2010~2011 小一家長請進!

小鄧

唔該晒君媽, 即係要表演的就要參加埋綵排, 唔要表演的就到時出席睇表演拍手掌呢, 咁就等通告啦。
合格唔洗補課, 太好了。小朋友一年級, 都係錯d唔小心野多, 唔小心題目都可以加埋錯成10分, 打9折, 再加d真係唔識, 又10分, 所以8折冇走雞, 我來年目標係, 盡量將d唔小心題目減到扣最少分。中文好多課外野, 範圍都好大, 頭都跟住大呢, 有溫下書, 合格都冇問題, 想高分就...。

aquarius828

小鄧:

今日派咗中/英/數了! 仔仔d分數同上學期比較, 低了一些! 唔知我係咪要降低一點要求呢?!

aquarius828

君媽:

出於好奇心, 想問問你知唔知道來年全日制後, 學生會唔會原班升上去, 同埋點分班呢, 之前因有上/下午班, 所以叫上一循/道or下一循道...跟住都會唔會咁叫呢?

君媽

原帖由 aquarius828 於 11-6-9 13:23 發表
君媽:

出於好奇心, 想問問你知唔知道來年全日制後, 學生會唔會原班升上去, 同埋點分班呢, 之前因有上/下午班, 所以叫上一循/道or下一循道...跟住都會唔會咁叫呢? ...

以前學校是在小三和小五時才再編班，今年轉全日制，要再問問才告訴你。
全日制後會改為1A, 1B, 1C, 1D, 2A, 2B......6D.

magiccandy

最近這裡熱鬧了很多，我也要say hi 先。

我個女中文也是經常麻麻地，但她毫無煩惱，也不知什麼是慚愧。考中文前一天我問她明天考什麼，她還亂答"英文"，可見她幾快活。

昨日收到暑期上網練習通告，都打算報名，等暑假她也可keep住做，唔好退步。

loveAM

小鄧：阿仔中英科也是麻麻地，比我預期差，唔知係埋真係卷深呢？一起再努力la！

dEAR mAGIccandy,
我冇參加網上作業，之前有買假期作業，網上真係比較少時間做，我會再自行購買習作，等佢做多d,因為考試真係要寫。

小鄧

LoveAM, Magiccandy,
我仔仔考到第3日就話開始緊張自己d成績, 但係到溫書時間就係zzzzzzz! 同埋問幾時先玩得, 仲有假期幾日晨早5點幾起左身畫畫送俾妹妹, 話係生日禮物, 而妹妹8月先係生日囉, 幅畫又畫得幾好喎, 真係俾佢激死。

我都唔打算買網上暑期練習, 學校都開多左個新既英文練習網頁,做那個便算了, 同意loveAM講, 都係寫多d先得, 我仔仔網上就天下無敵, 一寫就有心無力呢。佢個用戶名同password都同英文百寶箱一樣..., 所以暑假休息下, 俾佢玩下好過, 開學又冇得玩了, 暑假放人。

爸爸仲攪笑, 佢問我點解份通告個標題叫做"拔尖補底"? 同一個練習可以又拔尖又補底, 好神奇。我回應, 即係好似d咩咩補品, 有病醫病, 冇病就強身囉。

loveAM

Dear 小鄧： 個標題真係好強勁，我仲以為係學校暑期課程添，點知睇睇下先發現其中一行寫住"網上":D

magiccandy

小鄧、loveAM:
我最初一見標題就只留意"補底"兩個字，心感不妙，即刻問我個女是不是個個都有收通告，好彩她說人人有份。然後再看清楚原來是網上練習，不是輔導班。

之前我們很少做網上練習(因我不讓她自己用電腦)，反而常做坊間的補充，所以暑假希望她可以有常規地做(她覺得網上做有吸引力)，而且四個主科都包哂，當補下身

君媽

大家不用買暑期作業，學校暑假時有大把功課唔優做，千萬別再暑期作「孽」。

aquarius828

各位早晨丫!

小一網上有學業報告出咗啦, 快d上e-class i-porfilio睇下啦!

君媽:

你女女咁叻, 介唔介意分享下你點樣train個小朋友嘅呢? 等我地學下嘢都好丫嘛!

小鄧

君媽,

我好鍾意你那句︰暑期作「孽」。哈哈! 我係諗住學校30/6派左返來睇睇先, 唔夠先買, 以你所講, 即係可以慳返。Thx!

原帖由 君媽 於 11-6-10 07:50 發表
大家不用買暑期作業，學校暑假時有大把功課唔優做，千萬別再暑期作「孽」。

小鄧

多謝aquarius828報料, 我已經上去睇左, 想問下咩叩總級名次, 係咪即係成個下午班兩班的總名次? 定係自己班的名次?

我睇到好似坐過山車一樣。仔仔有一科排名31, 如果係兩班計, 就叫做中間位, 如果只計自己班, 佢就即係尾3?

另外又有一科排第一, 我又覺得冇咩可能, 以佢既能力冇理由第一。

君媽

原帖由 小鄧 於 11-6-10 09:59 發表
多謝aquarius828報料, 我已經上去睇左, 想問下咩叩總級名次, 係咪即係成個下午班兩班的總名次? 定係自己班的名次?

我睇到好似坐過山車一樣。仔仔有一科排名31, 如果係兩班計, 就叫做中間位, 如果只計自己班, 佢就即 ...

「以級名次顯示」即是兩班加埋計的成績。

君媽

原帖由 aquarius828 於 11-6-10 09:37 發表
各位早晨丫!

小一網上有學業報告出咗啦, 快d上e-class i-porfilio睇下啦!

君媽:

你女女咁叻, 介唔介意分享下你點樣train個小朋友嘅呢? 等我地學下嘢都好丫嘛! ...

我囡囡唔算叻呀!
老實說，我花在囡囡身上的心機和時間都很多，在職媽媽要做到我這樣會很辛苦。
舉例說，一題數學不懂，我最少都介紹兩三種計算方法給她，又畫圖﹑又推算﹑又分件﹑又方程式，讓她明白答案只有一個，但方法卻是千變萬化。
中文詞語，我又會和她比賽以課文內的20個生字，用最少的連接字串成一段有意思的文章。
做了一篇桂林遊記的閱讀理解後，我又會和她用同一手法寫篇九寨溝遊記。
測驗考試我都會出一兩份卷給她做。
為了提升她的閱讀興趣，她看那本書，我便看那本書，然後跟她討論，分享又或改故事結局。
總之每一科的溫習方法都有不同板斧，費盡心思。

hellokitty2002

君媽: 想請教..."以級名次顯示" 一欄.  係唔係每科出個名次都是兩班計?  定係只有總級名次先係兩班一齊計?

原帖由 君媽 於 11-6-10 12:47 發表


「以級名次顯示」即是兩班加埋計的成績。

君媽

原帖由 hellokitty2002 於 11-6-10 13:35 發表
君媽: 想請教..."以級名次顯示" 一欄.  係唔係每科出個名次都是兩班計?  定係只有總級名次先係兩班一齊計?

對!每一科都有全級名次。例如英文考5，英文會話12，數學31，電腦1.......最後一欄便是全級總名次，即6x人考第x。

aquarius828

小鄧:

比d信心你仔仔啦, 第一你都唔信, 快d讚下佢添丫, 佢實開心c呢!

原帖由 小鄧 於 11-6-10 09:59 發表
多謝aquarius828報料, 我已經上去睇左, 想問下咩叩總級名次, 係咪即係成個下午班兩班的總名次? 定係自己班的名次?

我睇到好似坐過山車一樣。仔仔有一科排名31, 如果係兩班計, 就叫做中間位, 如果只計自己班, 佢就即 ...

aquarius828

君媽:

你都真係費盡心思, 我真係諗唔到咁教, e家偷下師先, 哈哈!

係丫, 試食果度呢, 每班只可派一名家長咋, 但抽唔中去試食丫, 真可惜! 你要幫我地揾間最好架記住, 唔該哂丫!

原帖由 君媽 於 11-6-10 13:12 發表


我囡囡唔算叻呀!
老實說，我花在囡囡身上的心機和時間都很多，在職媽媽要做到我這樣會很辛苦。
舉例說，一題數學不懂，我最少都介紹兩三種計算方法給她，又畫圖﹑又推算﹑又分件﹑又方程式，讓她明白答案只有一個，但方法卻是千變萬化 ...

小鄧

aquarius828,
佢第一的科目就係視藝同聖經囉。哈哈。