仁立紀念小學家長區 (2)

csy_ma

農曆新年，很多學習網習都似乎休假了，倒是李賢堯中學的校長挺勤力的，假期照舊開壇分享，以下摘自該校校長的blog（http://it.liymss.edu.hk/bblog/）：

數月前，廖燕珍副校長在老師間「傳遞」了youtube 的一個超連結，這片段的名字是「Did you know?」。今天早上有幾會再細看，特別和大家分享。


「Did you know?」是怎麼的錄像？我在網上找到一些資料，整理後再和同學分享如下：

2006年新學期開始的時，科羅拉多州Arapahoe公立高中，學校科技中心的負責人 Karl Fisch為老師們解說目前教育界的技術發展和趨勢。當時，高中剛獲得一筆基金會的贊助，幫學校更換了兩百多台電腦，於是 Karl 就決定以讓老師瞭解未來趨勢的角度來製作一套投影片，希望他們可以知道將要面對什麼樣挑戰，同時讓高同學面對這樣改變。

Karl從書籍、網路、政府資料中整理出了一些數據，並且用淺顯易懂的比喻加入投影片中。（這些數據來自於「世界是平的」作者、教育界的知名人士、美國前教育部長、美國勞工部、麻省理工學院等等……）影片做好了，在配上音樂之後，他把這個影片取名為「 Did you know ?」。
                              來源：http://hk.knowledge.yahoo.com/question/?qid=7007082105310



同學務必去youtube看看，可以看英文版，或者中文版：
英文版：
http://www.youtube.com/watch?v=fhnWKg9B2-8&NR=1
http://www.youtube.com/watch?v=pMcfrLYDm2U&NR=1

中文版：
http://www.youtube.com/watch?v=xj9Wt9G--JY&feature=related


「Did you know?」 指出，我們必須教導現在的同學，畢業後投入於目前還不存在的工作，使用那些可能或者是根本尚未發明的科技，解決我們從未想像過的問題。


同學，未來的挑戰是何等美妙，只因它尚未開始。來，讓我們於今天便好好預備！


註：
1.   「世界是平的」(The World is Flat)一書是談及全球化對我們帶來的影響，下星期或者不久的將來有機會給你談談。
2.   麻省理工學院(MIT)[http://web.mit.edu/]，一所位於美國麻薩諸塞州的理工大學，世界首屈一指的科技學府。

黃巴士

各位仁紀媽媽,

今日回暖返la!!  有返d春天feel!!! 新春大吉!!!
想問吓 :   
英文STEP功課裡面, 有多篇作文, 你地小朋友識唔識作句呢?? 你地點教同引導佢呢???

黃巴士

csy_ma

喂喂   仁紀網最近好靜，家長都去了哪 ？
周六學校有元宵慶祝活動，不過，除咗一位禮物供應者 外，似乎唔係好見到其他BK啲家長 ．
我阿囡抽到一個公主玩具，好鬼開心，於是即場打電話俾果d禮物既供應者，問佢地點解今次唔黎？都唔能夠即場分享小女孩們收到佢捐出禮物既喜悅．
佢話上次黎咗覺得悶，所以今次缺席 ．說實話，要諗野供三四百不同年齡層既人玩，遊戲都係愈簡單愈好（今年個砌圖就好似複雜咗啲，搞到超晒時）．多黎幾年，難免感覺有d重複．個節目已盡量做到人人有份（如禮物），皆大歡喜，但如屋企有大把玩具，又唔係好鍾意攞多啲唔等駛野返屋企既，就可能玩得冇咁投入，會悶都唔出奇 ．其實，都係d小朋友鍾意遮，家長都係做吓書僮，陪佢地返學校玩吓，有多d歸屬感咁話．

啲遊戲既然用獎品黎製造熱鬧氣氛，咁冇獎攞係唔係冇唔開心？我認為未必．．．今次，個人認為最慘既，係BK另一位禮物供應者既囡囡．佢滿心歡喜咁攞到封有禮物編號既利是，點知份禮似乎就係佢媽咪捐俾學校既書包－－佢屋企都有唔知幾多靚過果個．．．我其實都有啲衝動叫住佢，換過一份小禮物俾佢，不過為公平起見，都冇咁做

所以話物質呢樣野，冇又煩，有太多都一樣咁煩．．．

而有樣野就係要失去就知可貴既，就係健康．近排，據聞小三小六既水痘菌肆虐，搞到某啲班好耐冇得去操場小息．流行性感冒一樣猖狂，我囡周六有少少燒，今日就去到105．醫生話，近排啲感冒分分鐘燒三四日．慘啦 ，聽日佢有鋼琴比賽，佢為此補上咗幾堂，老師啱啱俾個OK佢，點知分分鐘去唔到

csy_ma

黃巴士：

因寒假老公攞咗長假，功課幾乎都係佢跟既，所以唔係好知道阿囡功課既內容，答唔到您．

其實乜係教乜係引導，都好難講得出．好似今次派返黎既寫作工作紙咁，囡囡攞到9字頭，俾老師讚，但我真係冇乜開心既感覺 －－鬼咩，除咗一段係佢響學校自己做外，其餘既都係我好似做佢手下咁，提咗幾個option，等佢揀邊個鍾意既，就寫低單字教佢．老師既評分，間接不過話佢家長既小二程度作文ok，絕對唔值得恭喜 ．

究竟點先可以令到佢自己識得作文，我認為都係要迂迴啲，由閱讀入手－－不過我囡做功課超低速，而家仲好有逃避既傾向，都唔知點收科

kswiss：

您猜得果然不錯，寒假同熟九型人格既朋友聊過，佢話我個囡唔似係8號，因為8號會好早熟，且真係幾服從家長既期望（我地有位共同既大人朋友，原來鋼琴練到八級，但後來從唔見佢提起，因為佢其實一d都唔鍾意彈琴，不過係家人要求，就學，學到八級，交咗差，就唔再彈，亦少提起）．我囡絕唔似咁既style ．睇睇吓，佢有可能同您同一型號 ，希望佢有您一半咁醒

黃巴士

原文章由 csy_ma 於 08-2-24 23:58 發表
喂喂   仁紀網最近好靜，家長都去了哪 ？
周六學校有元宵慶祝活動，不過，除咗一位禮物供應者 外，似乎唔係好見到其他BK啲家長 ．
我阿囡抽到一個公主玩具，好鬼開心，於是即場打電話俾果d禮物既 ...

csy-ma,

我同囝囝都有去慶祝會, 不過4:00就走左. 見你好忙, 所有費時打擾你!!
囝囝過年時都發高燒, 燒左都有4-5日, 起初真係以為支探熱針壞, 燒到104.9, 嚇死我, 3日來都維持102度, 燒吓又停吓, 依家d病菌真係好惡!!!

講開默書, 聽日中文要背默, 詞語都好深!!
英文-囝囝都係麻麻地熟咋!!!

星期六睇左囝囝班門口貼出黎嘅作文, 唔知點解, 有少少覺得好似多左d加工成份, 可能真係太有文有路啦!!!

黃巴士

cookie

黃巴士,
乜中默係背默咩,我囡囡無講過喎, 如果係就死羅,因為囡囡完全無溫過同背過.......
唉,講開我個囡,都唔知係好定唔好,好既係我唔洗煩,唔好既係都唔知第時上小三點教.
佢成日中默呀,英默測驗呀,都唔會溫書,話得啦得啦.....
搞到我都費時迫佢,但我會同佢講明係佢唔洗我同佢溫,到時唔好話我唔理佢唔幫佢,佢就話係喇係喇.....
又講番個個作文工作紙,囡囡夠膽死作超人打怪物,我同佢講話唔係0甘好, 佢就死都話老師話唔洗跟哂,可以作架.......我都無哂佢乎

黃巴士

原文章由 cookie 於 08-2-25 16:18 發表
黃巴士,
乜中默係背默咩,我囡囡無講過喎, 如果係就死羅,因為囡囡完全無溫過同背過.......
唉,講開我個囡,都唔知係好定唔好,好既係我唔洗煩,唔好既係都唔知第時上小三點教.
佢成日中默呀,英默測驗呀,都唔會溫書,話得 ...

cookie,

囝囝班係背默p.19上市場- 蔡婆婆..... 同詞(3)呀!!
不過, 我發覺好多時, 叫佢地背, 小朋友都好快背到, 要默出黎就要佢地溫耐d, 早d溫.

黃巴士

黃巴士

原文章由 黃巴士 於 08-2-25 16:24 發表


cookie,

囝囝班係背默p.19上市場- 蔡婆婆..... 同詞(3)呀!!
不過, 我發覺好多時, 叫佢地背, 小朋友都好快背到, 要默出黎就要佢地溫耐d, 早d溫.

黃巴士 ...

我英文唔係咁好, 想請教吓  :

They are old and hard-working.

有邊個字唔arm呀???

黃巴士

csy_ma

原文章由 kswiss 於 08-2-25 11:46 發表
csy_ma,

講開性格,我覺得你女女同我女女一樣都係9號女,你睇下似唔似....

kswiss：

原來余國健講座既講義upload咗響學校"最新消息"果度，有空可以重溫返（http://www.ylm.edu.hk/pdf123.pdf）．

乜您個囡會做功課坐響度好耐，但都係遊緊魂既人咩？睇佢唔係好似？？不過，我老公都似乎係9號，佢做野就比我專心好多，亦有效率過我，所以都話唔埋．

我囡絕對唔怕衝突，佢可以覺得數講得太易，轉過頭又反悔飛擒大咬，且由細個開始就意見多多，又幾易有情緒，應唔會係9號．
因為佢有個似乎係3號仔既同學，佢細過阿囡，又真係幾早熟，講野又真係幾叻，響咁既對比下，阿囡睇黎幾幼稚，所以又唔係3號．
至於不專心，難自律等7號仔既缺點，都唔知係唔係小朋友既特點（我係4號，一樣都係咁），所以而家都未係好分辨到．佢咁大個，我剩係響佢發燒都晨咁早起身要求返跳舞課時睇到佢既持久力（所以佢目前既志願係做舞蹈老師），呢個亦唔知係唔係因為跳舞成日有機會表演有關，其型號真係有待觀察．．．

csy_ma

原文章由 黃巴士 於 08-2-25 15:44 發表
星期六睇左囝囝班門口貼出黎嘅作文, 唔知點解, 有少少覺得好似多左d加工成份, 可能真係太有文有路啦!!!

黃巴士：

乜原來班房門口有野睇？走咗寶添

係呀，近來d病菌幾惡，阿囡今日至返學，都仲有少少唔舒服．

係勒，請問知唔知通常miss咗默書幾時會補默返？我警隔得太耐阿囡會失憶

因為星期六阿囡遲咗黎，結果仲係認唔到邊個係您添

仲有兩個星期左右，就放復活節假，之後又考試勒，寒假我地花咗大部分時間準備校外既舞蹈演出，連指定既溫習都要趕頭趕命，希望下個長假會集中d...

有冇人知今日放學時分，響校門口發生咩事？

黃巴士

原文章由 csy_ma 於 08-2-27 18:14 發表


黃巴士：

乜原來班房門口有野睇？走咗寶添

係呀，近來d病菌幾惡，阿囡今日至返學，都仲有少少唔舒服．

係勒，請問知唔知通常miss咗默書幾時會補默返？我警隔得太耐阿囡會失憶

因為星期六阿囡遲咗黎，結果仲係 ...

囝囝可能年假玩到"DIN"灑, 今次默書好低分呀!!!

黃巴士

黃巴士

好靜呀!!!! 係米大家溫緊書呢????

囝囝今日要做閱讀手記-爸爸走丟了.
************************
佢話只係響上堂睇過吓, 未完全睇灑, 只係知道大概故事講麥, 要做功課時, 惟有上WEB搵資料, 但係只係見到封面同簡介咋!!!

視藝要交剪紙- 囝囝剪來剪去, 剪到通地紙屑都唔知佢剪麥?? 激死!!  

黃巴士

黃巴士

講開尋日閱讀手記本"爸爸走丟了", 單睇故事大綱都好吸引.
搵爸爸嘅過程中, 用小朋友角度同心情去帶出爸爸響囝囝心目中的特徵, 最巧妙係囝囝好有信心一定可以搵返爸爸.

我問囝囝你鍾意本書麥?? 佢話覺得好感人!!!

如果有機會, 真係要借本書返黎睇吓!!!!!

黃巴士

黃巴士

COOKIE, CSY-MA, KWISS, SANDY......

最近係流感高峄期, 您地小朋友會唔會打流感針呀???
小朋友打左流感針有麥反應???
可唔可以俾D意見呀???

黃巴士

rainrain556

hello:我囝囝每年都會打流感針，打完都沒有什麼反應但只係感冒發燒時間會快D好反，同少D發病但今年想佢自己身體去識應所以冇打，攪到好早就發病重要病足個幾星期，有幾日燒到成40c 不過而家打既針都預防唔到今次病毒，所以都係比佢足夠休息，飲多D湯水打好個底均衡飲食咁樣預防啦

rainrain556

請二年級媽媽幫忙囝囝唔見左張英默紙，可否幫忙打出黎呀? 唔該!!

黃巴士

原文章由 rainrain556 於 08-3-6 15:03 發表
hello:我囝囝每年都會打流感針，打完都沒有什麼反應但只係感冒發燒時間會快D好反，同少D發病但今年想佢自己身體去識應所以冇打，攪到好早就發病重要病足個幾星期，有幾日燒到成40c 不過而家打既針都預防唔到今次病毒， ...

Rainrain,

加強身體抵抗力真係好重要!!!!

最近D天氣, 一時DRY, 一時濕, 大人都好易病, 唔好話細路.

囝囝身體對病菌嘅反應一向都較大, 好多時都會高燒到40度去剎菌.   以前兒科DR 講話唔洗驚, 但係當咁高燒, 都唔好話唔驚!!! 加上今日又有單唔好嘅新聞.  所以人多嘅地方, 真係少去為妙!!!

黃巴士

黃巴士

原文章由 rainrain556 於 08-3-6 17:07 發表
請二年級媽媽幫忙囝囝唔見左張英默紙，可否幫忙打出黎呀? 唔該!!

1. Alan is honest.
    He plays ball games with his sister every Sunday.
2. Linda is hard-working.
    She makes models with her friend every Monday.
3. The children are free every Tuesday.
4. Tina is polite.
    She dances with here brother every Wednesday.
5. Simon is tidy.
    He sings songs with his classmate every Thursday.
6. May is helpful.
    She reads storybooks with her cousiin every Friday.
7. Joe is funny,
    He draws pictures with his brother every Saturday.

黃巴士