2005年出世或~宏福幼兒園媽咪~(PART II)歡迎新朋友加入

pcdogxx

各位,
我今朝見鈞渝都冇流過鼻水, 咪帶佢返學囉, 跟住10點幾就收到Miss Wai電話話鈞渝好勁鼻水同埋咳到嘔所以要接返佢返屋企休息..  返到去我奶奶話成日都冇流過鼻水..  唉.. 反正我聽日後日都要去杭州帶唔到去返學, 索性放多兩日啦,  唔係陣間學校咀咒我就屎喇..  唉..  上個月加今個月淨係病假都9日..  蝕死.. :;pppp:

係喎.. 多謝晒你地尋日送咁多禮物俾鈞渝呀..   

626mama,
其實上傳好容易架咋.. 你去youtube 開返個account, 好似上傳相咁架咋..  超易.. 不過video就要等耐少少upload囉..

老師跳果d我影左好多呀, 等我燒落碟俾你吖..  
我都好想睇你影果d video呀..   我下次俾隻手指你, 你抄返個file俾我吖..  

Hongmimi,
吓.. 我5點幾落黎架喎..   換好衫訓覺?   咁瞓到幾點呀?  哈哈..

跳舞果到匡匡唔知佢地做乜可能會覺得有d悶...   不過我真係好鍾意果part, 鈞渝跳得好得意..

天藍,
尋日睇到昊藍手背d粒粒好誇張.. 又會敏感到咁既..   真係要睇專科醫好佢..  睇落去好似爛手咁..  咁佢會唔會痕架?  如果痕就麻煩喇..

我尋日係車都眼瞓到瞓左..  瞓到成個頭中左一下..  即刻望下有冇人睇到.. 勁樣衰..  哈哈..  

尋日我地都攰到屎屎下.. 冇high tea呀..   不過沖完涼又冇咁攰喇喎..  所以之後又落左去冒險樂園玩左一陣, 之後爸爸去飲我地返屋企囉.. 鈞渝好早就瞓左喇.. 不過瞓得唔冧, 成日走出黎搵我, 話俾我聽有曱甴好驚喎..   唔知係咪朝早見到d棉羊, 白兔所以夜晚仲好驚呢..  佢真係好鬼細膽...

whatever,
好高興見到你呀..  你囡囡好靚女呀..  toto又白白淨淨..   你個人好爽朗, 唔知仲以為識左好耐添呀.. 哈哈..

無啦啦做乜話自己老人家呀唔識人情世顧呀?  點睇都唔似大年紀呀話??   你有講錯野咩?  哈哈...  我覺得你好nice就真..  

ElainAiolia,
哈.. 咁好笑..  你都叫肥??  你有冇問佢知唔知肥人係點架..  

你走左無耐我地都上左車喇.. 又係得2個位囉..  跟住我地返到樓下都見到你地入停車場..

pcdogxx

各位,
今日收到救世軍荃灣果間約interview,  我出世就入左申請架喇.. 而家先黎有得in.. 如果收左就好喇.. 呢間出左名好好..  同埋平靚正...  仲要返足全日, 岩晒我"河車"...  

ElainAiolia

Dear all mami,
已sent o左D相比你o地，得閒check o下 。

天藍,
有心la，子聰D咳仲未好，今日重嚴重o左o忝 ，有鼻涕之餘，仲2隻眼又紅又腫 ，今朝無返學，我諗住之後幾日比佢係屋企休息o下 ，好番晒至返學。

係呢，昊藍睇o左醫生未呀？醫生有無話隻手果D粒粒係乜o黎o架，希望佢快D好番，唔使再成日 ‘R’ 隻手la 。

whatever,
睇o黎Amy同Toto尋日玩得好開心o咼 。

ElainAiolia

626mama,
已睇o左email，唔該晒 ！

係呀，個醫生勁多人睇 ，呢排簡直收錢都收到手軟 。

你睇o下軒軒幾咁關心你 ，怕你唔小心跌o左落去，我諗你當時心甜到痺 。

pcdogxx,
鈞渝唔返學係屋企好好休息o下 ，諗起D學費又真係幾肉赤o既 。

子聰果段video我已download o左落o黎，唔使麻煩你，但真係唔該晒你幫我o地影低o左 ，可以比聰爸睇佢個仔幾咁大膽 。

救世軍約o左你幾時IN呀 ？希望如你所願，咁就唔使去咁遠返學la，我都聽人講過呢間救世軍幾好o架 ！

hongmimi,
早知尋日有睡衣Look睇 ，我又借D依走過o黎望o下 ，當一人一次打和la。

係呢匡匡尋晚唔使返婆婆屋企o羊 ，點解會換晒衫瞓覺o既 。

hongmimi

626mama,
軒軒真係細心，叮囑妳小心睇路，俾我自行都好驚行小路，加上抱住小朋友阻擋視線真係幾危險。


唉! 唔知幾時匡匡先識得關心下我呢….

hongmimi

ElainAiolia/pcdogxx,
pcdogxx上左小巴無耐我地都有車，見匡匡好似無乜落過肚，落車我地去左美心食tea，佢食左成碗麵呀! 梗係之前掛住玩，不過佢真係食極都唔長肉。

食完上樓三個輪流沖涼，望下個鐘都5點。我地8點幾先返去婆婆到食晚飯， 諗住訓得幾耐得幾耐，匡爸一訓落床就zzzzz，匡匡典左一陣都zzzzz，我就慘，訓得半粒鐘就要起身，執好d野去婆婆到，攪掂晒先叫佢地起身，好似無訓過咁。  

ElainAiolia,
妳想睇我睡衣look咪夜晚過黎囉!! 隨時恭候!

哈哈! 妳都叫肥? 子聰樣樣都咁醒，而家我終於知道子聰唯一唔醒係咩，就係唔識分肥同瘦。

咁子聰都好好抖下，係囉! 都係小心d好… 近排d流感真係嚇C人。

pcdogxx，
妳地真係好精力呀! 仲去冒險樂園玩!

匡匡無興趣跳舞，太陽又晒住，佢開始紋爭。好在跟住天藍送左張貼紙俾佢玩，掛住玩先無乜野，真係多謝晒天藍。

各位，
順便係度多謝各位果日d禮物，大家真係客氣。

pcdogxx，
話時話鈞渝真係好鍾意跳舞，又跳得咁岩晒節拍，轉完身唔洗望老師都知跟住下個動作，真係叻女。妳成日話佢唔出聲，其實佢應該係觀察型，觀察得好細緻，記性又好先記得晒d舞步嘛~

咁妳錄低晒老師點跳，記著同鈞渝多d練習，第日參加跳舞比賽，哈哈!!

妳出trip，俾鈞渝唔返兩日學都好既，話晒而家流感咁勁，等妳出外都唔洗掛心嘛! 雖然醫生話匡匡都係鼻敏感引致流鼻水同小小咳，但我都好驚d流感，想唔俾匡匡返學住。

嘩! 救世軍家下先contact妳… 耐得黎又幾岩時間喎! 嘻嘻! 既然岩晒妳"河車"，希望妳成功啦~
幾時in呀? 有好消息記住通知我地呀!!

626mama

各位,

大人細路仔，
記得洗多D手呀。

多謝各位禮物，軒軒好鐘意。
不過我拎反沙田，叫佢反沙田才玩同食。
引下佢。

[ 本文章最後由 626mama 於 08-3-11 10:43 編輯 ]

626mama

pcdogxx,

今個月返得9日真係好蝕喎，不過而家學校緊張D又係正常，加上小朋友病，低擴力都會差左，真係唔返好過反。

上傳video好易，一陣食飯時間去試下先。

妳燒落碟俾我，我影果d video都可以燒碟比妳，我叫軒爸燒了夾手冊叫老師比妳丫。不過軒爸辨十事考律好細。我都係，好鍾意跳舞果part。

妳地仲可以去冒險樂園玩,真係好野。

救世軍荃灣果間約interview,好呀，我都鐘意救世軍，荃灣仲特別多人鐘意添喎。
祝成功。

626mama

ElainAiolia

我收到妳的相片，多謝妳咁細心，
另外SEND有軒軒的相給我，多謝晒。

子聰D咳嚴重左，有冇介口呀，介清D，希望怏D好反啦，
而家好多人咳，成日都話好反好怏又咳過‧真係要小心D。
子聰怏D好反，返學同昊藍玩。

ElainAiolia ,hongmimi,

聽到軒軒識得講D咁關心的說話，
聽到真係好開心。

626mama

hongmimi,

其實我好想去食下午茶，不過軒爸不在狀太，
我叫了佢回家，我同軒軒返到婆婆度，
得一個EE係屋企。我週圍找零食食，
我又懶，好想食下麵包 舍甫 的出爐蛋撻，
又唔想行。

匡匡去左美心食食左成碗麵!都好食得喎，
可能星期日夠晒運動，要食返多D野補數‧

咁攪笑，隨時恭候睇妳睡衣look!

係呀，有時鈞渝唔洗睇老師，
自已聽到D音樂，都會自已跳，跳得好可愛。
仲多數都識跳嫁。

hongmimi

各位，
我想問下各位會唔會帶妳地既小朋友打流感針? 定係已經打左?

我之前無同匡匡打到，而家咁恐怖，先諗要唔要打，係咪好遲?

流感針係咪有幾針架? 係咪要打晒2 or 3針先開始有效呢? 我驚趕唔切，無個超級流感咁快~

唔好意思~ 我係烏sir sir媽咪，乜都唔知。

626mama

pcdogxx,

我真係蠢，我開唔到youtube個a/c???
成日係e-mail address度閃閃，
專左三個e-mail address都係閃閃閃，
一陣再試下先。

原文章由 pcdogxx 於 08-3-10 09:28 PM 發表
626mama,
其實上傳好容易架咋.. 你去youtube 開返個account, 好似上傳相咁架咋..  超易.. 不過video就要等耐少少upload囉..

[ 本文章最後由 626mama 於 08-3-11 11:57 編輯 ]

626mama

hongmimi,

我都同妳一樣，見近排咁恐怖先諗住去打流感針，
至於有關資料就一d都唔知。

乜唔係打一支就得架。
我以前打過，好以打一支。
一支就唔知為持幾內咁嫁。

原文章由 hongmimi 於 08-3-11 11:18 AM 發表
各位，
我想問下各位會唔會帶妳地既小朋友打流感針? 定係已經打左?

我之前無同匡匡打到，而家咁恐怖，先諗要唔要打，係咪好遲?

流感針係咪有幾針架? 係咪要打晒2 or 3針先開始有效呢? 我驚趕唔切，無個超級流感咁快~

唔好意 ...

winterlo

各位mama,

幾日無上網. 因為阿女去打針, 有反應呀.

發燒.. 搞到無得訓.. 好慘呢.

係呀, 我去了宏福幼兒園問, 我阿女今年9月先取form報名N1
仲有半年先到. ^^

係呢.. 原來救世軍荃灣係好好架 ?

我想問下大家, 係青衣區, 哪一間幼兒園 Or 幼稚園好呀? 俾d意見呀.

你地會唔會在宏福幼兒園 由N1 直升K1呀?

hongmimi

我friend話d針好強，6歲以下要分開打，唔知係2 or 3針...

原文章由 626mama 於 08-3-11 11:50 發表
hongmimi,

我都同妳一樣，見近排咁恐怖先諗住去打流感針，
至於有關資料就一d都唔知。

乜唔係打一支就得架。
我以前打過，好以打一支。
一支就唔知為持幾內咁嫁。...

天藍

ElainAiolai,

昨天學校都無通告同無特別事項,
昊藍同子聰都同一命運, 今早有
兩聲咳, 到放學Miss Gloria同我
工人講昊藍係學校都有咳, 今日
昊爸放早, 我都叫昊爸帶仔仔去
睇醫生啦! 好慘昨天睇完皮膚科,
今天又睇咳, 兩日內靜係睇醫生
已經用一千蚊有多, 好慘~~
明天我都唔比仔仔返學住, 因仔仔
又咳, 加上以家d流感咁勁, 係屋
企休息下無咁危險。
子聰點解兩隻眼都紅??? 希望子
聰食藥會快d好番, 唔好再病,
睇醫生都睇到窮, 最食咁多藥食
到個人都牛牛豆豆~~
祝大家小朋友早日康復! 身體健康!

Pcdogxx,

昊藍隻手都唔知點到乜? 無端端敏感?
以家仲咳埋, 真係睇醫生睇都我窮。
醫生話仔仔係點到d污漕野起敏感, 但
係乜就唔知, 以家查藥, d紅點變乾
水, 但黑黑地, 好彩唔係係塊面, 如果
唔係我實哭C我。
鈞渝個日旅行跳舞真係好得意。
嘩~~你旅行個日咁好精力, 仲同鈞渝落去
冒險玩真犀利, 我沖完涼都到C下C下,
你真犀利, 我老人家咁拜下風。
昊藍同鈞渝一樣都開始咳, 明天都唔返學
住, 希望佢地都快d好番, 病到好慘~~
聽到你講鈞渝會讀救世軍真有d失落, 做
唔成同學仔添! 但你開心我都會登你開心,
希望你能如願以償, Good Luck!!!

原文章由 pcdogxx 於 08-3-10 21:28 發表
各位,
我今朝見鈞渝都冇流過鼻水, 咪帶佢返學囉, 跟住10點幾就收到Miss Wai電話話鈞渝好勁鼻水同埋咳到嘔所以要接返佢返屋企休息..  返到去我奶奶話成日都冇流過鼻水..  唉.. 反正我聽日後日都要去杭州帶唔到去返學, ...

626mama

原來如始， 唔該晒，又識多樣野。

原文章由 hongmimi 於 08-3-11 02:10 PM 發表
我friend話d針好強，6歲以下要分開打，唔知係2 or 3針...

626mama

winterlo,

妳囡園打針發燒，而家好D未呀，小朋友發燒，真係冇得好訓嫁，妳係全識媽媽定在識媽媽，如果係任識媽媽，妳可以下午小朋友訓，
同佢一齊訓下休息下。家務做得幾多得幾多，
在識媽媽就冇計喇。

妳都好快手，已經去了宏福幼兒園問,咁妳記得9月去取form報名N1喇。係呀，救世軍荃灣都好好，基本上救世軍都唔差。

青衣區哪一間幼兒園/幼稚園好，我都唔識答妳，個個講的好學校都唔同，我當然最喜歡"宏福"啦。

我地這裡唔係個個小朋友打算K1-K3讀反宏福，冇記錯，得我同candyhui打算直升上去，
其它媽媽想緊或已經有打算。

626mama

天藍

妳睇個皮膚醫生睇左幾多錢呀，睇多一次家庭醫生成
千銀，真係好貴呀，不過而家都係快怏睇好佢，
唔好拖喇，放假係屋企休息下。

原來昊藍點係點到d污漕野起敏感,
好話唔好聽，咁都好D，
起碼唔係自已引發出來的敏感。
查左藥D粒粒乾左，應該都好快好了。

祝各位病的小朋友，早日康服。

pcdogxx

做完晒野係酒店無所事事, 上黎留下言先..  

ElainAiolia,
唉.. 呢家d病真係好毒..  今朝睇報紙又有個7歲腦炎腦幹死亡, 我睇到都差d喊..  真係好慘...   個阿媽得佢一粒仔..  7歲先黎咁...

哈哈.. 唔使客氣, 果陣見到子聰要sir落黎, 即刻叫爸爸standby 係度..  佢仲較好晒位, 不過佢就得速度黎, 放到太少又睇唔到子聰個表情..  不過子聰真係好大膽, 我朋友睇到都話.. 嘩... 佢咁細唔驚架??

救世軍約左20號9:30 in, 我要同鈞渝準備下先得..   其實我好想搵到全日學校俾鈞渝讀, 咁佢唔使响奶奶度無所事事又成日食..  同埋救世軍又超值..  相比起 xxx 真係蚊比同牛比..  不過都好難架.. 咁多人報,  真係要特別出眾先得咯..

Hongmimi,
嘩.. 瞓陣又要出去都幾辛苦喎...  希望你快d抽到屋唔好咁辛苦頻頻撲撲啦..  睇見你兩邊走就陰公...

係最衰跳到目無表情者.. 如果有埋表情就perfect 喇.  2日無見鈞渝好掛住佢呀..   而家唯有上youtube 睇佢跳舞止下咳先啦..

原先我都想同佢打流感針, 不過有朋友同我講, 打左都病, 因為而家d病毒變種得太勁, 打左都未必岩, 所以我唔諗住打喇..  如果小朋友未打過, 要打2次, 每次打半支針..  因為未打過第一次打受唔到成支...  我打趣同我朋友講, 淨返果半支咁浪費呀, 打落我度得唔得架?  嘻嘻..

626mama,
唔係返得9日呀, 係有9日無返..  希望佢快d好返啦.. 食咁多藥食到個人都虛晒..  

因為我錄左好多先燒落碟, 如果你唔係好多唔好浪費左隻碟嘛..

如果唔係今次旅行, 我都唔知原來鈞渝識跳咁多舞...  哈哈.. 真係有賺..  好開心..