcarol, ming2

Disneyland係無雪玩架, 海洋公園至有.  我仲未諗住去呀, 等到有需要獎勵時才去啦, 反正而家去個細既MUG都玩唔到, 到時佢又嘈到拆天.

死啦, 仲未買飛俾個仔去聽音樂會交功課呀, 因為今日又唔記得左帶D音樂會既LIST(MISS俾的), 所以揀唔到, 又要等聽日了.

上星期四亞仔好似上左身咁彈首MARCH彈得好好, 但到星期五又可以好似MUG都唔記得晒咁, D音跳唔到出黎.  我真係俾佢激死.  好彩尋晚又好番少少.

我想問下其實校際比賽係的情況是怎樣的呢? 我初初會以為係學生代表學校與其他學校的代表比賽.  但又聽人講又好似唔係.  又好似無分名次, 只係比分數.  究竟係點呢??? 可否告訴我呀?

kcarol

AndyRain
而家去個細既MUG都玩唔到, 到時佢又嘈到拆天.
==> yes yes yes~~~~ 我姪女就係甘, 一同minnie影完相就話要走, 我地幾個大人, 俾佢激到彈上天花板! 直至我買左頂minnie 既帽仔俾佢, 佢先知好戲仲有得黎, 先唔肯走

仲未買飛俾個仔去聽音樂會交功課呀, 因為今日又唔記得左帶D音樂會既LIST(MISS俾的), 所以揀唔到, 又要等聽日了.
==> x'mas 旺季, 要買飛真係要快啦

上星期四亞仔好似上左身咁彈首MARCH彈得好好, 但到星期五又可以好似MUG都唔記得晒咁, D音跳唔到出黎. 我真係俾佢激死. 好彩尋晚又好番少少.
==> 你個仔既水準好唔穩定喎, 似係心理影響多~~

校際比賽有名次架, 75分以上有cert, 唔同分有唔同cert, 分profiency, merit 同distinction 3種, 無名次果d就只會有分數, 不過分數其次, 有d 乜野comment先最重要, 始終人比人, 比死人, 反而知道自己有乜做得唔好, 下次注意下, 甘先會進步

AndyRain

Kcarol

哈哈, 你個姪女只係要走都好d.  我怕我個女死都要玩個d機動遊戲, 但係佢又未夠110, 咁佢一定會不停咁喊, 佢真係可以好長氣架, 係公眾場所又唔可以打佢, 咁真係咪駛旨意佢會收口.  到時實煩死我.

會有d mug野心理影響的可能性呢?

謝謝你有關校際的回覆.  由於第一次參加, 唔知道係咪又跟學校一齊去, 若果要自己去, 我又唔知頭唔知路.  你可唔可以講講程序俾我聽呀, 起碼我到時唔駛毑手唔成世呀!  係咪好多人, 要等好耐架, 如果係, 等我準備d精神食糧嘛.

AndyRain

Ming2

我個friend話(因為佢個小朋友同我細個個一樣咁大)人地教佢去disneyland酒店加

kcarol

AndyRain
我姪女都係好長氣架, 果次係甘喊話要走, 我直頭俾佢嬲到我話佢已經令我好唔開心, 跟住佢仲俾多2滴眼淚     

會有d mug野心理影響的可能性呢?
我最常出現既就係練練下開始眼訓, 甘我就會想搵周公多過想搵貝多芬       
有時練練下, 突然醒起有野未做起, 又會一路練都會分左下心既
仲有好多好多原因架

唔會同學校去架, 要自己帶去, 同埋初級呢d賽事好多人, 又個個都係彈果首歌, 所以... 等下啦~~~
早少少去到報到, 跟住等開始, 記緊自己係第幾個彈, 到時有人嗌number架啦

彈完唔好走住, 等到所有參賽者彈晒, 個評判會出黎講幾句, 宣佈頭3名, 之後就會散架啦. 你果時就可以去個嗌number 果個姐姐仔度拎番張分紙, 上面寫晒comment, 番去好好研究d comment 啦, 有時都有用架

如果有cert 拎既, 甘就番屋企copy 左張分紙, 分紙後面有換領cert 既期限, 你係指定日期寄張正本分紙俾主辦單位, 佢地之後就會寄番張cert 同正本分紙俾你架啦

AndyRain

kcarol

謝謝你的詳細回覆.  

kcarol

AndyRain
一日就未必, 不過半日就多數都會無左架啦

個個都有comment 架, 扣分扣得緊要唔緊要, 好睇個別評判, eg. 有d評判覺得大細聲緊要d, 你做得唔夠, 佢地就會重手d, 但有d會覺得tempo 緊要d, 甘係唔夠大細聲, 都唔會好似之前個評判甘, 俾人扣得甘勁, 有少少subjective 啦

75分先有cert 架, 不過初級d分, 我之前d學生番黎講話幾extreme 下, 高分時, 個no.1 可以俾到90幾, 又有時個no. 1都只係得80鬆d

Mao..Mao..

嘩, 做乜個場靜晒??? 去晒威???

Anyway,

Best Wishes for the Happy New Year to All!   

Mao..Mao..

ming2,

希望成你貴言啦!  

而家叫做學左一首考試歌, Grade 3 part A:3,  佢一拍係 92, 我開始用拍子機用半拍 120 練, 已經覺得快到好似跑馬甘喇, 用 184 一定唔得, 用 120 彈就彈到D音既, 但首歌既 details 無哂 law.  :-|

Mao..Mao..

ming2,

呀~~~ 我又祝你青春美麗, 兩個女聽教聽話, 而你D學生就青出於藍啦!