有關和小兒在學習和打機及電子媒體使用上的時間爭議

dativebond

同埋，唔好再諗邊個啱邊個錯，一點也不重要。對待仔女，唔好用減分，應該用加分。佢勤力時要加分、要欣賞要讚。佢hea時只係正常狀態，不需減分，唔好話佢亦唔好黑面。同佢傾計，唔好用負面形容詞形容佢，例如「沒自律」「沒上進心」，佢會諗既然我都被標籤左係咁既人，我就繼續做呢類人啦，心理學叫「標籤效應」。不過，你對待孩子和說話方式我諗都持續一段長時間，我相信佢未必信任你。會唔會媽媽和他關係好點？由媽媽講，你嘗試改變看待兒子的方式（加分制非減分制）和跟兒子說話的方式（不要用負面詞形容佢，而且不要說教，重點係「信任」「期望」）啦。無人會被人鬧醒架，人既觀念好難改變，而且越鬧越唔變。

dativebond

同埋，平時在家，你和太太會做乜？玩手機？打機？睇電視？hea？睇雜誌？傾電話？如果你想個仔覺得公平，你地應當在家都要做D有建設性既野，例如做家務、和家人談天說地、閱讀。。。等等

dativebond

不過，撫心自問，孩子一出世個個都係白紙，佢無可能天生係「唔上進」「無競爭力」「鍾意打機睇電視hea」「宅男」「無自律」。
如果係你認為佢係天生係咁，我無說話好講；唔係天生，即係後天，教育小朋友責任最重係邊個？我都費時講，免得你認為我落井下石。
我本意唔係想抨擊你，因為拖到中四都仲係咁其實太遲。可能你已經放棄了孩子的學業，一心想叫佢出黎做野。但無論佢未來係繼續升學或工作，你都諗唔通問題係邊，同埋點解決，孩子的問題不會因他去工作而消失。
你明就明，唔明就算。

dativebond

如果你想有改變，要對自己誠實，正視問題既核心（親子關係、孩子對你不信任不服氣、欠生活動機（唔止學習和工作、係連基本生活都成問題）），唔係表癥（打機打機打機，你過去兩年只係識規管佢打機時間就叫盡左老豆責任？個方法用咁多年都無效，你仲可以妄想有一日個仔無端端改變？）。不過，我都覺得改變你諗法好難，因為從你過去兩年既post我完全見唔到你有自省。你自己數番，你10個post有9個post係用黎負面標籤你自己個仔、評論佢既不足。如果你係想係呢度尋求別人安慰，話你知你啱晒，你個仔錯晒，你會舒服點。你呢兩年是成功的。但我都忍唔住講一句，你作為一個父親，好失敗，失敗在無反省。講完。

dativebond

不過如果你而家真係誠心反省，改變方法，致力修補良好的親子關係和學習動機，比佢留一年班，其實都仲有得救。
不過我估你未必會反省，從你過去回覆的習慣來看，最有可能無視我的建議。

stanleypyk

21号派了補考結果，平均分終於有50.5分可升中五，還得了學業進步獎，現正在新加坡旅行中，希望來年能在學業和娛樂的時間安排中找到平衡！

hohoho~

佢鍾意做既同佢一齊做
佢唔鍾意做既都同佢一齊做

試過佢條路, 就知行邊步

小苦巴

stanleypyk 發表於 16-7-24 21:47
21号派了補考結果，平均分終於有50.5分可升中五，還得了學業進步獎，現正在新加坡旅行中，希望來年能在學業 ...

升中五就要注意下，因為都要公開試，你可以買練習比仔仔做，做完一份比你改，以練習的成績換一次性娛樂時間，咁可以比動力佢去做練習，提升成績。

samsam123321

小苦巴 發表於 16-8-12 13:03
升中五就要注意下，因為都要公開試，你可以買練習比仔仔做，做完一份比你改，以練習的成績換一次性娛樂時間 ...

以為是小五tim

stanleypyk

原帖由 小苦巴 於 16-08-12 發表
升中五就要注意下，因為都要公開試，你可以買練習比仔仔做，做完一份比你改，以練習的成績換一次性娛樂時間 ...

其實升到中五的原因是我給他預告，一是留班没有電腦或手機遊戲再玩，一是升班繼續有限度打機，最後他升班可能是後者原因。本來暑假安排他讀暑假班，但最後報了也不肯去，迫他去也没用，所以我要求他如中五第一次初考不合格，要他從利是錢中扣除補習費給我，日後補習有需要才通知我安排，我不會再主動安排，不自願的情况下，為他好也沒用！

小苦巴

stanleypyk 發表於 16-8-14 16:07
其實升到中五的原因是我給他預告，一是留班没有電腦或手機遊戲再玩，一是升班繼續有限度打機，最後他升班可 ...

我無睇你四十幾頁的內容，所以可能你講過相同野，但我睇唔到，所以想問多你一次。

我見到你可以控制到佢打唔打機，其實都係好事。我仔仔都曾經試過沈迷打機，我上面提的方法，係我當時處理件事的方法，你可以一試，特別係公開試重操練，操練習對成績提升成效大。其次，你小朋友有冇打波之類的運動，或其他有益的興趣？你鼓勵佢玩多D個類，減少無益的打機，起馬打波都令佢健康。

stanleypyk

原帖由 小苦巴 於 16-08-14 發表
我無睇你四十幾頁的內容，所以可能你講過相同野，但我睇唔到，所以想問多你一次。

我見到你可以控制到佢打 ...

你那種方法在小學時還可以，一來程序度沒那麼深，年紀小的時候尚算聽教。但到中五程度深了許多，數學科還可以應付，但中、英文科就不是對答案這麽簡單，還有文法、句子結構要講解，犬其是文言文更難，所以没法不補習。至於踢波方面可以將打机的注意力分散，但不多，因為可陪他踢波的同學不多，學校又不注重足球，加上近月暑假天氣不稳定，所以大多在家中踢来踢去，有時碰到傢俱很煩擾的！

小苦巴

stanleypyk 發表於 16-8-15 08:26
你那種方法在小學時還可以，一來程序度沒那麼深，年紀小的時候尚算聽教。但到中五程度深了許多，數學科還可 ...

如果你囝囝係讀文憑試，主科係難升級，所以只要主科合格，不如諗下主力補選修科，可以容易比囝囝見到成效

stanleypyk

請問如果16歲囝囝在假期日子都只願留在家中打机、看电视，hea，父母每次叫他外出活動都不願去，如果你們會陪他留在家，還是留他一個人在家呢？

TwinWong

stanleypyk 發表於 16-9-15 08:20
請問如果16歲囝囝在假期日子都只願留在家中打机、看电视，hea，父母每次叫他外出活動都不願去，如果你們會 ...

我係陪囡向屋企, 佢睇電子書, 我做我嘅野

palmchristy

看來你兒子朋友不多, 也沒有參與什麼團體, 沒有什麼地方令他有歸屬感, 以致他沒有外出活動的動機.

如果你的重點是想孩子不要留在家無所事事, 會否鼓勵他參與一些團體, 例如制服團隊, 區內的足球隊, 教會團契等呢?  

另外, 就算不把焦點放在學業上, 會否鼓勵他報一些課程, 學些有興趣的東西?  例如不同的語言, 急救, 煮野食等等呢? 工聯會或港大校外進修應該有不少選擇的, 學到野又可交朋友.  另外青年人應會到運動有興趣. 除了足球, 會否鼓勵他試試其他球類, 跑步, 健體等等呢? 康文署和坊間應有不少課程可選擇的.

回應你的問題. 把16歲孩子獨留在家, 家長不會犯法的. 父母有活動會照去. 沒有活動便留在家, 如果孩子已成年, 個人不會特別選擇因為要陪孩子而不外出的.

samsam123321

看來樓主要找專業人士幫忙。否則會好有問題。

stanleypyk

samsam123321 發表於 16-9-18 11:07
看來樓主要找專業人士幫忙。否則會好有問題。

社工找過了，也建議用現時的方法有限度提供電玩，一方面保持相處的關係，但他的社交人際關係，對將來是否有計劃打算，要待他開竅才會有改善，以前上過社工的一些沉溺電玩問題課程，和其他父母比較已不算嚴重！

stanleypyk

每次我兒子打機輸了，都是用粗言穢語辱罵天父，埋怨是上帝整他令他輸，雖然我們全家没有宗教信仰，但聽他說這些說話也認為不洽當，勸他停口也没用，問他点解要將責任歸疚於上帝，他說上帝太過自大，說自己是全能，我也不知怎回應了。你們知不知是什麽心態呢？你們的子女打机輸了有什麽反應呢？