香港創價幼稚園

KelvinMaMa

我在好奇心之下, 亦打去問學校為什麼突然多了一班(第四組), 老師話因為今年有很多學生報名, 而且學校已經開始第一年改建工程, 有足夠的課室及老師開多一班(上下午), 老師比例仍然是1:10, 地下教員室會改建成遊戲室,今年亦會有新的教學方法, 詳情星期日大家就可以知道, 不過雖然加了第四組, 仍然不能全數招收全部申請者.

我亦多口問建小學的問題, 老師表示也很熱切期待建小學甚至中學, 不過政府還未有合適的土地批出, 學校希望地點仍然是九龍塘區.

閒談中我感受到該老師的熱誠, 使我更加放心小兒在創價就讀.

囡囡媽

KelvinMaMa,

好開心你的小朋友來了上午班，但大家的小朋友又唔係同一組喎! 你早上是不是坐校車呢? 如果係, 會係邊個站上車呢?

囡囡媽

KelvinMaMa

囡囡媽，

８點上車（新港城）！12:30落車．

我亞仔咁活躍，你囡囡遲早都識佢 :

囡囡媽

KelvinMaMa,

我個囡就要第一個上車了，7:35分，遊完車河先返學呀! (無法啦! 亞媽要趕返工呀!)
我個囡都係好活躍呀! 正宗男仔頭一個，而家讀緊的幼兒園，連N2至N4的小朋友都識佢呀!我老公先怕佢第日要常常見家長呀！

Sandy媽

Chityumama：諗落帶埋亞女去家長會又唔多方便，等我同婆婆商量下好好安置佢先

囡囡媽：我地同一組呀 7:35上車都好早wor，咁要幾點訓覺幾點起身？而家開始配合作息未？我亞女而家10:00pm前sleep7-7:30am醒(最近訓少左)，開學8:10am上車都ok，不過覺得夜晚唔夠時間同佢玩   

beloved_annie：你想仔仔入k2，咁係咪06/07打算轉校？你的問題要我地個顧問pulmma詳細解答下

Pulmma

其實帶埋小朋友去家長會唔會唔方便的, 想當年我帶阿囡去她不知多開心, 因為到時會有老師和校工姨姨幫手, 開一間遊戲室比小朋友玩下, 看下cantoon, 老師會講下故事的, 都ok 只怕小朋友怕陌生哭要找媽媽就會左住父母在家長會要注意的事項.

如果小朋友愛和其他小朋友玩的話, 帶埋去都未嘗不可的!

另外轉校問題, 真是很難答呀!!!! 真是很少很少很少同學仔讀讀下走, 實在冇很多學位呀, 而學校非常嚴謹收生數目, 從不發現有多30人/1班呀, 我個囡k2時有個日本同學返日本至有一個新同學加入.  而且我知今年k2己交晒學費 都冇位了, 因為我都有個好朋友的仔仔想插班入k2 由上年申請到今年都冇位呀!!!!!      

pulmma

囡囡媽

beloved_annie 寫道:
各位"創價"媽咪 - 大家好 -

响b-k成日聴到"創價"都係好學校,其實我知好少關於這間學校 - 我都想我的仔仔入讀k2,請大家講多d呢間學校俾我知,例如老師,學校環境,理念,可以去到那間小學或者中學,學費.....

thank you so much for your help.

annie

beloved_annie,
如果你想對創價有所認識及得著，就由這個topic的第一頁開始看啦! 入邊有我們各位媽咪及Pulmma的寶貴意見呀!  


Sandy媽,
我個囡平時都係約十點上床，不過佢鍾意係張床磨一陣先訓呀!不過因為而家仲要返幼兒園而家都係七點就起床了。


Pulmma,
我想問下你的意見呀! 學校而家在k1加多各一班，好似好突然；你看在資源分配及1:10方面是不是可以應付得來呢?（雖然學校方面說絕對無問題）不過在家長方面可能亦有其他看法，所以想問一問下你。

另外，我有個朋友的朋友囡囡都係讀創價，她說創價真係一間好學校，不過她說由K1升上K2的轉變都幾大，因為K1是無任何功課，好輕鬆、好開心，但一上K2就有好多功課要跟。唔知係唔係呢? 　

YIYIKO

Hi 各位媽咪﹕

點解妳地會咁早知要幾點搭校車
嘜唔係14號才編車表嗎

KelvinMaMa

YIYIKO ,

上次買校服個日，已經問過司機代表上落車站的時間，所以已預計要幾點搭校車，除非路線有改變啦！

Pulmma

其實我覺得加班不是學校一時之快的決定, 而且學校的誠信紀錄一向良好, 沒有說過做唔到的事(so far 我個讀o個3年沒有) 既然學校都做了裝修工程, 我想地方方面都ok, 我想你都担心師生比例, 我想話你知其實我個囡k3臨畢業的數個月都見到一些新老師面孔, 但又唔見佢有教書, 都很奇怪, 我想是這個安排原來是k1 加班的原因罷了!

Pulmma

yiyiko,

日前在資優討論區看到你的message, 說你的小朋友的愛嬴的煩惱(是你嗎?) 我有個好方法呀! 不過現在沒有時間詳細告訴你, 遲些教你一式, 好很效的!!!

pulmma

YIYIKO

Hi Pulmma:
妳好！妳說得無錯那個正是我呀
但我仔仔並非什麽資優生，我是入錯發表區啊
我非常非常歡迎妳提供方法   

Imysze

請問各位是否已填好"園生入學前調查表" ?
有沒是未填充的表格, 可scan再send給我?
或by fax?
我那份不小心塗污了.

KelvinMaMa

Imysze,

Call the school and fax you another copy.

chityumama

各位今年入讀K1小朋友的家長:
請問大家會否為自己仔/女打預防水痘針呢?  我正為呢樣事煩惱,係咪打左就唔會出水痘? 大概幾$$ 打一支,要打幾多針呢? 我擔心返學後小朋友較容易互相感染,而家打了好過日後辛苦又返唔到學. 請比D意見.

Pulmma, 你囡囡入學前又或是否已打水痘針架?

KelvinMaMa

cityumama,

我小朋友舊年N1返學前都已經打了, 約$500(唔知有無記錯), 要打就快啦, 唔記得會唔會有反應,不過發燒就一定唔打得.

囡囡媽

chityumama 寫道:
各位今年入讀K1小朋友的家長:
請問大家會否為自己仔/女打預防水痘針呢?  我正為呢樣事煩惱,係咪打左就唔會出水痘? 大概幾$$ 打一支,要打幾多針呢? 我擔心返學後小朋友較容易互相感染,而家打了好過日後辛苦又返唔到學. 請比D意見.

Pulmma, 你囡囡入學前又或是否已打水痘針架?

chityumama,

我個囡讀n1前都已經打左，個個醫生價錢都唔同，不過大約都係450-550之間啦! 打左都有機會感染水痘，不過會無咁辛苦及出少d囉! 有病及唔妥都唔好打，有可能會發燒，不過個個反應都唔同呀!

囡囡媽

各位媽咪：

剛知道掛起1號風球，就立即打去創價問一問8月14日的安排，學校告知如下：

如掛起3號風球，家長日照常;
如掛起8號風球，8月14日取消；上午班改到8月17日晚上7:00，地點相同;
下午班改到8月18日晚上7:00，地點相同。