大埔道崇真幼稚園家長分享站

Babyruby

跳跳虎 寫道:
Babyruby,
我睇開個醫生話中耳炎係感冒菌走左上去中耳而發炎,關訓係到飲奶有乜關係 意思係唔係訓係到飲,有時會入左中耳,日積月累而發炎

跳跳虎,

唔係! 我想醫生話平時應是問題不大,只是買過保障,但我們做家長的,不知他們何時已感染細菌的(如他們常常睡在飲奶,咁d菌咪好容易走入中耳), 到知道不是太遲嗎? 因為中耳炎真是可大可少,況且如不審慎處理就好容易失聰~~~
但我發覺要ruby坐在飲奶,佢比平時係飲少0左~~

21/11　你會幾點到，會唔會帶埋jerry去

babyruby

傻妺2

LEON,

家長小組十點開始,你可以參加一個鐘??你係學校見到我囡,佢係點架?報下料.嘻嘻,thank you thank you!!!   

跳跳虎

Babyruby 寫道:
[quote]
跳跳虎 寫道:
Babyruby,
我睇開個醫生話中耳炎係感冒菌走左上去中耳而發炎,關訓係到飲奶有乜關係 意思係唔係訓係到飲,有時會入左中耳,日積月累而發炎

跳跳虎,
唔係! 我想醫生話平時應是問題不大,只是買過保障,但我們做家長的,不知他們何時已感染細菌的(如他們常常睡在飲奶,咁d菌咪好容易走入中耳), 到知道不是太遲嗎? 因為中耳炎真是可大可少,況且如不審慎處理就好容易失聰~~~
但我發覺要ruby坐在飲奶,佢比平時係飲少0左~~
21/11　你會幾點到，會唔會帶埋jerry去
babyruby
[/quote]

咁我都要jerry坐係度飲奶,希望佢合作啦!21/11我會準時6:00去到,我會同老公及jerry一同去,剛巧老公放假.

Justine_Ma

我囡囡收左讀上午班，但聽人講下午班多活動及興趣班，但反而下午班少人報讀，點解呢？

fat_hei_ma

請問有沒有往葵芳或青衣的？小朋友返放學乘半個多小時車程辛苦嗎？
完成三年幼稚園大多直升還是到別些小學？有什麽小學可選？
它的雜費多嗎？課程深嗎？功課多嗎？
由於我有以上問題不知應否註冊，請各家長比些意見。
Thanks a lot

phylli

各位家長：

好久沒上網，你們好嗎？呢排天氣反覆，大家保重身體，小女樂頤自從14/11/03生日會後，吃了些薯條及薯片，又無飲足夠的水，加上，睡眠經常不足下，16/11/03終生病了，看過醫生後，自然要吃藥，以前，小女從不難吃藥，現在她反會扭計哭，甚至吐藥(特別是抗生素)。好容易才吃完療程藥，今早03:00發現她發燒了，迫住叫她起床又吃藥，扭足半小時，本人解釋到發火才吃下，一直到08:20，她仍有發燒呀，本叫丈夫和她再看醫生，誰料再查過，又退燒。直至丈夫上班去，工人又致電告之她再發燒，今天無法集中上課，好擔心，眼見她自上崇真後，一天瘦過一天，再加上生病吃藥，簡直不似小女樂頤。(本人key上的上課照片乃1/9/2003，面上還有小許肉)

另外，小女的校褸仍未有呀，唯有內裡穿著其他背心。其他校服也等到14/11/2003才到手，14/11之前，有數天寒，唯穿上街褸、褲，但小女告之校車姨話不可以這樣穿啊。

校車11號，車牌1988的輝叔叔無做啦，轉了另一位司機，起初，常遲十至二十分才到家，後又轉了12號一天，又轉回11號，現在很準到13:45，工人告之大部份小朋友已睡著了   :-x  

phylli

各位：
本人多次和小女談話，了解她為何每天早上也如此扭計，不吃不喝，如果跟住寒冬來到，更不願起床，被迫下起床後，更不願吃喝，便跟她轉下午班，當然，她哭著說不願意啦，好彩班主任、同學仔及本人多次傾談後，情況好轉，本人也不想她再重新適應同學仔，希望她真的可以應付這個冬天。

其實她已比其他小朋友早上床啦(2100)，還是不夠。丈夫詐更稱不如轉校啦，她回答本人一轉校她便不會上學去。丈夫叫她不要上英語樂園，她堅持要上Teacher Jannella教的，唯本人查問班主任如報星期一至四，好讓星期五、六多休息，老師會否因而改變啦，未知，回條也許要等才可以交回。     

winnie_1710

hi  phylli  
你好,我都是好久沒上網,你女女好嗎？小朋友有病家長好辛苦,我女都是病了,又看了好多次醫生又轉醫生現在才好小小.


我女校車1-5都不遲.但星期六,每次都遲了20-25分鐘才到.次次都遲到回校.

wyl

Justine_Ma,

其實上、下午班都有課外活動架！不過下午班好似多半小時課程如：跳舞、唱歌、電腦等。下午班一向都比較少家長報，因為時間運用上沒有上午班好，而且很多家長怕小朋友睡不到午睡會累。

fat_hei_ma,

青衣往崇真其實都幾快，半小時車程小朋友應該可以應付，唔駛擔心。個人覺得崇真是好學校，老師們亦很有愛心。名氣雖不及九龍塘的幼稚園，但小女在此校讀得很開心，亦很喜歡上學。

崇真的幼稚園生是可以直升小學的，但亦同時容許參加派位。而中學則有幾間聯繫中學，且現正興建一所直資英中，會接收崇真小學的學生。

雜費每學期約千多元（已包課本、茶點、美勞用品等），當然校服、書包、課外活動另計。課外活動約$48堂，相當便宜，而且小朋友放學後在學校參加，不用再舟車勞頓，節省不少時間。課程不算深（比起根德園，St.Catherine）但亦不算淺，並非只學英文單字，都有sentence同oral學，一星期有四節英文oral，每節15mins.，另亦有北京老師教普通話。是活動教學的。功課不算多，K1現在每星期有兩次，每次一至兩版，都是簡單的線條練習，5分鐘已可完成。

如果你想小朋友愉快學習，崇真是不錯的選擇，但如果你想他將來入名校，當然是九龍塘的名氣較響。

wyl

phylli,

好耐冇見你上嚟！烔因同樂頤一樣，早上起床總會有些起床氣，要扭一陣計。有一日我同爸爸一齊發火，話如果佢日日都係咁，就以後唔好返學（因為我地知佢好中意返學），自此之後，情況大大改善，佢一想扭計，我就話「你應承過媽咪早上唔扭計架！如果扭計就唔返喇！」咁佢就會好乖。佢一向唔肯食早餐，我都唔迫佢，只要求佢最少食一粒芝士（笑牛牌四方小粒嗰隻）。但佢最近都食多咗嘢，爸爸接佢放學會帶埋飯壼去，佢就食哂一大壼，然後先搭車返屋企瞓晏覺（不過佢最近唔知點解唔肯瞓晏覺）。樂頤九點瞓都仲唔夠瞓 是否佢瞓得唔好，成晚醒？佢有冇瞓晏覺？小朋友病，一定會瘦，不過好番就好快會長番肉，放心啦！

vvmakyy

Hi wyl,

我想問崇真的英文堂是否少了些, "每星期有四節英文oral, 每節15分鐘", 咁其它時間是否用廣東話上堂呢?

vvmakyy

Babyruby

Phylli,

這個天氣真是很容易生病的，其實小朋友病是很難避免的，由其是開學頭半年，我想都不是關於學校的問題，因為他們很少在課室內活動，希望樂頤快d好返，不如你嘗試比d維他命給囡囡吃，起碼有d抵抗力，減低患病的機會嘛~~

21:00就上床睡覺其實都好早，不如你嘗試放學下午時間叫他午睡，因為參加完課外活動回家都很晏了都成5-6個鍾計埋坐校車，我囡囡近來都在校車睡覺，因為在校車回程是是尾站，亦可能吃了藥會累些~~

babyruby

wyl

vvmakyy，

其他時間除了用廣東話上堂外，亦有教英文和唱英文歌，不過就並非由外籍老師教，oral則是由外籍老師教的。

Justine_Ma

wyl:
多謝寶貴意見，因為上次面試講座時校長極力推箭入讀下午班，多半小時學習外，下午班還多了很多興趣活動，如讀上午班，要下午再返學校參加興趣班。
請問這是不是真的，還是誤導，會不會下午班少人報讀校長才這樣說呢？

vvmakyy

wyl,

咁上英文堂時是否全英語對話, 本地老師會否講完英文再翻譯中文再講一次, 或是用廣東話方式來教英文呢? 其實我吾介意本地老師教英文, 只是我希望囡囡有多d機會接觸英文, 好似有一些幼稚園每日都有一半時間接觸英文, 可以不停講同不停聽

vvmakyy

傻妺2

你地聽日幾點到學校?

Babyruby

Justine_Ma 寫道:
wyl:
多謝寶貴意見，因為上次面試講座時校長極力推箭入讀下午班，多半小時學習外，下午班還多了很多興趣活動，如讀上午班，要下午再返學校參加興趣班。
請問這是不是真的，還是誤導，會不會下午班少人報讀校長才這樣說呢？

Justine_Ma,

其實下午班都好架，因為課外活動如讀上午班就要另加收費，而下午班就不用收費

babyruby

wyl

Justine_Ma,

如果你可解決到接送小朋友和午睡的問題，我覺得下午班都幾好，因為人數少D，個別照顧和教授自然亦會多D。如另外參加付款的課外活動，應該是在上課前舉行的，即是早一小時回校。

vvmakyy，

坦白說，我只知道大概，我從來冇在課室內陪小女上過堂，所以我也不太清楚究竟老師是怎樣教的，但未知是否小女在課後有上學校舉辦的English Playgroup，她現在比未上學前說多了英文，如：你問她"What's your name?"佢會話"I'm Anson." 問她"How are you?"佢會答"I'm fine, thank you!" 亦識多了很多英文名詞，我覺得都唔錯囉！

wyl

傻妺，

搞咩你轉咗A/C？用咗傻妺2？

我同爸爸明日都會準時出席

fat_hei_ma

WYL

Thanks, 真是多謝你的意見！
肥妹現在在青衣返N1,放學的車程不足10分鐘都己熟睡，婆婆已心痛死，話俾她知要半小時必鬧到我九彩。
一星期只有4節英文15分鐘好像真的少了些！(對於家中沒有賓賓的我來說)
老實講，我真的有別些心儀小學，但看到你們的小孩上學那麽開心，看了它的綱址便決定報名，最初無想到它收肥妹，可是看完第二個版面得知它收生很濫，加上車程，令我不知如何是好！！！！！而且肥妹老豆此較喜歡現在的幼稚園，因它是一位中文和一位外藉老師，應為對肥妹的英文有幫助，而我對這所幼稚園卻有所保留，所以很頭痛。
不過，今早我們己決定先註冊。
此外，我也同意若時間安排好讀下午也不錯，由於我想自己送肥妹上學然後返工致一定選上午。