旺角基督教服務處雋匯幼兒學校

Twins

fionkwok 寫道:
twins,

係咪仲未好呀? 未好就要睇多次醫生啦! 我地精神上支持你啦! 聽你家姐話尋日有小朋友攪你囡囡條"邊", 佢好唔開心呀! 仲喊呀! 今朝見佢入學校都喊呀! 你尋晚有冇同佢傾吓呀?

唉.....狗咳咁呀, 攪到個人冇咩心機tim, 食藥都食到wing下
wing下.

係呀,係呀, 擒日有個小朋友攪我囡囡兩條"邊"玩, 所以
佢好唔鍾意就喊lor. mud佢今日入學校有喊呀, 會唔會
有陰影呢?

lioxi

Twins:
保重身體呀!!
個燈籠係要5/9-14/9交呀!!15日就太遲啦!
我都好少煲湯ga,邊有fionkwok叻呀!!
我都痴我ma Ｄ湯飲咋!!

zimba

lioxi,
送完返學, 買餸, 返到屋企都差唔多十點la.  3點幾又出門接放學, 真係好趕.

Twins

Zimba,
而家我又唔覺囡囡成日SAY NO喎,
反而覺得佢係屋企冇時停(把口)……

囡囡上堂留唔留心就唔知, 因佢于嬲
古靈精怪, 好似手指公哩首歌咁, 佢就
改左做”嗅腳指”, 一唱到你係邊到呀, 佢
就

fionkwok

Twins,

d咳係好難清架! 一清唔曬好易又起過, 所以好多時睇完西醫又要睇中醫清返個底, 但係我睇開果個又鬼咁多人, 又要去到我媽度, 要我老豆同我排隊等位, 都好煩吓! 今次阿女同埋我既咳, 之後都係煲湯飲咋! 而家又冇聽見阿女咳啦! touch wood la!     

我聽你家姐話係個叫"家家"既整佢喎! 可能係有陰影架! 不過小朋友梗有架啦! 都唔使太緊張既! 不過就要教佢有小朋友整佢就要同老師講囖! 起碼都得個知字嗎! 我女都係咁架, 成日返到屋企, 腳仔呀咁好多時都瘀咗d咁, 可以佢八厭成日整到啦!

waiwaichu2003

Twins,

點解唔請日sick leave抖下呀?
我以前都試過半夜係咁咳,日間就少咳d,個陣時醫生話我係氣管敏感,如果你醫生都係咁講,你就一定一定要介飲"凍"飲同埋可試下攤高小小個枕頭瞓,條氣會"順"d架,"咳"真係幾煩下,如果你再睇醫生,你叫醫生開隻眼瞓d既藥比你,等你有覺好瞓嘛!

仲有呀,如果可以既話,最好下星期一就交個自制燈籠比老師掛la,因為如等到十幾號先交,唔係擺得好多日咋,今年中秋係19號呢!

fionkwok

good morning呀! 各位! 今日咁晏都未有人入來既?

zimba,

收pm 啦!

waiwaichu2003

Good...good...good....morning everyone!!!

fionkwok

早晨呀 waiwaichu2003!

你做好咗個燈籠未呀? 我今日已經交咗啦! 如果明天係你揍仔仔返學就會見到我地既作品啦!

你決定去唔去個家長講坐呀? 我諗都係要去多啦! 尋日放學時, 鄧主任講到好似唔去就唔係幾好咁! 如果唔去仲要書面通知點解咁! 你地會幾時決定呀?

今朝你仔仔係咪入到學校就喊呀? 我女又係咁喎! 佢已經有兩日冇喊架啦! 唔知係咪今朝係門口位老師佢唔識有關呢?

waiwaichu2003

fionkwok,

你今日使唔使早d去學校幫手呀?我同左我家姐講交比你ga喇,唔該晒!
係la,你今朝上到學校,有冇見到我囝囝呀?唔知佢去完廁所仲有冇喊呢? 唉!本來佢入去時都ok,但後尾見我返轉頭放低佢個書包就開始喊la!

twins,
你今天如何呀?尋晚瞓唔瞓到呀?
今朝係樓梯口見到你姐姐同囡囡,傾左幾句,我就奇怪點解佢地唔上去呢?原來你囡囡要趕住去廁所,希望佢趕到去商場個廁所解決la!

lioxi,
今朝我係mtr出口見到你同囝囝呀,不過我趕住返工,所以冇同你打招呼law,唉!但趕離趕去都係遲左2分鐘,明天要早番少少出門口先得la,所以到時可能撞唔到你地lu!嗚..嗚..嗚..

waiwaichu2003

fionkwok,

係la,昨日咁啱我老公有去接阿囝,佢又係聽見主任咁講,唔去好似唔係咁好,所以佢自動獻身話去喎! 今日交埋form lu!

未做呀,等我一間食lunch時買埋條繩同白膠漿,等今晚先整,不過我諗未必趕得到天日交喎!

fionkwok

waiwaichu2003,

今朝去到已經見唔到你仔仔啦! 可能已經入咗課室啦! 睇來, 你仔仔仲叻過我女喎!

咁好呀! 你老公肯自動獻身呀! 點解你唔去呀? 咁我地咪又冇機會傾囖! 你地唔去, 等我又問吓老公去好冇先?

twins,

今日好d未呀? 尋晚有冇睇醫生呢? 醫生點講? 如果真係喉嚨敏感就真係有排睇啦! 因為我之前都係咁! 唔講野就好d, 一講野講得耐或者大聲d, 都咳到好似肺癆咁! 係街d人唔知, 真係嚇死!　　　

fionkwok

lioxi,

點呀? 你老公有冇事呀? 睇咗醫生啦?

waiwaichu2003

fionkwok,

我睇下點先la,我驚兩個一齊去既話,要成九點幾先去接番阿囝,返到屋企又要同佢沖涼同食奶,我驚阿囝要搞到好夜先有得瞓,第二日唔肯起身返學咪幣!!!

zimba

各位午安!

我老公可能要轉工作地點, 本來諗好哂報邊間小學, 而家又要再搵過d資料啦. 今朝成朝都係度搵資料, 九月尾就要交表啦. 你地知唔知旺角區邊d小學好呀?

小朋友真係反反覆覆, 我細仔今朝都喊, 要老師抱佢入去, 不過後來搵唔到我, 只見爸爸同佢揮手, 佢就唔喊.

fionkwok,
check pm pls.

waiwaichu2003

zimba,

你係旺角邊個區先,你check左我地再一齊諗下la,不過你可以去問下小學雜談入面d媽咪,我見下面lee間好似幾好喎!

大角咀天主教小學(海帆道)

fionkwok

zimba,

係呀! 你老公成日要轉工作地點架? 咁你係咪又要搬呀? sorry! 八卦咗d啦!
旺角區! 係邊個net先? 有個姨姨同我講 "大角咀天主教(海帆道)小學" 幾好喎! 佢個女係果度讀緊! 個校長好關心d小朋友, 佢今年5年班, 放暑假都親自返學校幫d小朋友補習呀咁! 可以考慮吓呀!
你細仔有哥哥陪都喊? 點解呀? 佢未著校服之前係咪唔使喊架? 我仲諗住佢返咗咁耐暫實冇問題!

仲有, 收pm啦!

zimba

waiwaichu2003,

謝謝你呀!
本來5,6月時可以through學校去參觀小學，但我嗰時諗住唔報呢區, 所以無去. 我會留意下小學雜談la.
我想睇下net31,32, 你地識唔識呢度d小學呀? 我想搵d中上, 但唔會好谷既學校.

fionkwok

zimba,

係咪 net "32" 呀?
如果係我都係覺得 "大角咀天主教"好d啦! 因為早前係小學雜談見到 "協和小學" 都係麻麻地咁! d老師唔係咁好囖! 雖然係咁, 但係 "協和" 都好多人揀架!

fionkwok

zimba,

如果係 net "31" 我就會清楚d啦! 因為我係呢個net架!
我個人覺得:
"循道" --- 因為有中學直升, 程度唔會太高, 都ok咁
"廣東道官立" --- 有聯繫中學, 好似伊利沙伯, 何文田官立中學咁
" 油天"  --- 唔使講啦! 但個人覺得好難入! 同埋d課程好似好深吓! 我女唔夠分所以第日都未必會揀!

希望幫到你啦!