06年9月入讀蘇淅幼稚園K1既家長, 入唻交流下啦!

十月媽咪

cankan,
check清楚未? 噚日派左第四十三週既表, 話7月2日唔駛返學, 同埋7月6日係生日會!

仲有呀, 提一提大家, 聽朝唔駛返學, 小朋友可以瞓晏少少喇!  

CanKan

十月媽咪：

我尋晚返屋企夜左冇睇手冊，等我今晚返屋企睇真 d，個通告有冇提有頒獎禮呀？

你老公想個女讀蘇小，除左普通話之外，佢仲覺得有咩野好？我當初同亞女報蘇幼，除左因為普通話外，亦因為你直升小一，但當我知道小一只係剩返廿幾人既時候，我就係度諗我當初既諗法係咪唔啱？

cankan

CanKan

joeytcy,

我個女今個暑假都學游水，其實佢都唔係好肯潛個頭落水，不過諗住佢鍾意游水，暑期冇麥好做，亦熱到飛起，咪等佢去玩下囉！其實而家星期六日老公都會同佢落泳池游水，教佢踢下水。

cankan

十月媽咪

cankan,
手冊無話有頒獎禮呀, 其實都唔知今年有冇的, 只係以往有, 所以諗住今年都有咋! so...叫你地留意住手冊有冇通告, 免得到時真係有, 你地又唔知道, 無請到假, 咁又miss左喇! 係咪?!

我老公咪係貪佢傳統囉, 佢想個女讀傳統小學, 傳統中學, 好似佢咁, 佢自己都係傳統小學, 傳統中學, 一樣學有所成嘛! 同埋我老公成日都話, 讀書唔可以無壓力的, 佢自細習慣有壓力, 自細習慣左有挫折, 做得唔好會畀人鬧, 畀人話, 咁將來佢大個, 就可以承受囉, 否則...好似溫室咁長大, 將來畀人話下鬧下都唔得, 到時就弊架喇喎! 最弊我就驚個女未大, 已經搞到心理唔平衡啫!  

TungMother

hi 各位,

我要幫囡囡揾保母車, 請問胡叔叔有無由藍田-蘇浙呢? 架車大唔大呢, 會唔會坐得好迫呢? 有無邊位媽咪有胡叔叔個電話?  唔該pm比我, 等我問吓!

many thanks......
tungmother

CanKan

原文章由 CanKan 於 07-6-25 14:23 發表
十月媽咪：

咦！唔通我睇錯？等我返屋企再睇真 d 先。

cankan

十月媽咪：

原來真係我睇錯左，你既資料係正確既。

cankan

CanKan

轉左個新版面，好辛苦先搵得番依個topic。

cankan

CanKan

十月媽咪 / joeytcy,

我冇收到老師通知，亞女應該冇份攞獎啦！你地有冇收倒通知呀？

cankan

十月媽咪

cankan,
我都收唔到通知, 所以叫左隻佬唔駛請假, 可以慳番!

其實有時真係唔係好明呢間學校搞乜的, 好似呢D頒獎既日子, 點解有獎攞既小朋友就去禮堂接受頒獎, 無獎攞既小朋友就留番響課室開生日會, 我真係唔多明, 點解無獎攞既小朋友唔一齊去埋禮堂, 感受下人地攞獎既喜悅同埋學習下點樣戥人高興嘛! 留番小貓三幾隻響課室開生日會, 有意思咩? 莫名其妙的!

joeytcy

悠悠拿到寶寶獎......... 不過我應該唔會去睇...因岩岩星期六請左假去左海泉灣.....

[ 本文章最後由 joeytcy 於 07-7-4 16:42 編輯 ]

十月媽咪

恭喜悠悠, 賀喜悠悠, 雖然阿女攞唔到獎, 但我都想睇下佢果班邊個攞到! 戥人高興下!

CanKan

原文章由 十月媽咪 於 07-7-4 21:48 發表
恭喜悠悠, 賀喜悠悠, 雖然阿女攞唔到獎, 但我都想睇下佢果班邊個攞到! 戥人高興下!

今日收倒老師通知，話亞女有獎攞，唔係聽得好清楚，好似係進步獎。

麥去參加頒獎禮冇得開生日會既咩？我重以為全部小朋友去哂禮堂，頒獎禮完左之後一齊返課室開生日會添！

cankan

joeytcy

大家繼續努力....加油..

1. 我聽唔清楚姑媽講ger獎係"最隹寶寶"定係"最乖寶寶獎"
2. 另知唔知一班有幾多個獎呀...(阿女同我講佢有獎..但係話個個都有喎...所以我以為係整d獎鼓勵下佢地炸...我d反應重好平淡甘對佢..)

AJmom

I went in this afternoon because of my sons. The teacher told me that there are 10 "Outstanding Student" awards for each class in K1, and 7 awards for each class in N1.  K2 and K3 have different ranking awards.

十月媽咪

原文章由 beryl88318 於 07-7-9 12:30 發表
好開心, 仔仔今天又收到獎 - 模範奬

乜唔係星期五果日已經頒晒d獎喇咩? 點解仲有既?

星期四果朝, 我響禮堂門口睇佢地綵排, 有個k3既肥仔, 接左個獎盃之後, 當個獎盃係啞鈴咁舉, 阿主任見狀, 當住百幾個同學&老師面前, 問個肥仔叫咩名, 邊班, 又話唔想攞個獎就唔好上唻攞, 仲有唔知鬧左d乜, 跟住望向老遠, 叫個肥仔既班主任好好教育佢! 你都咪話, 當時真係睇到我眼都突埋!

原來呢個鬧學生既文化, 係上至主任, 下至老師都係咁, 丫...唔知校長係咪都係咁既呢?

CanKan

原文章由 joeytcy 於 07-7-5 17:11 發表
大家繼續努力....加油..

1. 我聽唔清楚姑媽講ger獎係"最隹寶寶"定係"最乖寶寶獎"
2. 另知唔知一班有幾多個獎呀...(阿女同我講佢有獎..但係話個個都有喎...所以我以為係整d獎鼓勵下佢地炸...我d反應重好平淡 ...

joeytcy,

佢地果班好似有12個小朋友有獎攞，唔係個個有，平均每3個幾人有一個有。

cankan

十月媽咪

cankan,
上次你帶kelly去仁安睇急症果陣, 係咪個個兒科醫生都very good架? 有冇話邊個特別好架? 我姪女而家發緊高燒, 其實都燒左三日架喇, 但都唔退呀, 仲係好慶, 仲要食乜嘔乜呀, 頭先去診所兒科醫生度覆診, 醫生要佢照肺, 驚佢肺炎呀, 我弟婦而家飛緊返屋企, 我媽就打唻問我邊間私家醫院既兒科醫生好d, 我聽你講話仁安幾好, 但有冇得揀醫生架? 唉...而家擔心c我呢個姑媽呀!