一呂現家長 / potential 家長會

alicetong

各位姊妹我地駛唔駛開始諗定常識時事題呀？..
1.台灣政局混亂,阿〝篇〞(唔識打)下台,施明德倒〝篇〞...
2.澳洲鱷魚先生比魔鬼魚刺死...
3.昂坪360正式開始運作..

Homama2004

早晨各位!  

Alice,    咁就一起update啦! 學期開始時想起上次考試收到朋友的時事資料,十分有用,所以現在記得的話又看到些適合的資料便不斷update...

8"蜂蜜"含"禁用抗生素"
"日本"天皇次子文仁親王秋筱宮妃紀子六日剖腹產下一名男嬰
"奧地利"的女童被禁錮十年案的主角納塔查•坎普什星期三首次接受傳媒訪問
"東涌醫生"診所藥物含"火酒"

各位記得些甚麼可以不斷補充呀! 多謝!!
我會用個word file存起所有.考試前再電郵給各位

candytl

1.台灣政局混亂,阿〝篇〞(唔識打)下台,施明德倒〝篇〞...
2.澳洲鱷魚先生比魔鬼魚刺死...
3.昂坪360正式開始運作..
4."蜂蜜"含"禁用抗生素"
5. "日本"天皇次子文仁親王秋筱宮妃紀子六日剖腹產下一名  男嬰
6. "奧地利"的女童被禁錮十年案的主角納塔查•坎普什星期三首次接受傳媒訪問
7. "東涌醫生"診所藥物含"火酒"
8. . 泰國軍事政變, 他信下台.
9. 鱷魚貝貝移居濕地公園.
10. 有天文學家投提議剔除冥正星自太陽系以外.

alicetong

1.台灣政局混亂,高喊總統陳水扁下台,倒扁總指揮為施明德,
   倒扁及挻扁群眾互相叫罵...
2.澳洲鱷魚先生比魔鬼魚刺死...
3.昂坪360正式開始運作..
4."蜂蜜"含"禁用抗生素"
5. "日本"天皇次子文仁親王秋筱宮妃紀子六日剖腹產下一名 男嬰
6. "奧地利"的女童被禁錮十年案的主角納塔查•坎普什星期三首次接受傳媒訪問
7. "東涌醫生"診所藥物含"火酒"
8. . 泰國軍事政變, 他信下台.
9. 鱷魚貝貝移居濕地公園.
10. 有天文學家投提議剔除冥正星自太陽系以外.
11.日本首相小泉純一郎即將離任,繼任人安倍晉三52歲
      (成為自二戰以來最年輕的日本首相)

Homama2004

你哋好快手喎! 不如只打加上的部份,咁讓我這個老人家容易看那些是新的...

昨晚我在家姐房同佢傾學校嘢,妹妹在佢房練小提琴,突然聽到和平日的大有不同,好似武俠小說話齋像打通了任督二脈咁,立刻以9秒9跳過佢房讚佢.   
佢終於"tar"著放膽揉弦了(揉弦即是按弦時震下震下啲手指),老師已叫佢試好耐,佢性格係要一定要做到完美才做的.
聽落隻歌仔完全有"feel",咁10月考5級時如保持水準應該都會合格,好開心呀! 我但求佢合格,咁不用又要再考過...
我老公就話妹妹係咁,朗誦/考琴試次次都係臨場時才會有表現,但平日就皇帝不急...

alicetong

HOMAMA,
好呀？咁要勞煩妳將資料加完備d..因為我先前無搵日期同較詳細內容...

講開皇帝不急呢個問題...,尋晚好疲倦同老公講叫佢睇仔功課,我同妹妹訓先...誰知？夜d問佢有無做英文每日一篇..兩仔爺都忘掉了.....我老公仲開住電腦研究左第二樣野....真比佢地氣死....睇少一眼？(佢地又話我緊張分數云云...)又要檢討仔仔自己功課點解完全唔緊...我做慣佢私人秘書...唉！要放手時候了.....

candytl

Homama,

離10月仲有一個月, 鼓勵妹妹加加油, 實過關啫.

我前晚收到Tom Lee比賽通知書, 日期係10月1號, 估唔到我女排咁早,而琴老師上星期五開刀生bb, 之前同我女先執過一堂, 老師7/10先放完產假, 我宜加都唔知點算好. 既然參加咗, 我梗係想阿女入到決賽啦, 但宜加去邊揾老師呢? 頭痛.

"佢終於"tar"著放膽揉弦了(揉弦即是按弦時震下震下啲手指)>>>>>我女未學到揉弦, 佢有時係綱上睇到人哋揉弦, 貪玩自已也揉埋一份, 我聽落就好似人哋打"冷震"咁, 好難聽

candytl

alice,

皇帝不急,要放手時候了 >>>>>我有少少提議, 你嘗試逐啲啲放手, 可以先由功課開始. 試吓唔check功课一星期, 睇情況係點, 如果你唔放心, 又可以趁阿仔睡時先check, 不過有錯都由佢, 等老師改. 咁做只係令自已心中有數. 一星期后將所有的功課同仔仔一齊檢討一次, 錯啲乜, 點解錯, 漏啲乜, 點解漏, 要仔仔逐樣講一次俾你聽, 佢講多幾次, 印象自然會深刻. 可能下次又會錯少啲.  

Homama2004

Candy
我聽落就好似人哋打"冷震"咁, 好難聽
>> 妹妹都摸索了很久很久才敢做.聽啲人講係要突然"tar"著先會做到.你囡囡敢嘗試已很叻女   
小提琴不同琴,真家人是要"捱"很久才聽到啲比較似歌的歌...   

Alice
係時候放手...Candy的提議好好...我補充你可以同佢話媽咪信任你大個仔可以自己handle,等佢有啲滿足感

claudiaho

常識题Addition
12.        政府提議而由唐英年硬銷

alicetong

Candy,Homama,
多謝妳0既提議....
4年級明顯覺得佢又另一個階段..大個左,真係要比多d正面
0既鼓勵佢,就好似學游水,教練話2堂會學識蛙式..佢真係做得到就成為推動力,好開心....

candy妳講得0岩..可能自己一直都做緊佢私人秘書角色,加埋男仔又比較大頭蝦..所以到依家4年級改善都不大？我諗我一定會半夜check佢0個隻...但係要做到check到漏由佢唔出聲真不易..哈哈！不過真係要硬起心腸先得...要佢付返自己應有0既責任..媽媽亦唔可以跟佢一世？一於由今日開始...過一段時間再話妳地知...
(唔駛講一定火都0黎埋.. 哈哈哈！     

candytl

claudiaho,homama,

多謝你哋關心.
我潯晚打俾我女琴老師, 佢好好人, 主動提出話幫我女係比賽前上多一堂. 搞到我唔到意思, 佢開刀出院幾日咋.  

我女上星期五唔知係咪係學校食咗盒唔干淨的白汁栗來飯, 返到黎肚痛咗兩日. 今早先好翻啲.

Homama2004

Candy
你琴老師真係唔話得! 記得叫囡囡畫張咭/畫送比佢,我想佢會好開心的.

聽家姐講某天隔離班吃草菇xx飯,都有幾個同學嘔.各位小心呀! 吩咐佢哋吃飯盒時一發現不妥便要話比老師聽.寧願餓一陣.

因學校寫錯某本補充名字(寫了BCA應是TSA)令我買錯了,上星期某天午飯時間便要撲出去大眾買,後來家姐放學話學校可以幫我哋換喎!(<-今年自己買書真是多災多難   ,咁多年都未試過).星期六又出去了補錢換了本英文版Harry Potter,我老公話見佢哋咁鍾意看中文版,便試下買本英文比佢哋,睇下佢哋識唔識睇.

昨天坐火車時妹妹在看起初兩頁都會問我哋某些字的解釋,後來便沒有."煲"得津津有味,已煲了半本,話有些情節中文書是沒有的. 想不到佢會識睇…都幾開心    因我自己都覺得幾深的.

candytl

Homama,

你琴老師真係唔話得! 記得叫囡囡畫張咭/畫送比佢,我想佢會好開心的.">>>>好提議. 人情上我應該都要有小小表示.

"昨天坐火車時妹妹在看起初兩頁都會問我哋某些字的解釋,後來便沒有."煲"得津津有味,已煲了半本,話有些情節中文書是沒有的. 想不到佢會識睇…都幾開心    因我自己都覺得幾深的. >>>>>你囡囡好叻呀! 聽聞哈里英文版好多中學生都睇唔明, 因為都幾深. 我女睇英文書冇乜進展, 依然係一入到圖書館就扑去揾中文書.

claudiaho

各位早
天氣轉涼了, 大家要小心保重身體, 上星期我有D感冒, 即刻唔敢怠慢, 立刻去睇醫生, 免得惹到成家都唔舒服 (但已經為時太晚, 他們已有小小咳嗽 ……..)

Candy
囡囡唔舒服就要好好休息, 好番至返學呀!

你囡囡好叻呀!  聽聞哈里英文版好多中學生都睇唔明, 因為都幾深. 我女睇英文書冇乜進展, 依然係一入到圖書館就扑去

alicetong

Candy,
妳女女無咩事呀麻..其實近期報紙都經常有學校飯盒有問題報導...講真佢地咁細個未必識分架?..

claudiaho,
有時間真係親子共讀就最有益....親低年級襯功課不太緊更加要善用時間呀？

Homama,
妳女女識睇英文版老鼠記者更好啦....真係唔容易架？
另外想問妳女女5/6年級功課忙嗎....???仔仔升左4年級功課明顯多好多,星期五共11樣功課,未加美勞同作道歉信(最少200字)救命呀？還有中、英文默書.....???


  

Homama2004

claudia,
保重身體

Alice & Candy, 因還在等一位漏氣朋友,所以還未訂書.等埋明天我唔等佢...我老公笑說話一有這位朋友份的事情,如飯約等等...各人就要習慣等呀等呀....唔好意思!!   

Alice
英文版老鼠記者更好啦
>佢哋有兩本,朋友送的.但佢哋話中文版傳神啲喎!可能原著都不是英文版,英文版都係翻釋過來的

妹妹就好多功課,多小測/默成語/備課,但佢又好似應付到,2小時內可以完成.還得閒到成日煲書,上星期圖書館+廣泛閱讀借回來的4本書已經睇晒.還成日話學校圖書館應日日可以借書.我現在最擔心係佢考5級小提琴,希望佢合格啦!!

家姐就數學功課多,日日3樣(BCA+作業+數學簿),星期六碰見另一位家長(佢囡囡同家姐同班)才話佢囡囡日日做數做到    教數那位係Alice仔仔去年的班主任(唔好提名),Alice,你應很明白如果做漏小小會有甚麼後果.其他功課就不多.今年56年級中文作業的問題就幾考人,再不是以前直接找到答案,要思考要創作.好係多點壞的,但就要用多好多時間.妹妹多留待我回家才一起討論

candytl

claudia,

你冇事丫嘛, take care.

alice,

我也覺升上P3后周末功課多咗, P2時多數4-5樣, 但今個周末有7樣+中文周記+英文周記, 對於一些動作慢的小朋友都幾多嘢做架.
我諗呂小都咁, 其他津小的功課都唔會少得去邊. 間間都有壓力呀!

homama,

訂書唔急, 慢慢来, 等埋你朋友.

alicetong

Homama,
訂書我都一樣...唔急架,要勞煩妳就真....
妳講得好0岩如果係佢呀(仔以前班主任？)做唔晒d功課....就弊傢伙囉.....

老實0拿...如果稍為分心或者學習能力低d0既同學點算呀？..比駛佢食都要吸收先得.......

claudia,
妳都要takecare呀..有無諗過打感冒針呢？前年我有打效果真係好好,舊年想打都無疫苗(被人搶晒..)今年又係時候打架0拿...

Homama,Candy,
仔仔肯做0既話好快...但係有時就不太願意..討價還價,老實講功課又確實唔少,4年級數學都有BCA,全方位,作業...經常做2/3本...我已經比左我先生搞0拿？中文造句,作文比較花時間又唔可以提水....現在中文書每課課文後都有寫作部份,第一課要改寫自己作一篇寓言故事,第二課作不能少於200字道歉信...除了平常作文外加的,對小朋友當然好啦！家長要花多D時間囉,睇返中文工作紙...閱讀理解方面都比較要思考才能做到,無咁平鋪直序0拿...大家要繼續努力呀？

默書方面雖然佢係操心大意..但勝在好記性,不用花太多時間溫習,男仔頭就是這樣...一定無女孩子咁專注同定性架？

alicetong

星期天收信得知上次去上環考音統器樂班聽音試PASS左,但中左第2選擇,中樂〝笙〞,約當日面試(因為好耐無收信,好在靈機一觸咋..?哈哈),於是老公4點半同佢去..就在宜家傢私後面...問佢6條問題,睇手指,嘴形,問佢幾年級,平時有學咩樂器等等..還有最搞笑一條問佢覺得〝笙〞呢件樂器似乜野...???佢話『手搶』,D老師都笑騎騎.....10月尾要等消息先知得唔得？原本想考敲擊樂唔得..但中了SECOND CHOICE！
老公同我講話係途中教佢面試有咩要注意？...話試下扮面試..入到去應該講咩先？仔就話hello,你好...daddy話應該叫老師午安！好d..如果老師問點解揀〝笙〞呢樣樂器呢..仔就話  〝因為爸爸要我學〞...??daddy話如果咁答老師就叫你爸爸0黎學？你唔駛0黎學架0拿？  哈哈！真係比佢激死...真係連唔講個句都講埋呀？...為人父母,望子成龍心態真係好搞笑...