九龍禮賢幼稚園K3家長請進！

littleeva

Hi PenPen

星期六去買泳衣比佢. 我專登比佢自己選 . 希望佢會信心d!
佢選左 有衫, 有褲 .

多謝您的意見 .  可惜這個星期唔好天. 否則會同仔仔去下 泳池.  我只係在 他  1 & 2 yrs old 有去 過 .  3 yrs old 冇去.


昨晚我同仔仔執野. 點知佢同工人姐姐講 "
千其唔好帶泳衣, 如果唔記得帶泳衣, 就唔使玩水 "

冇法啦. 我有鼓勵佢. 不過他仍是很怕. 佢問我d 水到邊 . 我話會到腳仔. 不到膝頭,











[quote]由 penpen 於 2005-05-26 10:17:49


littleeva,
妳囝囝會唔會怕醜? 我諗妳俾件一件頭泳衣佢著, 佢安全感會大d, 同埋到時都應該係用吹汽水池, 唔會太深水, 妳要話俾佢知, 多d鼓勵下佢! 問番佢, 有困難要點呀?! 我現在有時阿囡做唔到d野我問番佢, 佢都會成句講番出黎同埋盡力去做去試架! 同佢講多d正面既說話, 又話妳知佢到時大家一定會玩得好開心之類,加油呀!!
又或者妳今個禮拜同佢去玩水實習下先啦~

愛美

朱古力, 明年唔會係文化中心, 係學校表演, 唔使買飛架啦..

朱古力

愛美,
係咩！我都唔知添．
係咪每隔五年先去一次文化中心架．
如果係囝囝都好榮幸可以參與一份子．

littleeva,
你囝囝好攪笑，佢都好叻知道唔帶就唔洗玩，
初初囝囝都係唔夠自信心架，
不過我經常鼓勵佢，陪佢一齊試，
真係可以幫到佢地增力自信心架．

littleeva

朱古力

剛工人姐姐來電, 仔仔上了校車. 佢出門口時 係咁話唔帶泳衣.

(我已經貼了大大個  他的 名 在袋上, 我怕他唔想玩水, 專登 留低成袋野 在校車. )

我冇眼睇 !!!!    我又唔想煩老師.  冇打電話比老師.
順其自然吧.  

遲d 好天 .我會陪他去下泳池玩下水.  

佢真係好細膽.

愛美

朱古力, 係今年周年校慶先會搞到o甘大架咋, 舊年都係每班係禮堂表演, 個個小朋友都有份, 好好睇架..

eva, 唔..囝囝見到其他小朋友玩得開心, 佢自然會埋去玩, 有時我覺得唔好同佢講太多, d小朋友好麻煩, 你講得多, 佢仲抗拒得更多, 所以我而家既態度係, 講左一次, 佢再say no, 我就話"不如到時睇下老師點講啦, 我地聽完老師講再傾過啦" haha, 萬試萬靈, 因為佢地而家老師講一句好過我地講十句架啦.  最緊要係唔好迫佢地, 要等佢自己慢慢去接受..
有時你唔使打電話比老師架, 你可以搵張紙寫左, 放係書包比老師仲好, 等佢睇完call番你呀馬.

littleeva

愛美

好agree 您講 你講得多, 佢仲抗拒得更多, 可能我冇咩技巧
又或者我係逃避 . 我只係同佢講左 今天會點... d 水唔深嫁... 小朋友玩都唔捨得走嫁.....

係啦. 我唔記有寫紙仔e 樣野tim... 好彩您提我咋. 下次再有類同情況.我會寫定紙仔和老師單聲先.

我仔係好 慢熱的人. 佢已經同我講 升左低班, 冇左 x 老師 x 老師. 我話 唔會. 您會一樣見到她們. 點知佢話. 係唔一樣嫁.
會係 x 老師, x 老師...

佢而加已經話定唔讀其他小學. 一定要讀禮賢.

唉....睇怕 都要仲 6 合彩...

愛美

eva, 又唔使o甘擔心, 禮賢有一樣令我好喜愛既, 係老師好識處理小朋友既心理問題.  舊年我都怕都有擔心, 囡囡升左班, 唔見左幼兒班d老師會唔會唔慣, 會唔番學, 不過我真係諗得太多, 老師係班上面已經一步步o甘比佢地知, 升左班之後會點, 佢地會接受得黎架, 當然一定會有d小朋友會有小小問題, 不過唔使怕, 最緊要你有問題就同老師多多溝通, 佢地一定會同你一齊解決架..
至於小學問題, 老實講禮賢真係幾貴架.你仲2個添.. 你而家都唔需要o甘快同囝囝講, 低班開學後同園長或老師不妨坦白講出自己問題, 等佢地幫你, 教導你用咩方法去同囝囝講. 有時我地以為自己講既野係o岩, 原來對小朋友係聽唔入耳架.. 始終都要搵有經驗既老師去幫忙, 起碼唔怕撞板啦..  

littleeva

愛美

多謝您的意見.  放一個長暑假後. 我估仔仔又要從新適應學校生活. 其實佢都係似我. 我好記得小學一年級的情況.  我好怕. 禮堂好大. 好多人, 要排隊......  
仔同我一樣內向怕羞.  

小學的問題遲些才算. $ 係一個問題, 早起身又係一個問題.
佢自己講一定要讀禮賢小學. 之後讀禮賢大學. 跟住就做野. (比佢笑死)

以前由幼兒園轉去讀禮賢時. 佢話要成間幼兒園搬去禮賢隔離..... 而家再問番佢還記得果時d 老師嗎. 佢已經唔多記得. 我話您番去以前果間讀全日好嗎 ? 佢話要禮賢, 要禮賢d老師....

我諗仔仔真係需要訓練下. 我唔擔心得咁多.  升班時我估老師會幫他.　真係好似您咁講．　佢知道自己就來升班．　而我冇同他講過．　（我幾冇用，　我逃避這個問題．　佢唔講開．　我唔講．　費事佢講講下就ｃｒｙ）

littleeva

各位

擔心了一天. 仔仔放學了. 在電話中他話唔開心, 都話唔好帶泳衣啦

我問他d 水是否很淺. 佢話有d 淺 有d深.  我問他有冇玩.
佢話玩左 2個.  有玩射水搶. 不過唔鐘意玩.

佢話最鐘意玩係 :有一個桶 有ｄ水，要小朋友放d 白油. 跟住 比個掃您 油油. 佢負責油樓梯.
其他玩水佢話唔好玩. 我問他玩水好 or 上主題好. 佢話兩樣都唔好.  

佢話玩得唔開心.   衫就冇濕. 褲仔就濕晒.  

我唔貪心. 佢肯著泳衣 肯去試玩 我已經好滿足.
起碼都叫做嘗試過. 好過聽到佢大吵大哭.

而家回家, 再問佢多d野先.

相信您們的小朋友一定玩得好開心.

GraceMami

今日玩水很好玩, 見個個小朋友都玩得很開心.

我同囡囡一起返學, 她第一個到課室, 先去洗手間丙換泳衣.  小朋友陸續到校, 我們叫他們先去洗手間, 再幫他們換泳衣拖鞋, 用毛巾包身.  

有些小朋友沒帶泳衣, 老師就致電家長詢問小朋友可否玩水, 可以的老師幫忙張羅衣服毛巾; 不能玩的, 就如littleeva仔仔說的, 玩靜態一點的: 拿著盛水水桶用油掃油油.

全都換好泳衣, 小朋友都去副堂, 先分組作泳裝表演, 再做一下體操.  然後就分班分組玩水: 花園有水槍打水戰; 在水盆玩玩水玩具; 油油.  操場就有水中歷險, 一組小朋友在地墊爬過, 另一組小朋友在旁向他們潑水; 在吹氣池中玩水, 備不同大小的水池.  每組在每項約玩5-10分鐘.

玩完就返課室換衫, 男的在望班, 女的在信班; 換好衫就返回課室坐好吃茶點及上課, 當時約下午3:40.

據老師說, 上午的風很大, 很多小朋友玩水時有點冷, 要叫出來幫他們抹身包毛巾休息一下; 下午有陽光, 風不很大, 所以個個小朋友都玩得很開心投入.  只是花園比較多蚊.

GraceMami

littleeva,

不用擔心的, 我囡囡上年去海灘玩沈過水, 嚇得她連行近水邊都不敢.  後來我多與她看泳賽 (上年剛巧是奧運), 又帶她去泳池觀眾席看游水, 早前佛誕假期那天跟她去泳池BB池, 她最初也不敢下水, 要我抱她入池, 又要我一步都跟實, 後來見其他小朋友玩滑梯, 她又學, 玩下玩下, 叫我不要再扶她.  暑假還要報親子泳班.  所以不用太擔心你仔仔玩水的, 如果他見其他小朋友玩得開心, 他也會想去試的, 有空多與他去泳池玩吧.

littleeva

GraceMami

TKS

您們真係好勤力 . 我好慚愧.     :cry:

希望今個星期會熱和好天. 我會帶仔仔去 泳池.

fumiko

Dear Mummies,

Please advise if the school an English one or not?
How would you comments to the school?
Connected to the Primary School?
Connected to the Secondardy School?

I am planning for the K1 registration, need some advise.

penpen

littleeva,
加油呀!! 　你睇番本手冊既每月評估，會發覺不經不覺中囝囝已經不斷咁成長緊架喇~　　

各位靚媽，
昨天派咗關於校慶表演既通告喇~ d時間真係刁鑽!   
不過好彩唔洗自己準備衫，慳番d　＄＄　
係呢?! 你吔搵咗暑期活動俾囝囝囡囡未呀??


朱古力，　
玩水果日唔見妳囝囝既?!  

SMAMA

玩水

朱古力

penpen,

我囝囝有返架，佢話係朗朗媽咪幫佢換衫，我問囝囝玩得開唔開心，佢話好開心，仲話Ｄ小朋友玩水槍射黎射去添，我問囝囝有無份射，佢話自己射唔中喎．

littleeva

PEN PEN

昨晚睇手冊, 老師今次還稱讚仔仔. 我都好開心. 他真的在成長中. 時間過得好快.

我諗玩水果日仔仔眼福不淺啦 .  呵呵呵.

佢話有d 女同學唔著衫, 只著底褲. 我話上身呢 ?  佢話未好似媽咪著果d loh ( bra)

最好笑就係佢話 其實係冇白油. 係我同d同學咋嫁e 諗. d 水係冇色. 我地未話佢係白油. 老師比個掃我地油樓梯loh

至於玩水槍. 佢話自己果支係最勢利.  

GraceMami

fumiko,

>>lease advise if the school an English one or not?
not an English kinder, mainly in Cantonese with regular English lessons & irregular Mandarin lessons

>>How would you comments to the school?
Teachers love children and children enjoy the school life.

>>Connected to the Primary School?
Yes, with private primary school

>>Connected to the Secondardy School
No.  

penpen

朱古力,
係?! 我果日自己可能要顧太多野, 所以見唔到添!!  

littleeva,
見番妳咁講就好喇~ 之前仲話響電話佢話唔開心! 相信佢出年一定會玩得好開心!! :wink:

SMAMA,
係呀! 玩水呀!!      

penpen

bosze,
近排唔見妳既? 妳去咗邊呀??