九月入讀蘇淅幼稚園

SIUBO117

wongnysw,
好似有呀!,蘇浙的學校類別係"非牟利" ,你地入去睇下:
http://embhsc2.hkedcity.net/kindergarten/0008.htm

十月媽咪

如果係真既, 咁就真係好喇! 但其實所謂書券, 究竟係乜東東唻架?

wongnysw

如果蘇浙合資格, 咁就好喇. 一個小朋友一年慳13000, 可以用在其他方面, eg課外活動.
至於個形式, 我都唔係好明, 不過下個學年(07年9月)先開始, 差不多有一年時間去籌備、了解.
其實養一個小朋友真係好"甘", 如果小朋友健健康康, 咁d錢都係用在食物、衣服、學費、課外活動....平有平用, 貴有貴用, 但大吉利是有病唔舒服, 睇醫生一千幾百, 呢條數就無得慳l.

十月媽咪

你呢個POINT就真係真呀, 佢地唔舒服果陣, 好彩既就只係睇你一千幾百, 唔好彩既...真係睇你過千以上架, 呢D錢, 點慳呀? 簡直就係無得慳呀! 陰功!    

SY810

All,

請問有無人可告知, 因下星期日要面試

我已報了07年K1, 請問interview 會考什麼, 可否告知  

十月媽咪

SY810,
放鬆D啦, 蘇浙唔係咁難考架咋! 我好記得, 果陣IN蘇浙, 真係快過閃電, 身水身汗行到上去, 唔駛五分鐘就IN完出番唻, 嘩, 快夾妥!

至於面試內容, 我印象中, 好似係放左幾樣水果 (香蕉, 萍果, 橙)響枱面, 問阿女係咩唻, 之後老師又拎住個萍果, 用普通話讀一次, 我諗因為阿女肯跟佢讀, 所以當時面試個老師都好滿意, 唔知係咪因為咁, 就收左喇! 另外好似有問過佢叫咩名的, 不過唔係記得喇, 我淨係最記得問生果咋! 總之係好簡單的, 平常心去面試吧!

預祝你地成功啊!  

wongnysw

兩年前亞女面試, 老師指書上面圖案, 問邊個大d, 邊個細d, 問顏色等等. 再問下家長屋企野. eg邊個照顧, 有無兄弟姐妹. 都係大路野.
最後個老師比粒糖女女, 女女先問一問我可唔可以, 我話可以, 女女向老師講多謝加個微笑. 老師就滿意點頭.
環境方面, 當時係一個課室分開四、五組面試, 唔會好似外面名校咁閂埋門一個小朋友對幾個大人, 所以小朋友應該唔會覺得驚.

wongnysw

過兩日(22號)細仔會面試, 亞女比亞仔醒目, 希望亞仔會OK啦.

JC

wongnysw,
面試點呀，呀仔表現好唔好姐，不過家姐讀緊，應該都會收既，如果收左呀仔，如你唔嫌舊，我可以全套校服送比你，我個仔今年都k3了。

bbdou

蘇浙係私立 "非牟利"幼稚園（香港所有幼稚園都係私立，冇官校架），所以我地都受惠的。

學券制（節錄自施政報告）

以「學券」形式為三至六歲兒童的家長提供學費資助，由下學年（即二零零七�零八年）起，以提供「學券」予家長為資助方式，每名學生全年的資助額最高為一萬三千元，其中不少於一萬元必須用作減低學費，其餘三千元用以資助教師進修。到二零一一�一二學年，每個學生每年的資助額將會增加至一萬六千元，全數用作減輕學費負擔。所有本地的非牟利幼稚園只要收費不超過兩萬四千元，都可以按收生人數兌現「學券」。

beryl88318 寫道:
[quote]
wongnysw 寫道:
各位有無留意曾特首的"學券制"內容? 我上蘇浙網頁睇過, 蘇浙係私立幼稚園, 咁我地o既小朋友係咪得唔到優惠呢?

學券制      咩來, 請問可以在哪网叶查看.[/quote]

wongnysw

JC,
麻煩你留番d校服比我呀, 多謝先. 等明年你仔仔完成k3後, 放暑假期間約出來攞, 好嗎? 家有兩個小朋友, 慳得就慳嘛, 係咪?
我仔仔面試應該無問題, 其實佢都無姐姐兩年前咁醒, 不過依然有回應老師.
個老師好好笑, 一見我個仔就猛讚佢靚仔, 我個仔好鐘意人地讚佢靚仔, 於是成個面試亞仔都笑笑口. 臨走時老師比兩小盒提子乾亞仔, 叫亞仔帶番屋企比埋姐姐, 亞仔望o下我老公, 老公話"可以, 多謝老師la", 亞仔就講多謝.
我見當日都好多人面試, 不過蘇浙應該收好多學生, 開學時見佢都好full o下.

chanbebe

10月22日interview完同老師傾計,她說蘇浙其實不是非牟利,但我見兩本天書都話是” 非牟利”,吾知點解?

bbdou

咁奇怪，我見佢個網站都寫住話係 "非牟利" 架，等我聽日問吓校務處先。

chanbebe 寫道:
10月22日interview完同老師傾計,她說蘇浙其實不是非牟利,但我見兩本天書都話是” 非牟利”,吾知點解?

十月媽咪

連政府網頁都係寫住"非牟利"架喎!